تسمحولى بشوية بجاحة ووقاحة .. تسمحولى بشويه صراحه ؟؟؟؟

فى الاول كدة وعشان نبقا على نور انا عارفه ان التوبيك مش هيعجبكم وهيلاقى اعتراض كبير او ممكن حتى انه يتحذف بس بصراحه برضه حبيت انى اعرضه عليكم
مش عايزة حد يدخل يقولى (شكرا ؛ ونايس) والكلام اللى مش بيجيب همة دة اللى بيأكدلى ان الموضوع محدش قرأه

واستحملونى بقا فى الشوية اللى جايين
وانا اسفة على العنوان اوعلى اى كلام هيبقا مش تمام
انا هتكلم عن كذا حاجة ومش بالترتيب

صحيح اللى اختشو ماتو
ماتت .... اتدبحت فى شقتها
ماتت........ اتحرقت فى شقة صاحبها
ماتت....... اتقطعت واترميت فى الزبالة
ماتت ....... وماتت ,.....وماتت
اية كل دة
ولية وعشان اية وياترى احنا فعلا مش عارفين السبب ولا عاملين نفسنا مش عارفين
........
والاعلام الخايب بتاعنا
يطلع يقول دم فاتن مش اقل من دم سوزان
وقال يعنى كانو حد عدل فى الدنيا والمجتمع
مش ......و....
ويرجعو يقولو
اصل دول ضحايا الظروف الاقتصادية والمالية
يالهوى
تبيع نفسها عشان فقيرة ؟
سايبة بيت اهلها بقالها 3 سنين وعايشة مع واحد فى........
وتقولولى ظروف
الله يخرب بيت الظروف اللى تخلى الناس تستوعب حاجة زى دية وتقبلها
وفى الاخر يطلع اهل كل وحدة فيهم يعملو نفسهم حزانا عليهم وان البنات خلاص كانو خسارة فى الموت ويخلونا نتعاطف معاهم ونبكى عليهم !!!
كل دة ليه عشان الدية والفلوس
ومش هممهم الكلام اللى بيقولوة قصاد الاعلام وبكل بجاحة وجرائة بيتكلمو اكن اللى عملوة دية حاجة عادية
ومش عايزة حد يقولى احمدى ربنا انك طلعتى فى بيئة كويسة
وان من الممكن ان اى حد فينا كان يبقا كدة
لاء والف لاء
احنا نعمل العملة ونطلع لها مبرر
طبعا انا بحمد ربنا على كل حاجة
بس انى استوعب حاجة زى دية وتبقا عادى بالنسبالى انا والكل
دة العيب نفسة

احنا من كتر ما سمعنا الكلام الفارغ دة فى ناس فكرت ان احنا خلاص بقينا ........
والبيئة والاهل طبعا ليهم دور
بس مش رئيسى ابدا فى ناس كتير فاشلين واولادهم كويسين جدا
وياما ناس ساكنين فى عشش وخرابات واخلاقهم ماشاء الله احسن من اى حد
اذا لم تستحي فافعل ما تشاء
تم حذف الكلام وكفايا ........النقط

من انهاردة هتريق واللى هيكلمنى هقولة حرية
وخليك فى حالك الدنيا تحلالك
ياريت كل واحد يحط الكلمة دية فى دماغة
فساد شخص لايفسد شعب او امة بااكملها
مش عارفة ازاى وليه من امتى المشاكل بتتحل بالتريقة والسخرية والاستهزاء .؟؟؟؟
ازاى ادخل اتريق على بلدى واقول فى توقيعى دة انا بحبها وبعشق ترابها
ادخل اتريق على الريس او اى مسئول
واقول مهما دول اللى خاربين البلد
لاء مش هما دول اللى خاربينها
ولو هما فعلا اللى خاربينها
فا انا وانت وهى وكلنا سبب رئيسى فى الخراب دة
احنا كدة بقينا فى اسوء المراحل
ما كل بلد فيها مصايب واكتر مننا بكتير
محدش بيحب ينشر غسيلة اللى مش نضيف غيرنا احنا
وان الله لايغير ما بقوما حتى يغيروا ما بانفسهم
واحنا شكلنا مش عايزين نتغير

