بجد بجد لو مبكتش المرة دى يبقى فعلا قلبك محتاج لdelet

مشرف عدد الرسائل : 3051 تاريخ التسجيل : 01/11/2009

فداك نفسي ...فداك روحي.... فداك أهلي ...فداك مالي .....
أنت الحبيب محمد ٌ وقلوبنا لك تشهدُ .....
أنت الرسول وديننا في الأرض دين واحدُ.....
أنت الشفيع وهل لنا من غير حوضك موردُ .....
أنت النبي وكلنا تحت اللواء موحدُ ...............
وعلي خطاك مسيرنا ما زاغ منا واحدُ ..........
وبنور هديك نهتدي و به نفوز ونسعدُ ..........

هاااااااااااااااااااان عليك؟؟؟؟؟؟؟؟؟؟؟؟؟؟؟؟؟

... والله يعجز لساني عن إخراج الكلمات ... من غير مقدمات ... من غير بدايات ... حبيبي وحبيبك أُسيئَ إليه... حبيبي وحبيبك سُب... محمد رسول الله صلى الله عليه وسلم سُب ... حبيبك إللي عاش كل عمره عشاني وعشانك ... عشان نطلع مسلمين ... وإلا كنا فحمة في جهنم ووقود لها ...سُب ... ياااااااااااااااااه ... ده لو والدك إللي اتشتم كنت عملت إيه ؟ ... كنت سكت ؟؟؟ ... لو أختك ولا أخوك أتكلم حد في عرضهم وشرفهم وخاضوا فيه وأعلنوها .. كنت سكت ؟ كنت فضلت صامت كده ؟؟؟ أنا بصرخ فيك ؟ رد عليا ؟ كنت سكت ؟ كنت فضلت ساكت ؟ رد عليا ... الجرح كبير أوي ... والدم بينزف... لازم تحس ... لازم تشعر ... ليه مش حاسس ... ده نبيك حبيبك ...
عايز تعرف كيف تكاتفوا ضد حبيبك ؟؟؟؟؟؟؟؟؟
* في البداية نتاليا اليهودية عليها من الله ما تستحق ، ترسم صورة لخنزير وتكتب عليه إسم محمد صلى الله عليه وسلم أشرف خلق الله ... ومش بس كده وتوزعها وتعلنها للناس كلها ...
* ولسه مقمناش من الصدمة تنزل المطرقة على رأسنا قوية أوي ، صحيفة دانمركية ترسم صور استهزاء برسول الله صلى الله عليه وسلم ، والمسلمين حاولوا يشحتوا منهم الأسف وكانت النتيجة : ....
- الصحيفة الدانمركية ترفض الإعتذار والملكة الدانمركية ترفض الإعتذار ...
- ومش بس كده , الإتحاد الأوربي يتحدى أي حركة غضب ضد الدينمارك ، ويساندها بكل قوته الاقتصادية والإعلامية ...
- ثم نجد أن الإعلام الفرنسي والسويدي يدعم سب النبي
صلى الله عليه وسلم
* ولسة مفقناش من الخبطة الموجعة نلاقي كنائس أوروبا بتعلق صور الاستهزاء برسول الله صلى الله عليه وسلم
وتنشرها ... وهي فعلا ً حرب علينا من كل النواحي ...
* واخيرا ...سبعة عشر جريدة دانمركية ... تتوحد في إعادة نشر الصور اللي أغضبت العالم الإسلامي كله ... كأنهم بيطلعوا لنا لسانهم ... ولسان حالهم يقول أنتم مين يعني علشان نحترمكم ونحترم نبيكم ... أنتم ولا حاجة ...
والتاريخ بيكرر نفسه ... مثل ما أرادوا قتل رسول الله صلى الله عليه وسلم
وتوزيع دمه بين القبائل ، أرادوا أن يوزعوا الكلام في عرضه صلى الله عليه وسلم بينهم ... وبعد كل ده ...
لسه مش عايز تقف مع نفسك ... انت لازم تقف معاها وتسألها ....

