قصيدع عن اغلى شىء فى الوجود(امى)

[upقصيدة عن الأم
لشاعر وفارس العامية الاصيل
أحمد الشربينى






ومهما أكبر..
ألاقى نفسى قدامك ..
أبان أصغر,
ومهما العقل بيفكر,
يروح لبعيد..
وبيسافر, ويتحير,
قصاد اسمك..
قصاد رسمك..
ماعمره ف يوم هايتغير
ومهما اديكى من حبى..
بتدينى..
حنان أكتر,
تشيلى هم أيامى..
وتغسل بسمتك عينى,
تشاركينى فى احلامى..
بأحضانك بتحمينى.
وتهدينى لطريق النور,
واتوه فى الدنيا لولاكى.
بفضل دعاكى ورضاكى..
تقوينى..
بسر الخير فى تكوينى,
ياأعظم أم..
يــــــــــوم عــــــيد ك
أبـــــوس إيــــــــــدك,
وأبدر عمرى قدامك
فى جــنه ..
تحـــت أقـــــــدامك
واتمنى..
يكون العمر ميت زهره..
تعطر كل أيامك.
ولو أقدر..
ماهاستخسر
ياخدنى نداكى.. بنداكى
لدنيا عطر بستانك
يابحر كبير..
وفيه الميه حنيه,
وانا فى البحر غرقانك
على شط الامان..
صدرك,
على مهد الحنان حجرك
أحس يا أمى بوجودى
يشب وينفرد عودى
بزهرة عمرك الفايحه
بصفو النيه بتجودى
فى عز طفولتى وصبايا
وفرحة قلبى ليك غايه
ودا يما.. عايشه جوا يا
ياخدنى قلبك الاخضر
لصوره ع الدوام ..
باقيه
مع الايام بتتكرر
ومهما ا كبر..
أبص لنفسى فى مرايتك
أ بان أصغر
down][/updown]

الله الله الله بجد قصيده جميله اوووووووووووووووووووووووي
تسلم الايادي