كنت زمان قريت قصه هحكيهلكم

كنت زمان قريت قصه هحكيهلكم

بس يارب تعجبكم

كان فى مره شاب عاجز معندوش اى شيئ فى الدنيا غير الكرسى المتحرك اللى عليه

والقصص والكتب والرويات اللى فى مكتبته علشان يبعها

مكنش عنده اهل كان اهله متوفيين كان عايش لوحده وكان عايش فى قريه هاديه جدا ومكنش فيها محلات كتير

كان بجوار المكتبه بتاعته صيدليه كان دايما بيروح الصيدليه كل يوم لان كان علاجه حقنه كل يوم

وكان لازم ياخدها فى الصيدليه

وفى يوم راح الصيدليه علشان ياخد الحقنه بتاعته شاف بنت موجوده فى الصيدليه طلب منها انها هى اللى تديله الحقنه

لان كانت رجله ابتدت تألمه ولازم ياخد الحقنه

مر اليوم وكل يوم بقت البنت تديلو الحقنه فى ميعادها

ومره واحده جت البنت فى يوم وحست بشعور غريب حست انها بتحبه

وبتخاف عليه وعاوزه دايما تطمن عليه

وفى اليوما للى بعده راح الشاب للصيدليه وكان معاه روايه رومانسيه كان بيقراها

البنت شاف الروايه فى ايديه وسالته عنها قالها انه بيحب الروايه دى ودايما الروايه دى بتوحشه وبيقراها

وفى اليوم اللى بعده الشاب مقدرش يروح الصيدليه ياخد الحقنه والمكتبته بتاعته كانت مقفوله

مر اليوم والبنت استغربت انه ممرش عليها زى كل يوم

فى اليوم التالى لاحظت البنت بأختفاء الشاب

فا سألت عن منزله وذهبت لمنزله خبطت على الباب فتح لها خادم هذا الشاب

قالت له اين هو قال لها انه مريض

دخلت عليه واعطت له الحقنه وسالته عن الروايه فقال لها انها لا تفارقنى

فكتبت له ورقه وحفظتها داخل الروايه

مرت الايام وعاد الشاب الى مكتبته بعد ان شفا

وسأل عن البنت لانه مرت ايام ولا يراها وعندما سأل عن البنت قال له دكتور الصيدليه انها لم تأتى الى الصيدليه لها عده ايام

فا سأل عن منزلها وذهب اليها ليطمئن عليها

فتحت له والدتها وسألها عن البنت قالت له لو ليوم واحد فكرت ان تفتح الروايه لعرفت اين هى

ذهب الشاب الى المكتبه وفتح الروايه ورأى الورقه مكتوب بها

( احبك واعلم اننى احبتتك اكثر من نفسى )

مرت الايام وعرف الشاب من الدكتور الذى بالصيدليه تركت له مصل من جسدها هو الذى يشفيه ويجعل له القدره على المشى

