مواقف لـ M4A pop

موضوع: مواقف لـ M4A pop الخميس مايو 07, 2009 1:02 pm

فى احد الرحلات الى القاهرة قمنا بزياره الى الحسين (( نتكلم باللغه العاميه احسن ))
المهم ياريتنا ما زورناها لان حصلت لينا حاجه غريبه خالص الاتوبيس اللى نزلنا منه كان مكتوب عليه شمال سيناء طبعا المهم نزلنا من الاتوبيس واتمشينا عادى فى الحسين
وروحنا تشرى حاجات من محل قابلونا مجموعه من الافراد وكانو بنات كمان
المهم شوفو الاسئله الذكيه اللى اتسالت لينا ....... من البنات هااااااااا اذكى الكائنات
1- انتو لبسكو زينا على اساس اننا كنا لبسين جلبيه ولبس بدوى
2- تانى حاجه سالوها لينا انتو بتاكلو زينا
3- وبعدين سالونا العمله بتاعتكو ّ(( الفلوس يعنى )) زينا
4- الاسماء بتاعتكو زينا
5- لغتكو زينا اصل احنا كنا بنكلمهم لغه غريبه مع اننا كلمناهم مصرى عادى
6- انتو بتتعلمو بنقلها احنا من كليه علوم زراعيه بالعريش تقلنا عندكو مدارس وبتتعلمو
يعنى هنكون عندنا كليات ومعندناش مدارس
7- واخيرا السؤال الخارق وهو عندكو اماكن ترفيهيه والبيوت شكلها ازاى عندكو

احنا بعد الموقف ده مفصلناش مش كتر الضحك وبصراحه اجالنا زهول ومش عارفين نرد عليهم بايه اساله غريبه من ناس غريبه عندها معتقدات غريبه
الاسئله دى طبعا بعد ما عرفو اننا من العريش عايز بقى اعرف التعليق بتاعكو على الكلام ده
وعايز اعرف لو اى حد اتعرض للمواقف دى واتسال اساله زى دى هتردو عليه بايه....
وبعد الكلام ده تحطو العيب على مين
1 – على جهل البنات اللى قابلونا .
2- ولا علينا احنا اللى بننقل صورتنا غلط يعنى فى احتفالات سينا تبصو على التلفزيون تلاقو جايبين بدو وبيتكلمو معاهم ويقولو دول من سينا ها تحطو العيب على مين
منتظريــــــــــــــــــن الرد
وانتظرونا فى مواقف اخرى ...........

موضوع: رد: مواقف لـ M4A pop الخميس مايو 07, 2009 2:07 pm

الموقف ده كويس انك حكيته
بس ده يا محمد من وجهة نظرى لسببين
اولا : وسائل الاعلام
لان وسائل الاعلام بتجيب سيناء دى كلها
صحراء جرداء وبدو مع احترامى للتراث فى سيناء
بس لو وسائل الاعلام فعلا عاوزة تجيب التراث
تجيب بردك التطور من منشأت وجامعات ومدارس ومستشفيات
وقرى سياحية الخ الخ

ثانيا :
واعتبره العنصر ده رئيسى وهو الجهل
لان مهما وسائل الاعلام توضح بس فعلا لو بحثت
ومتابع اخبار سيناء لان النت مسبش حاجة
ش هتقول كده وانا بعتبر الجهل ده اكتر شى ممكن ياثر فى الوضوع ده

ذى برده وسائل الاعلام بتصور ان ف الصعيد البنات مبيتعلوش
لا كن احنا علشان متعلمين عارفين ان فيها مدارس وجامعات وفيها كمان نسبة
التعليم فى البنات اكتر من الولاد

احمد الخليلى M4A [i][b]

موضوع: رد: مواقف لـ M4A pop الخميس مايو 07, 2009 3:14 pm

ايوه فاكر انا الموقف ده بس على فكره مش كل الناس بة سيناء
أخده فكرة عن سيناء ات هى بلد الخونة وان الشباب فى سيناء
غير وطنى بالمرة والكرثة انه الكلام ده بيجى من ناس اعلامين
انا مش عارف دولت كمولو تعليم ازتى لأنه من أكثر الشباب الوطنى
واللى حيدافع على وطنه بدون تردد هو شباب سيناء لآننا عايشين جميع
اوضاع الحياة وما اتأثرنا متل ما أتأثر أهل مصر الحضارة الغربية
هنا ممكن تلاقى الشاب او البنت لابس على الموضة بس حطه فى موقف
حتلاقيه تلقائي أكتر واحد بيدافع عن بلده مش محفظته بس
وبالنسبة للموقف ده انا بسميه غباء محكم من الاعلام
واحب أوجهك لحاجة مهمة هى انها سياسة عاوز تخلى سيناء
بسمعة وحشة عشان يطلع اللى زى عمر اديب " الله يجحمه "
يقول الكلام الساقط اللى قاله ومشكووور على الموضوع