يبقا نشرب بقا من اللى حصل واللى هيحصل
نقطه ومن اخر السطر هقولكم في اييييييييه ؟؟؟
ايه اللى بيحصلنا ده ؟
احنا عايشين فين بالظبط ؟
ليه كل حاجه غلط بقينا شايفينها صح وتمام والله ينور!!
طب ليه كل واحد بيقول انا مالى وخلينى فى حالى ؟
طب ما هو ده حالك
هو ده ماضيك وحاضرك ومستقبلك

اتقوا الله يا عواجيز الفرح

ليه الولد لما يجى يتقدم لبنت وسأل عنها وعرف
انها كويسه ومحترمه وتمام يعنى ليه بعد كده لما يتخطبو وهى لقت ان فى حاجات مش عجباها مثلا (صفاته_اسلوبه)اى حاجة مش تمام

ولما تيجى تحس انها خلاص معندهاش استعداد تكمل يطلعو عليها ان فى شخص فى حياتها تانى
وهى بتفكر فيه مع انها ممكن تكون مفيش حد فى حياتها خالص بس كل المشكله انها رفضته
مع انهم عاملين الخطوبه عشان تكون تجربه بينهم
وحتى لو تبقا البنت هى اللى مقررة الانفصال
لازم يقولو ان اكيد العريس اكتشف حاجة وهو اللى سايبها بس هى بتقول كدة بتتجمل
ويا سلام بقا فالكليه
الله
تعالى اتفرج
محدش راحم حد
والنقد والتعليقات شغاله الله ينور
لدرجه انك تبقا سامع الكلام اللى بيتقال عليك وانت ماشي
ايوه ايوه
هتقولو اصل اللى محترم نفسه محدش بيجيب سيرته
هقولكم لآ
ده كان زمان
دلوقتى الكلام بقا عمال على بطال
وكـأن الكليه ديه مش مكان بيجمع الاصحاب
عجبت لك يا زمن !!!!
فى اوقات كتير الواحد بيقول كلام الناس ولا بيقدم ولا بيأخر زى جورج وسوف ما قال
بس ساعتها احنا بنبقا بجد بنضحك على نفسنا
لان كلام الناس بجد بيأثر بس احنا اللى بنحاول نقنع نفسنا انه مش هاممنا
ياه لو كل واحد يسيب التانى فى حاله

هو الفيلم دة قصة ولا مناظر

طبعا كلنا شوفنا اعلانات افلام الاجازة دية
مش شرط نكون كلنا يعنى كلنا اغلبنا اكيد ومش شرط برضوة اننا نكون شوفنا
بس الاكيد اننا سمعنا او قرينا عن الافلام اللى نازلة وحلاوتها

فى ناس شافوها حاجة عادية

وفى ناس قالو ان دية الحقيقة والواقع والظروف اللى بنعانى منها
بس هو اللى احنا بنشوفه ده واقع دي قلة ادب واضحة و كمان الرقابة لا زم تبقي بتحافظ على اخلاق المشاهدين

لاء وماشاء الله كتر خيرهم يعنى بينبهو ان الفيلم
(للكبار فقط )

يا حلاوة يا ولاد لاء بجد يشكرو

يا ترا اللى جاى شكلة اية وفين الرقابة ؟
نايمة فى العسل طبعا
والله الواحد بقا يتكسف يروح سنيما
ولا يتفرج على التليفزيون
مش لازم انى اكون بتكسف عشان بابا قاعد جمبي
ولا اخويا
لأ
بس حيااااء النفس فيييييين

