فزورة حسابية مش عارف احلها

فيه واحد قالى فزورة ومارضيش يقولى على حلها ، وانا كمان مش عارف احلها
فقولت مافيش غير اذكياء منتدي الاصدقاء صحابي هما اللى هيجيبوا قرارها

الفزورة بالنص " فيه 3 رجاله عايزين يشتروا راديو ، فراحوا وسألوا عليه وعرفوا انه بـ 30 ج ، فكده المفروض ان كل واحد منهم يدفع 10ج ،فجمعوا الفلوس وراحوا ادوها لواحد صاحبهم قالوله احنا سألنا على الراديو ده وقالنا بـ 30 ج ، خد انت الفلوس اهه وروح اشتريه لنا ، فصاحبهم ده طلع ناصح وفاصل فى تمن الراديو وجابه من الراجل بـ 25ج بدلا من 30 ج ، فبكده يبقى وفر 5 ج ، خد هو 2 ج حطهم فى جيبه ، يتبقى 3 ج من الـ 5 ، راح مرجع لكل واحد من صحابه التلاته 1 ج ، يبقى كده كل واحد من صحابه التلاته دفع 9 ج بس ، يبقى نقول ( 9 × 3 = 27 ) ، و ( 27 + 2 " اللى حطهم فى جيبه " = 29 ج ، بكده يكون فيه جنيه ناقص عشان اللى اتدفع 30 ج

اموت انا بقى واعرف الجنيه ده راح فين ؟؟!!!!!!!!!!!!!
على فكرة الفزورة حقيقية ومافيهاش اى تهريج او تلاعب بالألفاظ ، دا على حسب كلام اللى قالهالى

يارب بقى ألاقى الحل عندكوا وانا عشمى فى الله ثم فيكم ان شاء الله

لا طبعا هو فى لعب فى الالفاظ عشان يخليك تفكر غلط
لكن لو انت حسبتها ان تمن الراديو 25 جنيه
وبعدين تقسم 25 / 3
هايطلع الناتج ان كل واحد فيهم دفع 8.33333333
ولما هو رجع لكل واحد فيهم جنيه
يبقى كل واحد فيهم كانه دفع من العشرة جنيه كلها
8.33333333+1 = 9.33333333
يبقى كده هو لما كدب عليهم قالهم ان تمن الراديو هو 28 جنيه
لان هما مفكرين انهم دافعين 3 * 9.33333333 = 28
وهو بقى ضرب على الاتنين جنيه اللى فاضلين
مش عارف انا عرفت اوصل اللى انا فاهمه ولا لأ
يارب تكون فهمت قصدى

بعد التفكير العميق اكتشفت ان اللى انا قلته ده
حل عبيــــــــــــــــــــــــــط

hassan كتب:: لا طبعا هو فى لعب فى الالفاظ عشان يخليك تفكر غلط

عاملى فيها ناصح أووى
بص بقى انا لاقيت الحل الصح
هما التلاته دفعوا 27 جنيه
وبكده اتبقى 3 جنيه
2 جنيه اخدهم النصاب
وجنيه اخده العفريت
هههههههههههههههههههه

حل الفزورة سهل جدا

وهو أن الراديو ب 25 جنية و العامل أخد 2 جنية وهما كل واحد رجع ليه 1 يعني رجعلهم 3 جنية

والأجمالي 25+2+3=30 جنية وهو ده الحل

أنت بس حسبتها غلط لإنك حسبت 27 جنية غير اللي 2 جنية اللي أخدهم العامل

أرجو من الله أن تكون الأجابة صحيحة

ماهى المشكلة يا underkafy لما تيجى تحلها بالضرب لكن لو جمعت زى مانت قلت هاتطلع معاك صح
لكن لو حسبت ان كل واحد فيهم دفع 9 جنيه يبقى كده الراديو أكيد ب 27
يبقى كده هايتبقى 3 جنيه

scratch

» هي لا قصه ولا حدوته ولا فزورة....
» عارف لما تحب حد .................
» ﮩﮩ\/ﮩ\/ﮩﮩ\/ﮩﮩــ ايـــة السر فكدة؟؟ حد فيكو عارف السر دة ؟ﮩﮩ\/ﮩ\/ﮩﮩ\/ﮩﮩــ