رأيك ايه فى التعليم المتوح ؟؟؟؟؟

بسم الله الرحمن الرحيم

السلام عليكم ورحمة الله وبركاته

اولا انا عارف انى هلاقى انتقادات من الاعضاء على طرحى لهذا الموضوع

وممكن كمان يتحذف

بس انا عايز اعرف رأى كل الاعضاء فيما يسمى

بالتعليم المفتوح

( داخل كليتنا )

وهل أى شخص يمكن ان يلتحق بهذا النوع من التعليم

حتى ولو كان حاصل على مؤهل متوسط

وهل من العدل ان يتساوى

هؤلاء معنا نحن طلاب التعليم النظامى

اريد رأى جميع الأعضاء بدون حرج او تردد

وابدأ أنا

انا رأيى ان من يريد الالتحاق بهذا النوع من التعليم

لابد عليةه ان يمر بعدد من الاختبارات

كتلك التى يمر بها من يتقدم للكليات الرياضية

أو الفنية وغيرها من الكليات الاخرى

يعنى مش من العدل ان يتساوى واحد معاه

دبلوم صنايع او معهد لا يذكر

معنا فى اخر المطاف ويحصل على شهادة

يكتب عليه

حاصل على بكالريوس علوم زراعية

ويتساوى راس براس معنا

يعنى بصراحة انا رأيى

ان اللى يدخل التعليم المفتوح

يكون معاه ثانوية عامة بس مقدرش يجيب مجموع

وعايز يدخل كلية ويكمل تعليمه

لكن اللى معاه دبلوم ده اصلا قرر انه يصل عليه

يعنى من الاخر مش عايز يكمل ويعايز يريح دماغه

ولا ايه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يلا مستنى ردودكم

ايه يا جماعة للدرجة دى الموضوع محرج

ومفيش حد عايز يرد

ولا ايه

!!!!!!!!!!

؟؟؟؟؟؟؟؟؟؟؟؟؟؟؟؟

الموضوع مش محرج ولا حاجة الموضوع من اصله ولا حاجة
التعليم المفتوح اغرض منه هو تحسين الشهادة للموظفين عشان اللى
شغال فى الوظيفة الحكومية مثلاً فى الهيئات الزراعية او اى وظيفه لها علاقة
بالزراعة والتصنيع الغذائي والاستيراد والتصدير وغير ذلك ومعاه شهاده انه متخرج من
تجارة او اى كليه اخرى او معهد بيعدي التعليم المفتوح ليحسن الشهادة بتاعته
عشان يترقى اما اللى صار دلوقتى صارت كوسه وتجارة عشان الفلوس
ومدام التفكير وصل لكده اذاً مفيش مانع يشتركوا فى الانشطه والطلبه تعدي وتكون الشهادة هي هي
احنا نطحن وهما يدلعوا وفى الاخر No ccomment ويقولوا اصلها بتعيد بالدخل على الكليه وعليكوا
ههههههههههههههههههههههههههههههههه
يابنى الموضوع تجاره وربح مش تعليم على رأي المثل
ماتت قلوب الناس ماتت بها النخوه
كله صار يفكر فى لاشئ
بس نعمل ايه احنا كطلبة غير نقوووووووووووول حسبنا الله ونعم الوكيل