الله يرحمك يا عروبة
العرب كلمة كانت تعنى لنا الكثير ولكنها اصبحت اقل من القليل

كل واحد شايف بلدة احسن بلد
وانا مش ضد دة طبعا حب الوطن دة حاجة بتجرى فى الدم

لاكن نقف دول مسلمة ومش هذكر اسامى ونفضل نشتم فى بعض
ولا اكننااولاد شوارع

كل دة ليه (كرهه بجد - حقد دفين - ولا المصالح اللى عمت قولنا )
ولا الاعلام بقا اللى بجد مدرسة للوقاحة المتناهية
مش فى بلدنا بس كل البلاد التليفزيون بقا حاجة تجيب اشمئذاذ بجد

يا قلة ادب بتتعرض
يا برضوة قلة ادب بس فى بعضينا كل دولة بتشتم فى التانية
ومن غير سبب ولو بيبقا فى سبب بيبقا هبل وعبط

انا مش بقول كدة علي الناس بس

لاء طبعا وانا وذات نفسى خلاص مبقتش طايقة حد ولا انى اشوف نقد من اى حد مش مصرى على البلد او اللى فيها

فى النهاية وبعض ما خلص الموضوع

احب اقول

مبرووووووووووك

نستحق وبجدارة مقولة
يا امة ضحكت من جهلها الامم

ملحوظة :انا قولت الكلام دة مش عشان انا مش عاجبنى اللى بيحصل وبس
لاكن انا نظرة التفائل خلاص راحت منى وحيات ربنا ومش لاقيه حاجة عدلة تخليها ترجع تانى
بقيت بحس احساس ذل وانكسار واهانة
من كل حاجة وفى كل حاجة

انا زعلانة على حالى وعلى اللى وصلناله تسمحولى بشوية بجاحة ووقاحة .. تسمحولى بشويه صراحه ؟؟؟؟ 76

تسمحولى بشوية بجاحة ووقاحة .. تسمحولى بشويه صراحه ؟؟؟؟ 76

طولت عليكم انا عارفة
عذراااااااا

السلام عليكم ورجمه الله وبركاته
" في الاول بحب اشكرك علي موضوعك وبجد موضوع يستحق التقدير والاحترام مش الحذف "

بس مش رئيسى ابدا فى ناس كتير فاشلين واولادهم كويسين جدا
وياما ناس ساكنين فى عشش وخرابات واخلاقهم ماشاء الله احسن من اى حد
اذا لم تستحي فافعل ما تشاء
بس المشكلة في الناس اللي دايما بتشوه صورة غيرها من البشر سواء بالقول او بالعمل بس احنا بادينا ان احنا نصلح اللي حولينا ونبدا من نفسنا نشوف عيوبنا ونحاول نقلل منها ونشوف الناس القريبة مننا ونحاول معاهم كدة هانبقي احسن وبلدنا هاتكون افضل من اللي هي عليه
بس الاول نبدا من نفسنا مافيش حد بيطلع نفسه غلطان بس احنا مش ملائكة بس الافضل هو اللي يعترف بالخطأ ويحاول يصلح في نفسه ويدعي ربنا بالهداية ويدعي لاخواته المسلمين بالهداية والصلاح وكدة هانكون احسن وافضل ومش هانلاقي ساعتها حد بيعلق غلطة علي شماعة غيرة .

معلش يا هند طولت عليكي اقبلي مروري
تسمحولى بشوية بجاحة ووقاحة .. تسمحولى بشويه صراحه ؟؟؟؟ 170425829

