..ياترى اللى بتزعل علية يستاهل زعلك ولا محدش يستاهل..ادخل وقول رايك

مشرف عدد الرسائل : 3051 تاريخ التسجيل : 01/11/2009

هل اللى بتزعل علية يستاهل زعلك ولا محدش يستاهل!!!!

كتير اوى بنزعل ونحزن وممكن نعيط ونشيل فى قلبنا او نفضفض او نبوح لحد

والسبب اننا زعلنا على حد او على حاجة بس عمرك فكرت ان اللى انتا زعلت علية يستحق زعلك

عمرك فكرت ان اللى مزعلك واللى انتا حزنان علية وقلبك واجعك عشانة

ممكن يكون هو فرحان وبيهيس ومش همو اى حاجة من دية خالص ولا يهمة انك تعبان عشانة

وانك ممكن تكون بتعيط ودموعك نازلة علشانة تفتكر هو بيعمل اية دلوقتى(فى الوقت اللى انتا زعلان فية) فرحان - زعلان - بيعيط عشانك

اولا انا اعتقد ان مش كل الناس ذى بعضها يعنى هتلاقى اللى زعلان وهتلاقى اللى فرحان عشان زعلك وهتلاقى اللى الامر مايهموش ولا يفيدة بشىء

تفتكر بقى دلوقتى ان فى حاجة تستاهل انك تزعل عشانها وتضايق نفسك علشانها

حتى لو الطرف التانى زعلان ماتزعلش انتا لأنة لو كان باقى عليك ماكنش زعلك من الاول

*******وهديكوا مثال وطبقوه على نفسكوا*******

لو مثلا ليك حبيب او حبيبة وجية فى يوم سابك بدون اي مقدمات ولا اسباب من غير ما يقول حتي جود باي

او جه قالك احنا ماننفعش لبعض وانة مش متصور انكوا اكتر من الاخوات

لأ وبعد ماعيشك حب خيالى ورسمتوا قصور فى العلالى وعيشتوا احلى مافى اللياليى وياما سمعك شعر واغانى

هتعمل ايه بقي ؟؟؟؟؟؟؟؟؟؟؟

اكيد هتزعل

بس المفروض انك ماتزعلش اوى او لفترة طويلة ( بس اكيد هتزعل دة لو كنت بتحبة اصلا)

لكن المفروض انك تكمل حياتك

ولا هو اللى بيحيك ولا بيموتك واذا كان هو مش باقى عليك ولا على الحب اللى كان بينكوا انتا تزعل علية لية بصراحة ومن الاخر مايستهلش اى دمعة حزن منك

ولا حتى انك تفكر فى الزعل عشان خاطرة

السؤال بقي دلوقتي يا شباب ويا بنات

تفتكروا اللي بنزعل عليه يستحق زعلك ولا ما يستهلش؟؟؟؟؟؟؟؟؟
يلا مستنية مشاركتكم

اولا انا بشكرك يا سارة ع طرحك للموضوع ده
بجد موضوع بيقابلنا كل يوم
وكل ساعة
بس انا من رائ ان الواحد ميزعلش وميبكيش الا على اللى يستاهل الدمعة اللى هتنزل منى
وكمان مفيش حد يستاهل الدمعة دى ع لو فى حد يستاهلها مكنش حد زعلنى
بس الواحد لما بينجرح المفروض فعلا ميزعلش من الشخص نفسه لانه فعلا ميستاهلش اى حاجة
بس الواحد بيبكى ع نفسه بتصعب عليه وكمان يمكن ع بيكتشف ان الدنيا دى كلها ناس قلبها اسود
ويمكن كمان ع بيكتشف انو كان غلط او اتخدع وده ممكن اللى الواحد يبكى عليه
اما غير كده لا يستحق دمعة واحدة

فعلا فى ناس كده مش بيهمها زعلك ولا مشاعرك ولا حتى بيهمها دموعك بس للاسف الحاجات ده بتتعرف فى المواقف ساعتها بس تعرفى اذا كان بيخاف عليكو ودموعك غاليه عنده بتلاقيه جنبك ومعاكى لاكن اللى مش بتفرق معاهم وتلاقيه حرق دمك وخلاص وهو ولا على باله عايش حياته وانتى مدايقه نفسك وهو مش حاسس بجد يبقى حد غريب
واااااااااااااه ياساره بجد صعب اوى لما يجى حد يقولك احنا اخوات واحنا ماينفعش لبعض من غير مقدمات بجد صدمه جااااااامده ممكن نموت فيها لو كنا بنحب بجد بس عارفه ساعتها خساره الزعل عليه عارفه ليه لانه مقدرش اللى معاه وهو الخسران بس الدموع وقتها بتكون على الاوقات اللى قضناها وكل لحظه كنا مصدقنها معاه بس فعلا مايستهلش.........
بجد موضوع حلو اوى ياسااااااااااااره
مشكوووووووره وسورى ع الاطاله بس موضوعك شدنى