اخيرا فيه حد رد على الموضوع ده

شكرا يا فيصل على رد الجميل ومرورك الاجمل

وبعدين انا اعتراضى على الناس اللى هى مخلصه دباوم

وأول ما خلصت قدمت فى الكلية

والاخر تتساوى بينا

بعد ما احنا اطحنا فى الامتحانات والمذاكرة وقرف الدكاترة

بقى ده يبقى اسمه كلام يا عااااااااااااااااااااااااااااااااااالم

حسبى الله ونعم الوكيل

على كل واحد مسئول على اللى بيحل ده

وشكرا كرة تانية ليك يا فيص على مرورك لصفحتى المتواضعة

مشرف عدد الرسائل : 3051 تاريخ التسجيل : 01/11/2009

اولا الموضوع جميل جدا اول مرة اشوفو تقريبا
راى بقى وربنا يستر
اولا انت بتقول ان اللى لازم يدخل الكليات دى يخضع لاختبار قدرات
عشان ميتساواش بينا
لا هو لو خضع لاختبار قدرات هيبقى احسن مننا
لان مش اى حد هيختاروة ........دى حاجة
الحاجة التانية بقى بالنسبة لخريجى الثانوية العامة وبتقول انهم مش جايبين مجموع
اولا هما لو كانو علمى كانو دخلو كليتنا وهما مرتاحين بس معظمهم ادبى وكانو جايبين مجاميع
س زى ماعارفين ان تربية مجموعها على جداااااا وطبعا اهاليهم مكنوش هيخرجوهم برة
فمن باب انهم يبقو هنا فالبلد وكمان مش عايزين يدخلوهم معاهد لانها هى هى
فيدخل كلية ويبقى معاة بكالريوس زية زينا لانة كان معاة ثانويية عامة
ودة من حقة
وخصوصا كليتناااا لانها بتاخد من كام ؟؟؟؟ اذا عليت فمجموعها 74%
طب الادبى واللى جايبين حاجة و 80 يروحو فين؟؟؟؟؟ ومش عايزين يخرجو برة

بالنسية بقى لخريجى الدبلومات دى المشكلة
بس هما فعلا لو مش فدماغهم مكنوش دخلو الكلية وعايزين يكملو تعليمهم
وبعدين هى هى اصلا سواء دخل معهد اودخل كلية مفتوحة
وبعدين هما عمرهم ما هيتساو بينا لحاجة احنا بنروح طول الاسبوع وبناخد محاضرات
وبناخد عملى اة هو دلوقتى اطبق عليهم انهم ياخدو سكاشن عملى
بس بردة مش هياخدو اللى بناخدة طول الاسبوع فيومين بالعقل
مع انهم بياخدو مواد احنا لغاية دلوقتى مخدنهاش
يعنى بمعنى تانى عندهم خلفية اكتر مننا طبعا دة لل حاطط فدماغة

دة كلامى بالنسبة للطلية مش كنظام تعليم مفتوح لانى لاحظت فكلامك انهم
ملهمش اى حق انهم يتعلمو او يبقو حاجة او كأنهم ميبفهموش
معرفش فهمت صح ولا غلط
لكن كنظام تعليم مفتوح ففعلا زى ما قال فيصل تجارة مش اكتر
او سياسة دولة وفعلا هو نظام فاشل يعنى اىة جامعة تعمل كليات موجودة عندها اصلا
عشان تصرف على التعليم النظامى طب ازاى ؟؟؟؟
يعنى اخر حاجة سمعناها انهم احتمال يخلو المفتوح يخرجو منظومة زيهم زينا
طب كدة عايز تعمل تعليم مفتوح تانى عشان تصرف عالتعليم المفتوح اللى عندك
وكمان خلاص بعد كدة هيدخلو معامل زينا
طب هو احنا اصلا لاقين امكانيات فالمعامل عشان نفرض عالمفتوح انة يدخل معمل؟!!
او ياخد عمملى اصلا
واخر حاجة بقى انهم العشرة الاوائل منهم بيفكرو ياخدو منهم معيدين ويعينوهم
يقى فعلا احنا عايزين تعليم مفتوح عشان يصرف عالتعليم المفتوح
والله اعلم الكلام دة صح ولا لاء بس الاكيد انهم بياخدو عملى دلوقتى .......
وفعلا نو كومينت هما كدة بيبهدلو نظام التعليم فوق ماهو متخلبط اصلا
وطبعا الطلية الفرصة متاحة قدامهم ميستغلوهاش لية ؟؟؟؟؟
وفعلا فرصة واللى ميستغلهاش دلوقتى هيندم بعدين بالنسة للى مكملش تعليمة

اسفففففففة عالاطالة

اولا شكرا يا سارة على ردك

ولا انت مطولتيش ولا حاجة

ثانيا انا بتكلم على الطلبة اللى معاهم الدبلومات الفنية

ثالثا والاهم الطلبة اللى معاهم الدبلومات فنية

هما اصلا لو فى دماغهم التعليم

ما كانوش دخلو المدارس الفنية

الا من رحم ربى

وانا بأيد راى فيصل ان الموضوع ده أصلا معمول للموظفين اللى شغااااااااااااااااااااااااااااااااالين دلوقتى

وعايزين يحسنوا مستواهم التعليمى

عاشان يرتقوا فى مناصب أفضل من اللى هما فيها دلوقتى

بس للأسف الموضوع ده الناس كلها استغلته كتجارة

زى أى نوع من أنواع التجارة

طبعاً الا من رحم ربى

وشكرا مرة تانية يا سارة على مرورك العطر

مشكور يا تويتى على الموضوع دة

]b]انا راى الموضوع دة ان الجامعة المفتوحة دى تتعمل فى كليات نظرى مش عملى
يعنى زراعة مش تنفع وتعليم المفتوح مش غلط مادام كلية نظرى مافيش مانع ان نكسب من التعليم
المهم ان اسس التعليم غلط من الاول سوء مفتوح ولا مقفول ومش غلط ان احنا نرتقى بتعليم او نعدل الشهادة عن طريق التعليم المفتوح المهم ان التعليم يكون صح دة الواحد بيخاف فى الكلية ان يلمس اى جهاز وكل شى بايظ الغلط من اسس التعليم من الاول[/b]

