ذكريات .... الجزء الثالث ...

معلش برضو الجزء ده طويل شوية بس جااامد

ها مستعدين ......

نكمل

.
.
.

وبالليل

نور خرجت من المستشفى ومعاها هند

وفى بيت نور

ام نور: معلش يا هند تعبناكى معانا من الصبح وانتى فى المستشفى

هند : لا يا طنط انتى بتقوليه ايه ... انا ونور اكتر من اخوات

ام نور : ربنا يخليكو لبعض يا بنتى

هند : يا رب

ام نور : طيب انا هسيبكو مع بعض ... لو احتجتوا حاجة ابقوا نادولى

و ......

تليفون هند بيرن ....

راحت نور بتبص بشغف كدة (( بتحسب كريم)) ....

راحت هند بصت لها بصة كدة وضحكت

وقالتلها : لا لا مش كريم دى مامتى

نور : اوك عادى ... وانا قلت حاجة

برضو هند بصت بصة لنور وضحكت وبعديها ردت على مامتها

طبعا مامتها كانت بتتطمن على نور و بتشوف هند هتييجى امتى

راحت هند قالت لمامتها انها هتنام عند نور النهاردة

المهم ...

هند : ايه يا نور .... ايه الاخبار دلوقتى ..

نور : الحمد لله تمام ....

هند : طيب انا هتصل بكريم اطمنه واقوله ان احنا رجعنا

نور ( بنظرة حنان ) : اوك

هند : طب ما تاخدى تكلميه انتى ...

نور : انااااا ... لا لا مش هينفع ... طب هقوله ايه يعنى

هند : يا ستى بس امسكى بس

نور : يا هند بس اصل ....

هند : هوووووس ... اهه بيرن

كريم ( رد بسرعة طبعا لان هو مستنى ان هند تكلمه ) : الو .. ايوة يا هند

نور : انا نور ...

كريم ( باضطراب حاد فى المشاعر) : ااايوة يا نور ... ازيك ... الف سلامة عليكى ..

نور: الله يسلمك

كريم : طب ايه .. انتى كويسه دلوقتى

نور : اه الحمد لله ..... مرسية اوى على بوكيه الورد ومرسيه انك جييت وسألت عليا

كريم : نور انتى بتقولى ايه ده واجب ... المهم انتى كويسة
نور : الحمد لله ...... بس بجد شكرا انك جييت

كريم : برضو

نور : هههه .. اسفة والله مش قصدى

كريم : ماشى يا ستى .. .... ممممم طيب ممكن اطلب منك طلب
نور: طبعا اتفضل

كريم : بس ماتفهمنيش غلط ؟

نور: لا قول مش هافهمك غلط ..

كريم : ممكن ابقى ... ابقى يعنى ااخد رقم موبايلك ... عشان يعنى اتطمن عليكى وكدة

نور : ( فرحانة اوى ومش عارفه تقول ايه وقاعدة بتبص لهند)

كريم : خلاص يا نور لو الموضوع ده هيضايقك خلاص انا ب....

نور( تقاطعه) : لا لا مقصدش والله بس ..خلاص خد الرقم ... 012 ....

كريم : اوك هبقى ارن لك وتسجلى رقمى

نور : اوك

كريم : يللا مش عايزة حاجة

نور: الله يخليك شكرا... كفاية انك سألت عليا

كريم : وانا كفاية انى سمعت صوتك ..

نور ضحكة وهى مكسوفة اووووى

كريم : اقصد يعنى كفاية انى اتطمنت عليكى

نور ( بضحكة ) : ماشى

كريم: ... ممماشى .. خلى بالك من نفسك

نور: واانت .. .... وانت كمان

كريم: سلام ..

نور : سلام

و ......

هند: كريم باشا .... اخبار سعادتك ايه ؟

كريم (اتخض) : ايه يا هند هانم .. بالراحة شوية

هند : ماشى ماشى حسابنا بعدين

كريم: استر يا رب

هند وهى تضحك : يللا سلام

كريم : سلام

هند : ايه يا نور

نوووور

نور: ايوة ايه ؟

هند : ايه سرحانة فى ايه ؟

نور( وهى تنظر للكارت ): لا لا مفيش ...

هند : يا سلام عليا انا برضو .... قولى فى ايه ..

نور : هند بصراحة كدة انا عايزة اسألك سؤال بس ماتفهمنيش غلط

هند : خييييير

نور : هو لو اى حد غيرى كان عمل حادثة ... كان كريم برضو هيعمل كدة معاه ...

