انا اللي عشت ايامـــــــــــي...

انا اللى عشت أيامى أبنى حياتى لغيرى

فى حبى مخلص دايما براعى فيها ضميرى

وفى النهايه ييجى اللى يسرق منى طيرى

العيب مش فيها ياقلب العيب عليك

وبصراحه كتر الف خيرى

..........


دى بتتلخبط فى اسمى

انا بدر الزمان يااللى كنتى بتقولى عشقانى

جايز تتشابه حروفى لكن تختلف المعانى

انا اللى وهبت روحى وعشانك داريت زمانى

حبى عايش فيكى ولا غيرى واخد مكانى

......

انا اللى عايش بين الناس زى الجبل عالى

وعشانك كنت بطول النجوم تنورللك ليالى

وانا اللى ف تعبك كنت بتعب

مش حالك هوا حالى

.......


انا اللى مسحت دمعتك وكأن انا ماليش دموع

كنت بقول ماهى فرحتك هتنور لياا الشموع

حرمت نفسى من انى اعيش قبل ماتعيشى

مش روحى هى روحك بتعيش ف نفس الضلوع

.......



ياناس دللونى هوا الزمان اتغير ولا انا فيا عيوب

الحب مابقاش موجود ولا أتغير بس الأسلوب

توفى وتخلص وتفدى بروحك تعيش مسلوب

لكن تخون وتكدب تكسب احسن قلوب

.........

لا ياقلبى احنا زى ماحنا مهما يقول علينا

هاعيش مخلص ليها لحد ماقلبها يرمينا

خلى العيبه منها احسن ماتطلع فينا

مش انتا اللى اخترت الحب شوف فين مودينا......