هل فعلاً علمتنى الحياة

بسم الله الرحمن الرحيم

انا امبارح ضفت تعليق بس بدور عليه مش لاقيه الله أعلم من أكله بس اعمل ايه حكتبه تانى
قريت موضوع من المواضيع عن علمتنى الحياة وأكيد سمعتم برنامج اسمه علمتنى الحياه على التلفزيون وغير كده زميلنا أحمد حسام كان منزل موضوع عن علمتنى الحياة ولاكن نسال نفسنا سؤال هل فعلاً علمتنى الحياة هل كل المواضيع والمواقف اللى بتحصل لينا فى الدنيا اتعلمت منها
هل فعلاً ده بيحصل ولا بس كلام بنكتبه لزيادة مساهمتنا او ربنا كارمنى وبعرف أكتب
ولبق فى الكلام وبكتب عشان غرض معين طبعاً الله اعلم بما فى النيات
ولاكن والموضوع اللى شايفه اخد أكبر قدر من الاهتمام هو الصداقه
صاحبى عمل وانا استحملت صاحبي سوا وانا اتنيلت وشفت منه وعمل فيا
ومقعدناش نفكر ونحسبها صح ليه هو عمل كده حتى لو انا متأكد انه غلطان
ليه عمل كده
ليه دايماً الانسان بيغلطش نفسه الاول
ولو جينا بصينا على الموضوع من وجهة تانية وتفسير تانى
طبعاً كلنا مؤمنين بالله وبالاسلام طيب شكراً بس ده لو صح يبقى اللى بيحصل بين الاصحاب
ده شئ دنيوي وربنا مخلقش الدنيا عشان شئ واحد لا ربنا خلق الدنيا وفيها سواب وعقاب
طيب منين يجي السواب والعقاب من اللى بيحصل فى الدنيان من ندالة وقلة زمة وهكذا
بس بما اننا بنتكلم فى الصداقة يبقى نركز على موضوعنا احنا عارفين ان
الدنيا دار اختبار لكل انسان اختبار فى اختيار الصديق اختبار فى ردة الفعل اللى ممكن تعملها
ايزاء اي حركة ممكن يعملها صحبك فيك
عمرنا فكرنا ليوم او نخلط الصداقه بعقيدتنا عمرك فكرت طبعاً لالا
لأنى مجرب وغيري مجرب وانا منكرش انى ممكن اتكبر واغلط وخلاف ذلك
لأن كل بنى آدم خطاء ممكن الواحد يحكم على حد غلط او يتسرع او او
بس لازم نتعلم زي محنا بنقول الدنيا دروووووووووووووس
طب هل بنتعلم اننا من الصداقه ممكن نتقرب من الله
يجماعة الموضوع كبير بس اهم حاجة نكون صادقين مع النفس
ومنضكش على نفسينا انا كلامي كتير بس مش عاوز اكمل غير
لما اشوف وجهة نظر الاعضاء ده لو الموضوع عجبكم

اقتباس :: بس لازم نتعلم زي محنا بنقول الدنيا دروووووووووووووس
طب هل بنتعلم اننا من الصداقه ممكن نتقرب من الله
يجماعة الموضوع كبير بس اهم حاجة نكون صادقين مع النفس
ومنضكش على نفسينا انا كلامي كتير بس مش عاوز اكمل غير
لما اشوف وجهة نظر الاعضاء ده لو الموضوع عجبكم

فعلا يافيصل عندك حق في كل كلمه
في صداقه بتبقي باخلاص وبنقرب فيها لله عز وجل وفي صداقه بتبقي لمصلحه بس
والمشكله تتعرف علي اصدقاء لسا تكون عارفهم من فتره قريبه والنهارده بس يظهروا علي حقيقتهم
عند موقف صغير يتغيروا معاك ويبان وش النفاق عليهم وانا اكتر حاجه بكرهها لناق او المجامله في سبيل المصلحه