لانه من نفس فصيله دمها

وهو كان ليس لديه المال لشراء نفس فصيله دمها

فتبرعت له هى بدمها كاملا له حتى يشفى من مرضه

ندم الشاب على عدم احساسه بالفتاه اللذى احبته اكثر من نفسها

هى قصه حلوه
لكن اظن انها مش حقيقيه يعنى
او يمكن تحصل بس مش فالزمن ده
يعنى زمان مثلا
اصل هو فين الحب ؟؟؟؟؟؟؟
ويعنى ايه حب ؟؟؟؟؟؟؟؟
طب وليه لازم نحب ؟؟؟؟؟؟؟
طب وهو فى حد يستاهل اننا نحبه ؟؟؟؟؟؟؟؟؟؟
بجد انا اكتر حاجه محبش اتكلم فيها هو الحب
ولا بحب ارد ع حاجه تخص الحب
لانه فين اصلاااااااااااااااا
انا عن نفسي مش شايفاه
اصل مثلا البنت اللى فالقصه ديه حبت الشاب ع اى اساس
لمجرد انها شافته بس
..................
يعنى انا مبسميش ده حب
لان المفروض اللى يحب حد يحبه عشان عاشره
عشان عارفه
عشان فاهمه
يعنى مثلا ابقا عارفه الشخص ده ايه
واخلاقه ايه
يعنى احب قلب الشخص اللى قدامى ده
احب روحه
احب شخصيته
احب حنيته
طيبته
.....
انما لو معرفوش احبه ازاااااااى
طب ماانا اصلا مش عارفاه
اظنه هيبقا حب فاشل
او نهايته مكتوبه من قبل بدايته
انا مش عايزه اقول ان الحب حاجه وحشه
لانه اكيد احساس حلو
وفى قصص منه بتنجح
لكن انا مش حاسه الحب فحياتى
لامساه مع صحابي وبس
بس الاحلى من احساس الحب
هو احساس الارتياح
يعنى مثلا تبقي مرتاحه للشخص اللى قدامك
ساعتها والله بتحسي انك ملكتى الدنيا كلها
لما تلاقي قلب طيب بيحاول يفرحك
ويضحكك فعز همك
بيبقا نفسك تعملى اى حاجه عشان تخليه يبتسم بسببك
يبتسم بس
لان احيانا بنقابل ناس فحياتنا منعرفهااااااااش ولكن نرتاحلهم
انا عارفه انى طولت عليكي
لكن انا حاسه انى عايزه اتكلم اوى
هحكي عن حاجه حصلت معايا من سنه ولحد دلوقتى انا لسه مستغرباها
من سنه حلمت بشخصيه كده
حد انا معرفوش
ومااهتمتش بالحلم ومحطيتش فدماغى
بعدها بفتره قابلت حد واتعاملت معاه
وكانت بالصدفه
طول ماانا بتعامل معاه
فاكره انى عارفاه
انى كلمته قبل كده
لكن انا عمرى ما كلمته قبل كده
ولا كنت اعرفه حتى
بس اتعاملت معاه بتلقائيه يعنى مثلا لما يبقا فى حد متعرفيهوش
فبدايه تعاملك معاه بتبقي قلقانه وكده
لكن معملتش كده وكنت متطمنه جداااا
لكن بالصدفه افتكرت الحلم ده
وانى حلمت بيه من قبل مااشوفه ولا اتعامل معاه
انا ساعتها فرحت اوى
مع ان محدش بيصدق الكلام ده
لكنه حقيقي فعلا وحصل معايا
يعنى بما انى رغيت كتير اوووووووووووى
فانا عايزه اقوووول حاجه لحد مهم اوى
وهى انى بشكره جدااااااااا ع وقوفه جمبي كتير اوى
ومساعدتى اكتر واكتر
وانى مهما اعمل مش هقدر اوفيه حقه ابدا
لكن قلبي دائم الدعاء ليه
واتمنى من ربنا انه يكرمه ويوفقه ويسعدله كل ايام حياته
وربنا يحبب فيه خير خلقه كمان
وكمان
ويجعله ديما سبب اسعاد الاخرين وادخال البهجه ع قلوبهم
ويااااااااااااااااااارب يكون جزاؤه الفردوس الاعلى وجنه الخلد
واتمنى ان التوبيك ده يفضل موجود ع طول
علشان يفضل زكرى جميله ليا
افتكر بيها اعز انسان ع قلبي
لو عشت وكان ليا عمر
واتمنى انه يفضل فاكرنى بالخير دايما

مفيش رغي ولا حاجه احان بنكتب المواضيع وياريت كل الردود عليها تكون بالمناقشه كده والافاده مش مجرد شكر وبس
وبعدين ياميرا المنتدي منتداكي والبيت بيتك يعني هههه
وباذن الله الموضوع ده يفضل علشان تفضل الذكري الجميله دي ليكي

اما بالنسبه للكلام عن الحب فانتي بتقولي زامن كان فيه
ميفرقش زمان عن دلوقتي الا اللي فيه مفيش زمن بيتغير واذا كان في زمان حب بجد ففي دلوقتي بردوا بجد القلب الطيب والمخلص مفيش زمان بيغيروا والجيل مهما راحت اجيال وجت اجيال الزمن هوهو الناس اللي بتغيروا
بالنسبه للحب موجود بكل مكان الدنيا بدون حب متبقاش دنيا مش حب بين شخصين وبس تؤ
الحب فيالله حب الاخويه حب الخير حب ....حب..........حب كل حاجه حلوه وجميله في الدنيا
اللي مش موجود ممكن نقول بعض الناس الاخلاق والاحترام ممحي منهم وده الحمدالله مش فينا ده في اللي بيعصوا ربنا وبيحبوا حب الضلمه اللي بيبقي كلوا كدب في كدب في تسليه في خداع في غش وفي الاخر فرااااق

