البنات قبل وبعد الزواج

البنات قبل الزواج
كانت جميلة ورشيقة ورقيقة وسمبتيك أيام الخطوبة، تعتنى بمظهرها وتظهر رقتها ودبلوماسيتها فى الحديث، وتختار أجمل الكلمات وتضفى عليها نعومة ورقة حتى كلمة آلووو كنت أتعمد سماعها، فقد كانت تقال بدلال ونغمة لا تجد لها الأذن مفرا من فتح الباب الموصل لحجرة الملك فى القلب، وكانت ابتسامتها رقيقة رقة القمر ليلة النصف حتى عند الغضب حمرة الوجه، كانت بلون الجزر الأحمر تزيدها جمالا وكانت تقضى نصف يومها أمام المرايا وتجدد وتغير أطقم وبرفانات حتى تحوز على إعجاب الخطيب، وليس طاهر أبو زيد، وكان تعاملها مع أخوتها وأصدقائها، تغير إلى نوع ومستوى آخر وطريقة كلام بالأيدى وعضلات الوجه وأحيانا العين تشعرك أنك أمام كائن آخر لم تره من قبل الفاتحة وخاتم الخطوبة وبعد الزواج نصف اليوم فى المطبخ، فهى تعشق الحلويات وتتفنن فى الأكلات، وأهملت مظهرها ورائحتها واختفت رشاقتها وبدأت أورام وآثار قعدات عمل المحشى على الأرض تظهر، وقد تضطر لتوسيع باب المطبخ حتى يسهل دخولها بعد تغيرات الوزن وهجوم الترهلات من الحمل المتكرر، وغابت البسمة وتغيرت ألووو التى كان القلب يعشقها، وثبتت الألوان والمناظر وحتى عادات الأكل والشرب تغيرت، كانت تأكل الأرز وكأنها بتبوسه، الآن من على النار وقبل ماينشف أحيانا، وكانت بتشرب الشوربة ولا تسمع صوتا ولا همسا، دلوقتى تنفخ فيها ولا النفخ فى حجر الشيشة وباليد الشمال وفى ثانية تجيب السلطانية لمس أكتاف، وإذا كان التغيير فى الشكل واللون قد يصدم الرجل، فالتغيير فى المضمون والطعم قد يدفعه إلى مالا يحمد عقباه وهل على الرجل أن يتفهم طبيعة هذه المرحلة، وأن يتكيف مع الوجه الجديد والزوجة الجديدة، ويتقبل الويندوز الجديد، وأن يتغاضى ويغمض الطرف ويشجع ويقدم أحلى الكلام وباقات الثناء للزوجة التى تتصارع داخليا لتقمصها شخصية المخطوبة، ومازالت آثار وعادات هذه الفترة عالقة، وقد تكون استمرت فيها غصبا عنها، ثم بعد الزواج تريد الخروج من هذا الدور لتدخل الشخصية الأصلية الحقيقية ويبدأ الصراع، ماض برشاقة وجمال وبرفان، وحاضر بمطبخ وحمل وأولاد، وقد يكون اختلاف المنظر لأنها ضمنت زوجا وبيتا وتحقق الحلم فلا داعى لعوامل الجذب السياحى للرجل وإبهاره بألوان الطاووس، فقد دخل القفص وأمسكت بيدها المفتاح، وعلى الزوج الذكى أن يكتشف هذه الفترة، وقد تهاجمه فيروسات الندم وتجعله يهرب من البيت مرة واجب عزاء، ومرة ماتش للأهلى ومرة زيارة مريض ومرة صديق راجع من سفر، المهم الخروج والتنفس طبيعيا، مع أن حل المشكلة قليل من البساطة والشياكة والصراحة مع النفس وجعل البساط أحمدى من البداية وقليل من الشياكة والرشاقة تجعل من كل امرأة هيفاء ونانسى وهند، وتجبر الرجل على الجلوس والاستجمام فى بيته مع زوجة واحدة ووجه واحد.


لو فى معارضة مستنى الردود

احمد الخليلى[i]

اقتباس :

وعلى الزوج الذكى أن يكتشف هذه الفترة، وقد تهاجمه فيروسات الندم وتجعله يهرب من البيت...

ولما الرجالة عارفين كدة ... ليه يخاطرو بمستقبلهم.... بدام هي نهاية معروفة

اقتباس :

وبعد الزواج نصف اليوم فى المطبخ....

طيب مش عشان تعمله اكل كويس له ولاولاده ...... ولا تعد معاه ولما يجوع مش يلاقي حاجة ياكلها وتبقي ليلة ....

اقتباس :

وقد يكون اختلاف المنظر لأنها ضمنت زوجا وبيتا وتحقق الحلم فلا داعى لعوامل الجذب السياحى للرجل وإبهاره بألوان الطاووس...