تسمحولى بشوية بجاحة ووقاحة .. تسمحولى بشويه صراحه ؟؟؟؟ 170425829

لا حول ولا قوة الا بالله
انا عاوز اقول حاجة ياريت الكل يفهمها
و فضلنا نتكلم بس حنكون زي ابو العربي
لازم نتحرك ده بجانب الكلام بس اللى فهمته من
كلامك انك عاوزة نرجع زي زمان نخاف ونحترم بعض
ودي حلها بسيط نرجع انا وانتي وده واللى هناك نربي ولادنا
على نهج نبينا مهه انا لو ربيت وغيري كل الناس حتقلدني
الانسان بيبدأ من الصغير وبعد الكده بيبكر نفس الكلام ممكن نطبقه
نبدأ 2 وان شاء الله لما يلاقي اسرار وعزم حيخليهم 2000000
بس لازم التفائل يكوووووووون موجوووود لأنك لو مكنتيش ببتفألي
الله أعلم ممكن ايه اللي بيحصل راجع نفسك اخي واختي ياللى بيقولوا
انا عديم التفائل حتلاقي نفسك والحياة اللى انت عايشها كلها تفائل
مثال صغير وانت قارن بيه لما كنا قبل مباراة الجزائر كنا بنتمنى الفوز
بعد مدخل الجون الاول والتاني خلاص تفائلنا لمصر بالصعود للدوري النهائي
ملخص الكلام اسعى ياعبد وانا اسعى معاك والمفروووض انى
مركنش على حدث معين وانام عليه لازم ننسا ونبدأ من جديد
مشكووووووووووووووووورة عى الموضوع

السلام عليكم ورحمة الله وبركاته
فعلا الواحد بيشوف ويسمع كتيييير قوي عن الفساد وكل صوره وكمان الفساد بيزيد مش بيقل مش معنى كده اني قعد اتفرج واقول ده وده وده مش عاجبني لازم اغير من نفسي ومن الي حواليا
ومش لازم اتشائم في ناس بيقولو يعني انا الي هغير الدنيا ايوة انت الي هتغير من الدنيا ويكون ليك احسن الختام وفي الفردوس الأعلى كمان ومش لازم اعرف مين السبب في الفساد المهم اني اصلح الفساد
ولو قعدت اكتب من دلوقتي لغاية ما اموت عمري ما هقدر اعدد صور الفساد
وشكرا على الموضوع وجزاكي الله كل خير
وعليكم السلام ورحمة الله وبركات

مشرف عدد الرسائل : 3051 تاريخ التسجيل : 01/11/2009

اسمحيلى انى هتكلم عن نقطة نقطة

انتى اتكلمتى فالاول عن الفقر والظروف اللى بنلعنها انها غيرتنا

وبسبب الفقر بقى الحرام مباح وكأننا عايشين فامريكا او فرنسا

مع ان اجدادنا زماااان كانو مش لاقين بجد وبالذات ايام الحروب والذل اللى كانو شايفينو

بس كانت كرامتهم وشرفهم فوق اى حاجة...ومحدش يقدر يتكلم على بلدهم ولا حتى فالاعلام ايامهم(جرايد-راديو بس)

لكن دلوقتى تلاقى البنت....بكل وقاحة دى حرية شخصية وباباها يطلع بنتى اتظلمت و.و.ووالكلام الهابط اللى بنشوفو

واحلى حاجة يقولك انا بنتى متربية احسن تربية ......!!!

الاعلام بقى بجد الواحد مش عارف عايش فين والله بنتكسف نقعد عالتلفزيون من المناظر اللى بنشوفها

يعنى لو العيال الصغيرة مسكت الريموت وقلبت فالقنوات هيبقى اية ...التلفزيون دة بينقل ثقافة شعوب

وبيدخل بيوتنا من غير استئذان ازاى دلوقتى قناة مصرية تنقل كل غسيلها سواء نطيف او لاء قدام العالم

وعلى اساس ان دولتنا هى الوحيدة اللى فيها المشاكل دى ..طب وهنستفيد اية اصلا لما نعرف فلانة حصل لها كذة

فلان اتقتل جوة مش عارف اية..فلان تم ضبطة فوضع ......