هــــاااان عليــــك؟؟؟

حبيبك ... عارفه ولا مش عارفه ...فاكره ولا نسيه ... إن كنت نسيته هو مش ناسيك حتى قبل ما تتولد ... حبيبك إللي كان بيقول إنك وحشته..... قبل ما تيجي نفسه يشوفك ... أنت أيوة أنت ... عارف الحديث " وددت أني قد رأيت إخواني قالوا يا رسول الله ألسنا إخوانك قال بل أنتم أصحابي وإخواني الذين لم يأتوا بعد وأنا فرطهم على الحوض " ياااااااااااه نبيك حبيبك مستنيك على الحوض ... مش عايز تقابله وتحضنه على الحوض ... وتقول له حبيبي يا محمد صلى الله عليه وسلم أنا من أمتك ... ونفسك تشرب من الحوض ... وحلقك بيتقطع من العطش ... وهو يناديك ... ويشربك من يده شربه لن تظمأ بعدها أبدا ً ... يا ترى ده إللي هيحصل ولا .. سيقول " سحقا ً سحقا ً " لما الملائكة تخبره : " إنك لا تدري ما أحدثوا بعدك ؟ " يا حبيبي محمد صلى الله عليه وسلم
إللي طول حياته تعب عشان إنت تتولد تلاقي نفسك مسلم ... لك أمل في الجنة ... هان عليك كل ده ... ياما تحمل عشان إنت تكون كدة ... لما عقبة بن أبي المعيط يأتي من خلفه فيخنقه بسوط حتى يكاد ان يلفظ أنفاسه وفي رواية أغمى عليه عشانك ، ويأتي المشركين كلهم يضربوه كأنه واحد كل الناس أتجمعت عليه علشان تضربه ، ولا يدافع عنه إلا أبي بكر ويقول :أتقتلون رجل أن يقول ربي الله ... حبيبك إللي أخر دعوته المستجابة ليوم القيامة عشاني وعشانك ...وسيقول يوم القيامة...أمتي أمتي ...

يا حبيبي يارسول الله صلى الله عليه وسلم وفي الطائف ، لما سلطوا عليه الصبيان والأطفال والعبيد يقذفوه بالحجارة حتى سال الدم من قدميه ، لما كان بيعرض نفسه على القبائل من يؤويني ؟ من ينصرني ؟ ويسير في الأرض مهمومًا ... فناداه ملك الجبال فسلم عليه ثم قال : يا محمد إن شئت أنْ أطبق عليهم الأخشبين ، فقال النبي صلى الله عليه وسلم
: بل أرجو أن يخرج الله من أصلابهم من يعبد الله وحده ولا يشرك به شيئا ... شفت أد إيه رحمته بينا ... ياحبيبي يا رسول الله صلى الله عليه وسلم ... ويطرد من مكة عشانك ... عشان يوصل الدعوة ... وينتشر الدين ... ويوصلك ... لما تكسرت أسنانه وشجت رأسه عشانك ... ولما يقتل أصحابه وأحب الناس إليه في الغزوات للدعوة لربنا عشانك ... ويبكي وتذرف عينه بالدموع عشاني وعشانك ... بعد كل ده ... حبيبك يُسب وانت ساكت ؟؟؟!!! .....
لا لا .....لازم تتحرك ... لازم تعمل حاجة ... لازم

إنت السبــــــــــــب

لازم الوقتي نسأل سؤال مين السبب في كل ده ، كل واحد فينا السبب في ده ، كل واحد فينا مسئول ، كل واحد فينا السبب ... بمعاصينا و بتخاذلنا عن رسول الله صلى الله عليه وسلم بتخاذلنا عن سنته ونصرته في نفسنا ... تلاقي الواحد فينا بيقول بحبك بحبك يا رسول الله ... وهو مش بيصلي و تلاقي كل حياته بنت بيمشي معاها ... كل حياته موسيقى وأفلام وسهرات ... ولبس ونوم ... طيب تيجي إزاي ... فين دينك ... لازم تعرف إنك مسلم ... لازم تعتز بده ... فووووووووووء بقى ... رسولك سُب ... دينك كله بيضرب ... رسولك اللي هو نصف دينك ومبني عليه الجزء الثاني أُسيئَ إليه ... عايزين يهدموا دينك ... } وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً { كل واحد فينا لازم يستشعر إنه السبب ... ولازم يكون له دور في الدفاع عن رسول الله صلى الله عليه وسلم .....

