حوار صريح جدااا......

السلام عليكم ورحمه الله وبركاته

في حياتنا الكثير من المواقف التي تتطلب منا التوقف عندها للتئمل فيها واصدار احكامنا لها
فاحيانا الانسان يضطر الي مجامله ضيف او صديق عزيز عليه
فهنا يقودنا سؤال هل المجامله تصل لدرجه النفاق ؟
وايهما افضل الصراحه ام المجامله ؟
او هل كل منهما له دور في حياتنا ؟

فانا اترك لكم حريه الحوار والمناقشه وسكب ارائكم

فارجو التفاعل معي

بصراحه كل منهم يا نادين ليه دور في حياتنا
لان الزمن اللي احنا فيه ماشي بالمجاملات
ولكن بالنسبه ليا
بقول الصرااااااحه ثم الصرااااااحه ثم الصراحه

مشكووور يا حور انا بحب الصراحه جداااا برضو بس ع رايك الزمن ده مش بتاع الصراحه لو قلتي الصراحه تحسي انك غلط
وشكرا ع ردك يا جميل

مشرف عدد الرسائل : 3051 تاريخ التسجيل : 01/11/2009

جمييييل الموضوع يا نادين
المجاملة عمرها ما كان ليها دور ولو ليها او فعلا ليها بيبقى دور مؤقت
كومبارس يعنى..
الصراحة بتزعل فالزمن دة ع حسب الطريقة اللى بتتقال بيها وبتختلف ع حسب شخصية اللى بيقولها
لكن فالاول وفالاخر مسماها الصراحة
يعنى لو شخص انتى عارفة انة بيضايق من انك تتكلمى معاة
ولازم طول الوقت تمشى معاة بالمجاملات
دة ممكن تتكلمى معاة بس باسلوب ذوق يحرجة وهيتقبل كلامك غصب عنة
وبكدة تكونى وصلتى اللى عندك بصراحة ومن غير مجاملات توصل للنفاق.
تسلم الايادى ع الموضوع

هما الاتنين ليهم دور في حياتنا

بس المجامله زي ما سارة قالت مؤقته

بس اللي ماشي في زمنا ده هي المجامله

انما الصراحه دي بتختلف من شخص لشخص تاني

وبالنسبالي انا بقول الصـــــــراحه

مشكورة كتير لطرحك للموضوع...

الشكر لحضوركم والردود الجميله منورين

ليه يا جماعه الزمن ده مش بتاع صراحه يعنى ؟؟
الزمن هو هو وما اتغيرش والناس برضه زى ما هى
اللى صريح فى حياته من البدايه هيفضل صريح مهما طرأ ع الناس او ع الزمن تغيرات
واللى كان منافق هيفضل منافق لانه اختار انه يكون منافق
وكمان هى مااسمهاش مجامله
لا
احنا بنحلى شكلها واسمها ونقول مجامله
لكن هى قمه النفاق
انا اقول رايي وكلامى زى ماانا شايفاه او شايفه الشخص اللى قدامى
وهو حر بقا يتقبل او ميتقبلش
انما مااقولوش كلام مثلا انا مش شايفاه فيه
طب وليه ؟؟؟
بلاش نعيش زى ماالشخص اللى قدامنا عايش
احنا نعيش زى مااحنا ونقول ارائنا زى ما هى
وهو حر فاختياره يتقبل الكلام او لا
ولكن ده مش معناه انى اقول كلام زى الدبش واقول انا حره
لا طبعا
فى حدود فى الكلام
يعنى اللى متعود يتكلم بلطف وبمراعاه لاحساس اللى قدامه هيتكلم كده
واللى مش متعود هيتكلم بالاسلوب اللى هو اتعود عليه
يعنى فالنهايه الموضوع بيكون ع حسب الانسان نفسه
وزى ما هو اتربى وعاش
واذا كانت سلبيات الحياه اثرت فيه ولالا

توبيك جميل
مشكوووووووره

جميل ان يكون هناك معارضه وده الغرض من التوبيك منتفقش ع راي واحد مشكوووووووره يا ميرا ردك جميل

اذا تكلمنا عن النفاق والمجامله فهما وجهان لعمله واحده الفرق بينهم شعره ان انقطع اصبحت المجامله هى النفاق بحد عينه لا نحتاج للاثنان مادمنا على حق وفى مركز القوه فلا احد يستطيع اجبرنا على مجاملته بغير وجه حق ربما يستدعى الامر الثناء للتشجيع لكن المجامله الكدابه هى النفاق بحد عينه .. مودتى

» لو صريح ادخل ,,,,,,,
» ◊۩¯−ـ‗: : :حوار مع الرئيس : : :‗ـ−¯۩◊
» حوار بين ولد وبنت
» حوار بين ذكر وانثى
» حوار مع دمعتى.....!!!