tweety
مشرف
عدد الرسائل : 1513
العمر : 33
بلدك اية : ديزنى لاند
تاريخ التسجيل : 21/12/2009
 |  موضوع: أخر رخامة 2 .... الأحد أكتوبر 17, 2010 11:18 pm | |
|
واحد صاحب معرض سيارات بيقول لصاحبه : كنت قاعد مع (ماروتى) امبارح وقت (شيروكى) الشمس .. قولتلها يا (مازدا) قولتلك (الفا روميو) (ميتسوبيشى) العيال لوحديهم فى البيت لحسن حد فيهم (يجيب) من الشباك يقع يكسر (سوبارو) أو يموت (شاهين) ودى تبقى (كورسا) كبيرة ... قالتلى (كيا) (بونتو) تشك فيا ؟؟ قولتلها ايوه (هوندا) ده الكلام بس لو عملتى (كيا) تانى هوديكى فى (سيتروين) داهية
واحد بلدياتنا اتصل بالاستعلامات قال لهم إديني رقم المطافي، الموظف قال له: 999 قال: يعني تلات تسعات؟ الموظف قال: أيوة تمام قال: طيب أنا ماعنديش غير تسعة واحدة في التليفون. قال له: والله إنك صعيدي صحيح. قال له، ياعفريت، ومركب كاشف كمان ؟؟؟
ليه الصعيدي بيحط جنبه منبهين؟؟
عشان واحد يضرب والتاني يحوش
طب ليه الصعيدي بيحط جنبه كوباية شاي؟
عشان منبه
طب ليه بيحط كوباية قهوه؟
عشان لو الشاي مرنش
طب ليه الصعيدي وهو بيتغدى بيحط جنبه كوباية ميه فاضية وكوباية ميه مليانه؟
عشان ممكن يشرب وممكن ميشربش
و ليه بيحط ملح على راسه؟
علشان يبقى حدق
و ليه بيحط سكر على الكرسى قبل ما يقعد؟
علشان تبقى قعدته حلوة
ليه الصعيدى لما بيشوف البرق بيضحك؟
عشان الصوره تطلع حلوه
ليه الصعيدى بيلبس شرابات خضراء ؟
عشان خضرا لابسه شراباته
طب ليه بيلبس شرابات زرقاء؟
عشان شرابات خضرا مغسوله
صعيدى واقف فى الشمس و معاه دودة ليه؟
عشان الدكتور قال له اقف فى الشمس دقائق معدودة
لية الصعيدى بيحط خيارة تحت المخدة؟
عشان لو حط طماطماية هتتفعص
طب ليه الصعايده بيصنعوا الاتوبيسات بالعرض؟
عشان يركبوا كلهم قدام
خمس صعايدة فى غواصة غرقوا ليه؟
سمكة خبطت عليهم
ليه الصعيدى الصغير أذكى من الصعيدى الكبير؟
عشان ما بقالوش كتير صعيدى
ازاى تعرف البواب الصعيدى؟
بينضف الاسانسير كل دور
صعيدى لغى معاده مع الدكتور ليه؟
عشان عيان
حاجتين سود بينهم حاجة بيضة ايه؟
عثمان احمد عثمان
ليه الست الصعيدية مابتشربش ميه طول فترة الحمل؟
عشان القفل اللى فى بطنها ما يصديش
ليه الصعيدى بيشرب الدوا قبل معاده؟
عشان يفاجىء الجراثيم
ليه الصعيدي بيدهن شقته باللبن؟
عشان تبقي شقه ملك(milk)
ليه الصعيدي بيلبس عمه؟
عشان يعرف راسه من رجليه
ليه بياخد معاه شومه و هو طالع الجبل؟
عشان لو الشمس ضربته يضربها
ليه بيلبس نضارة و هو نايم؟
عشان يشوف مين اللي بيحطله العماص في عنيه
ليه بياخد معاه شمسيه و هو بيعوم؟
عشان لو الدنيا مطرت
طيب ليه بيخلي اخوه ينام تحت الشباك؟
عشان يخض الناموس و هو خارج
ليه قتل ابوه؟
عشان يطلع رحله الايتام
طيب ليه قتل عمه؟
عشان ابن عمه يطلع معاه
طيب ليه قتل خاله؟
عشان الاجرام بقي في دمه
طيب ليه انتحر بعد كده؟
عشان رحله الايتام اتلغت
طيب ليه بقي بيقعد في حفرة؟
عشان يفكر بعمق
طب ليه بيدرس فوق السطح؟
عشان يعمل دراسات عليا
طيب ليه بيذاكر مع الشيطان؟
عشان الشيطان شاطر
ليه مش بيشتري صابون؟
عشان اخوه بيعمله سندوتشات
ليه مش بيشتري رابسو؟
عشان اخوة بيعمله فوار
طب ليه مبيشتريش بمب؟
عشان اخوة بيقزقزه
واحد بلديتنا واقف قدام المرايا و مغمض عنيه ليه؟؟
بيشوف شكله وهو نايم
ليه الصعيدي لما يتعور يطلع فوق السطوح؟
عشان الجرح يبقى سطحي
| |
|
lala
صديق ذهبى
عدد الرسائل : 1217
العمر : 26
بلدك اية : العريش
تاريخ التسجيل : 05/12/2009
| | موضوع: رد: أخر رخامة 2 .... الأحد أكتوبر 17, 2010 11:27 pm | |
| هههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههه
بجد توبيك جاااااااااااااااااااااااااااامد
مشكوووووووووووووووووووووور فانتظار المزيد
| |
|
الشاعر الطيب
مشرف
عدد الرسائل : 1683
العمر : 32
بلدك اية : مصر
تاريخ التسجيل : 16/05/2010
| | موضوع: رد: أخر رخامة 2 .... الإثنين أكتوبر 18, 2010 12:17 am | |
| هههههههههههههههههههههههه
جامد يا عسل تسلم ايديك
تقبل مروري,,,, | |
|
