تساؤلات كتير محتاجه تفسير

السلام عليكم روحمةالله وبركاته

اولا احب اهنيكو ع المنتدى الاكثر من هائل والتوبيكات الجامده والمتنوعه واللى بتتناول اكثر من مجال للحوار الشيق والمفيد كنت ع النت فعجبنى المنتدى وحبيت اشترك معاكو هنا فيه وياريت تقبلونى عضوه معاكو هنا ده يشرفنى جدا

وكان عندى تساؤلات فى حاجات كتير ممكن ارائكو فيها

الدنيا بتمثلك ايه؟؟



الصداقه يعنى ايه؟؟



هو الحب حرام ولا حلال مع العلم انه حب صادق هينتهى بنهاية سعيده باذن الله ؟؟



ايه رايك ف نظام التعليم فى مصر ؟؟



لو اتعرض عليك تكون حاكم اكبر دوله ف العالم ايه اول حاجه هتعملها وليه ؟؟



ايه رسالتك فى الحياه ويعنى ايه كلمة انسان بالنسبالك ؟؟



لو ف يوم حسيت انك عندك موضوع عايز تاخد راى حد فيه وملاقتش الحد اللى تثق ف رايه
هتعمل ايه وهتلجا لمين ؟؟



ليه بقى حال الاعلام فى مصر كده وليه كل الجراه وعدم الاحترام اللى وصلتله السينما المصريه
وياترى مين السبب فى كده من وجهة نظرك ؟؟




عندى تساؤولات كتير اوى فى مجالات كتير اوى وسبب اشتراكى فى المنتدى ده انى الاقى اجابه على كل تساؤلاتى وفى نيتى انى انزل توبيك اعرف فيه اراء الشباب وتفكيرهم وصل لحد فين
ولو لاقيت منكم تفاعل هستمر ولو ملاقيتش ترحيب هخرج وكانى مدخلتش هنا

فى انتظار ارائكم ومشاركاتكم
مع تحياتى
يااااااااااااارااااااااااا

بسم الله الرحمن الرحيم
أولاً المنتدى منور بوجودك وان شاء الله يكون فى تفاعل ومش هتمشي ولا حاجة
بل سيزيدك لمنتدى إثارة وتشويق وطبعاً لأن أغلبية لا ده كل لمنتدى طلبة جامعين وفى متخرجين
وناوين يتخرجوا أمثالى هههههههههههه يلاه نجاوب على الاسئله

الدنيا بتمثلك ايه؟؟

الدنيا بتمثلي كل نقطة امل بنشوفها على كل مولود مع اول صرخه وهو بيسارع للحياة
الدنيا بتمثلي دروس وقرصات ك يوم بتنتعلم منها الدنيا بتمثلي العديد من الاختبارات
والامتحانات ينجح يسقط

الصداقه يعنى ايه؟؟
الصداقه تعنى الكثير فلولا الصداقه لاتوجد الحياة ولولا الحياة ماتكون فى صداقه
فالصداقه أحدى قوانين الحياة الطبيعية لتى تكتمل بها الحياة وهى احدى اختبارات لحياة ايضاً
يصيب يتخيب وبرده قرص من قرصات الحياة

هو الحب حرام ولا حلال مع العلم انه حب صادق هينتهى بنهاية سعيده باذن الله ؟؟

اولاً الحلال بين والحرام بين والحب والعاطفه والمشاعر ليست بحرام ولاكن تدخل فى لحرمنية
عندما تكون شهوانية وانتى عارفه ان حب الايام دي بينتهى بكوارث وولا الحب
يبقى كل بنى آدم بكرهوا بعض ومفيش الاخاء والصداقه فهمتى قصدي

ايه رايك ف نظام التعليم فى مصر ؟؟
النظم التعليم فاشل من لالف للياء


لو اتعرض عليك تكون حاكم اكبر دوله ف العالم ايه اول حاجه هتعملها وليه ؟؟
بصي يارب ميكتبها عليا لأنها مسئوليه بس لو حصل هغير نظام نظم التعليم والتربيه من الاساس
عشان اطلع جيل نقى قد المسئوليه وبعد اغير الحكومة واشغل الشباب فيها اللى تربوا على اسس سليمة

ايه رسالتك فى الحياه ويعنى ايه كلمة انسان بالنسبالك ؟؟

رسالتي فى الحياة أنى أكون قد المسئوليه محبوب من العلامات المميزة فى التغير
والتعمي بحكم كليتنى وشعاري عاوزينها تبقى حمرا قصدي خضرا .
أما بالنسبة لكلمة انسان بالنسبة ليا فهى تعنى الكثير تعنى أبداع الخالق جل جلاله
فى صنع الانسان تعنى المحبه والاخاء تعنى اعمار لا الخراب تعنى السلام
لا الاستسلام تعنى تعنى تعنى مجرد انها تعنى

لو ف يوم حسيت انك عندك موضوع عايز تاخد راى حد فيه وملاقتش الحد اللى تثق ف رايه
هتعمل ايه وهتلجا لمين ؟؟

هلجأ للوحد الديان الذي لا يغفل ولا ينام بدعاء او صلاة او تدرع فهو اعلم بمصلحتى
وهو اعلم بحالي فلا إله لا هو له الملك وله الحمد

ليه بقى حال الاعلام فى مصر كده وليه كل الجراه وعدم الاحترام اللى وصلتله السينما المصريه
وياترى مين السبب فى كده من وجهة نظرك ؟؟

