happy easter ربنا يرحمنا يارب

مشرف عدد الرسائل : 3051 تاريخ التسجيل : 01/11/2009

هابى إستر وعيد فصح مجيد وشم نسيم رائع

والحياة بقت هييييصة

فى أيه يا نااااس؟؟!!!.. هى حياتنا هنقضيها كلها أعياد

فرفوش: وما لو يا سيدى ما تخلينا نفرفش شوية.. ما أنت شايف.. الحياة باقيت عاملة أزاى

وفيها أيه يعنى نسلوق لنا كام بيضة ونلونهم ونفرح العيال
ولا نجبلنا رنجيتين على فسيختين و بصل بقا وليمون.. ونديييها
أيه المشلكةبقا قولى فى ده...أيه أجرمنا ولا أجرمنا ولا يمكن أجرمنا

ياسيدى بس ما تتعصبش أحنا قولنا ما تفرحش
أفرح زى مااااا أنت عايز بس من غير ما تغضب ربنا

فرفوش: أااااغضب ربنا هو عشان لونا البيض يبقى كده باااغضب ربنا

فرفوش : ياشييييخ يا شييييخ ربنا رب قلووووب.. بطلوا بقا التزمت الى أنتم فيه ده
تعبتونا وحرمتوا الدنيا عالينا

أهدى بس يا سيدى و أسمعنى المرة دى.. ولو ما عجبكش كلامى يبقى ليك الكلام

أحنا يا فرفوش مسلمين عارف يعنى ايه مسلمين يعنى مستسلمين لأحكام الله عالينا وراضين بيها

ربنا عايز لنا كل خير عندك شك فى ده؟؟

فرفوش: لأ طبعاً

جميل أوى يبقى أتفقنا لغاية هنا ...أسمع بقا يا سيدى ومن غييير ما تتعصب

الأعياد في الإسلام تلاتة وهي
عيد الفطر وعيد الاضحى وعيد تالت يتكرر في كل أسبوع مرة، وهو يوم الجمعة، ومافيش في الإسلام غير الأعياد دى

ترجع تسمية عيد النسيم لكلمة الفرعونية أسمها «شمو» ويرمز بها عند قدماء المصريين إلى بعث الحياة، وكانوا معتقدين أن اليوم ده هو أول الزمان، وفيه بدأ خلق العالم، وبعد كده ضافوا كلمة «النسيم» لارتباط اليوم ده باعتدال الجو، لان فى الوقت ده بداية الربيع عندهم
،
و الاحتفال بالربيع كان معروف عند الأمم القديمة من الفراعنة والبابليين والأشوريين، وبردو عند الرومان، وكانت له أسماء مختلفة عندهم فهو عند الفراعنة عيد شم النسيم، وعند البابليين والأشوريين عيد ذبح الخروف، وعند اليهود عيد الفصح، وعند الرومان عيد القمر

فرفوش :طب ايه علاقة شم النسيم يا سيدى بعيد الفصح؟؟؟
تعجبنى يا فرفوش وأنت مفرفش معايا..أقولك أنا أيه العلاقة بص يا سيدى

بأخد بنى إسرائيل عيد شم النسيم من الفراعنة لما خرجوا من مصر، وفى الوقت ده تزامن يوم خروجهم مع ميعاد احتفال الفراعنة

فرفوش :طب يعنى أيه فصح؟؟
الفُصح كلمة عبرية معناها «الخروج» أو «العبور»، و اعتبروا اليوم ده ألى هو يوم بدء الخلق عند الفراعنة بداية لسنتهم الدينية العبرية متبركين بنجاتهم، وبداية حياتهم الجديدة

فرفوش : طب أيه علاقة شم النسيم بعيد القيامة المسيحى؟؟؟

لما ظهرت المسيحية في الشام احتفل النصارى بعيد الفصح زى ما كان بيحتفل اليهود، وبعد كده تآمر اليهود على صلب المسيح وكان اليوم ده الجمعة من إبريل سنة المجتمع ، ألى بيجى ورا عيد عيد الفصح على طول، فاعتقد المسيحيون أن المسيح أتصلب في اليوم ده، وأنه قام من بين الأموات بعد الصلب في يوم الأحد التالي، فقرر بعض المسيحية أنهم يحتفلوا بذكرى الصلب في يوم الفصح
،
وفى طوائف تانية قرروا يحتفلوا باليوم ألى قام فيه المسيح من بين الأموات، وهو عيد القيامة، يوم الأحد ألى بيجى ورا عيد الفصح على طول، ،
وبعد كده أتفقوا النصارى على الاحتفال بعيد القيامة( الأحد ) ألى بيكون فيه القمر بدر، وبعد التاريخ ده أطلقوا عليه اسم عيد الفصح المسيحي علشان يميزوا عن عيد الفُصح اليهودي

وفى الآخر كلها أعياد مش بتاعتنا وأحنا حشرنا نفسنا فيها

فرفوش: يااااه ده أنا كنت مغفل بشكلللل
طب والفسيخ قصتة أيه ماقولتليش عليه.. والبيض أصل العيال بتحبه اوى
أقولك ياسيدى بص