وكلامك مش كتير ولا حاجه لو هنتكلم في الموضوع ده هنفتح بحر كلام ملوش اخر
فعلا بس اللي يدايقك لما صاحبك يعمل معاك موقف وفي نفس الوقت متكنش انت غلطت في اي حاجه وهو زعل منك يبقي ده اكيد صاحب مصلحه
وزي ماانت بتقول الدنيا دار اختبار للانسان واختيار للاصدقاء وانا الحمدالله اصحبي من صغري مري ماهعوضهم ولا ابعدعنهم باذن الله لكن اللي لسا عارفاهم من فتره قريبه ومش كلهم بس في اقرب اتنين عرفتهم كويس وربنا يصلح حال الجميع يارب

واذا تكلمنا في دروس الحياه هنلاقي الحياه ادتنا ولسا هتدينا دروس كتير ولسا مش عارفين نتعلم منها كويس وناخد قرار فيها
ياريت كل واحد فينا يقف مع نفسوا وقفه جاد عن كل شئ عملوا واتعمل فيه

سوري علي الاطاله يافيصل ب لو هنتكلم في الموضوع ده في ل شئ
هنفتح بحر كلام ملوش اخر ونفضل نقول ليه وليه وليه...........

مرسي علي تعليقك علي الموضوع
جزاك الله ل خير وبارك الله فيك وجعله في ميزان حسناتك
اللهم امين

مشرف عدد الرسائل : 3051 تاريخ التسجيل : 01/11/2009

الصديق اللى بجد بيخلق لصديقة الاعذار حتى لو اخطاءة دى ظاهرة اوى
للى قدامة ويخلية يقولو انت غلطان او غلطت فحقى؟؟؟
بس الصديق اللى بجد عمرة ما هيعمل كدة بالعكس هيحاول يدور على اسباب
تفهمة صاحبة عمل كدة لية ؟؟؟ ولو ملقاش يحط حسن النية فالاول
قبل ما يقول صديقى ظلمنى
غير كدة بجد مينفعش يطلق عليها مسمى الصداقة حتى
وزى ما قلت ممكن تقربنا من ربنا الصداقة
وفعلا هى بتقرب لربنا لو قدمت حسن النية للناس الى قدامى مش الصديق وبس
اسفة لو كنت طولت
جزاك الله خير عالموضوع

فعلا ياساره لازم نحط حسن النيه مهما كان غلط اللي قدامنا بس بحدود
لكن لما تكوني نيتك صافيه من ناحيت الصديق وبتاخدي كل افعالوا من غير زعل وترجعي في الاخر وتطلعي انتي اللي غلطانه ميبقاش صديق بجد

الصداقه مفهومها زي مقال فيصل انها بتقربنا من الله لان الصديق روح ا لحياه
ولازم نختار الصداقه الليتدوم مش فتره ولا اتنين وتخلص عند اي شئ صغير
معني الصداقه ارواح واحده تتمني الخير لبعضها تعمل كل شئ في سبيل اسعاد الصديق ومش كده وبس
لازم ننسي غلطوا لينا مهما عمل فينا الصديق بس الغلط اللي بجد لما يكون منافق
ميبقاش اسموا صديق
ومسمي الصداقه بيتقال لما يكونوا خايفين علي بعض كل واحد اكتر من التاني مفيش حقد ولا غيره ولانفاق ولا مجامله في سبيل المصلحه وخلاص
ده ميبقاش بجد صديق
يبقي مجرد شخص وخلاص

الصديق مش اللي يغير منك علشان انت احلي منوا ولا اشطر منوا ولا ولا ولا .........الخ
الصديق اللي يتمنا لصديقه الخير اكتر من نفسوا
ومش عايزه اطول اكتر من كده بس الموضوع فيه مناقشه كتير وياريت باقي الاعضاء يشاكا معانا