هند: بصى يا نور ... انا مبحبش اللف والدوران..... من الاخر كدة كريم معجب بيكى....

نور( بتحاول تبين انها مستغربة) : معجب بيا انا

هند : قال يعنى انتى ماكنتيش حاسه ...انتى هتعمليهم عليا

نور : لا يا بنتى .. انا قلت اه انه اصحاب وكدة بس ماكنتش اعرف انه اعجاب يعنى

هند: على العموم انا مينفعش انى اقولك رأيى فى الموضوع ده ... القرار قرارك

ومن ناحية كريم .... انتى عارفة اصلا رأيى فى ايه

نور ساكته وسرحانة

نور: هو حب قبل كدة

هند( بتردد): اه امممم .. بس ده ماكنش حب ... اقصد يعنى حب من طرف واحد واتجرح جامد اوى

نور: طب ممكن اعرف هى مين ؟

نور: اقصد هو انا اعرفها يعنى

هند ( حيرانة مش عارفة تقول ولا لأ ) : ايييه خلاص مش لازم يا نور المهم اللى جاى

نور : لا بجد قولى

هند : دى ددى ..... دى سارة

نور : سارة مين

هند: سارة اللى كانت معانا فى درس الانجلش

نور : ايييه ؟

هند : خلاص بقى دى حكاية وعدت ... وهو دلوقتى نسيها خلاص

نور: طب ايه السبب .. ليه سابو بعض

هند: هى ماكنتش بتحبه.. مانتى عارفه سارة .. بتحب المظاهر مش اكتر

وكريم طبعا مش كدة .والله يا نور كريم طيب اوى واللى فى قلبه على لسانه ... بس صدقينى ماستحملش يكمل معاها ... عشان تصرفاتها......

نور: ممممممم

هند: موضوع سارة ده انتى المفروض ماتعرفيهوش ... يعنى لما يكلمك .. انا ماقلتلكيش حاجة ... اوك

نور: اوك اوك.... تفتكرى هو هيكلمنى امتى ....

هند : اكيد بكرة الصبح

و ...

تررن تررن ... موبايل نور بيرن

هند بصت على الرقم : ده كريم

نور: مش عارفة ترد ولا لأ ..ولا هو بيرن ولا ايه

تررن تررن ... راح رن تانى

نور ردت

وهند راكبة فوق السماعة وبتحاول تسمع كريم بيقول ايه

نور: ااايوة يا كريم ... فى حاجة

كريم : لا مفيش ..بس نسيت اقولك ... تصبحى على خيير

نور: وانت من اهله ...

كريم: سلام

نور: سلام

تانى يوووم .....

المكان : : تووت كافيه : :

الزمن : : الساعة 09:05 : :

قاعد فى توت ومستنى اصحابى .....

اهم اجوا :: شريف ... طارق ... وعمرو ...

شريف: ايه يا قطة فينك ....

كريم : ادينى يا عم ... انتو اتأخرتو ليه

طارق: يا عم ما كانش فى مواصلات خالص

عمرو : ازيك يا كريم ...

كريم : تمام الحمد لله ...

عمرو : ها ... هتعملو ايه .... هنفضل هنا ولا هنروح دراجون ... ولا ايه النظام

شريف : لا يا عم بلا دراجون ... مش طالبه معايا النهاردة

طارق: يا عم يللا بقى ....

كريم: خلاص خلاص يا طارق خلينا هنا وخلاص

و .....

تشربوا ايه ....

كريم:ايس مووكا ..كالعادة ...

طارق: كنز كولا

عمرو: كابتشينو

شريف : قهوة فرنساوى

ماشى يا فندم ....

كريم : ها بقى قلتوا ايه هتيجوا معايا درس العربى ولا ايه ؟

شريف : انا اه هااجى بس يا ريت تقول للاستاذ وتقول للبنات اللى معانا فى الدرس عشان بس مايبقاش منظرنا وحش يعنى ..

كريم : ماشى يا عم ... وانت يا عمرو ...

عمرو : والله هشوف ... بس تقريبا اه هااجى

طارق: هما مين البنات اللى فى الدرس ؟

كريم : منى واسراء و....

طارق ( يقاطعه ) : بس بس بس ... خلاص ... انا مش هااجى ...

كريم : ليه يا عم ..

طارق: انت بتستهبل .... اسراء موجودة يعنى انسى ...

كريم : يا طارق عادى انت مالكش دعوة بيها ... انت جاى معانا ..

