لماذا تتغير معاملات الرجال بعد الزواج؟

لماذا تتغير معاملات الرجال بعد الزواج؟
طبعا هذا الموضوع كوجهه نظر فقط لا غير وكمان عشان الحرب تولع في المنتدي بين الشباب والبنات عشان المنتدي يصحي شويه أحسن من النوم الكتير ده والله الواحد مل منه ياريت نعمل وقفه مع نفسنا ونشغله ونصحي الناس اللي نايمه وياريت ماحدش يزعـــــــــــــــــــــــــــــــــــــــل من الكلام اللي هيتقال

أولا الرجل قبل الزواج و في بيت أهله
سلامي لماضي ايامه.. ايام العزوبية لما كان يصرخ في امه و اخته ويقسو عليهم
كان يجبرهم على تغطية النقاب وتثبيت العباأه فوق الرأس
حين كانتا ترجواه وتتوسلا إليه ليوصلهما لمشوار بسيط ولا يعبرهم ويعمل أذان من طين والتانيه من عجين
كانتا(الام والاخت) لا تريا منه غير تعطيب وجه وجفاف لفظ و كلمة لا ياعيني عليه بعد مايتجوز شوفوا بقي

*ثانيا بعدما يتزوج

ويتزوج الغضنفر ليصبح وديعا ديمقراطيا متحضرا
الحمل الوديع (حاضر طيب أمرك ياهانم) لايمكنه التحدث اليها علي اللبس كما كان يفعل مع الخت والوالده
اذا ارادت الذهاب لمشوار حتي لو في أخر الدنيا طبعا سواق عندها وبدون اعتراض
لاتري الزوجه منه أي تعصب لانه طبعا خايف من ست الحسن والجمال لاتزعل
حتي ياعيني عليه لما مابين صحابه ييجي يقول انا راجل البيت يقولولوا اكيد المدام غضبانه ههههههههههههه طب ده أسمه كلام




وطبعا هناك انواع وانواع ونرجو من الله ان شباب المنتدي مايكونوش من النوع ده
طبعا كلكوا هتقولوا ان بردو الموضوع عن جبروت الستات ولكن كما ان هناك انواع وانواع في الرجال فايضا يوجد في النساء هكذا وطبعا الواحده لولاقيت من الاول زوجها مالوش في البيت شخصيه هتظهر هيه شخصيتها أمال البيت يمشي إذاي
وطبعا الحياه الزوجيه يجب ان تقوم علي اساس الحب والمشاوره والوفاق بين الطرفين وان يكون الاثنين واحد ولا فرق بينهما في أي شيء
وكمان مره بقول في نهايه الكلام بدون زعـــــــــــــــــــــــــــــــل

اولا يا شذى مشكورة جدا على موضوعك
هى ممكن تقولى عليها ظاهرة بس هى على حسب شخصية الراجل
وبعدين دلوقتى مفيش نظام ان الراجل لازم ينفذ كل اوامر مراتة اوطلباتها لان شباب اليوم اصلا فاول الجواز بيحبو يفرضو شخصيتهم او يحسو انهم بقو مسؤلين عن بيت فبينفذو اللى فدماغهم حتى لو كان غلط دة المعظم حتى لو تلاحظى ان نسبة الطلاق بتزيد كل سنة عن التانية لان كل واحد من الزوجين عايز يفرض شخصيتة على التانى مع ان طبعا من الدين ان الزوجة تطيع زوجها وانة هو كمان يشاورها لكن متفرضش رايها علية او هو يعودها على كدة لان الرجال فالاول وفالاخر قوامون على النساء
هو ممكن عنوان التوبيك صح لانهم فعلا بيتغيرو ودى بشهادة ناس كتير بيبقى فى صمت بينهم رهيب غير فترة قبل الجواز ودة طبعا لان المسؤلية بتزيد على كل واحد فيهم فطبيعى انهم يتغيرو
اما انة بيفرض شخصيتة على مامتة اواختة لو تلاحظى ان الشباب فسن المراهقة هما اللى بيعملو كدة ودة بيبقى تسيب من الاب انة يخلى ابنة يتحكم فاختة وهو موجود اما لو الاب مش موجود لازم يبقى فى حاكم طبعا
اما انة بيهمل مامتة واختة بعد الجواز لو تلاحظى هنا فالعريش بالذات فى حاجة تلاقى الراجل قيول لمراتة انا اهلى عندى كل حاجة لو رضيو عليكىا نا كمان رضيت عليكى ولازم تريحيهم وتتطمنى على مامتى واخواتى والكلام دة
يعنى مفيش واحد بيتغير على اهلة بعد الجواز
وطبعا زى ما قولتى ان الحياة الزوجية تقريبا زى المركب مينفعش يبقى فيها ريسين والا هتغرق لكن المشاورة اكيد هى الحل وكمان لو الزوجين اصلا فى بينهم حب ومودة هيبقى فى بينهم احترام اكيد
انا اسفة طولت عليكى بس الموضوع بجد جميل اوى
وياريت الشباب يدخلو ويقولو رايهم كمان

