جامعة سيناء يلا ادخل وقول رايك

جامعة سيناء

كلمة حق أريد أن أقولها ولكن قبل أن أقولها أحب أن أقول لكم أن كلامي الآتي ماهو إلا كلام من وحي تفكيري ونظرا لصغر سني فاعذروني إن كنت غير ماهرة في كتابتي لأول موضوع لي في هذا المنتدى .
لقد اخترت هذا العنوان لأنها في الحقيقة كلمة حق عزمت علي قولها من كثرة الأقاويل والشائعات التي ضايقتني بصفة شخصية وهي كلمة حق في جامعتي جامعة سيناء نعم جامعة سيناء فكثير من الناس يطلقون عليها جامعة الفوضى أو باللغة العامية (اللي يدخلها يجيب امتياز وهوة مغمض عينييه )وبالرغم من أن هذا الكلام ضايقني في بداية الأمر لكنه أضحكني بعد ذلك فمنذ دخولي الجامعة فما عرفت طعم الراحة ولكن مع كل هذا أنا مستمتعة بدراستي بها وذلك لوجود نخبة من الأساتذة المتميزين والمتخصصين وأنا حقا ارفع لهم القبعة نظرا لمجهود اتهم العظيمة.وفي نهاية قولي أود أن اؤوكد لكم أنها جامعة جادة ومحترمة و ليس للهو واللعب مكان فيها علي الأقل أنا أتحدث عن كليتي (الصيدلة والتصنيع الدوائي)ومعذرة أيها القراء في إطالتي عليكم بالحديث وأرجو الرد منكم وبصراحة مطلقة وأيضا إذا كان هناك أي استفسار فانا في خدمتكم جميعا

دكتوره كلامك هذا من وجهة نظرك ولكل وجهة نظره

جامعه سيناء هى معقل علمى ثقافى تلبى احتياجات الجميع المجتهد والمتكاسل ولكل مقعد ......

اذا كان الكلام عن الفوضويه فهى الى حد ما بعيدا عن المستوى التعليمى وان كان فى الاصل منبعها من المدينه الجمعيه ,,,اما اذا كانت الاشاره الى سهولة التقديرات المرتفع فهى بصوره نسبيه وليست مطلقا ....فكما ذكرتى سلفا انك واحده من طالبات كلية الصيدلة واعتقد ان اسم هذه الكليه جدير ان يحظى طلابها بالقدرة على الاجتهاد والتقديرات المرتفعه ,,,,,,,,,ولكن وعلى النقيض نجد كليات اخرى لا يعرف طلابهم ماهية المناهج واسماؤها ومع هذا يحصلون على اعلى الدرجات ..اذن فهى قضيه نسبيه لا يمكن تشكيلها بشكل مطلق........

جميل ان تحبى جامعتك والاجمل اصرارك على تجميل صورتها فى عقول الاخرين

ولكن لكل منا وجهة نظره من منطلق الشريحه التى شاهدها واثرت فى رسم صوره قد تكون ايجابيه او سلبيه

مجمل القول وخلاصته ان المغزى من ورا الجامعه ما هو الا شهادتها وليس سمعتها والاهم من هذا اقتناعك فى ذات نفسك بمدى قدرة تاثير جامعتك على عقلك ومن قبل شخصيتك وبعدها احكمى على جامعتك

هذا رايى وتقبلى مرورى

مشكور يا كاشف علي مرورك وانا عندما تحدثت عن جامعتي تحدثت بالاخص عن كليتي و قد اشرت بذلك في حديثي وانا معك ان هناك كليات في الجامعة تنتابها حالة من الفوضي ففي كل جامعة هناك السيئ والحسن كما انه من الطبيعي انه عندمااقول وجهة نظري في هذه الجامعة ان اقولها من خلال دراستي في كليتي لاني لست علي دراية بالكليات الاخري دراية كاملة وفي نهاية قولي اشكرك علي ابداء وجهة نظرك التي من المؤكد افادتني