شكرا لمرورك يا ليدر

وشكرا لردك العطر

وطبعاً رأيك يحترم

وعلى رأى المثل

اللى مش عارف مين صاحبه

الاختلاف فى الرأى لا يفسد للود قضية

مشرف عدد الرسائل : 3051 تاريخ التسجيل : 01/11/2009

معلش بقى انى دخلت عالتوبيك تانى بس بعد ما شوفت حاجة فالتنسيق السنة دى
كليتنا بتاخد 50.53%
والتعليم المفتوح بردة
نفس النسبة

no coomment

ياجماعه اولا احب اقولكم اني تعليم مفتوح

مش هتكلم في صف التعليم المفتوح علشان انا منوا لكن لا التعليم المفتوح مش كل اللي فيه داخلين علشان يعدلوا شهادتهم ولا مش في دماغهم التعليم المهم يكون معاهم شهاده وخلاص
لا ده في في التعليم المفتوح ناس داخله فعلا وفي دماغها العلم والتقديراتوانتوا اكيد ليكوا صحاب وتعرفوا ناس فيه
احنا عندنا ناس يعني فعلا علشان في ادبي ومش علمي يبقي يدخلوا التعليم المفتوح بس الحمدالله بنذاكر ونحضر المحاضرات والسكاشن وبنجيب اعلي تقديرات وبنكرم العشره الاوائل وزينا زيكوا فعلا بس الفرق انكوا يومي بتروحوا ومنظومه عندكوا لكن احب اقولكوا احنا ليه معندناش منظومه
المنظومه دي عايزه اللي باستمرار يحضرها لكن احنا في عندنا مثلا يعني اللي داخلين يحسنوا شهادتم مينفعش يبقوا باستمرار علشان ظروفهم وظروف شغلهم وفي اللي داخلين منظره وبس اللي هو انا داخل بفلوسي وخلاص محدش ليه حاجه عندي وفي اللي داخلينها ونفسهم يبقوا حاجه في المجتمع باذن الله وانا من ضمن دول
الحمده الله التقدير السنه دي ليا امتياز

وفعلا زي مابيقول احمدفيصل انهم بيصرفوا علي النظامي
بس مينفعش نسميه مشروع استسماري
يعني اهوه جامعة سينا مثلا مافيها اللي جايب اقل مجموع في الثانوي وبيدخلوا اعلام وطب وبفلوسهم برده يعني بيبقي زيهم زي اللي جايبين مجموع الطب وبيروحوا يومي وعندهم سكاشن واعمال سنه وكل شئ زي الحكومي بالظبط

وبالنسبه لجامعتنا اصلاكليتنا مبتاخدش من مجاميع عاليه قوي علشان تخليكوا تكبروا الموضوع كده

في في التعليم المفتوح ناس جايبه مجاميع اكتر بكتير من اللي في النظامي لكن اللي كانوا ادبي واللي محبوش يروحوا كل يوم ويطلعوا منظومات وكده

ودلوقتي بقت اغلب جامعات مصر جامعات خاصه
بدليل ان الدبلومات الفنيه دلوقتي اسمع انها بقت بتاخد من مجاميع عاليه علشان محدش بقي يشيل الهم

لكن في بيجتهدوا ووبيتعبوا في المذاكره وفي الاخر بيدخلوا خاص وانا واحده من دول واحب اقولكوا ان السبب اللي مخلنيش ادخل النظامي ان اناكل صحابي دخلوا الخاص وكان لازم نفضل مع بعض مانا طلعلي التنسيق في الاسماعيليه تجاره وفي القاهره
بس كان لازم نفضل انا وصحابي مع بعض

في الاخر انا قولت رأيي ومحترمه جميع ارائكم من اول فيصل لحد ساره واللي هيضيف بعدي برده محترمه ومقدره رأيو