وجهة نظري اننا أحنا بسلبيتنا وسكوتنا اسبب احنا اللى سمحنا بأنتشار الثقافة الغربية واحنا
اللى بقينا نطبقها فى حيتنا وتخلينا لعادتنا وتقاليدنا هما السبب لما يبقى لبيت العربي اسماً فقط
لما يبقى الاخ مش خايف على أخته لما يبقى اساس التربية انحلال وانعدام فى المبادئ يبقى
السبب الوحيد هو أحنا اللى عملناه فى نفسنا واكبر سبب هو حب المال السريح او اكسب السريع
هو اللى خلى السينما بتاعتنا واعلامنا منحل الفلوس خلت الشعب يروح لقنوات غير محليه تتتطلع بلاي بلدنا
ولا حو ولا قوة الا بالله العلي العظيم
مشكووووووورة يارا على موضوعك ويارب تكون الاجابه قد المسئوليه

فيصل اهلا بيك بشكرك كتير على تفاعلك واجاباتك المميزه وارائك اللى كانت من اول الاراء اللى اعجبت بيها هنا
بس رايك يغلب عليه الدبلوماسيه والواقعيه
اسلوبك مميز يغلب على طبعك التدين والاخلاق وحب الاصدقاء

بشكرك مره تانيه وارجو التفاعل من باقى الاعضاء

جزاك الله خيراًَ ودي شهادة اعتز بيها واوضعها وسام على صدري
وبطلب من جميع الاعضاء التفاعل ورمضان كريم

الدنيا بتمثلك ايه؟؟


حاجة زى الثانوية العامة كدة بتتدرسى فمدرسة وبتمتحنى فمدرسة تاااانية خالص
بس لسة الامتحان مجاش

الصداقه يعنى ايه؟؟


من اسمها الصدق ..
الصداقة من اسمى معانى الحب فالله وبترجم معانيها لافعال..

هو الحب حرام ولا حلال مع العلم انه حب صادق هينتهى بنهاية سعيده باذن الله ؟؟


مفيش حاجة اسمها هينتهى بنهاية سعيدة او غير سعيدة لان دة كلة نصيب واقدار
هو فالحالتين الناس هتتدخل فتجاوزات مينفعش نتخطاها
سواء بقى من كلمة لتلميح او لو كان فى ارتباط قبل النهاية السعيدة
فازاى ابنى حياتى ع حاجة حرام من بدايتها
طبعا مليش انى افتى حلال او حرام بس بتكلم على الاساس اللى هيتبنى علية النهاية السعيدة دى..

ايه رايك ف نظام التعليم فى مصر ؟؟


فى جملة سمعتها قبل كدةو قلتها يا بلد معاندة نفسها يا كل حاجة وعكسها
ودى قلتها فعلا بسبب التعليم وخصوصا التعليم الاساسى
مينفعش نقول نظام تعليم لانة بجد مفيش نظام

لو اتعرض عليك تكون حاكم اكبر دوله ف العالم ايه اول حاجه هتعملها وليه ؟؟


ربنا يبعدنى عنها يااارب ..هى حاجة واحدة وهيترتب عليها كل حاجة
العدل
لان ربنا اهلك بلاااد واقوام بظلمهم فلو العدل موجود يبقى كل حاجة هتبقى سليمة

ايه رسالتك فى الحياه ويعنى ايه كلمة انسان بالنسبالك ؟؟


حفظ القران فالصدوور لان الحرب الجاية مش قليلة
فلو حصل لقدر الله ان القران اتحرق فمدينة اية اللى هيرجعة تانى غير اللى حافظينة
...وطبعا اكيد اكون ناجحة فمجالى عشان افيد غيرى وافيد اهلى وبلدى
كلمة انسااان::هى جاية من النسيان ..وناسى انة شايل امانة رفضت الجبال وكل اللى ع الارض يشيلوها

لو ف يوم حسيت انك عندك موضوع عايز تاخد راى حد فيه وملاقتش الحد اللى تثق ف رايه
هتعمل ايه وهتلجا لمين ؟؟


اكيد وقتها هلجأ لربنا


ليه بقى حال الاعلام فى مصر كده وليه كل الجراه وعدم الاحترام اللى وصلتله السينما المصريه
وياترى مين السبب فى كده من وجهة نظرك ؟؟


لية بقى كدة؟؟ دى سياسة من برة مش عندنا انت عايز تنزل راية الاسلام ادخل
ع الشباب بوظلهم افكارهم خلى كل حاجة عندهم عادى ..
هما مثلا بيجيبو واحد بيشرب خمرة مقلوش الخمرة دى حلال ولا حرام بس فضلو يجيبوها
لغاية ما بقى عااااادى ان ممكن الناس تتفرج ع كدة وانها تعمل كدة...
وطبعا لما الاب او الام يبقو قاعدين وعاااااادى ابنهم يتفرج ع كدة من افلام لمسلسلات ...
يعنى جوة البيت نفسة مبقاش الاب يخاف ع ابنة او بنتة
ما بالك برة بقى مثلا لما يروح سينما ..ولما منتجين الافلام دى يلاقو اقبال عاللى بينزلوة
اكييد هيستمرو فتنزيل النوعية دى من الافلام ..وتستمر الدايرة تدور حولين نفسها
المشكلة بجد ان القنوات دى بتخسر حوالى 5 مليون فالشهر ومستمرييين
طب اية مصلحتكو فكدة ومين بيدعمكو الخسارة دى كلها ؟؟؟
بيتهيألى واضحة...

يارا بجد لسة اخدة بالى من التوبيك واتمنى استمرارك واهلا وسهلا بيكى اكييييد تنورى فاى وقت
وفإنتظار تساؤلاتك الجاية طبعا
وشكرا ع الاسئلة دى