شجرة عائلة الكاشف....

1- الكاشف الكبير اتى من تركيا من منطقة تشار تشمبل ( الخمسة الشهداءاو العظماء) مقاطعة سامسون على البحر الاسود المعلومة دى جبها ولدى لما سافر يدور على اصل العائلة واستضافه هناك امام مسجد ازمير الكلام ده فى اوائل الثمنينيات وبمساعدة الامام ده وعدد اخر من ائمة اسطنبول راحو الى العثمنلية (ده المكان الى محفوظة فيه اسماء الاتراك فى كل انحاء الخلافة) والموظفين هناك قالولهم ان كشاف مصر من تشار تشمبل سامسون و مقلوش اى اسم بس الكلام ده شفهى ممنوع يطلع بيه ورق لانهم خيفين من طلبات الجنسية والورث والكلام ده ياريت لو حد يعرف يكمل على الخطوة دى ويجيب الاسماء يبقه عمل انجاز كويس المهم بابا بعد كده طلع على المنطقه دى وهى بلد ريفى ومشهورة بتجارة التبغ والجلود و الاسماك وسكنها قوقازين (القوقاز دول حكاية لوحدهم محتاجين تعملو سرش عليهم وتقرو لانهم متأسمين بعد كده لابخاز وشركس واباظيه وغيرهم كتير المهم انهم اغلب دول اسيا الوسطى وكانو كل الوقت مشتركين فى حروب الخلافة العثمانية ضد الامبراطورية الروسية وبعد كده فضلم يحربو لوحدهم روسيا الشيوعية بعد الثورة البلشفية واتعرضو لاضهاد واسع وعمليات ممنهجة لطمس الهوية ومحو العرق ابقو ابحثو عن الموضوع ده) دى الاضافة الى ممكن اضفها على الوثيقة بالنسبة للاصل قبل ارتحاله الى مصر اما عن نسبه المكتوب فى الوثيقه فمعنديش بيه اى معلومة مؤكده الاصل الوحيد زى ما كان جدى رحمه الله ذكره لى وانا صغير ان كان فيه خريطه بأسماء الكشاف الى حكمين القطر محفوظة فى المتحف الحربى الى جنب قلعة صلاح الدين امكن عشان كده هو مكنش مهتم بتصويرها عموما المتحف الحربى اتحرق والحريق اتى على جزء كبير من المحتويات لكن بعد التجديد والافتتاح انا رحت وملقتش الخريطة دى معنديش فكره هل هى فى المخازن او حطوها بعد كده فى جناح تانى او اتحرقت ( مكنها للى شفوها ومخدوش بالهم وانته طالع السلم الرئيسى على اليمين فى الكتف دى معلومات عن مكنها من والدى) الله اعلم المهم فيه طلبين للى يعرفو يعملوهم علشان تأكيد المعلومات واستكملهم
أ- استخراج اسماء الكشاف من العثمنليه فى اسطنبول
ب- معرفة مكان خريطة الكشاف الى كانت محفوظة فى المتحف الحربى وتصويرها ان امكن
2- بقية المعلومات الى عندى ممكن تكون عن الفرع الى يخصنا لكن هذكرها للربط داود الكاشف كان كاشف الصعيد كله وكان مقر حكمه المنيا لانها كانت عاصمة الصعيد وكان الصعيد من المنيا لحد حدود اسوان واخوه كان كاشف وجه بحرى وكان مقر حكمه فى دمنهور ومقبرته فى دمنهور يمين سكة حديد دمنهور وكان له تمثال عند محطة سكة حديد دمنهور القديمة ( كل الكلام ده مروى الجد المولود عام 1920) جدى كان بيلعب عند التمثال ده وهو صغير فى زيارات العائلة هناك اما عن كاشف الصعيد فمقبرته فى المنيا غرب البحر حاليا المنيا الجديدة ومساحة المقبرة كانت 5 فدان وكانت مقسمه لكل عائلة الكاشف وعبيدهم وجواريهم وخدامهم و لكل مكانه وكانت مسورة بسور مكسو رخام وارضها كانت تغطى سنويا بالحناء وكان يصرف عليها من وقف خاص فى اراضى المنيا وقد كانت اخر زيارة لجدى رحمه الله الى هناك عام 1948 وكان الوقف والمقابر فى رعاية الاخت الكبرى فى المنيا السيدة بهية زوجة محمود المصرى من اعيان المنيا اما ماذا حدث هناك بعد هذه الزيارة الاخيرة فالله اعلم به اما عن ابنه عبد الحافظ فقد عين حاكم المنيا ولا توجد معلومات اخرى عندى عنه وابنه صبحى عمل فى البوليس المصرى وتدرج حتى اصبح مأمور ( وتوجد حادثة ولكن غير مؤكدة يرجا التأكد منها لمن له القدرة على ذلك حيث ان صبحى هو الظابط الذى استعاد المحمل المصرى عندما سرق واخرجه من خلف حائط بنى عليه من قبل سارقينه فى حى الضاهر فى القاهرة )وطلباتى من الاخوة كشاف المنيا ودمنهور بامددنا بالمعلومات التاريخية الاخرى والوضع الحالى لما ذكرته هنا من اماكن ومعلومات
3- ومن الممكن ان نبدأ فى سؤال كبار العائلة لرسم شجرة عائلة لكل كاشف مننا ثم بعد ذلك نحاول تجميعها وربطها فى سلسلة موحدة لتخرج شجرة العائلة الموحدة وليذكر كل مننا القصص التى يعرفها عن جدوده حتى اذا لم تكن مؤكدة لعل تأكيدها عند احدنا ومثال على ذلك سأذكر لكم قصة حكاهارجل من العائله رحمه الله كان سليمان الكاشف رجل معتز بنفسه جدا وحدثة بينه وبين الخديو غضبة شديدة وعلى اثرها طلبه الخديوى فلم يعره انتباها ورحل فى ذهبيته( سفينته) الى مقر حكمه فى الصعيد ولم يستطع الخديوى ان يناله او يقلل من شأنه او ماله حتى توفى وفى النهاية سأعيد انا ايضا السؤال والبحث لعلى اجد شئ جديدا اضيفه لكم واتمنى منكم فعل المثل وسعيد بمعرفتكم كلكم عائلتى الكبيره

