دمار السيول في العريش صور

انا جبتلكم شويه صور عن الدمار اللي حل علي العريش
ومعايا فيديوهات للدمار اللي في العريش وفي الغزبه والوادي وبيت جدي احمد كمان وفيديو للعماره اللي وقعت علي شط البحر لكن الفيديو مش راضي يترفع علي النت
بس الصور رضيت

علشان مطولش عليكو
انا جمعت الصور دي من موبايلات صحابي لان انا موبايلي بطل يصور
المهم
7

7

7

7

دي صوره للسيل وهو هادئ

اما دي لما جه وسرعت الميه

ودي لما دخل علينا الليل

اما دي لما جه اليوم التاني علينا
والسيل كبر علي الاخر

ودي لما دخلت المياه علي الناس في البيوت وطبعا بيت جدي من البيوت اللي دخلت الميه فيها
بس الحمد لله مكنش جوه

بس الحمد لله ربنا ستر ومكنش في ضحايا كتير

مشكووووووووووووووووووور سكوربيون
مجهود رااااااااائع
تسلم ايدك
بس الحمد لله ان جدك مكنش فالبيت
ربنا يستر مع الناس اللى هناك دى
بس هى الصور دى من انهى حته فى العريش بالظبط؟

مشكوووووووووووووووووووووووره
على الصور والمجهود ده
وربنا يسترها يا رب

مشكورررررررررره كل من مون وايوي علي مروركم

طبعا الكل شاف الدمار اللي خلفه السيول وراه من تدمير وتكسير

ودي مجموعه صور تانيه بالاضافه الي الصور اللي نزلتها في الاول

الدمار في كل مكان في طريق الوادي

دي زي ما تقول كانت مزارع

اما دي شويه صور للدمار اللي حصل في الوادي في شارع قصدي كان شارع الموقف

وطبعا المصري عنده حب استطلاع

فتلاقي كل الاهالي كانت هناك في اليوم ده

انا استغربت من الناس مش خايفه

ولاد وبنات ورجاله وسيدات وعجائز

الكل كان هناك

والاهالي بتحاول تحافظ علي منازلها من الدمار اللي دخل عليها

بس بعد ايه

وطبعا بنشكر رجاله الفواخيريه اللي اشتغلوا يساعدو الناس وينقلوا رمله وباللوادر بيردمو الطريق عليشان الميه اللي فيه

بجد رجاله وقفوا جنب الناس

وطبعا اشتغلت عربياتهم النصف نقل بس معنديش صور ليها
معلش

المهم

وطبعا الشارع ده معروف
ده شارع حكاية او شارع الصحه المدرسيه
الشارع كان غرقان علي اخره
لو حد فيكم راح هناك هيلاقي ان الميه واصله من اول الطريق من عند السلام اللي بتطلع علي الوادي لحد نص الشارع
لحد بتاع الالومنيوم

وفي اخر الشارع ده بيت جدي

الناس بقت تمشي بمراكب

وهتلاحظوا كده في الصوره

وده محل ابو شبانه في اخر شارع البوسته مصيره مصير اي محل كان هناك ..... انتهي مفعوله

ده كان ببيع موتوسيكلات

بس بطل خلاص

مفيش ولا عربيه تقدر تعدي غير النقل التقيل والنص نقل
اما الملاكي كانت بتغرز وتطفي

والناس مش عرافه تمشي لان الميه معاها طينه كانت ......بتزحلق

وده سوق الوادي
معلش قصدي كان سوق الوادي

وفي الصوره سقف لمحل من المحال التجاريه اللي كانت هناك

دمار ...دمار...دمار...دمار

ودس صوره مبعوتالي علي الاميل لمصنع اسمنت سيناء

الميه دخلت فيه بس قليله

مدمرتهوش
بس مصنع الرخام بتاع درغام اتبهدل علي الاخر

بس يا خساره معنديش صور ليه اعرضها

وده هو مصنع الاسمنت
والصوره دي واحد من العمال اللي هنال التقطها للمصنع تاني يوم يعني يوم الثلاثاء

ودي برضوا اتبعتلتي علي الاميل

ده طريق في وسط سيناء كان طريق من الطرق الدوليه

وانا معايا كميه فيديوهات صورتها تاني يوم لمنازل وقعت بالكامل وبيوت اتدمرت وللطرق اللي دخل فيها الميه والشوارع اللي اتبهدلت

والبيوت اللي دخلت فيها الميه والشاليهات اللي وقعت وحاجات كتير بس مش راضيه تترفع معايا علي المنتدي

بس اوعدكم اني احاول معاها علشان اللي مخرجش من بيته في اليومين دول يبقي عارف اللي حصل في بلده

من دمار . دمار

مع تحيات اخوكم سكوربيون اللي كان هناك طول اليومين وبقيه اليوم الثالث
والنهارده الخميس بدات محافظتنا باعاده الطريق اللي بين الضفتين
عند الوادي

الطريق اللي بيؤدي علي الموقف

وده يعني
ان الامتحانات احتمال متتاجلش
ذاكروا وربنا معاكوا
اخوكم