هو تؤيد هذا الشئ أو ضده ؟

السلام عليكم ورحمة الله تعالي وبركاته

أنا هدخل فى الموضوع على طول وهو أن العضو اللى يرد يكتب شئ و اللى بعده يقول هل

هو يؤيد هذا الشئ أو ضده ؟

أوك أنا أبدأ

الصمت بس مش في كل حين

موضوع جميل يا قطر الندى
وطبعا مفيش مانع ان الصمت بيعفينا من حاجات كتير
وبيمنعنا من مشاكل كتير
بس انا شايف ان الصمت عندنا زاد عن حده خالص
فى الغلط وعشان كده انا راى ان يكون الصمت بنسبة قليلة جدا
سؤالى للعضو اللى بعدى

حبيب/ة ام صديق/ة

عندك حق يااحمد وده قصدي المفروض الواحد ميسكتش عن حاجه غلط شايفها بس دلوقتي بقي الصمت في الناس عن كل حاجه

صديقه طبعا

الثقه في الناس بسرعه ؟

لا
مبأيدهاش
مع انى بثق فيهم بسرعه
بس طبع ومش عارفه اغيره

المرأه تكون مأذونه شرعيه ولا لا

لا بصراحة ما بفضلهاش
انت مع ولا ضد
الفيس بوك

معاه بس لما الناس تستخدمه فالجانب الكويس
وده طبعا بيرجع لشخصيه المستخدم نفسه

مع ولا ضد
التدريب الصيفي فكليتنا الموقره

نظام التدريب الصيفى كنظام حلو
بس هو تطبيقه فاشل

هل تويد ام ضد

ترشيح جمال مبارك للرئاسة بالانتخابات القادمة

يترشح زيه زى اى حد يحب انه ينزل الانتخابات
لكن تبقا انتخابات نزيهه
ولو نجح يبقا نجح لان الشعب مختاره وعايزه
يقينا مننا انه هيصلح شويه
لكن مينجحش لانه لازم ينجح او لانه عايز ينجح
اكيييييييد اللى اقصده واضح

مع او ضد
الشات بين البنت والولد

مشرف عدد الرسائل : 3051 تاريخ التسجيل : 01/11/2009

ضد طبعااااااا

ضد او مع
عمل المرأة

مع طبعا بس مش كل شئ يعني في اجات مينفعش المراه تعملها

ضد او مع

المساواه بين الراجل والمراه

طبعا لا أؤيد لو كان بالنظام اللى ماشيين بيه دلوقتى
لان المرأة اصلا عندها حقوق وواجبات والرجل برده زيها
وكل واحد حقوقه وواجباته تختلف باختلاف الاسلوب والمعاملة
وبعدين لو المرأة بالاسلام واخدة حقوقها كاملا ولو يلزمها
مساواة غبية حقيرة زى المساوة اللى احنا عايشينها دى
كان الاولى ان الاسلام ان يحكم بيها

هل تؤيد ام ضد
نظام المنتدى كمديريين ومشرفيين او كأدارة وأشراف

مع نظام المنتدى

بس نفسى يكون فى تفاعل اكتر واكتر ويبقى فى حلقة نقاشية

فورية يعنى فى موضوع معين هتببقى حلوة والكل يستفيد من راى التانى

مع او ضد

التعليم الخاص ؟؟؟

طبعاً وبدون جدال ونقاش سبب التدهور والفشل فى
معظم الاطباء والمهندسين و و و الخ
هو انه اي حد سواء ذكي او غبي دخل التعليم
ومعظم الجامعات الخاصة بل كلها معظم طلبتها لا يفقهون شيئاً
لذا نرى الاطباء يجرون عمليات بهلوانية فى جسم الانسان
ونرى المنازل والعمارت تهدم بعد بنائها بأسبوع
فلن اطول فى الكلام لأنى ضد الخصخصه عموماً
شكراً امل حجازي
دوري بقا ............
أنت مع أو ضد
التواضع والطيبة

لا بس ما تبقاش زايده عن حدها

مع اوضد

نظام حكوماتنا

باللي احنا فيه دلوقتي
لااويده بس نعمل ايه محدش قادر يتكلم ولو اتكلمن بيتسمع لينا وبس دلوقتي واللهم احفظنا الرشوه والواسطات بقت ماليه البلد
وربنا يصلح حال الجميع يارب