لا تعليق

مشكور علي مرورك ولكن يجب توضيح وجهة نظرك

ميرسي جدا ياسارة علي كلامك الجميل دا وفعلا انا معاكي انا كنت زيك بسمع شائعات كتيرةعن الجامعة قبل مادخلها ولكن صدقيني اول مادخلتها لقيت ان فيه فرق جامد وعشان كدة قررت ان ابدا حملة لتصحيح سوء التفاهم عن جامعتي وبجد بنصح اي حد عايز يدخل صيدلة وعايز يتعلم بجد يدخل جامعة سيناء لاني لقيت فيها اللي مالقهوش صحابي في الجامعات التانية لدرجة انهم بيقولوليلي انتي في نعمة لان عندنا حرية التناقش مع الدكاترة ومفيش حكاية الدروس والمحاضرات الذهبية والكلام اللي بنسمعه في الجامعات التانيةومش عايزة اكمل لحسن فيه ناس بتزعل

يلا ياجماعة محدش هيشارك ويقول رايه ولا ايه انا بجد عايزة اسمع ارائكو لانها علي اساسها هاكمل حملتي نحو تصحيح سوء التفاهم عن جامعة سيناء

مشكور فيصل علي مرورك وابداء وجهة نظرك وفعلا الشائعات بتطلع من طلبة في الجامعة في كلييات معينة وبجد انا بتمني انا وزمايلي ان الكليات التي بتسوء صورة الجامعة تتقفل احسن بدل ماتيجي علي باقي الكليات

طبعا ليكي الحق يادكتوره انك تصححي المفهوم ده
بالنسبه عن المستوي العلمي انا فعلا سمعت من كذا حد انها محتاجه مذاكره كتير
بس احنا مش هنقدر نحكم عالمستوي العلمي ده الا بعد لما نشوف مستوي الدكاتره المتخرجين من الكليه
هل فعلا هيقدروا يثبتوا انهم علي جداره ولا لا
اما بالنسبه عن الشائعات التانيه اللي كل ناس بتسمع عنها عن المستوي الاخلاقي فكل كليه فيها الكويس وفيها الوحش
وربنا يهدي الجميع
ويكرمك يادكتوره وتتخرجي بتقدير امتياز ان شاء الله

ميرسي يا احلي جنا علي مرورك للموضوع وانا باوعدك ان الجامعة دي هايطلع منها ىدكاترة يمكن يكونو احسن من الدكاترة اللي درسو في جامعات حكومية

أنا رأى ان الفلوس ساوت بين الفقير الشاطر و بين الغنى البليد ازاى يعنى يكون الغنى جايب 50% ويخش طب
بالعقل كده اللى مش عارف يجيب حتى 90 % هيجيب تقدير فى الطب ازاى الا بالكوسة
ويعنى على اللى بيجيب 97.9% ومايلحقش طب على واحد من عشرة
و بتسألى التعليم بايظ ليه
وزعلانة علشان قولت لا تعليق
بالفعل لاتعليق

لا اسمحلي سوري اولا الجامعة عندنا بتاخد من 75في المية وبعدين مش كدة وبس اللي جايب97,9ده اصلا هايدخل حكومي مش محتاج خاص ولو قصدك علي اللي بتفرق معاهم عندنا في الجامعة بيعملو تخفيضات جامدة جدا وكمان في منح للتفوق يعني انا جايبة 93واخدة تخفيض وعلي فكرة في معايا بنات جايبين مجموع برة وداخلين جامعة سيناء ومش اغنياء زي ماحضرتك بتقول وبيدفعو زي ماكانو هيدفعولو كانو بيتعلمو برة العريش وكمان فيه مش قادرين ودخلو الجامعة باعفاء نهائي وبيدوم معاهم لو حافظوعلي الامتياز يعني الحمد لله لسة التعليم مباظش زي محضرتك بتقول وشكرا علي توضيح وجهة نظرك

انتى معصبة نفسك كده ليه انتى بتتكلمى من اساس انك فى جامعة سينا فى اكيد مش هتوفقينى الرأى
وزى ما فى ناس داخلة 93% فى ناس داخلة 75% ازاى انتى بأمانه مش شايفة ان فى حلقة مفقودة
وان الهدف المعلن للجامعة التعليم والارتقاء بمستوى التعليم لكن انا بقولك وانا واثق ان الهدف الحقيقى هو الجشع و طلب الربح
وعلى العموم يا دكتورة اختلاف الرأى لايفسد للود قضية واسف لو كنت متحمس او منفعل زيادة عن اللزوم

السلام عليكم ورحمة الله وبركاته
فى البداية موضوع جميل ومشاركة فعالة
بس انا هتكلم مع احترامى لكل شخص ودى مجرد وجهة نظر
انا من وجهة نظرى ان من اسباب فشل التعليم فى مصر هو ظهور التعليم الخاص وليس اقصد هنا بانها جامعة بعينها ولكن اقصد بكلامى حتى المدارس الخاصة الى انشاء الجامعات وانا بشكرك يا دكتورة على انتماءك لجامعتك ومش معنى الكلام اللى قولته ان كل الجامعات الخاصة فاشلة بالعكس فى جامعات خاصة واكاديميات ممتازة وتتفوق على الجامعات الحكومية.