طارق: يا كريم والله مش هينفع ... انا ماصدقت انى نسيتها .. ومش عايز حتى اشوف وشها

كريم: يا عم نفض بقى وسيبك

طارق: طب انا هسألك سؤال ... لو (سارة) جت معانا الدرس ... انت هتروح ؟

كريم ( محتار جدا) : لا ... يعنى ... اقصد وانا مالى بيها وبعدين هى مش هتيجى اصلا...

طارق: عشان خاطرى ماتضغطش عليا ...

كريم: ماشى يا عم براحتك ....

..

كريم : بصو بقى ... انا عايز اقول لكو حاجة ... انتو عارفين هند صح

الشلة : اه ليه ؟؟!!

كريم : فى واحدة صاحبتها اسمها نور .. حد يعرفها

عمرو : اه يا عم دى كانت ساكنة جمبنا زمان ... مالها ؟

شريف: مش دى يا عمرو ... اللى انت كنت عايز تكلم اختها ....

عمرو : اه اه هى ...

كريم: انا ماليش دعوة باختها ... انا بتكلم عن نور ...

طارق : ايه يا معلم ... شكلك كدة معجب بيها ...

كريم( يأخذ نفس عميق وينظر الى السماء وكأنه يتذكر شيئا): يااااه ...
معجب بيها دى كلمة قليلة على اللى انا فيه ...

عارفين ... بجد هى دى البنت اللى انا كان نفسى اقابلها من زمان ..

شريف : هى هتيجى معانا الدرس ؟

كريم : ااااه

عمرو : عشان كدة مهتم اوى بدرس العربى ...

طارق: طب ايه ... عرفتها ازاى دى ولا لسه مقضيها نظرات ..ولا ايه ؟

كريم : يااااااه ... كان احلى يوم .. يوم خميس .. الدنيا كانت بتمطر و ...

وبدأ كريم يحكى لأصحابه عن كل شئ حدث

شريف : ييللا يا عم اهه لقيت واحدة تحبها.... والله يا بختك

طارق: بس تفتكر .. هى كمان معجبة بيك ...

كريم : اه يا بنى باين من نظراتها من كلامها معايا وكدة يعنى ...

طارق: مش قصدى والله يا كريم بس بلاش تتعلق بيها اوى كدة ..لاحسن تطلع زى سارة و ت...

كريم: لا لا يا طارق .... نور حاجة تانيه خالص ... وبعدين انت ايه اللى خلاك تفتح السيرة دى بس

شريف : خلاص يا عم قفلو على الموضوع ده ....

كريم : شفت يا عم شريف اهه ظبطتك ... هتيجى انت الدرس و(منى) هتكون هناك .. يعنى هى دى فرصتك ...

شريف : والله اشطة ... انا اصلا كنت مستنى اى فرصة ... تكون منى قدامى كدة

كريم : عمرو .... عمرو ... ايه يا بنى سرحت فى ايه ؟

عمرو : لا لا مفيش حاجة ....

وكانت فى عينى عمرو ... نظرة حسرة او الم ...

لم يقرأها سوى طارق وكريم ...

كريم: طيب انا لازم امشى دلوقتى ... اشوفكو بقى يوم السبت ...

ما تتأخروش

سلاااااااااااااااااااااام

و ...

كريم: الو يا استاذ ... كريم مع حضرتك

الاستاذ : ايوة يا كريم ... ازيك ؟

كريم: تمام الحمد لله ... كنت عايز بس اقول لحضرتك ان فى 2هييجوا معانا الدرس

الاستاذ: انا بالنسبة لى عادى... بس شوف البنات .. عشان مايتضايقوش

كريم: اوك انا هشوفهم ...

كريم يتصل بهند

هند: اهلا اهلا كريم

كريم( فى سره ) : ربنا يستر

كريم: ايوة يا هند ازيك ؟

هند : تمام تمام ... انت عامل ايه؟

كريم : تمام الحمد لله ... بقولك فى 2 اصحابى هييجوا معانا الدرس

هند : مين دوول ؟

كريم : عمرو و شريف ..

هند : طب اشطة عادى ... مافيش مشاكل

كريم : طب ابقى قولى لباقى البنات ... شوفى رأيهم يعنى ؟

هند ( بغضب ) : رأي مين يابنى انت ... مادام انا قلت اه ييجوا يبقى ييجوا خلاص ..واللى مش عاجبها من البنات .. تروح...

كريم: خلاص يا هند هانم ... بالراحة .. بالراحة شوية

هند : هههه .. ماشى يا عم ....صحيييح .. هو طارق مش هييجى

كريم : لا لا مش هييجى ...