بيض شم النسيم : البيض الملون كان مظهر من مظاهر عيد شم النسيم، ومختلف أعياد الفصح والربيع في العالم كله، وترجع فكرة صبغ البيض باللون الأحمر عند النصارى إلى لأنه بيفكرهم في بدم المسيح عليه السلام ألى سفكه اليهود، من وجهة نظرهم وده طبعاً أعتقاد باطل ومناقض للقرآن الكريم

فرفوش: طب والفسيخ ما تقوليش بقا ما ينفعش أصلى بحبه أوى

والفسيخ بأه يا سيدى ركز معايا هنا علشان الحتة دى تهمك هو السمك المملح و كان الفراعنة وقتها بيقدسوا النيل، ويعتبروه نهر الحياة وكانوا معتقدين أن الحياة في الأرض بدأت في الماء ويعبر عنها بالسمك الى بتحمله مياه النيل

أما البصل بأه
فرفوش: ها قول قول بس بسرعة لحسن أنا جعت

والبصل: كان القدماء المصريون معتقدين أنه يطرد الأرواح الشريرة فكانوا فى الوقت ده من السنة بيعلقوا على باب بيوتهم

أما خس شم النسيم بأه: فكان الفراعنة معتقدين فيه أنه من النباتات التي بتعلن عن بداية الربيع باكتمال نموها ونضجها، و كان عندهم من النباتات المقدسة الخاصة بإله التناسل

حمص شم النسيم(الملانة)و هي ثمرة الحمص الأخضر، وكان الفراعنة اول ما ينضج الحمص نيعتبروه إعلان عن ميلاد الربيع،

فرفوش :يعنى هناكل الفسيخ ولا لأ ؟؟طمنى أبوس أيدك

كل يا سيدى فسيخ براحتك وأديها بس...غير اليوم لازم نخالف أهل الأديان
الأخرى فى أيام أحتفالتهم زى ما الرسول قال

الله الله عليكي ياساره
موضوع رووووووووعه
بارك الله فيكي وربنا يجعله في ميزان حسناتك

موضوع رائع ياسارة
وفعلا الاعياد عندنا كترت اوى
يقولك دلوقتى عيد شم النسيم
وعيد المرأة وعيد الشرطة
وعيد الشباب و...و,,,,,,,,,,و....
وكل ده ع ننسى دينا وننسا الرسالة اللى المفروض
ناديها واللى خلقنا عشانها

يارب اهدنا واغفر لنا وارحمنا
انك انت الغفور الرحيم

جزاك الله خيرا ساره .. معلومات قيمه وانا اول مره اعرفها
مشكووووووووره

مشرف عدد الرسائل : 3051 تاريخ التسجيل : 01/11/2009

جنا كتب:: الله الله عليكي ياساره
موضوع رووووووووعه
بارك الله فيكي وربنا يجعله في ميزان حسناتك

بجد الله على مرورك يا جنا اللى بينورنى كتيييير
وليا الشرف انك تكونى اول واحدة رديتى عل موضوعى
وبارك فيكى يارب تسلميلى عالمرور والرد

مشرف عدد الرسائل : 3051 تاريخ التسجيل : 01/11/2009

احمد الخليلى كتب:: موضوع رائع ياسارة
وفعلا الاعياد عندنا كترت اوى
يقولك دلوقتى عيد شم النسيم
وعيد المرأة وعيد الشرطة
وعيد الشباب و...و,,,,,,,,,,و....
وكل ده ع ننسى دينا وننسا الرسالة اللى المفروض
ناديها واللى خلقنا عشانها

يارب اهدنا واغفر لنا وارحمنا
انك انت الغفور الرحيم

اميييييين ياااااااااارب
وفعلا الاعياد كترت اوى لدرجة ان الناس نسيت سبب وجودها اية ؟
جزاك الله كل خير يا خليلى عالمرو

مشرف عدد الرسائل : 3051 تاريخ التسجيل : 01/11/2009

hassan كتب:: جزاك الله خيرا ساره .. معلومات قيمه وانا اول مره اعرفها
مشكووووووووره

انت المشكور حسن عالمرور
جزانا واياك كل خير
نورت التوبيك والحمد لله انة عجبك

موضوع رائع ساره جزاكى الله
خيراوجعله فىميزان حسناتك

معلش يجماعة ردي متأخر بس انا عاوز اقول
ان لسنة دي اتعمت حملة كبيره على موضوع شم البرسيم
قصدي النسيم وانا لاحظت انه السنه دي الناس اللى
نزلت فى اليوم ده أقل من كل سنة وده بشرى صاره
وعلى العموم الناس بدأت تحس انه فى اليوم ده بيحصل كوارث كتير
لازم حد يموت او تحصله مصيبة وخلاف ممكن الوعى الديني بدأ يزيد لدى
الناس وعلى العموم احنا كأصدقاء مع بعض ومن اول متجمعنا
فى اليوم ده بالذات منتقابلش احياناً كنا بننزل بجانب الترفيه عن النفس
مش أكتر وان الاعمال بالنيات " ابدأ بنفسك اولاً "

» ربنا بيحبك يا محسن
» انتا ربنا بيحبك.......؟
» دعاء الامتحان علشان ربنا يكرمنااااااااااااااااااااااااااااااااااااااااااااااااا لازم تشوفوووووووووووووووة
» حوار بين الجد والحفيده بعد 2050سنه .....ربنا يستر....
» لا تقل يا ساتر يارب

*happy easter* ربنا يرحمنا يارب

happy easter ربنا يرحمنا يارب