يلا بينا تعالو نشوف مين على الكرسي (نور الشمس)

اهلا بيكي نادين ومنورة الموضوع

ملك شكرا علي المرور والسؤال البسيط دة

قمر اهلا بيكي من جديد.....انا حسة اننتي علي طول معايا بمشاركاتك دي

انا هبدأ بأسئلة نادين

اقتباس :

س فمارايك اختي بكرسي الاعتراف

فكرة جميلة...وطبعا تبقي اجمل لما الكل يشارك فيها

2)

اقتباس :

س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي

انا بس في الاول حسيت ان انا مش متعودة علي المنتدي والاعضاء مش متعودين علي وجودي... فكنت بفضل الانسحاب...
اما بالنسبة للشعور.... فهو احيانا فضول.... علي بعض الحيرة من اجابة بعض الاسئلة... وبعض الملل

اقتباس :

3)س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى
الأمنية اللي تتمناها ... ؟

السؤال دة انا جوبت عليه مرتين مرة لقمر ومرة لباسل.... فممكن ترجعي للمشاركات السابقة للمعرفة

اقتباس :

4)س شو أصعب المواقف اللي مريت بها ؟

الحقيقة مش متذكره

اقتباس :

5) س شو موقفك من الحب ؟؟ وهل جربته ؟؟ هل تأمن بوجوده ؟؟

اكيد طبعا الحب موجود...اكيد جربته مع الاهل والاحباب لكني لم اجرب ما تقصدينه.....ولا انوي ابدا في الوقت الحالي حتي اعطيه لمن يستحقه

6

اقتباس :

)س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم
قلبك أم عقلك ؟؟؟؟؟؟؟؟

دة بقي بيكون حسب الموقف نفسه .... لو الموقف فعلا شكله الظاهري مؤثر...اكيد القلب يعمل اسرع...اما في المواقف التي تحتاج الي نقاش ووقفة.....فالعقل هو الحكم.

7)

اقتباس :

س هل ندمت فحياتك على شي معيّــن ؟؟؟

السؤال دة بردو جاوبت عليه قبل كدة لباسل

س

اقتباس :

مالفـرق بين الحب والصداقة ؟ وهل يمكن ان يسلكا طرق الغيرة 00؟

الحقيقة انا مجربتش لدة ولا دة.... وبصراحة مش عايزة...فاكيد معرفش حكاية الغيرة دي


_

اقتباس :

ما رأيك بهذه الكلمات ..
الخيانة ..

الاعدام والاحتقار اقل العقاب لمن فعلها

اقتباس :

المرأه..

هي نصف المجتمع ومربية النصف الاخر...وانا مؤمنة تماما بالبيت الذي يقول.."الام مدرسة اذا اعدتها...اعدت شعبا طيب الاعراق.

اقتباس :

الصداقة ..

هي اسمي المعاني وهي الجزء الجميل في هذه الحياة بالاضافة الي الاهل

اقتباس :

النميمة ..

طبعا صفة ذميمة لا تسلم منها ألسنة البشر عامة والنساء خاصة

اقتباس :

النفاق ..

اسوء الصفات علي الاطلاق ...في كل شئ - الصداقة ، ابداء الحب ، الوقوف بجانبك...-

شكرا نادين علي الاسئلة الحلوة دي

دلوقتي هجاوب علي اسئلة ملك....احم عفوا سؤال ملك

اقتباس :

بصرحة انا مش عندى اساله كتير هو سوال واحد

ولا يهمك هو سؤال واحد بس اكيد مهم

اقتباس :

بما انك عضوة جديدة ياريت نعرف اية رايك فى المنتدى مع توضيح عيوب المنتدى قبل مميزاته؟

المنتدي فكرة كويسة جدا خصوصا لما يقوم بيها شباب في نفس سننا تقريبا...فدي حاجة تدخل السرور في القلب..

بس اكيد في بعض العيوب... واللي انا مش هقولها الا بغرض الاصلاح وليس لاي غرض اخر

العيوب...
1- بالنسبة للمنتدي...
الموضوعات الجديدة .... لها جزء صغير اوي 9 مواضيع فقط يكمن تحديثهم في اليوم اكثر من مرة فلا يعطي للمواضيع حقها في العرض... وكمان الواحد لما يدخل علي موضوع من المواضيع الجديدة مش بيكون عارف دة في قسم ايه...ولا كام مشاركة...ولا حتي كاتب الموضوع مين


2- بالنسبة للاعضاء...
اكتر حاجة تشغل معظم الاعضاء انهم يزودو عدد مشاركاتهم ومواضيعهم
فاما انهم يردوا بشكرا....او جزاك الله خيرا....او ههههههههه.....او حلو خالص الموضوع...وتسلم اديكي
مفيش مشاركة ...
وللاسف لو طُلب مشاركة وابداء راي او مناقشة في موضوع معين اعضاء قليلين جدا هما اللي يدخلو يشاركو