بشكر قطر الندى وساره على تعليقهم بس الهدف من الموضوع
انه حصل من صديق ليا مثلاً موقف مهما كن شدته الا الخيانة طبعاً
والطعن فى الظهر لازم أكون قلبي طيب وسامح والتمس
لأخويا 70 عزر كما يقول النبي صلى لله عليه وسلم
بس بنقول بلاش 70 عز خليهم عزر واحد احنا خلاص دلوقتى
بنشم نفحات رمضام وكلها سعات ويبدا شهر المغفره والرحمة
طيب نبدأ هذا لشهر وانا وصديقى بين مشاحنات ولا اى خلاف
طبعاً مينفعش لازم نصفى قلوبنا فى هذا الشهر لأنه فعلاً شهر
رمضان بيعلمنا كل سنة سنة جديد طريقة جديدة للحياة
بهالدنيا ياجماعة لازم تعدى علينا مواقف زي دي ولازم ناخد فيها
قرار ومن يتكبر فهو كده دخل فى طريق تانى لأن التكبر لله
الواحد القهار
خلاص رمضان على الابواب وكل عام والامة الاسلاميه مرفوعة الراس
وكل مسلم مؤمن موحد ربنا يحبه وبيحبب فيه خلقه يكون سبب
فى لم شمل اصحبة من اول وجديد
لو فضلنا نفكر فى القديم يبقا عمرنا منستنى انه يكون عندنا مستقبل
كل واحد واثق من نفسه عارف الصح من الغلط قادر يتحكمن فى نفسه وافعاله
وعمرة مينكر انه بيغلط وبيعترف بغلطه ده اللى ممكن ميشكيش هم الصداقه
فهل علمتنى الحياة ؟
سؤال اسئله لنفسك وراجع نفسك وجاوب بكل صراحه مع نفسك
يمكن يحدث تغير ولو 1% سعتها بس اقلك
أكتب واتكلم وعبر
وناقد وعاتب
ورمضان كريم الله أكرم
ولا اله الا الله محمد رسول الله

مشكور فيصل عن طرحك للموضوع ده
بس بجد انا علمتنى الدنيا حاجة واحدة
ويمكن ماشى بيها
بس اكيد فى تقصير وبعمل كل اللى فى ايدى
ع احققها
انا علمتنى الحياة ان اجعل قلبى مدينة بيوتها الحب
وطرق حياتها التسامح
وأن اعطى ولا انتظر الرد على العطاء
ع فكرة الجميلة دى مش بتاعتى بس يمكن دى اقل جملة
تعبر ع اللى انا نفسى اكون اعمله ع طول ومعجب بيها جدا
ولو الناس مشيت بالجملة دى والله العظيم ما هتلقى اى حد
يزعل من التانى ع طول لان كل واحد هيدى 100 احتمال
وكل احتمال فيهم له 1000 احتمال ولو خلص الاحتمالات دى كلها
برده يطلع نفسه غلطان
الف شكر يا فيصل ع طرحك للموضوع ده ومشكورة قطر الندى وسارة
ع التفاعل الشيق
جزاكم الله كمل خير

انا علمتنى الحياة ان اجعل قلبى مدينة بيوتها الحب
وطرق حياتها التسامح
وأن اعطى ولا انتظر الرد على العطاء
مشكوووووووووووور ياخيلي لردك وانا اشهد بكل كلمة صدق
انك بتفتح قلبك بس بتسدها بقطنة عشان النزيف بس هههههه
فعلاً هكذا علمتنمى الحياة فكل موقف أمر به ولم اتعلم منه فلا داعي لأقول
واتحدث عن الموقف ولاكن اتحدث عندما اتعلم من هذا الدرس
لكى اعاتب واقول راي ويكون الحق معايا ولو كن غلطان
بعترف انى غطان ويمكن سعات اغلط نفسى
حتى أكون مثال جيد لأنسان خلقه الله
من اجل التسامح
من أجل المحبة
من أجل التكامل والتعاون والاخلاص
فاذا كنت هكذا لن اوجه قدر من المشاكل للذى
لا يؤمن بالتسامح ولا يؤمن بالمعنى اصحيح للصداقة
شكراً يخليلي كمان مره