انت مع او ضد

الحنيه الزايده

خير الامور الوسط لأن قلة او زيادة اي شئ يسبب
المرض فلا أؤيد ان تكون الحنية بزياده
لأنها ممكن تكون سبب فأنك تكذبي بشأن شخص مجرم بمجرد انه قال انا غلبان
بس كنت عاوز اوضح شئ صغير ان الصفات الى بنكتبها واللى المعظم شايف اننا مش
لازم نتمسك بيها لأنها بضر وهي التواضع والطيبة والحنية وعمل الخير ... الخ
يجماعة دي صفات المسلم المؤمن فلازم كلنا نتحلى بيها ونستخدمها لما فعلاً نجتاجها
مثلاً لم احسن انى فمنصب والمنصب ده غرنى لابد من اللاستعانة بصفة التواضع ..وهكذا
والطيبة لما صاحبي يغلط ويرجع يقول انا غلطان مش لازم انشف قلبي مدام هو عرف غلطه
والحنية لما أشوف فعلاً اشخاص فى الكلية محتاجين انى اقف جمبيهم واساعدهم مهما كانت
العواقب فى الاول والآخر انت بتعمل الحاجة دي لله مش لشخص عاوز تنال أعجابه
فكله محسوب . الدنيا هى دار أختبار فمن يصمد للأخر هو من احسن الاختبار
انت مع او ضد
الاعلام المصري بشأن سيناء العزيزة والحبيبة على قلبي

انا مش عارفه اذا كنت فهمت اللى انت قاصده ولالا
بس لو ع اللى انا فهمته
فيبقى انا مش معاه
ومش مع الاعلام فاى حاجه بصراحه
لان من الملاحظ انه فالاغلب بيوصل صوره غلط
او صوره مش موجوده
وده بينعكس ع الناس اللى بره سينا
يعنى مثلا فالغالب بنلاقي ان الناس فاهمه
ان سينا ديه عباره عن حياه بدويه
جمل وعريشه وصحرا ومفاهيم غلط
اكيد مع احترامى للبدو
لكن سينا مهياش بدوووووو
ومش هما علامه سينا
سينا تبقا احنا كلنا
تبقا كل واحد عاش واتربى فيها سواء كان من داخلها او لا
يعنى الاعلام ظالم سينا اوى
وغيرها برضه
ديما الصووووره بتوصل غلط للناس
معلش انى طولت
بس حكايه الفهم الغلط اللى فالناس بسبب الاعلام
حاجه فعلا بتستفزنى

مع ولا ضد
سفر علمائنا المصريين للخارج

مشرف عدد الرسائل : 3051 تاريخ التسجيل : 01/11/2009

مع

مع او ضد إالغاء حفلة التخرج السنة دى ؟؟
ومع اقتراح انها تكون مع حفلة التعليم المفتوح للخريجين

مش معاها طبعا
لان الحفله ديه حق للطلبه اللى هيتخرجوا
لكن ماشاء الله ع كليتنا
بتتدينا كل حقوقنا
وبالنسبه انها تتعمل مع المفتوح
فاكيد مش هبقا معاه
لكن لو تتعمل مع المفتوح عشان متتلغيش يبقا يعملوه
لو حتى يفصلوهم

حفلات الكليه

مش كل حفله يعني فيه من ملهومش لازمه
لكن طبعا زي الحفلات التخرج والتنصيب واهم الحفلات دي معاها
لكن اللي بتتعمل للمظهر وبس
مش معاها لاني اصلا مبحبش المظاهر وبس

مع او ضد

انتخاب الكاشف لعضوية مجلس الشعب هذا العام باذن الله

انا معرفهوووش بصراحه عشان احكم عليه او اقول رايي
يعنى مسمعتش عنه اصلا
لكن انا مع اى حد هيخدم ويصلح ويسعى
مع اى حد يكون جدير بالمكان ده
ويكون غرضه منه الاصـــــــــــلاح ليس الا

مع ولا ضد
سفر البنت للتعليم الجامعى

مع طبعا لان التعلم مطلوب ولو في الصين بس يكونفي الدماغ التعليم بس

مش اي شئ تاني خارج عن حدود الدين يعني الصحوبيه والارتباط من غير رسميه وخلافه........

هل انت مع او ضد

زمالة الولد والبنت

ضد الا اذا كانت على قد الدراسة والشغل فقط
انت مع او ضد
الديكتاتورية فى هذا عصر الديمقراطيه

الدكتاتوريه شغلت مكان هام جدامن نشاط السلطة السياسية الحاكمة في العصر اللي احنا فيه ده او بمعني اص العصر الحديث وضمت بلاد مختلفه وما زالت من الخيارات المفروضة في بعض الدول المنتميه بوجه خاص، مستمدة شرعيتها الواقعية من معاناتها وأزماتها الاجتماعية والسياسية، واصل جذورها التاريخية في النظام الروماني القديم.. فهي مصطلح سياسي، يوصف به نظام الحكم،اللي بتتركز فيه السلطة بايدي حاكم فرد، يتولى السلطة عن غير طريق الوراثة، وبطريق القوة، أو يتولاها بطريق ديمقراطي يفضي فيما بعد إلى تركيز السلطة بيده. يمارسها بحسب بمذاجوا بقي وبقوانينوا هو و........والي اخره
كفايا الكلمتين دول لحسن نروح في .........ههههههه ،

يعني مش معاها نيفير

هل انت مع او ضد

الموضه

» فاقد الشئ يعطية ام لا يعطيه
» هل تعرف هذا الشئ الذى تراه فى الصورة...