لو واحد بيحب واحده بجد هيدخل البيت من بابوا وهيخاف عليها انوا يصارحها قبل مايكون في بيت اهلها ده لو بيحبها بجد
والبنت اللي بتحب بجد يوم ماتروح تصارح شخص بتحبوا من غير علم اهلها من غير احترام لنفسها
يبقي بتكدب علي نفسها لانها لو حبتوا بجد تصبر لو مؤمنه فعلا تصبر وتعلم ان الله يرزق من يشاء بغير حساب

يعني في القصه دي البنت مصارحتش الشاب لدرجة انها ضحت بحياتها علشانوا بدون ان تعلمه انها تحبه
ده الحب الحقيقي
الحب الحقيقي اللي يبقي بين اتنين وتالتهم الايمان والتقوي والحب في الله اللي يعرفوا ازاي يحافظوا علي حبهم برضا الله عليهم ازاي يخافوا علي بعض ازاي يتقوا الله في بعض ازاي يوجهوا بعض لطريق الايمان والمغفره والرحمه

كل ده موجود دلوقتي وبردوا موجود العكس كل شئ موجود
مفيش حاجه اسمها مش موجودالا المعجزات لانها انتهت من ايام الانبياء رضي الله عنهم وصلي الله عليه وسلم

اللي نيتوا صافيه لله ثم للحبيبوا اللي بيحبوا هيقدر يحس الحب الحقيقي ومش هيندم
لكن الل ينيتوا تسلايه وحب المظاهر الكدابه والتسليه والكدب ده اللي هيندم اشد الندم في الاخر
والله يهدي من يشاء ويرزق من يشاء بغير حساب

ومرسي لمرورك جدا ميرامارونورتيني بذكرتك الجميله دي
وان شاءالله تفضل في المنتدي دوووووم

مشرف عدد الرسائل : 3051 تاريخ التسجيل : 01/11/2009

اية الرغى الكتير دة ؟؟؟
كنت زمان قريت قصه هحكيهلكم Icon_biggrin

وجعتولى عينى
هدو اعصابكو يا جماعة محدش مستاهل والله
يجيلكو السكر ولا حاجة محدش هينفعكو
نتكلم جد بقى عشان منقلبش هزار
اقولكو حل يريحكو خليكو الون يعنى وحيدين
مش لازم يعنى حد تانى
مالهم صحابنا وحب الوطن اشتكووووو!؟
يلا سلاموز عليكو والقصة جميلة والله يا قطر
تسلم ايدكى

هههههه مش رغي ولا حاجه بس مناقشه
مش احنا بننزل المواضيع علشان نناقش ونستفيد
وبعدين يعني حد قال ان حب الوطن مش حب ده اعظم حب بعد حب الله عز وجل ثم رسوله عليه الصلاة والسلام
بس بنقول عمتا سنة الحياة اننا لازم نختار شريك حياتنا صح
وبعدين حد قلك اننا عايزيين دلوقتي جواز مع السلامه لسا بدررررررري جواز ايه واحنا لسا اصلا يعتبر في سن المراهقه اللي بيبدا من 16 حتي 20
مسؤلية ايه لبيت واطفال وتربايه اللي نتحملها قبل 20 او 21 سنه ده اقل سن ممكن نفكر فيه للزواج وميمنعش ان الواحده لو لقت المناسب دلوقتي توافق بيه بس خطوبه لكن مسؤلية بيت تؤتؤ مش قبل 20 او 21 سنه

وسوووري ياابو راضي علشان دوشناك ههههههه جبت عيلتك يلا
يلامانجو عليكي وردك الاجميل
تسلم ايديكي علي مروردك

» أيام زمان ......
» ايام زمان..........
» اكبر البوم صور تراثى موجود لسينا من زمان جاامد
» يأتي على الناس زمان يصلون وهم لا يصلون