هند : اكييد عشان اسراءموجودة

كريم : اه هو مش عايز يشوفها تانى

هند :طيب .... ...ها بقى... كلمت نور النهاردة

كريم : اه طبعا ...

هند : طب وايه النظام

كريم : تمام تمام ... انا بس كنت عايز ااخد رأيك .. انتى شايفة ايه ؟

هند: بص يا كريم ... شكلها كدة معجبة بيك برضو ... وبجد هى انسانة كويسة اوى وطيبة وهى دى اللى هتفهمك ...

كريم: مممممممممم ... طيب يا رب بس تبقى من نصيبى

هند : صحييييييييييح

كريم : ايه خير فى ايه ...

هند : اصل ...ايييه ...اصل يعنى

كريم: ايه يا هند فى ايه ...

هند : اصل سارة هتيجى معانا الدرس ...

كريم :: اييييييييييه .... سااااارة

\To Be Continued

تابعووووووو اللى هيحصل ... الجزء اللى جاى ... احداثه ناااااااار ....

يارب تكون القصة عجباكو.....

تحياتى

شادى الشريف

القصه جامده والاحداث رووعه
بس يا ريت متتاخرش بالباقي
والله تنفع فيلم
هههههههههههه
مشكوررررررر شادي

بجد رووووووووووووووووووعه بس كده خلصت

على حته مينفعش تتاخر علينا بجد

جاااااااااااااااااااامده موووووووووووووت

وفى انتظار الجزء الرااااااااابع

وااااااااااااااااااااو
حلو الجزء ده
بس ماتتاخرج علينا فى الجزء الرابع

مشكورة يا طائر على مرورك ... وقيب اوى هنزل الجزء الرابع

هههههههه

ما هولازم يا نوتى عنصر التشويق برضو ....

مشكوورة

حلوة واااااااااااااااو دى يا يويو

شكرا على مرورك

ويارب تكون القصة عجبتك

ايه ياعم كلهم مظبطين ولا ايه
فعلا ونعم الشباب
قلتلى ثانويه عامه هااااااااااا
ههههههههههههه

بجد حلقه جميله

منتظرين الجزء الرابع
وبجد القصة هايلة

هههههههههههه

عادى يعنى يا بووووب

ثانوية عامية ... مش ثانوية عامة ....

ميرسى على مرورك نونى

درس عربي ايه بقي خلاص ده بقي درس النظرات ومن الثانويه العامه

واجمل حاجه ان المرسين مش بيقي واخد بالله من اي حاجه عليه يشرح وخلاص

والطلابه ولا في دماخهم الشرح طبعا

امال لو كليه ايه اللي هيحصل

وعلي فكرة انا سعيده جدا انك بتوفق بين هويتك وبين حق ربنا عليك وربنا يكرمك وتكون مؤلف كبير ان شاء الرحمن

فذكر فان الذكري تنفع المؤمنين
والله علي ماقاوله شهيد

وعلي فكرة والله بالاجزاء دي شجعتني اني اكتب عن ذكرياتي بس دي حقيقيه

بس مش حب وكده يعني لا هي حقيقه علي ارض الواقع وكلنا بنعيش ظروفها اتمني من الله ان يقدرنا واكتبها

وبشكرك علي انك شجعتني بجد

ربنا يكرمك

صحيح يا شادي عاوزه اسالك الكلام ده كله في الثانوي ؟
فين المذاكره والضغط والقلق والخوف من الامتحانات؟
ربنا يستر وفي الكليه ايه اللي هيحصل ؟
اااااااااااه كل ده وقت الامتحان لسه؟

مشكووورة مشتاقة على ردك ... واتمنى اكون فعلا قدرت افيدك

تحياتى

شادى الشريف

طائر

لا عااااااااااااااادى خاااااااالص ولا مذاكرة ولا امتحنات ولا حاجة خالص

هما فاضيين ...

ههههههههه....... يا رب تكون القصة عجبتك......

تحياتى

شادى الشريف

مشكووووووووور شادى

بجد قصه جميله جدا

بس ايه هتطول عشان تنزل الجزء الرابع

ياريت متتأخرش علينا

» ذكريات .... الجزء الاول ...
» ذكريات...الجزء الثانى ......
» بطبيعة الحال الجزء الثالث !!!!!!!!!!!!؟؟؟؟؟؟؟؟؟؟؟؟؟؟
» سلسلة قصائد لامير الشعراء (الجزء الاول) "صقر قريش"
» ذكريات معـــــــــا براد الشاى............................!