مشرف عدد الرسائل : 3051 تاريخ التسجيل : 01/11/2009

بجد فعلا معاك حق يا خليلى ودة اللى كنت عايزة اوصلو
انة فعلا الواحد بتصعب علية نفسة انة بيتعامل مع الناس بطيبة وبينخدع فيهم
ويمكن تكون سبب حزننا ودموعنا مش عليهم تكون علينا احنا اننا فيوم سبنا نفسنا ليهم
حتى لو كانو اقرب الناس ليك او ناس بتعزهم جداااااا ومكنتش متخيل ان يحصل منهم كدة
جزاك الله كل خير على ردك اللى نور الموضوع

مشرف عدد الرسائل : 3051 تاريخ التسجيل : 01/11/2009

مطولتيش ولا حاجة كيوتى بجد ردك جميل جدا
وفعلا والله ممكن تلاقى ناس جمبك ومكنتش على بالك ويهمها راحتك وانها متشوفكيش كدة
واللى انتى كنتى مديالهم كل الثقة وبتحرقى دمك عشانهم فعلا ميكون على بالهم حاجة
وفعلا الموقف اللى انتى قولتية دة وقتها محدش يستاهل دمعة واحدة علية
بالعكس انتى لو نزلتى دموعك يبقى عشان انتى صعبتى على نفسك ويمكن وقتها الدموع بتريح
الاجمل مرورك كيوتى اللى زاد الموضوع نور
وبجد مبسوطة انة عجبك نورتى

احمد الخليلى كتب:: بجد موضوع بيقابلنا كل يوم
وكل ساعة
بس انا من رائ ان الواحد ميزعلش وميبكيش الا على اللى يستاهل الدمعة اللى هتنزل منى
وكمان مفيش حد يستاهل الدمعة دى ع لو فى حد يستاهلها مكنش حد زعلنى
بس الواحد لما بينجرح المفروض فعلا ميزعلش من الشخص نفسه لانه فعلا ميستاهلش اى حاجة
بس الواحد بيبكى ع نفسه بتصعب عليه وكمان يمكن ع بيكتشف ان الدنيا دى كلها ناس قلبها اسود
ويمكن كمان ع بيكتشف انو كان غلط او اتخدع وده ممكن اللى الواحد يبكى عليه
اما غير كده لا يستحق دمعة واحدة

بجد معنديش كلام بعد كلام احمد
عشانه قال كل اللى حاساه وعايزه اقوله
موضوووووع حلو وقلب كل المواااااااااااااجع
بس الحمدلله ع كل شئ
مشكوووووووووره يا حبي

لو يستاهل
من الاول مكانش زعلني
او
؟؟؟؟؟؟؟..........
من الاول خالص
و بجد موضوع جاااامد
شكرا

مشرف عدد الرسائل : 3051 تاريخ التسجيل : 01/11/2009

انا بقول كدة يا ميرا الحمد لله على كل شى
واسسسسسسسسسفة اوى ع انة قلب المواجع
واسفففففة كمان ع.....هى بجد فظييعة
بس بجد مكنش قصدى انها تجيب كلة
انا بالنسبالى حاجة تانية
وعشان خاطرى شليها اهو عالعلن كمان هههههههههه

عايش فوسطينا معاك حق اكيد
فعلا لو يستاهل مكنش سبب فالزعل من الاول

نورتووو يا جماعة وسووووورى لو كان قلب اى مواجع

السلام عليكم
النسيان الحمد لله نعمه
وانا عن نفسي باخد المواضيع باخويه مش بحساسيه
و نصيحه من اخ انسيييييييييي الاقديم
احنا دلوقتي يعني بكره
الامس انتهي
سلامي للجميع

والله مش عارفة ارد اقول ايه
بس هعتبر انك رديتى بدالى ومحدش يستاهل
مشكووووووووووورة

يعني بجد ما عنديش كلام اقوله

فعلا مايستهلش بجد

بس المشكله الواحد قلبه بيرجع يحن وبيرجع للماضي تاني وبيفتكر الحلوة والمرة

بجد مشكورة لطرحك للموضوع الجميل ده

تحياتي الطيبه

» جامعة سيناء يلا ادخل وقول رايك
» ادخل وادينى رايك.فى العضو.....!!!
» حوش اللى وقع منك ... نـــــداء لكل الأعضاء ( أدخل وحوش اللى وقع منك )
» البخيل يدخل يشوفو بيقولوا علية اية
» محدش فاهمنى.....