وليه ميكنش من المسؤليات الكتيرو اللي علي كتفاها .... من طبيخ ، واولاد عايزين يروحوا المدرسة ويتذاكرلهم، واهتمام بالبيت...... الزوج المفروض يقدر دة .... ولا ايه؟؟؟؟

اقتباس :

مع أن حل المشكلة قليل من البساطة والشياكة والصراحة مع النفس وجعل البساط أحمدى من البداية وقليل من الشياكة والرشاقة تجعل من كل امرأة هيفاء ونانسى وهند، وتجبر الرجل على الجلوس والاستجمام فى بيته مع زوجة واحدة ووجه واحد

اه والله مظبوط واهمهم الصراحة مه النفس ومع الخطيب ومن الاول

وفي النهاية...الستات بتتغير بعد الجواز وبردو الرجالة مبيفضلوش زي مكانو... الكل بيتغير
علي راي المثلworld change and people change

يعني الدنيا بتتغير والناس كمان بتتغير معاها عشان تتعايش مع الظروف الجديدة
ودوام الحال من المحال

عندك حق يا نور الشمس أل يعني هم ما بيتغيروش تلاقي الواحد منهم في فترة الخطوبه شيك ومهندم وبيتعامل كويس و يقول الكلام الحلو وبعد التثبيت والضمان وبعد الجواز مفيش ولا كلام حلو ولا دياولو ويجي ياكل
يقول ايه الأكل ده ومش عجبه ومراته يعني تعبانه في الأكل طول النهار وبعد كل ده مفيش كلمة شكر
وتلاقيه جاي من الشغل قرفان ومبوز في وش مراته يا ساتر هي جت على كد الأكل دي يا عيني تعبانه في الأكل والتنظيف والعيال وهو ولا على باله وتلاقيه مطنش ومش واخد باله من مشاكل العيال وحلي انتي بقى يا ست المشاكل دي كفايه كده

يلا كله لربنا مفيش حد بستاهل مش عايزين من حد ولا شكر ولا عرفان
نحتسبه عند ربنا

والله المستعان

اولا السلام عليكم
ثانيا ودة الاهم انا عايزة اعرف ايه الهجوم الفظيع دة علي المراة؟؟
انا احتج...
وخدوا عندكوا بقي الهجوم المضاد................
انتوا بتتكلموا عن البنت قبل وبعد الزواج بنظرة سطحية وبدون حتي ما تفكروا ايه الاسباب ورا التغير اللي مش مستحب دة؟؟
مش كدة؟؟!
مع ان اننا لو جينا بصينا للموضوع من وجهة تانية هنلاقي ان الراجل هو اللي بيعجبوش العجب و لا الصيام في رجب
تقولوا لي ليه ؟؟
اقول لكم انا ليه!!
لان الزوجة بعد الزواج اذا حاولت ارضاءه باي طريقة
بتكون الطريقة دي قدمت واتكشفت
دة علي اعتبار انه خلاص مبقاش ياكل من الكلام دة لانه عرف اللي فيها
فبالتلي بضطر الزوجة الي الاستسلام لشغل البيت و خلافه من المسؤليتا اياها اللي بتوصلها للصورة سابقة الذكر

في النهاية وعشان مزعلش حد
السعادة مسؤلية الطرفين ومناصفة
بدون رمي الحمل علي احدهما فقط.

مالكو كدة اهدو اهدو
احنا الرجاله بنتغير بعد الجواز بعد ما زى ما انتو بتقولو بنبقى شيك
وبنقول كلام كويس طيب اقول ليكو بقى ليه التغير ده
لما الواحد يلاقى عفريته فى البيت عيزاه يبقى شيك ويتكلم كويس

انا بتكلم على بعض البنات اللى بيتغيرو بعد الجواز يعنى تلاقيهم حلوين ومهتمين بخطبهم وبعد الجواز تعالو اتفرجو
ياترى الزوج عايزينو بعد مايشوف التغير ده
يبقى ليه نفس يبص حتى فى نفسه
او يبقى ليه نفس حتى يتكلم
ههههههههههههههههههههههههههههههه

وهو مش شغل البيت الي واخدها ومخليها تتغير وهي بتعمل شغل البيت ده ليه مش عشان جوزها عشان ياكل وينبسط
وبعد كل ده مفيش حتى كلمة شكر

واحنا برده بنتكلم على بعض الرجاله

خلاص يا جماعة هدوا اللعب شوية

دة مجرد موضوع

و........... احم احم

مش عايزين نخسر بعض

لأ اكيد مفيش زعل
واكيد الرجل بيتعب والمرأه بتتعب
والأتنين لازم يعملو لأرضاء ربنا ورسوله اولا
ثم ارضاء كلا الزوجين للآخر
وربنا يهدي الأزاوج ويسعدهم

جميييييل اوي التفاعل دة يا بنات

وعايزين نقول انكم لما كتبتو عن البنات قبل وبعد الزواج...
احنا بردو نقدر نكتب عن الاولاد قبل وبعد الزواج..