كلنا اليوم فـــــــــــــــــــداك

نعم فداك أبي وأمي ونفسي يارسول الله .. مش عايزين ده يكون كلام ... لازم يكون لنا كلنا دور في حملة الدفاع عن النبي صلى الله عليه وسلم.. أوعى تستصغر حجم أي شئ هتعمله ...لو مش قادر تعمل حاجة يكفيك الصلاة عليه صلى الله عليه وسلم.. وربنا نصرنا بيها ... عايزنهم يندموا أشد الندم إنهم سبوه ... كلنا لازم نرجع لديننا ... كل واحد فينا يراجع نفسه ألف مرة ... وشوف ياترى عملي ده هينصر رسول الله صلى الله عليه وسلم ولا هيرجع ديني لورا ... يا جماعة لازم نغضب للإساءة ... لازم غضبنا يفرق المرة دي ... يا جماعة ده كلب غضب للإساءة لرسول الله لما رجل نصراني سب الرسول صلى الله عليه وسلم أمام المغول فنهش حنجرته وقتله وأسلم بسببه 40 ألف رجل ، ياترى مش هتغضب ... لسه حاسس إن مافيش فرق ... هتتحرك ولا لسه ... مين اللي هيقول ... أنا لها ... أنا لها ... يلا شايفك عايز تقولها ... أنا لـــــــــــــــه

هــــكذاااا نصروووه.......

من قرون ... ضُرب سيدنا أبو بكر رضي الله عنه ، وهو يدافع عن الرسول صلى الله عليه وسلم وكان يقول : أتقتلون رجلا أن يقول ربي الله ، ونصره وخرج معه في الهجرة ، وبعد وفاته لما ارتد الناس عن الإسلام ، كان هو واقف أمام ارتدادهم ، وعمر رضى الله عنه يشهر سيفه أمام من تسول له نفسه بإيذاء النبي صلى الله عليه وسلم وعلي كرم الله وجهه ينام في فراشه يوم الهجرة فيضرب ويطعن و نفسه فداء لرسول الله صلى الله عليه وسلم ، وغلامين صغيرين معاذ بن عمرو ومعوذ بن عفراء يقتلان أبا جهل لأنه سب الرسول صلى الله عليه وسلم وأذاه ، و سعد بن الربيع رضى الله عنه يقول لكم : لا عذر لكم عند الله إن خلص إلى رسول الله صلى الله عليه وسلم وفيكم عين تطرف ، وأبو دجانة ومصعب بن عمير يدافعان عنه يوم أحد ، و أبو طلحة زيد بن سهل رضى الله عنه يقول ( نحري دون نحرك يا رسول الله ) ، وطلحة بن عبيد الله رضى الله عنه تُشل يده يوم أحد وهو يدافع عن الرسول صلى الله عليه وسلم ، وأبو عبيدة بن الجراح تكسر أسنانه وهو ينتزع حلقتا المغفر من خد النبي صلى الله عليه وسلم ، وأم عمارة تقاتل بالسيف دفاعا ً عنه حتى تجرح جرحا ً كبيرا ً في عاتقها والكثير ... والآن ...

من سيقول : نحري دون نحرك يارسول الله ؟؟؟ وأكرر جملة سيدنا سعد رضى الله عنه: " لا عذر لكم عند الله إن خلص إلى رسول الله صلى الله عليه وسلم وفيكم عين تطرف " إحنا بس مش عندنا عين ، إحنا عندنا أموال وفكر وقوة و إعلام وشعر وكتابات ونت وكمبيوتر ودين لازم نحافظ عليه ، لازم نشتغل في الدين بكل قوتنا .... لازم ننصر رسولنا بكل ما نستطيع .........

ياترى الآن هنعمل إيه ؟؟؟؟؟؟؟؟؟؟؟؟

لازم ننصره ، من سينصره ، من سينضم لجيش محمد صلى الله عليه وسلم ، لازم نفَوّق المارد إللي جوانا في العمل للدين ، لازم نجعلهم يندموا على إسائتهم ونعرفهم إننا مش ضعفاء ، ردنا عليهم هيكون بالتمسك بتعاليم ديننا إللي هما عايزين يهدموه في حربهم علينا .... ودا جدول يوضح التوصيات العملية إللي لازم كلنا يكون لنا دور فيها ....

يلا حاول هتقدر ..... أنا عارف إنك هتقدر ..... وهتقول معانا .....

