ذكريات...الجزء الثانى ......

معلش الجزء ده طويل شوية ... بس احداثه جامدة موووووت

اسيبكم مع القصة ويارب تعجبكم

بعدها بكام يوم

هند عند نور فى البيت

كانو بيزاكرو

بس خدوا بريك كدة

المهم

نور: اووووف انا ايه اللى خلانى بس ادخل علمى رياضة

هند : تستاهلى عشان انا قلت لك عدى معايا ادبى انتى مرضتيش

نور : خلاص بقى اللى حصل حصل

نور: صحييح ... ااااييه اخبار كررييم

هند ( بخبث كالعادة ) : كرررريييم ..... اه كويس

بس معرفش بقاله كام يوم مابيتصلش بيا

واتصلت بيه اكتر من مرة ماردش

نور( بقلق) : احسن يكون تعبان ... جربى كدة اتصلى تانى

هند : اوك ...

هند تحاول الاتصال

و....

كريم ( بصوت مبحوح ) : ايوة

هند : ايه يا كريم مال صوتك .... خير فى ايه ؟

كريم : مفيش مخنوق شوية

هند : طب قولى بس فى ايه ... يعنى فى حاجة حصلت ؟.

كريم : هى نور معاكى

هند (باستغراب) : نوووور .... اه اه اهه معايا.. بس بتسأل ليه

كريم : طب ممكن اكلمها

هند : اوك ... ثوانى

خدى يا نور كريم عايز يكلمك
نور ( بتورتر شديد) : ليه فى ايه ... فى حاجة ولا ايه ؟

هند : معرفش خدى كلميه

نور: الو .. ايوة يا كرريم

كريم: ازيك انتى يا نور ... يا رب تكونى بخيير

نور : انا الحمد لله تمام .. انت بقى مالك مخنوق من ايه

كريم : والله معرفش محتاج افضفض

نور: طب قول ... انا سامعاك

ثم اخذ كريم يسترسل فى الكلام مع نور ويحكى لها عن تفاصيل حياته فتشجعت هى الاخرى واخذت تحكى له عن حياتها ...

و.....

هند : اييييييييه يا نور هانم .. هو انتى نسيتى ان انا هنا ... كل ده كلام

بتقولو ايه يعنى

نور: مفيش كان مخنوق وعايز يتكلم

هند: طب هاتيه

نور : طيب يا كريم خد هند اهه معاك

كريم : اوك ... وبجد انا ارتحت اوى لما اتكلمت معاكى بجد شكرا

نور: العفو على ايه ده انا كمان كنت محتاجة افضفض

كريم : خلة بالك من نفسك

نور : ( بصوت خافت وكسوف ) : وانت كمان

و .....

هند : ايه اي كريم بيه ... اخيرا خلصتوا كلام ده انا بقالى سنة قاعدة

كريم : معلش والله يا هند بس بجد كنت عايز اتكلم مع نووور

هند : اااه طيب .. قلت لك انا من الاول ان الموضوع اشطة وانت ماصدقتنيش

كريم : هند ماتقوليش كدة قدامها

هند : لا ماتخافش هى طلعت من الاوضة ... بقولك صحييح .. انت بتاخد درس عربى

كريم : ما انا كنت باخد وطلعت ما انتى عارفة

هند : طب بص احنا حجزنا مع أستاذ ( ....) يوم السبت الساعة 5 .. تيجى معانا

هند : ( انا واسراء و منى و(بخبث) ونوووور)

كريم : امممممممم خلاص اوك

هند : اشطة يا مان ... اشوفك يوم السبت

كريم : طب ممكن طلب يا هند

هند : ايه .. عايز ايه ؟

كريم : ممكن ماتقوليش لنور ان انا هااجى

هند : بخبث برضو : اااااااه ... ماشى يا مان .. خليها مفاجأة

كريم : اوك .. يللا سلام

هند : سلام

و يوم السبت

الاستاذ مستنى

اسراء ومنى وصلو

وبعديهم هند و نور

و ....

نور : مش نبدأ بقى ولا ايه

الاستاذ: ايه يا هند مش انتى قلتى فى واحد هيجى معاكو

هند : اه ثوانى بس يا استاذ اهه جاى

نور : مين ده يا هند ؟

هند : اصبرى بس

و...

كريم : السلام عليكم .. اسف على التأخير يا استاذ

هند : دايما كدة كاسفنا ... بعد كدة تبقى تيجى فى معادك

كريم : خلاص طيب بالراحة . ... ازيك يا نور

نور ساكته ومستغربة وببتص لكريم ومبتتكلمش

نور : هه .... ايه .... ( بصوت مبحوح ) : اهلا ازيك

راحت نور بصت بغضب اوى لهند وقرصتها من تحت الترابيزة

هند وهى تضحك: يللا يللا ابدأ يا استاذ

اثناء الحصة

نظرات يختلسها كريم لعينيى نور

ونور بتتقل وكأنها مش واخدة بالها

بس برضو كانت بتبتسم من تحت لتحت

وهند سايبة الدرس خالص ومركزة معاهم

الدرس خلص وخلاص كلهم بقى طالعين عشان يصورو الورق

البنات ماشيين قدام

اسراء ومنى مع بعض

و هند و نور مع بعض

وكريم يا عينى الولد الوحيد فى الدرس ماشى لوحده وراهم

وصلو المكتبه ... صوروا الورق ...