وافتخر وليا جزيل الشرف اني اكون من هذه العائله

شكرا لكم اللي بقولها يابنت عمي قطر الندي وهي اكيد ادام من عيلتي يبقي بنت عمي
والمدير احمد فهمي وبردوا اكيد كلنا ولاد عم لاننا عائله واحده واتشرف جدا بمعرفتكوا

وكمان بشكر قطر الندي انها عرفتنا علي المنتدي الهائل ده
وان شاء الله اختي هتعمل اكاونت ليها قريب علي هذا المنتدي
وان شاء الله ربنا بيديم مابينا المحبه والاخويه والاحترام

الله ينور عليك يااحمد علي الشجره الجميله دي
وانا كمان بفتخرجدا اني من عائلة الكاشف

واكيد ياعبد الله كل الكشاف ولاد عم واخوات باذن الله

وان شاء الله امل اختك تنور المنتدي بس ربنا يوفقها يارب وتخلص امتحانتها علي خير وتحقق كل اللي بتحلم بيه يارب

وبارك الله فيك يااحمد فهمي كمان مره علي الشجره الجميله دي بجد روووووووعه

ورنورتوا الموضوع وعيلة الكاشف كلها

اتبسط كتير لما شوفت شجرة العيله بجد كل الفخر انو انا من عيلة الكاشف مشكورين على التفصيل المتميز لشجره العيله مشكور احمد على الطرح تحياتى ليكم جميعا يا كشااف يلاا الكشاف اللى هنا زادو واحده

انا ايضا من اسرة الكاشف التركي
والدتي تسمي امتثال عبد العزيز ادريس حسن كاشف وحسن كاشف شقيق لحسين كاشق وعمر وداؤد وكان يعمل جدي عبد العزيز ادريس حسن كاشق بمصر بحلوان ..
وحتي معاش الوالدة ما زالت ناني اليها من مصر ..
وام والدي ايضا من اصول تركية وتدعي ملكة ادريس حسن كاشف .. وسمعنا من جدتي التي ما زالت عائشة وموجودة بالخرطوم وتدعي فاطمة ادريس حسن كاشف باننا لنا اهل بجنوب مصر .. ولي عم غائب منذ الستينات وسمعنا بانه في مصر ويدعي محمد عبدون ..
وسبق لخالي ان زار العائلة في تركيا في ازمير ,,
ونحن من شمال السودان ويقال بان جدي التركي كان حاكم

» شجرة عائلة الكاشف
» عجائب الرقم 11 ( رمز وشعار عائلة الكاشف )
» اهلاُ وسهلاُبعبدالله الكاشف
» تاريخ عائلة الفواخرية
» فهمى الكاشف يكتب: أنت أهلاوى ولا برادعاوى؟