مشكوره saraعلي مرورك وردك بجد جميـــل
ويارب شباب المنتدي يدخلوا ويقولوا رأيهم زي ماقولتي
وردا علي كلامك
(لو تلاحظى هنا فالعريش بالذات فى حاجة تلاقى الراجل قيول لمراتة انا اهلى عندى كل حاجة لو رضيو عليكىا نا كمان رضيت عليكى ولازم تريحيهم وتتطمنى على مامتى واخواتى والكلام دة)
شباب اليومين دول بقوا غير كده خالص ومبقاش يهمهم أهلهم وطبعا مش كله ناس وناس

هناك انواع وانواع

وطبعا الحياه الزوجيه يجب ان تقوم علي اساس الحب والمشاوره والوفاق بين الطرفين وان يكون الاثنين واحد ولا فرق بينهما في أي شيء

بصراحه ده افضل شئ واحسن حاجه انك قلتى ان فى انواع وانواع
لان فعلا مش كلو كده
وبصراحه اضافه لكلامك
الرجوليه مش بالسيطره والبسى وما تلبسيش بالعكس المفروض ان الحنيه تكون موجوده فى الرجال وده مش بيقلل من شانهم بالعكس تماما واللى مالوش خير فى اهله مالوش خير فى حد
مشكوووووووووووره

ميرسي علي ردك الجميلayoy

بالنسبة ليا انا لما بعامل الناس كويس يعني الناس الي حوليا بتعاملني كويس
والزواج ده مهواش حرب نشوف مين الي هيكسب ويزعل التاني لأ أول حاجة لآزم يكون في حب وتفاهم بدون كده محدش هيفهم التاني ويفتكر ان تصرفات التاني معناها انه مثلا مش بيحترمه لكن دايما لازم كل واحد يلتمس العزر للتاني ( التمس لأخيك المسلم 70 عزرا ) وده مش اخيك بس لأ زوج كمان ولازم يكون في مبادرة من الطرفين للصلح والتسامح عشان الحياة تبأه حلوة
واكيد الزوج والزوجة بيتغيروا بعد الزواج بس لازم يتغيرو للأحسن ويعمل كلا الطرفين لإسعاد الآخر
وكمان الطيبة عمرها ما كانت ضعف ( اتقي شر الحليم اذا غضب )
وفي فرق بين الطيبة والسذاجة يعني ممكن يضحك عليه

انا معاكى فى كلامك ده اخت قمر بس انا قلت فى ناس وناس

واكيد كلنا بنسمع الجمله دى (( انت اخت عليا خالص ))
بيتهيئلى ان الجمله دى بنسمعها كتير من شخص لما يعامل
شخص كويس ويلاقى الشخص الاخر بيعاملو معامله
غير فبيطر يغير معاملته معاه من من معامله كويسه
او طيبه الى معامله صعبه وده اللى بيحصل ولا ايه

ميرسي محمد وقمر علي الرد وطبعااااااا كلامكوااا انتوا الاثنين صح مائه في المائه