واكييد كريم هو اللى دفع للكل ... على اساس ان هو الراجل طبعا

نور : كريم بجد كده مش هينفع يعنى انت اول مرة دفعتلى ثمن ورق الفيزيا ودلوقتى كمان لا بجد مش هينفع

كريم ساكت خالص وبيبص فى عيون نور وبيبتسم

نور اتكسفت بقى وبصت فى الارض

كريم : نور مش موضوع هنقعد نتناقش فى كل مرة لو سمحت اقفلى الموضوع ده

طبعا كل المجموعة جوة المكتبة وهما الاتنين واقفين برة المكتبة واااخر انسجام

هند : ياختى عليكو وانتو واقفين كدة .. والنبى لايقين على بعض

نور: بدهشة كبيرة هنــــــد

كريم : طيب يللا بقى مش هنمشى ولا ايه

هند : اه يللا

تانى يوم

هند تتصل بكريم

كريم لسه صاحى من النوم

هند ( بسرعة وبقلق شديدين) : كريم .... نور عملت حادثة

كريم : انتى بتقولى ايه ... ايه اللى حصل ... طب هى فين دلوقتى ؟

هند : ودوها المستشفى ... انا لازم اروح لها حالا

كريم : وانا هاجى معاكى .. استنينى على الشارع .. ثوانى وجاى

هند : اوك سلام

و ....

كريم : اهلا يا هند . ... ان شاء الله خير

هند : انا قلقانة اوى ... استر يا رب

كريم : ان شاء الله خير

و فى المستشفى ....

كريم : مش هينفع اعدى انا.... اكييد اهلها معاها ... عدى انتى وابقى طمنينى

هند : نوور ..نورر ... الف سلامة عليكى ... خير اه اللى حصل طب انتى كويسة

نور بصوت خافت مبحوح : الحمد لله .. مفيش بس ايدى اتكسرت
بس الحمد لله

هند : الحمد لله انها جت على قد كدة ... طب ايه هتخرجى من المستشفى امتى

نور : النهاردة بالليل ان شاء الله

هند تطلب من ام نور ان تتركهم وحدهم

هند : على فكرة كريم واقف برة ... كان هيموت من القلق عليكى

نور : بجد .. يعنى هو واقف برة ..

هند : اه .. بصى هروح اطمنه وارجعلك ..

نور : اوك

هند تخرج لكريم

كريم : ايه يا هند .. ايه الاخبار ... ايه اخبار نوور

هند : اهدا اهدا .. نور الحمد لله تمام .. هى بس ايديها اتكسرت

كريم : الف سلامه عليها .. طب ايه هى هتطلع امتى ..

هند : النهارده بالليل

كريم : طب ممكن توصلي لها بوكيه الورد ده

هند : اوك

كريم : طب استنى انا معاكى ولا ايه

هند : لا لا خلاص روح انت وانا همشى معاها بالليل

كريم: اوك بس لو احتاجتو حاجة كلميينى على طول

هند : اوك يللا سلام

كريم : اوك سلام

هند : خدى يا نور البوكيه ده من كريم

نور : تنظر بفرح لبوكيه الورد

وتشم رائحته و تغمض عينيها

ثم تمسك بالكارت تقرأه وتبتسم ابتسامه رقيقة

و ....... بعد ساعتين تقريبا

هند لسه عند نور فى المستشفى ...

كريم بيتصل بهند .... ونور عاملة انها نايمة

كريم : الو .. ايوة يا هند ... ها ايه اخبار نور ؟

هند : تمام الحمد لله ... هى بس تعبانة شوية من اللى حصل يعنى واهه نايمة بتريح شويه

كريم : اممممم

هند : صحيييييييح ..... يالهوى فرحت اوووووى بالورد

كريم : بجد

هند : اه والله ... دى حتى مارضيتش تخلينى اشوف انت كاتبلها ايه فى الكارت

كريم : ممممممم ... طيب ... اهم حاجة دلوقتى صحتها

هند : والله يا كريم .... انا شايفة ان نور بجد تستاهلك . . وبعدين كمان ماتحاولش تقارن بين نور وبين حبك القديم

كريم : خلاص بقى ماتفكرنيش ... اهه واحدة وراحت لحالها

هند : يا كريم اصل انا ياما قلت لك ان ( سارة ) دى مش هتنفعك ... وانت كنت طاير بيها ... وفضلت تقولى بالعكس دى بتحبنى ...

كريم : اوووووف ... خلاص بقى اللى حصل حصل ...