واحنا برده كلنا احباء في دين الله وكفايه حبنا المتبادل في الله

اسفه جدا علي الاطاله

وجزاك الله كل خير علي موضوعك ياتويتي

السلام عليكم

موضوعك جميل يا تويتى وطرحت للموضوع رائع
وتفاعل الاعضاء كمان جيد
بس انت عارف مبحبش ارد غير لما اعلق
فاانا ليا بعض التعليقات على الكلام
الاول
انا هعلق على كلام امل حجازى ((( ]b]انا راى الموضوع دة ان الجامعة المفتوحة دى تتعمل فى كليات نظرى مش عملى
يعنى زراعة مش تنفع وتعليم المفتوح مش غلط مادام كلية نظرى مافيش مانع ان نكسب من التعليم
المهم ان اسس التعليم غلط من الاول سوء مفتوح ولا مقفول ومش غلط ان احنا نرتقى بتعليم او نعدل الشهادة عن طريق التعليم المفتوح المهم ان التعليم يكون صح دة الواحد بيخاف فى الكلية ان يلمس اى جهاز وكل شى بايظ الغلط من اسس التعليم من الاول )))
انا من وجهة نظرى لا كلية عملى ولا نظرى اه فعلا مش غلط اننا نعدل من شهادتنا بالتعليم المفتوح بس دى
للموظفين فقط اللى هما اصلا معاهم شهادة ممكن تتعدل او يرتقى احد منهم بها لاكن بتاع الثانوية العامة
هى ايه اصلا الشهادة اللى معاه ع يعدلها
دى ثانوية عامة يعنى مدرسة يعنى متعتبرش شهادة اصلا ممكن يشتغل بيها

دى حاجة
الحاجة التانية هعلق على كلام سارة

(((( معلش بقى انى دخلت عالتوبيك تانى بس بعد ما شوفت حاجة فالتنسيق السنة دى
كليتنا بتاخد 50.53%
والتعليم المفتوح بردة
نفس النسبة

no coomment ))))ع فكرة ده بقا اسواء حاجة بس هى مجتش على دى وفعلا نو كومنت

الحاجة الثالثة هعلق على كلام قطر الندى

(((( وفعلا زي مابيقول احمدفيصل انهم بيصرفوا علي النظامي
بس مينفعش نسميه مشروع استسماري

))))اولا بقا انهم مبيصرفوش على النظامى مع احترامى الشديد لفيصل
واحترامى الشديد لقطر الندى هما بيصرفوا على مين
علينا ؟؟؟؟؟
اصدقك لما الا قى فعلا انهم مهتميين بينا
دا لا فى داتاشو ولا قاعات عدلة والله كنا فى الامتحان
فى عز الحر الواحد مش عارف يحل فى ورقة الامتحان ولا يعملها مروحة
بيصرفوا على مين
انت شايفنا بندخل المعمل نلاقى اتجهزة عدلة يعنى
ولا حتى بنلاقى ادوات المعمل دا احنا اللى بنشتريها
هههه
بيصرفوا على مين
هما فعلا بيصرفوا وبيصرفوا كتير كمان بس مش علينا
بيصرفوا على ....... على بقا ما انتو فاهمين
وبعدين اصل بنسمعها كتير اصل التعليم المفتوح له اهمية ع بيصرف ع الجامعة
يا سيدى الفاضل قانونى اصلا الجامعة الحكومية ليها دعم منفصل تماما ودعم كبير كمان
من غير تعليم مفتوح ولا غيره
بس هما بيبرروا الاتهامات اللى ممكن تتوجه ليهم

هعلق برده على كلام قطر الندى

((( يعني اهوه جامعة سينا مثلا مافيها اللي جايب اقل مجموع في الثانوي وبيدخلوا اعلام وطب وبفلوسهم برده يعني بيبقي زيهم زي اللي جايبين مجموع الطب وبيروحوا يومي وعندهم سكاشن واعمال سنه وكل شئ زي الحكومي بالظبط ))طب وهى ايه اصلا جامعة سيناء ع نضرب بيها المثل
ماهى جامعة خاصة ونظام التعليم الخاص هو اول اسباب فساد وفشل التعليم بمصر

طبعا مع احترامى الشديد لاخواتى فى التعليم المفتوح وفى اى جامعة خاصةن
بس انا مش مقتنع باى جامعة خاصة او تعليم خاص ومش معنى كلامى ان مفيش جامعة
خاصة كويسة لالالا بس انا مش مقتنع بنظام التعليم بالخاص ابدا
ودى وجهة نظر
واختلاف وجهات النظر لا تفسد بالود قضية
اسف على الاطالة بس الموضوع يشد ويج>ب بالاهتمام
بس هنرجع فى الاخر ونقول اننا ماشيين بخطة فى التعليم التى تنص على
((( التعليم يدمر الصحة ويسبب الوفاه )))[/b]

