ازاى تعرف انك فى فيلم عربي؟!!...

[size=16]ازاي تعرف انك في فيلم عربي ؟؟؟

عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ,, ها عامل اية دلوقتي ؟

المفاجأه انة يرد عليها الحمد لله بقيت احسن
(كدة بالسهولة دي هو واخد حبة البركة ولا ايه )

عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )

عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه
( وتلاقي البطلة في الفيلم مصيفه )

عندما تقول البطله للبطل انها حامل فيرد البطل على طول .. اللي في بطنك ده لازم ينزل
( غالبا بيكون يوسف شعبان )

عندما تفاجئ باغنيه مالهاش أي لزمه في نص الفيلم
(مش عارف اية العلاقه بين الاغنية والفيلم)

العبارة الساذجة الشهيرة التلي تصطحب مشهد القبض علي المجرم
( مفيش جريمة كاملة وانت فاكر انك هتهرب من البوليس بعملتك دي )

عندما يسكر البطل فتجدة يصب كوب ممتلئ علي اخره
( بيسكر بعصير قصب )

عندما يكتشف الزوج الخيانه مصادفه لانه نسي شيئا فعاد الي البيت

()

عندما يخرج الطبيب من غرفة العمليات يرد جملة من ثلا ث جمل
( اضطرينا نضحي بالجنين ) ( شدو حيلكوا يا جماعه ) ( العمليه نجحت بس مش هتقدروا تشوفوه دلوقتي )

عندما يجلس البطل والبطله في نفس الكازينو بتاع كل فيلم اللي في وش ماسبيرو

(ويطلبوا نفس العصير اللي في كل الافلام)

( تانج او ميراندا )

ويخلص المشهد من غير ما حد يشرب حاجة علشان هيتصور بالمشاريب دى فيلم تاني

عندما يصاب البطل بطلق ناري في قلبه وتنزف الدماء من بطنه زي صلصلة الكشري
(ويظل يتحدث بطلاقه وتركيز لمدة خمس دقائق)

يقوم خلالها بفك لغز الفيلم والاعلان عن القاتل الحقيقي او البطل يبقي ابن مين

عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية حوالي 30 كليو

عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس

تقولها لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء

عندما تغير حرب اكتوبر اخلاق كل المنحرفين الموظف المرتشي والراقصه والجاره اللعوب والبلطجي والمجرم بطبعه

عندما تجد مقر العصابة ملئ بالقش والبراميل الخشبية

التي تستخدم لاحقا في المعركة بين افراد العصابة مع البطل وصديقه الذين جائوا لانقاذ البطلة
[/size]

بجد موضوع جامد بس نعمل ايه احنا اتعودنا على النهايات دى من غير النهايات دى منبقاش مصرين دا تراث منقدرش نغيره ياجماعه

بس بجد جامده ههههههههه

ههههههههههههههههههههههههههههههههههههههههه
بجد جميل موضوعك ده ...........تسلمي

ازاى تعرف انك فى فيلم عربي؟!!... 43ff396ac4

موضوع بجد بجد تحفه
thank you

ههههههههه

عندك حق دي الافلام عربي

على فكرة الموضوع دة جامدا جدا واوعى قشطة

هههههههههههههههههههههههه
جاااااااااااااااامد يا نيوتى
وتبقا انت اكيد اكيد فمصر
ههههههههههههههههههههههه
بجد توبيك لذيذ
وهى دى مصر يا عبله
ثااااااااااانكس يا نيوتى يا جميل

موضوع جامد
بس خلاص كل الافلام بقت مشابهه بعضها والنهايات متشابهه
وهي دي مصرنا امنا عزنا وفخرنا

ههه نعمل ايه فعلا علي رأي عبيد احنا اتعودنا علي كده
جزاك الله كل خير تسلم الايادي

» ازاى تعرف انك بسلامتك فى سنة 2009
» عاوز تعرف مين مثلك الاعلى ؟؟؟؟تعالى وانت تعرف
» مسطول .. دخل امتحان عربي ...!!!!!
» ازاى تعلق اى بنت
» ازاى تطفشى عريس انتى مش عايزاة واهلك عيزينة