او انهم يهتمو بنقل كم كبير من المواضيع المنقولة فتصبح جميع المواضيع الجديدة لهذا العضو فقط...ثم يأتي العضو التالي ليكرر ما فعله العضو الاول .... فتندثر مواضيع العضو الاول ولا تاخذ حقها ولا تقرأ ولا يرد عليها

ولو دخلتم علي قسم مواضيع لم يتم الرد عليها....اكيد هتفهموا انا قصدي ايه......دول اكتر من 100 موضوع....تخيلو

اقتباس :

وهل عندك اقترحات ؟

1- توسيع المكان لاكثر عدد من المشاركات مع توضيح القسم التي تنتمي له..وكاتب الموضوع وعدد المشاركات....الخ

2- الادارة ياريت تجعل اقصي عدد للمواضيع الجديدة عدد2 موضوع مثلا لكل عضو يوميا حتي تأخذ حقها في الرد وحذف اي مواضيع زيادة من قبل العضو

معلش طولت عليكم اوي بس زي مقولت في الاول لعل حد يشوف الموضوع ويحاول انه يطبقه

اقتباس :

وشكرا

علي ايه... دة انا اللي شكرا
وعلي فكرة كويس انك مسالتيش غير السؤال شوفتي طويل قد ايه...ههههههه

بشكر نور الشمس وارجو من المشرفين والقائمين على المنتدى انهم ياخذوا براى نور الشمس فى الاعتبار ويقوموا بتفيذ كل ما هو مفيد للمنتدى حتى يصبح فى افضل صورة

واخيرا اسئلة قمر - حبيبة قلبي -

اقتباس :

احكيلنا عن موقف احرجك

هو اكيد في مواقف كتييييييييير احرجت فيها....بس الموقف اللي انا متذكراه ... اني كنت بتكلم مع معيد وفجأة جالي نوبة ضحك هستيري .... وهو طبعا عمال يسال انا بضحك علي ايه وانا قاعدة بضحك ومبردش عليه....طبعا كان شكلي..... وطبعا كنت محرجة خالص بس الحمد لله عدي علي خير

اقتباس :

احكلينا عن مقلب حصلك او عملتيه او ناوية تعمليه

لا الحقيقة مفيش مقالب حصلت وبصراحة انا كنت ناوية اعمل مقلب في اصحابي بس رجعت في كلامي

اقتباس :

ما هدفك في الحياه

بتهيالي هدفي هو نفس الحلم -اللي مش مستحيا اوي - اللي جاوبتك عليه

اقتباس :

ما رايك في عمل المرأة وهل ناوية تشتغلي بعد الكلية ولماذا

بصراحة انا من الغير مؤيدين لعمل المرأة ...الا في حالات معينة...بيتها واولادها اولي بيها...وانا ان شاء الله مش ناوية اشتغل الا في حالات نادرة

اقتباس :

لو كسبتي 2 مليون جنيه هتعملي بيه اية

اممممم.....بصراحة مش في دماغي حاجة خالص دلوقتي...بس ممكن اتبرع بجزء للايتام واساهم في جمعية خيرية....وبعد كدة بقي الحاجات اللي ممكن الواحد يتمناها....عربية معرفش نوعها ايه...بيت معرفش فين.... وهكذا

اقتباس :

لو لديك باقه من الزهور بها مختلف الألوان الأحمر والأبيض والأصفر من سوف تعطيه الورود

هعطيها لاسرتي واصدقائي

اقتباس :

اكثر نوع من الزهور تحبين

البلدي في شكله ... والريحان في رائحته

اقتباس :

ما الأ لوان المفضله لديك

الابيض والازرق الفاتح "لون السماء"

اقتباس :

ماذا يمثل لكي اللون الأبيض والأسود واللبني والأزرق

الابيض ..... النقاء والاخلاص
الاسود..... الشر والحقد والامور الصعبة والغشاوة التي علي القلب
البني..... الانسان- له عيوب ومميزات- فيعطيه الخليط اللون البني
الازرق.... لون السماء والبحر
طبعا الالوان دي الوان مطلقة....لكنني احيانا احب اللون الاسود كلون وليس كرمز

[quote]العريش بالنسبالك تعني ايه[/quote
العريش بتمثل ليه الهدوء والاستقرار وبلدي الثاني.... والحقيقة انا بحبها اكتر من بلدي اصلا لاني متربيه هنا وكل الزكريات هنا .... بس دة طبعا ميمنعش اني بحن لبلدي الاولي

ياريت والله يا ملك

وانا كمان بقترح فتح قسم للاقتراحات

وشكرا للجميع مشرفين واعضاء

اهلا بجميع الاعضاء انا طبعااا هشترك معاكو ف كرسي الاعتراااف لانب بحب اوي الاسئله

اعتقد ان كدة الاسبوع بتاعي خلص وحان الوقت لاختيار العضو اللي هيشرفنا علي الكرسي خلال الاسبوع القادم ان شاء الله

تعالو نشوف مين سعيد الحظ....او.....


اللي هيقعد علي الكرسي

لا لا مفيناش من الهروووووووووووب ههههههه