موضوع: رد: مواقف لـ M4A pop الخميس مايو 07, 2009 4:53 pm

ياة فكرتونى بالذى مضى

موضوع: رد: مواقف لـ M4A pop الخميس مايو 07, 2009 6:07 pm

هههههههههههههه
انا من رأى
علينا احنا اللى بننقل صورتنا غلط يعنى فى احتفالات سينا تبصو على التلفزيون تلاقو جايبين بدو وبيتكلمو معاهم ويقولو دول من سينا ها تحطو العيب

موضوع: رد: مواقف لـ M4A pop الخميس مايو 07, 2009 7:39 pm

لأ اعتقد انه جهل الناس الي هناك

شكرااااااااا جدا على الموضوع الجميل ده
بجد شكراااااااااا

÷ههههههههههههههههههههه

واله موقف صعب كثير

وانا بحمل الاعلام السبب الكبير

وانا عاوز اقول عن موقف

مره بكلم واحد ع النت بيسألني انت منين قلتلو من سيناء فسئلني مستغرب هي سينا فيها نت؟

هما فاكرين ان سينا صحرا وبس ,, والاعلام هو السبب

لان الناس اللي برا بيشوفو التلفزيون فيه ايه وبياخدو فكره عن البلد حسب الاعلام

صحيح والله

المشكلة انك تلاقي مصريين ومهمش عارفين حاجة عن بلدهم

وطبعا دة خطأ الاعلام.....سواء في احتفال سينا وغيرها

لما ييجوا يتكلموا عن انتصار اكتوبر يقولوا "ودافعوا عن كل حبة رمل في سيناء" علي اساس ان مفيش في سينا حاجة غيرها

وفعلا الناس كلها الاجانب والمصريين فكرين ان سينا ماهي الا صحراء وخيم يسكنها البدو ويركبوا الجمال للتنقلات

ولو الاجانب جم سينا يبقي لازم يعيشو في الطبيعة في الصحراء والخيام ويركبو الجمال(زي سفاري كدة)..... لكن للاسف بتظل هذه هي الصورة المعلقة في ذهن الجميع

شكرا علي الموضوع.....واكيد انا لو اي حد كان اتعرض للموقف دة رد فعله لن يختلف عن رد فعلكوا

موضوع: رد: مواقف لـ M4A pop الجمعة مايو 08, 2009 8:58 pm

مشكورين على اهتمامكم

موضوع: رد: مواقف لـ M4A pop السبت مايو 09, 2009 8:19 pm

هههههههههههههههههههههه
موقف جامد جدا
والسبب الاعلاااااااااااااااااااااااااااام
وان الناس مابتحولش تعرف عن بلدها
ومعلش زى الدنيا متطورت ف القاهره اكيد اتطورت ف العريش
وانا من الناس اللى عارفه

موضوع: رد: مواقف لـ M4A pop السبت مايو 09, 2009 9:00 pm

هههههههه موقف حلو اوي هههههههههه

بس بلاش نغلط ف ناس ناخدهم ع قد عقلهم احسن ولا ايه هههههههههههههه

انا طبعاا راي انكو كنتو اتكلمتو معهم عاااادي و بطريقتكو العاديه ويفهموا ال هما عاوزينو وبعدين انتو شباب تشرفو بلدكو والله

موضوع: رد: مواقف لـ M4A pop الأحد مايو 10, 2009 11:28 pm

فعلا انا مع الاغلبيه فى ان الاعلان هو اللى بسوا الصورة للناس اللى برا

على فكرة امبارح على برنامج 90 دقيقه كانو بيصورو
سوق الخميس وكانو جايبين بدو مش عارف من انهى زباله جايبينهم وكانو
بيسالوهم عن العريش وكانو جايبين كمان السوق والبيع ازاى هناك وكان من اسوا ما يكون
انا مش عارف ايه ده
انا بجد اول ما شفت الكلام ده طفيت التليفزيون

موضوع: رد: مواقف لـ M4A pop السبت يونيو 06, 2009 8:21 pm

انا برضه معاكو الاعلام هو السبب
والمسلسلات اللي بيزيعوها بتصور حياه ناس من قبل حرب 73
زي مسلسل محمد صبحي اللي فيه عصير من جلد الماعز
والله ظلمونا
وفي النهايه احنا اكتر ناس بنعيش المشاكل لما الفسطنيين دخوا ولا حد حاسس بينا
كفايه ان الواحد عارف انه من جواه 100/100
الحمد لله
مش مهم راي البنات المدلعين
كفايه الواحد مش عارف يقو ايه ولا ايه

بجد ليكو حق متفصلوش ضحك انا نفسي مش عارف ابطل ضحك
انا معاكوا ان الاعلان دلوقتي مدمر الدنيا انا لما سافرت القاهرة وسألوني ساكن فين قولت في العريش
حسسوني ان جاي من عالم اخر
انا برده شفت البرنامج ده يا محمد وطفيت التليفزيون
شكرا انك حكيت الموقف ده اصله جاااااااااااااااااااااامد

» مواقف كرة القدم
» مواقف وطرائف كرة القدم
» مواقف طريفه عن باز والعثيمين والالباني
» امامك ثلاث مواقف.....ودمعه واحده
» منعها حيائها.........مواقف متكرره ولكن