الافلام الى بتنزل ونكتة (للكبار فقط) اية دى شماعة ....دلوقتى مفيش اى رقابة وبقى خالد يوسف واللى زية

يعملو اللى هما عايزينو ومحدش يقولهم انتو فين وبيعرضو اسوأ صورة للشارع المصرى (ويجى يقولك مصر دى امى)

كل واحد فينا بيتكلم عشان وضع بلدة طب وانت عملت اية اصلا عشان تسن من نفسك؟؟؟؟

عواجيز الفرح بقى سوء مثال الخطوبة اللى انتى قولتية واللى لازم يطلعة فيها القطط الفطسانة زى ما بيقولو

لكن ميعرفوش ان هيحصل فبناتهم كدة لان كما تدين تدان

والكلية بقى ساعات تحسى انك ماشية فشارع مش مكان علم دة عايز يصاحب دى ويكلم دى

واذا موافقتش لية اية السبب يبقى فى حد تانى لكن ميعرفش ان دة حرام اصلا

(ولا متخذات اخدان)

خلاف بقى زى ماقولتى التعليقات تشتغل الله ينور

ومحدش بيسيب حد فحالة زى ما قولتى

العروبة بقى الله يرحمها من زماااااااااااان اذا كان احنا فمكان واحد اخوات وبنقول الله يرحم الاخوات

هيبقى فى عروبة بينا؟؟؟؟؟

ومبرووووووووووووووووووووك

يا امة ضحكت من جهلها الامم

(ان الله لايغير ما بقوم حتى يغيرو ما بانفسهم(

بجد الله ينور عليكى واسفة انى طولت بس بجد موضوع كل الى في بقى حاجة اساسية فحياتنا.

اولا مشكورة يا ميرا ع الموضوع الجميل ده
وعجبنى اكتر لانه من احداث الواقع
بس عاوز اقولك حاجة عمر ما كان الياس حل
وخلى بالك ده ولا حاجة بالنسبة للى هتشوفى بعد كده ف حياتك
انا مش بخوفك ولا عايزك تياسى بس انا بديكى دافع لعدم الياس
واحلال مكانه التفائل
لان انتى مهما قولتى لسه 18 ولا 19 ولا حتى 20 سنة لسه موجهتيش الدنيا
لسه هتتحطى فى مؤسسة او تعاملك مع افراد بره البيئة بتاعتك
وهتشوفى ياما واسطة ومحسوبية ورشوة وهتنعدم بجد المعايير اللى انتى
تربيتى عليها بس لازم متياسيش طول ما انتى ماشية ع الصح
ونصيحة ليكى حاولى تتعاملى باللين مهما كانت الظروف قاسية
ع تكونى قادرة ع مواجهة الظروف ولا تتحطمى
اسف ع الاطالة بس يارب تكونى استافدتى وتغيرى نظرة الياس والحزن
وتبدليها بنظرة امل وحلم .

فالبدايه احب اشكر كل اللى مر وشاف التوبيك ده
وشكرا خاااااص لكل من رد وساب بصمته وعبر عن رأيه
انا يا جماعه نزلت التوبيك ده لانى فعلا مستااااءه من الوضع والحياه والرتم اللى بقا حواليا
نظره الاستغراب من كل حاجه تملكتنى
وبتمنى ان كل ده يتغير والحال يتصلح
انا مش هعلق على التوبيك
بس عايزه اقولكم ان ردودكم ادتنى جرعه تفاؤل واتمنى اتمنى انها تفضل موجوده ومتروحش منى ابدا
لان الحياه من غير امل وتفاؤل مش حياه
وبتبقى الايام لا تطاق
ربنا يجعلنا من المتفائلين المحبين للحياه والايام
وطبعا كلكم كلامك مظبوط وفمحله
ربنا يرزقنا الصبببببببببببر والرضا
متشكره ليكو كلكم
نورتو الصفحه وخليتو للتوبيك معنى بأرائكم
جزاكم الله خيرا

» لحظه صراحه هأأأأأأأأأأأأأأأأأم ادخلو ا بسرعه