وطبعا نور سامعه الكلام وعاملة فيها نايمة

هند : على رأيك .. اهه خلاص راحت لحالها

كريم : طيب لما تروحوا بقى ابقى كلمينى ويا ريت لو ينفع يعنى اكلم نور

هند : اوك هبقى اشوف كدة ايه الظروف وهبقى اقولك

كريم: اوك سلام

هند : سلام

تتنهد هند تنهيدة صغيرة ثم تنظر لنور وتتمتم بكلمات : ياااه يا نور.... يا ترى الايام مخبيالك ايه انتى وكريم .. هو شكله بجد معجب بيكى .. بس يا ترى انتى كمان معجبة بيه ولا ايه ... يارب تكونى بتبادليه نفس المشاعر .. عشان هو بجد حرام انه يتجرح تانى .. كفايه اللى حصل له اول مرة ..

وطبعا نور سامعة كل كلمة بتتقال ..... وهند فاكره ان نوور نايمة..

to be continued

تحياتى

شادى الشريف

روووووووووووووووووووووووووووووووووووووووووووووعه فعلا يا شادي
بجد متتاخرش بالجزء التالت لو سمحت
عاوزه اعرف النهايه
بليييييييييييز

اوكيييييييييييييييييييييييييييييشن

وان شاء الله الجزء الثالث بكرة

تحياتى

شادى الشريف

واااااااااااااااااااااااااااااااو

بجد مثييييييييره اووووووووى

الجزء التالت بقا بسرعه لان النت عندى بيفصل

بس بجد

مشكوووووووووووور

وااااااااااااااااو بجد مسلسل روووووووووووعه
بنفع جدا جدا يتعرض على التلفزيون
و مستنين الجزء الثالث
ان شاء الله
شكرا شادى على المسلسل بجد ممتع

نورتوووووووووووو موضووووووووووعى بردودكم

وان شاء الله استنوا الجزء الثالث قريب

وفى احداث جامدة موووووووووت

تحياتى

شادى الشريف

ربنا يكرمك يارب العالمين

ولكن نصيحه اتمني ماتخدش كل وقتك في التفكير في الاحداث ياريت علشان الاجازة نستفيد بيها

وياريت ياجماعه كلكم ماتنسوش الوصايا
حفظ 10 ايات من القران الكريم
وصيام الاتنين والخميس استعدادا لصيفنا الجديد
وقيام الليل ولو بركعتين لله

محدش يفتكر اني شديد في التعامل لا والله والحمد لله
بس انا بج مش عازواكوا تاخدوا ذنوب

واخي شادي اعلم ان كل حرف بتكتبه محسوب عليك وكل نفس تتنفسه مكتوب

اسال الله ان يعينك علي ذكرة وطاعته

واتمني الرد علي السؤال في تفسير القران في موضوع سورة الماعون
وه علي حسب الحفظ

مشكور اخي شريف
انا بقول شريف وده القب لان في عضو اسمو شادي فعلشان كده

وعلش العموم تقبل مروري اخي شادي
اظن كده خلاص صح

ربنا يكرمك يارب العالمين
معلش طولت في التعليق مع اني في الحاجات الرومانسه بحب تتحكي علي طول مش بحب الانتزار فيها علشان بتشغل التفكير

طبعا راي اكترررررررررررر من راااااائع بجد جااااااااااااااااااااااامد

وبسرعه بقى عشان نعرف النهايه

مشكوووووره يا مشتاقه ع كلامك الجميل

بجد جميله
بس فى حاجه صعباااااانه عليا موووووت فى الحلقه دى
بجد حرااااااااااااام
مووووووووووووووت

هو كريم هيفضل يدفع كدة للبنات على طول بجد حراااااااااام
هههههههههههههههه

مشتاقة

اولا بشكرك على ردك...

ثانيا ...انا مش شايف ان القصة دى حاجة شغلانى او حاجة ...

كل ما فى الموضوع ان انا لقيت نفسى قاعد زهقان بالليل ...وكل اللى عملته انى كتبت اللى فى بالى

ثالثا عمرى ما شفت ان فى حاجة هتعطلنى عن صلاتى او عبادتى او دينى ....

رابعا .... دى حاجة عادية ... مجرد قصة ... مش اكتر ... اى نعم هى فيها شوية من الحقيقة بس اغلبها خيال

تحياتى

شادى الشريف

مشكوووووووووورة نادين على الرد .... وعلى فكرة . انا لسه مش حاطط نهاية ....

انا ألفت 3 اجزاء ... وبدأت فى الرابع النهاردة ..... ويارب ماتكونش ليها نهاية ...هههه

تحياتى

شادى الشريف

محمد .... اقولك ايه يعنى ... ماهو الراجل ... يعنى لازم يدفع ...ههههههههه

مشكووور على ردك

تحياتى

شادى الشريف

» ذكريات .... الجزء الاول ...
» ذكريات .... الجزء الثالث ...
» عليك أن تعلم ان .........& الجزء الثانى &
» بطبيعة الحال الجزء الثانى !!!!!!!!!!!!؟؟؟؟؟؟؟؟؟؟؟؟؟؟
» الجزء الثانى من خيانة الصديق