!!!!!هي راحت فين الرجالة؟

طول ما انت ماشي في الشارع بشوف رجالة كتيييييييييييير....صح؟؟

لا غلط انا بشوف رجالة (كنوع) انما كصفة


يعني مثلا خلينا نستعرض المواقف اللي ممكن تظهر فيها الرجولة


في الميكروباصات

خصوصا يعني ميكروباصات حسان ما شاء الله عليه السواق مبيزهقش من كركبة الناس فوق بعضها

رجال علي سيدات.... وتلاقي الشباب قاعد ومتجاهل البنات اللي واقفة عمالة تخبط في فلان وتقع
علي علان وياريتو متجاهل البنات الشابات بس.... لا دة انت تلاقيه كمان متجاهل الراجل ولا الست العجوزة اللي مش قادرة تمشي الا بعكاز....ولا حول ولا قوة الا بالله

ولو لقيته قام يبقي في كذا سبب للقيام

واحد احرجه بكلمة كدة ولا حاجة فقام علي مضد

واحد من الشباب الكووووول قام للبت الكول عشان يعرف يبدأ الكلام معاها ازاي ويعمل فيها الواد الجنتل


لحظه السيئ يا عيني لقي في وشه واحدة عارفها جارته كدة ولا حاجة

راجل قام للبنت عشان متدبهدلش في الوقفة.... ودة طبعا بيكون نادرا وهما دول الرجالة اللي بنتكلم عنهم


في الشارع

تلاقي الواد عمال بياكل في اللبانة ومنزل البنطلون وعامل شعره معرفش ازاي وحاطت السمعات في الرايحة وفي الجاية وفايده السيجارة عشان طبعا يبقي في عين اصحابه واد جاااااااااااااااااامد وطبعا
مفيش مانع لو لقي بنت ماشية في امان الله يصفر صفارة ويقول كلمة كدة ولا كلمتين......اه طبعا لزوم الروشنة


في الكلية
تلاقي الواد منهم في الكلية قاعد علي طول مع توتي وبوسي وفي المدرج تلاقية عمال يتريق علي ده وديه ومش سايب حد في حاله وطبعا لازم يقوم يغلس علي الدكتور ولا المعيد اللي واقف ويبجح معاه .....طبعا اومال اصحابه يحترموه ازاي لو معملش كدة


وفاماكن تانيه كتييييييييييييييير......دة اللي انا شيفة معظم الشباب والرجالة عليه واللي للاسف محسوبين علينا علي الفاضي كدة وخلاص بالعكس انا شايفة ان قلتهم احسن

ياجماعة بعد اذنكم عاوزة اعرف منكم يا شباب ليه شباب الايام دي وصلو للمرحلة دي من الاستهتار واللا مبالاة ويا ريت ياجماعة تقولولنا ايه هو الحل للمشكلة دي

اختكم
نور الشمس