هل فعلا علمتنى الحياه ؟؟؟
◄:*►◄:*►◄:*►
سؤال وجيه والله
واجابته ان اكييييييد علمتنى الحياه
وكتير اوى
مهو طول مااحنا عايشين وطول مااحنا بنتعامل مع بشر
فاحنا بنتعلم
ومع كل موقف بنمر بيه بنتعلم حاجه جديده
يا حاجه مرتبطه بألم يا بفرحه يا بحزن يا بانكسار يا يا يا
ولكن الانسان فيه شئ من النسيان
بننسى اغلب اللى بنتعلمه
يا بننسى عشان منتوجعش او عشان منحزنش او عشان مش قادرين نتحمل
فعشان ننسى الموقف اللى مرينا بيه
بننسى معاه الدرس للاسف
استحملنى انى هطول ..
بالنسبه للصداقه والصديق
فاللى عايزه اقوله
ان مش عشان مريت بموقف صعب من صديقتى مثلا
يبقى ع طول هشيل فقلبي منها
او هعاملها وانا زعلانه ومتضايقه
او هعيش دور الضحيه والمظلومه
لا طبعا
لان زى مانا بضحك وبهزر ولكن من جوايا مخنوقه من حاجه
فهى برضه اكيد كده
او مين عارف يمكن تكون اكتر منى
وزى ما قولتوا كلكم تقديم حسن النيه حاجه مهمه
ومش مع الصديق وبس
سبحان الله بجد
قواعد دينا مريحانا ولكن بندور ع التعب برضه
يمكن عشان مش متعودين ع الراحه ولا ايه
الصداقه مفهومها واسع اوى
بس دايما بنشوف الجزء الصغير منها
ده يمكن لاننا بنبقى عايزين اللى يحس بينا ع طول
وديه مبتبقاش انانيه
ولكن ممكن تكون وسيله للارتياح

هرجع تانى لسؤالك وهل علمتنى الحياه
اكتر حاجه مبسوطه انى اتعلمتها
وهى ان زى ما فى ناس وحشه
فى ناس حلوه كتييييييييييير
وقلوبهم جميله اوى وتستحق الحياه بجد
يمكن اللى يقرا ردى يقول طب وايه الجديد
مهى حاجه معروفه
بس الجديد فيا انا
الجديد انى مكنتش شايفه كده
وكان الكل عندى واااااااحد وشايفاهم من ورا نضاره سودا
لكن فالفتره اللى فاتت
اتعلمت وعشت حاجات جديده
حاجات فعلا اعتز بيها
بالرغم من ان فى حاجات مكنتش حلوه
ولكن الحلو تأثيره ع نفسيتى افضل واحسن
فى ناس بتعيش عشان تسعد غيرها
الجمله ديه انا مكنتش بقتنع بيها ولا حتى بحب اسمعها
لكن دلوقتى انا اللى بقولها
فعلا فى ناس من النوع ده
ناس طيبه قلوبها شفافه روحها خفيفه جميله
يمكن يكونوا مش كتير
بس القليل منهم كفيل بانه يغير طعم الحياه ولونها
لما تقابل ناس من النوع ده
تتمنى لو انك تهديهم روحك
لما تغلط فيهم او تجرحهم ومتلاقيش منهم الا التسامح
تتمنى لو انك تختفي من الوجود
فحياتنا فى شخصيات خاصه
بتطبطب علينا من غير حتى ما نعرفهم
احساس جميل فعلا لما تحس بنور بيدخل لقلبك
لما تشوف فجر جديد فوسط ليلك
احاسيس الكلام ميقدرش يعبر عنها
ديه اكتر حاجه انا فرحانه انى اتعلمتها
ان الكتاب زى ما فيه صفحات مقطوعه فيه صفحات ثابته

فردى كمان عايزه اقول
ان جمله الخليلي عجبتنى اوى
ولو فعلا كلنا مشينا بيها هنبقى كلنا مبسوطين ومرتاحين

شكراااااااا فيصل ع التوبيك

نو كومنت على كلامك لأنك فعلاً
جوبتى على السؤال
هل علمتنى الحياة
فقد علمتنى الكثير والكثير
شكراً لمرورك

» ماذا علمتنى الحياة؟؟؟؟؟؟؟؟؟؟
» اعتذارات الحياة
» **علمتني الحياة**...!...
» علمتني الحياة...........
» مشاكل الحياة