وانا هختم كلامى بمثال بسيط تخيل انت او انتى تعبتى ( بعد الشر ) وفى قدامك اثنان من الدكاترة واحد دكتوراة من جامعة عين شمس والاخر دكتوراة من جامعة سيناء بالله عليك ماذا ستختار !!!!!!!!!!!!!!!!!!!!!!!

وفى النهاية كل واحد لما يتخرج بيشق طريقة ويمتاز فى تخصصه وربنا يوفقك بعد تخرجك ونسمع اخبار حلوة كتير.[b]

ميرسي بجد ياسكروبيون علي ردك الجميل ده ووجهة نظرك صح جدا وللاسف هاقولها للمرة التالتة انا الكليتين اللي فيها الطلبةبيانجحو بالكوسة لازم تتقفل ويتحط بدالها اي كليات تانية ودا طبعا في الاحلام ماعلينا وعايزة كمان اقول انه اكيد الدكتور حسن فاتح الجامعة دي مش عشانا بس. اكيد ليه هدف تاني وفي كل الاحوال يشكر علي انشاءه للجامعة لانها بجد حققت لينا امنية كنا بنتمانها واحنا صغيرين.وفي النهاية بشكرك جدا ياسكروبيون تاني علي ردك الجميل ده

مشكور ياخليلي علي ابداء وجهة نظرك بس اقولك علي حاجة لغاية دلوقتي متخرجش طلبة من صيدلةمن جامعة سيناء وعشان كدة ماقدرش احكم بس مشكوور جدا مرة اخري علي ابداء وجهة نظرك

لا ابدا لكل منا وجهة نظر واختلاف الراي لا يفسد للود قضية

السلام عليكم
في كل مكان في الكويس وفي الوحش ولو كل واحد اثبت نفسه في المكان الي فيه سواء كان في جامعة خاصة او عامة اكيد هيكون محل ثقة الناس وهتحترمه وكمان هيرفع من قيمة كليته وسواء كانت كلية طب وهندسة والخ
وبرده الجامعة بتعطي الفرصة للطلبة الي مجبوش مجاميع عالية انهم يدخلو التخصص الي هما عايزينه ومادامو بيحبوا التخصص ده يباه لازم يثبتو نفسهم فيه ومش معنى انه جاب مجموع قليل في الثانوية يباه مش هيقدر يثبت نفسة في الكلية
وكمان وفرة فرص عمل لشباب كتيير واكيد انشاء الجامعة ليها اهداف تانية كتيير ومش الربح وبس
عامة نظام التعليم في مصر بالنسبة للدول التانية مش على مستوى عالي وفيه حاجات كتيير لازم تتصلح
وما علينا غير الأجتهاد والعمل

اولا بشكرك على الموضوع ابدا الراى دة
من وجهة نظرى مافيش جامعة مش بيطلع عليها كلام
ولا اشعاعات مش جامعة سيناء بس وجامعات حكومية كمان
مافيش دائرة تعليم كاملة لان اسس التعليم فى مصر غلط من الاول
بس فى ناس عايزة تستفيد وعايزة تبقى حاجة وفى ناس عايزة تاخد لقب انها دكتور ولا مهندس وهوة مش فاهم حاجة الرك على الى بيسمحو بكدة والرك اكتر على الاهل الى عارفين مستوى اولدهم ويدخلهم كمان خاص علشان ياخدة لقب هما مافيش اى نوع من الفهم لكن واحد فرق معاة على حاجة فى المية دة الى يستحق انة يدخل لكن مين الى يسمع الكلام دة انا سمعت وشوفت فى جامعة سينا علشان اختى بشتغل هناك بس شوفة اكتر فى جامعات الحكومية زى جامعة القاهرة غلى سبيل المثل
مشكورة يا دكتورة على الموضوع دة يارب يكون راى وصل

ميرسي جدا لكل من قمر وامل لابداء وجهة نظرهم اللي انا شخصيا معجبة بيها جدا وكافية مشاركتكو للموضوع مشكووووووورين كتييييير