وحيات اللي بينا....

وحياه اللى بينا من وعود وكلام وعهود
وحياه الجرح اللى جرحتهولى
وكل دمعه نزلت عليك من عيونى
وسهر الليالى لاشيلك من قلبى وانزعك من بالى
رسمت فى كل الاحلام فى خيالى
هدمت بايدك حب سنين ياظالم حبيبك
ادعى ربى ان تكون السعاده والهنا والافراح من نصيبك
مش هتمنالك العذاب لان ضميرى مش زى ضميرك
سامحنى ياللى جارحنى انا هدور على غيرك
جايز اعيش معاه ويعوضنى جرحى اللى شفته معاك
خنتنى ايه يعنى مالناس كلها بتتخان
كنت فاكرك ملاك اتريك شيطان فى الاخر على اصلك بتبان
يااااااه لو كنت اشترتنى بحبك واخلاصك وصدقك
كنت فوق راسى هشيلك مهو انا كنت بجد اوى حبيبك
اسامحك طيب لو مسامحتكش هيحصل ايه
هترجع عن اللى انت فيه
هتندم على الانسان اللى بكيت عنيه
لا ياحبيبى قصدى ياللى كنت حبيبى
انا هدوس على قلبى لو كان بيموت فيك
من النهرده ياجرحنى انا مش ليك
بندم على كل لحظه ضمتنى فى يوم بيك
انا اسف ونادم بجد انى اخترتك
مافتكرش انى فى يوم عذبتك
انا فى حبى بنيتك قصر كبير وجميل
اخرتها تدمرنى وتوهمنى وتخلينى عليل
روح الله يجازيك
من حضن خاين يسقيك
من حضن الوهم يدفيك
من دومع الجرح يرويك
جرحتنى وانا كنت حبيبك وفى عز ماكنت براضيك
تبقى عليل فى الوهم ومتلاقى اللى يدويك
خاليك مكانك انا مش قرب علشانك
انا ماشى انا مش ليك
روح يا اصيل يا ابن الاصول
خليك ماشى فى طريق الغدر على طول
الوداع ياسبب دموعى
ياللى طفيت كل شموعى
ياللى كنت صاينك ومخبيك مابين قلبى وضلوعىالوداع ــــــــــــــــــــــــــــــ الوداع ـــــــــــــــــــالوداع...


الشاعــــــــــــــــــــر الطــــــــــــــــــــــــــــيب