لكن المشكلة مش فكدة.......المشكلة اننا هنخلي المنتدي دة صراع بين البنات والاولاد
ودة طبعا احنا منقبلش بيه

عشان كدة رجاء اللي يحط موضوع زي دة -ساخر من احدي الطرفين- يحط معاه نفس السخرية علي الطرف الاخر
بحيث لا تظهر العنصرية وفي نفس الوقت تبقي محاولة لمناقشة القضية بشئ من التوسع وعدم انحيازية وعنصرية في الموضوع -مناقشة جادة بغرض التوضيح وليس للسخرية-

ولغاية دلوقتي مشفناش رد احمد الخليلي علي الردود بعد مسمع الاعتراضات

اولا انا بشكر حبيبة اوى ع ردودها عجبتنى بصراحة
وبشكر كمان قمر ومحمد ذكرى
وبشكر وبحترم كل الردود ووجهات النظر
اما لو كانت مش وجهات نظر فده موضوع تانى


وبعدين عاوز اعلق على حاجة



وعايزين نقول انكم لما كتبتو عن البنات قبل وبعد الزواج...
احنا بردو نقدر نكتب عن الاولاد قبل وبعد الزواج..

اكتبى والله شى جميل ولو كده استنى الموضوع



لكن المشكلة مش فكدة.......المشكلة اننا هنخلي المنتدي دة صراع بين البنات والاولاد
ودة طبعا احنا منقبلش بيه

ولا انا اقبل بيه انا حاطت الموضوع ده عادى وطبعا بحترم كل البنات اللى ف المنتدى لكن ده مجرد موضوع
بس مش عارف ليه الغيظ ده



عشان كدة رجاء اللي يحط موضوع زي دة -ساخر من احدي الطرفين- يحط معاه نفس السخرية علي الطرف الاخر
بحيث لا تظهر العنصرية وفي نفس الوقت تبقي محاولة لمناقشة القضية بشئ من التوسع وعدم انحيازية وعنصرية في الموضوع -مناقشة جادة بغرض التوضيح وليس للسخرية-

اولا الموضوع فهوش سخرية وده ع فكرة ميتقالش ف منتديات ع احترامى لحضرتك
ولا فى انحيازية ولا عنصرية بس شكلك ملسوعة من الولاد شوية



ولغاية دلوقتي مشفناش رد احمد الخليلي علي الردود بعد مسمع الاعتراضات[/quote]

اولا انا مردتش علشان انا حاطت الموضوع عادى ومش فى دماغى ان هو انحياز او عنصرية او حتى سخرية



وياريت كل واحد يراجع نفسه وميقولش كلام الا لما يكون عارف هو بيتكلم ازاى
مع احترامى لوجهات النظر


احمد الخليلى
No Comment[i][b]

يا جماعة حرام كدة كفياهم
كفاية ان همه نفسيهم اعترفو بالكلام الموجود

واضح ان الموضوع فعلا سخن خالص
وعلي راي المثل "تأتي الرياح بما لا تشتهي السفن"
انا مش هرد علي الموضوع تاني بس كنت عايزة اوضح اشياء اتفهمت خطأ

اقتباس :

وعايزين نقول انكم لما كتبتو عن البنات قبل وبعد الزواج...
احنا بردو نقدر نكتب عن الاولاد قبل وبعد الزواج..

اكتبى والله شى جميل ولو كده استنى الموضوع

علي فكرة مش هي دي القضية
انا مش عايزة اكتب حاجة لاني مؤمنة بالتغير اللي بيطرأ علي الجميع.........مش لاني عايزة افش غلي في حد واعمل صراع علي الفاضي

اقتباس :

لكن المشكلة مش فكدة.......المشكلة اننا هنخلي المنتدي دة صراع بين البنات والاولاد
ودة طبعا احنا منقبلش بيه

ولا انا اقبل بيه انا حاطت الموضوع ده عادى وطبعا بحترم كل البنات اللى ف المنتدى لكن ده مجرد موضوع
بس مش عارف ليه الغيظ ده

الحقيقة انت فهمتني غلط خالص....الحكاية مش حكاية غيظ حكاية فهم وتقدير للاخرين ومعرفة التغيرات الطارئة

اقتباس :

عشان كدة رجاء اللي يحط موضوع زي دة -ساخر من احدي الطرفين- يحط معاه نفس السخرية علي الطرف الاخر
بحيث لا تظهر العنصرية وفي نفس الوقت تبقي محاولة لمناقشة القضية بشئ من التوسع وعدم انحيازية وعنصرية في الموضوع -مناقشة جادة بغرض التوضيح وليس للسخرية-