اقتباس :

ونظام التعليم الخاص هو اول اسباب فساد وفشل التعليم بمصر

هو فعلا ده سبب من اسباب فشل التعليم في مصر وده حقيقي لان اغلب الطلبه بقوا يقولوا
نذاكر ليه ماحنا كده كده لو مجبناش مجموع في تعليم خاص

بس مش كل اللي في التعليم الخاص قال كده
لاكل اللي دخلوا في دماغهم كده ولا كل اللي هيدخلوا في دماغهم كده

وزي مابتقول دي وجهات نظر وانا بحترم رايك بس برده محدش يحكم علي اي كلية خاصه من مقتبسات بيسمعها او بيشوفها مره ولا اتنين وخلاص لا عايز تعرف الكليه دي ايه اللي فيها فعلا ادخل فيها وادرس فيها مش نقول كلام معتقدينوا وبس

وبعدين ماحنا عارفين ان تلت تربع الفلوس بياخدوها ال ....... زي ماقولت بالظبط احنا فاهمين

الله ينور عليك بس مش معني كده ان ده ذنبنا احنا

ماحنا بناخدفي نفس المدرجات الحر اللي انت قولت عليها زينا زيكوا يعني حتي عندنا مابيدعموش باي حاجه ولكن العكس

ا

اقتباس :

صلا الجامعة الحكومية ليها دعم منفصل تماما ودعم كبير كمان
من غير تعليم مفتوح ولا غيره
بس هما بيبرروا الاتهامات اللى ممكن تتوجه ليهم

فعلا انتوا ليكوا دعم بس زي مافلوسنا اللي احنا بندفعها ماييدعموناش بيها يبقي عايز الفلوس اللي بتدعم الاساسي
يصرفوها ويخلوا الكليه تستفيد بيها ده شئ مستحيل ممكن بربع المبلغ والباقي في ال.........مانتوا عارفين

وليه سمتها اتهامات ليه منقولش اسئله من الطلبه وليهم حق انهم يعرفوا ليه اتعمل النظام ده

وفي الاخر نوكومنت فعلا علي كل شئ في مصر

ودي بلدنا ونصيبنا وربنا موجود وعالم بكل شئ

وفي النهايه انا بحترم جميع ارائكوا ل انكوا ليكوا حق تقولوا اللي انتوا عايزينوا عن كليتكوا

وربنا يهدناويجازينا علي قد نيتنا واعمالنا ويصلح لينا حال جميع الامه الاسلاميه
ويبلغنا رمضان علي خير
اللهم امين يارب العالمين

شكرا لتفاعلكم مع الموضوع

سارة

فيصل

امل حجازى

احمد الخليلى

قطر الندى

بس انا عايز اعلق على كلام قطر الندى

عشان انا حسيت من كلامها انها مش موافقه على الكلام اللى انا كاتبه

بخصوص الناس اللى داخلين التعليم المفتوح

انا قولت ان كل اللى داخلين الجامعات المفتوحة

مش فى دماغهم التعليم

كل اللى يهمه الشهاده عشان لما ربنا يكرمه ويتجوز

ويقدم نفسه لوالد العروسه

يقوله انا معايه بكالوريوس او ليسانس

بس مش اكتر

وقليل منهم اللى فعلا داخل الجامعه المتوحة

وفى دماغهم التعليم والدراسه والمعرفة

وكمااااااااااااااااااااااااااااااااااااااااااااااااااااااااااااااااااااااااااااااااان

انا مع احمد الخليلى فى كل كلمه بيقولها

قلباً وقالباً

وبرضه بقول فى الاخر كل واحد ليه وجة نظر

وكل وجهة نظر لابد تحترم

وشكرا مرة تانى لمشاركتكم فى موضوعى المتواضع

ممممم بالعكس موضوع حلو جداااااا

انا بالنسبه لي مش بيفرق لان الانسان بفكره وليس بعلمه عندي اكون مثقفه احسن بكتير من اني اذاكر وادخل كليه اكتب شويه كلام وخلاص ف الامتحان فمش فارقه الانسان بثقافته ممكن لو حد داخل الكليه هوايه تمام يحارب عشانها ولو موصلهاش يدخل مفتوح عادي المهم يتميزز

» امتحان في وزارة التعليم الأيرلندية
» قول رأيك بصراحة؟؟
» ما رأيك في (تعدد الزوجات )