اللي اسمه ايه

قبـل مــا ابــــدي وأقول كلامــي اللـي ما اعــــرف اسمـه إيـــــه

شعر ولا نثــر ولا حتـــى مـــــا اعــــــــرف قايلــــــــه ليـــــــــه

حـــــــــب فـي التأليــــــف غوانــي ولا قلمــــــي خــــــــد عليــه

قبل ما احكي في كلامـي عـــــن جنـــــاب اللي اسمــــــــه إيـه

عايـــــز أوضــــح إن كــــــل كـــلامــــي عمــره مـا كان عليه

عايز أصرح إني برضه مانيش فـي صـــف اللي اسمــــه إيـــه

اللي باع نفسه بسكوتـه وخلــــــى صوتــــــــه سيـــف عليــــه

كـــــل كلمــــه راح أقولها راح تكـــون من اللـي اسمــه إيــــه

أصلــي مابعرفــــش أزوق الكلام اللي مــــا حســش قلبي بيه

وعمـــري ما حــاولت إني أجامل لــــو حتـى عمـــده ولا بيــه

مش هاممني أي حاجه وإن شا لله أخش اللــي اسمـــه إيــــه

أصــــل عـادي مـــــش هاتفـرق حبسه جوه اللي اسمــه إيــه

عايــــــز أوصـــل أي حاجـــه مــــن الكـــلام اللي اسمـــه إيه

الكلام اللي انحشر بين الغلابه فـي الحـواري واللي اسمه إيه

الزقـــاق اللــــي ملاهـــم بالبـــلاوي يــــــــا اسمـــك إيـــــــه

عايز أقول لجناب سعادتــــــك إن خلــــــق اللي اسمـه إيــــه

ضـــــــاق خـلاص مــش راح يصـــدق أي وعـد تقـول عليه

وان صبر الاسمه إيه راح يدمر كــل شيء قـــدام عنيـــــــه

لـــــو صحيـــح انــك بتنســى أو بتخلف أي وعد تقوله ليـه

نفســـي لــــو تنــــــزل تقابل شــــاب مــــش لاقي الجنيـــه

نفسي تسمع أو تشوف أسره صابها اللــــي اسمــه إيــــــه

نفسي برضه الناس تصحصح وتدي صوتها اللي اسمه إيه

اللي يقدر يبني ليهم جنــــه مـــــن غيــــــــر اسمـــــه إيه

ويبقى كله زي بعضه حتـــى برضــه فـــي اللي اسمــه إيه