كلنا اليوم فدااااااااااااك

تفريغ لدرس دكتور حازم شومان

هان عليك؟(كلنا اليوم فداك)(22/2/2008)

http://www.rasoulallah.net/

اخوتاااااااااااه أيسب محمدا ونحن على دينه

لتحميل كلمة الدكتور حازم شومان للحملة

هنا

http://www.way2allah.com/modules.php...les&khid=24330

مشرف عدد الرسائل : 3051 تاريخ التسجيل : 01/11/2009

هذه مطوية للدفاع عن الرسول صلى الله عليه وسلم

المطوية للدفاع عن الرسول صلى الله عليه وسلم وإحساس الناس بمدى المشكلة ، إستخلاصا ً من درس دكتور حازم كلنا اليوم فداك

هذا وجه الصورة والصفحة الرابعة لأن المطوية ستكون مثنية

الوجه الثاني الذي به الكلام

مطوية الواجب العملي

هذا هو الجدول الموجود ، طبعا ً هو صغير كبداية

والمطويتين موجدتين بالصورة التي ستطبع بها مباشرة إن شاء الله

المطوية الأولى

كلنا اليوم فـــــــــــــــــــــداك

هنا

المطوية الثانية

مطوية الواجب العملي كلنا اليوم فـــــــــــــــــــــداك

هنا

أسألكم الدعاء لكاتب هذه المطوية وكل من شارك فيها

بالإخلاص والتوفيق والسداد والجنة

وجزى الله خيرا ً كل من أعان على نشرها

انشروا تردد الرحمة الجديد نصرةً لدينكم ومعذرةً إلى ربكم
10873 رأسي - معدل الترميز 27500 - معامل تصحيح 3/4

</B></I>

موضوع بجد روووووعه
تسلم ايدك بجد ساره
مشكووووووووووووره

اللهم صلي وسلم وبارك عليك ياحبيبي يارسول الله
اللهم وحد صفوفنا وقوي عزيمتنا وانصر اخواتنا في كل مكان واهدي جميه من عصاك ياارح الراحمين
اللهم امين
بارك الله فيكي وجزاكي الله كل خير
مرسي ليكي جدا وجعله الله في ميزان حسناتك

اللهم صلى على سيدنا محمد
بجد الله ينور عليكى يا سارا
توبيك جميل خااالص ماالص
وان شاء الله نعمل بيه
جزاكى الله كل خير وجعله فى ميزان حسناتك
ان شاء الله

مشرف عدد الرسائل : 3051 تاريخ التسجيل : 01/11/2009

علية افضل الصلاة والسلام
جزاكم الله كل خير
وياريت فعلا يكون حرك فينا حاجة الكلام دة
لان المؤامرة اللى بيعلموها مش سهلة
اخر حاجة ظهرت هنا فمصر شباب الابليسية
دة غير جماعة الايمو وعبدة الشياطين على فكرة دى موضة جديدة خالص
وكل دة بسببنا احنا على فكرة بسببى وسببك انتى وانت
عشان لو بننصح بعض مكنش دة حصل
مكنش قدرو يستجرو انهم يقفلو الرحمة
مكنش عملو حاجات كتيييييييير ممنوع عليهم اصلا انهم يتكلمو فيها
نورتو الصفحة

كلنا فدااااااااااك اليوم يارسول الله
توبيك روووووعه وبجد نفسى نعمل
اى حاجه عشان نرد عليهم

جزاكى الله خير ساره

مشرف عدد الرسائل : 3051 تاريخ التسجيل : 01/11/2009

جزانا واياكى كل خير كنزى
نورتى الصفحة
وان شاء الله نعمل لانة دة المفروض

مشكوووووووووووووره ساره

موضوع جميل جداااااااااااااااااااا

جزاكى الله كل خير

جعله الله فى ميزان حسناتك

مشرف عدد الرسائل : 3051 تاريخ التسجيل : 01/11/2009

امييين يارب
جزانا واياكى كل خير
الحمد لله انة عجبك
نورتى الصفحة لالا

اللهم صلي علي سيدنا محمد
كلنا فداك يااااااااااا رسول الله
بجد توبيك في غايه الروووووووووووعه يا ساره
جزاكي الله كل خير
وجعله الله في ميزان حسناتك

» موضوع رقيق(رقق قلبك) كلمنا عن حد رقيق فى حياتك او موقف رقق قلبك يالا بسرعة نرقق قلوبن
» أنا مش هاخاف المرة دي ضاع من عمري سنين في الخوف ..
» كلام فعلا مدهش !!!!!!!!!!
» فعلا غريب يا انسان!!!!
» كيف يبقى بيتك جميل