اولا الموضوع فهوش سخرية وده ع فكرة ميتقالش ف منتديات ع احترامى لحضرتك
ولا فى انحيازية ولا عنصرية بس شكلك ملسوعة من الولاد شوية

اولا انا مش شايفة اي حاجة خارجة عن الذوق والادب في كلامي....عشان ماقولهاش علي المنتديات
ولو كنت قولت حاجة فالادارة موجودة ممكن تمسح اي مشاركة خارجة
وبعدين انت قولت الموضوع للمناقشة .......وانا قولت وليه ميكنش مناقشة عن الطرفين في نفس الموضوع عشان يكون بناء اكتر

اما بالنسبة لشكلك ملسوعة من الاولاد شوية...... فانا الحمد لله بقدر كل الناس المحترمين والحقيقة مليش اي تعاملات خاصة مع الاولاد وتعاملي معاهم بسيط جدا ........واعتقد ان الكلام دة هو اللي مكنش يصح انك تقولو علي المنتديات...ولا ايه؟!!!!!

اقتباس :

ولغاية دلوقتي مشفناش رد احمد الخليلي علي الردود بعد مسمع الاعتراضات

اولا انا مردتش علشان انا حاطت الموضوع عادى ومش فى دماغى ان هو انحياز او عنصرية او حتى سخرية

كوني اطلب رايك في الكلام اللي انت كتبه واللي احنا ردينا عليه مش معنا اني بحرجك او بتهمك بالعنصرية....
وبعدين انت اللي قولت اللي عندو اي اعتراض يقول ردينا مشفناش رايك انت بقي.....ولا احنا كتبنا راينا كدة وخلاص....مش نشوف التغير ونحاول نصلح الاخطاء ولا ايه؟

اقتباس :

وياريت كل واحد يراجع نفسه وميقولش كلام الا لما يكون عارف هو بيتكلم ازاى
مع احترامى لوجهات النظر

ياريت والله ..... وياريت بردو يفهم اللي مقصود من المكتوب الاول قبل ما يرد عليه

وعموما لو كانت مشركتي ضيقتك اوي كدة ....فدة مكنش القصد

ولا القصد اننا نعمل مشاحنات مع بعض من اول موضوع نقاشي كدة

عموما لو كنت شايف ان موضوعي كان في اي تلميح لشخصك او احراج ليك.........فتقبل اعتذاري

تحياتي

انا عن نفسي عاجبني الكلام جدااااااااااااااااااااااااااااااااااااااااااااااااااااااا وانا بنت كمان بس ال زعلان يبقى هو فعلا كده ولعلموكو في ناس كتيييييره والله كده

اشكر كل من اعطى رايه
وانا مش هقول مين غلطان
هى اختلاف وجهات نظر
وشكرا يا نور الشمس والموضوع مش مستاهل اسف
ياريت محدش يزعل منى
احنا عاوزين المنتدى ده يبقى احلى منتدى بيكوا وباعضاءه الحلوين

احمد الخليلى[i][b]

مفيش مشاكل

وبعدين هو مش اختلاف وجهات نظر ......هو سوء فهم لا اكتر ولا اقل

واختلاف الرأي لا يفسد للود قضية

وفعلا الموضوع مش مستاهل .....ومفيش اي مشكلة

ومفيش اي داعي للاسف

لأ هو اكيد مفيش زعل ان كنت بتذكر التغيرات احنا كمان بنذكر التغيرات لنوع من الفكاهة لا اكثر
واكيد كلا الزوجين لازم يتغيرو للأحسن مش للأسوأ ليكون البيت سعيد
ورنا يرزق الشباب زوجات صالحات
وربنا برزق الفتيات ازواج صالحين
وشكرا

اولا موضوع جميل جدا بس انا عندي وجهة نظر مختلفة
اسفة يا محمد بس هختلف معاك في نقطة ان كل من الطرفين لازم يتغيرواسوا عشان الحياة
انا بقول انها راجعة للبنت والولد انا من وجهة نظري ان البنت تقدر تحافظ علي جمالها ورشاقتها ونعومة صوتها والدلع اكتر من قبل الخطوبة كمان لانها بعد الجواز لازم تثبتله انها اجمل وتوريلوا حاجات مكنش يتخيلها وتعرفه مين هي الزوجة الرائعة علي مدار الحياة وده سهل جدا علي فكرة قصاد ده لازم الولد يهتم بيها ويقدرها عشان تبدع في حقة ولازم يبقي معاها احسن من الخطوبة وانا اعرف نماذج كدة كتير لكن زي ما قولت انها راجعه للولد والبنت نفسهم وهم عايزين يعملوا ايه لبعض
اسفة علي الاطاله واسفة انى اختلفت معاكم بس دي الحقيقة
تقبلوا مروري
وتر الاحساس