أجرة القاهرة ... أجمل ما قرأت فى وصف المجتمع المصرى

محمد ذكرى كتب:: بجد قصه جميله
وجميله اوى ان الواحد يسمع قصص زى دى

وربنا انصرنا على القوم الظالمين
وارحم صدام بلاش نتكلم عليه خلينا نذكر محاسنه فقد

ومشكووووره ميرا ومنتظرين المزيد

مشكووووور عبيد على مرورك ومشاركتك
سعيده ان القصص عجبتك
وان شاء الله الاجزاء اللى جايه تعجبك برضه
جزاك الله خيرا

مشرف عدد الرسائل : 3051 تاريخ التسجيل : 01/11/2009

ونزلت من التاكسى تحت منزلى فوجدت أربعة من المراهقين الشباب أحدهم يدخن السجائر المارلبورو الأمريكية والآخر يلبس حذاء نايك الشهير والثالث يرتدى تى شيرت على صدره علم أمريكا
فتبخرت شحنة التفاؤل وصعدت منزلى مطأطأ الرأس

بجد الله ينور عليكى يا ميرا

ومستنين باقى القصص

SARA كتب:: ونزلت من التاكسى تحت منزلى فوجدت أربعة من المراهقين الشباب أحدهم يدخن السجائر المارلبورو الأمريكية والآخر يلبس حذاء نايك الشهير والثالث يرتدى تى شيرت على صدره علم أمريكا
فتبخرت شحنة التفاؤل وصعدت منزلى مطأطأ الرأس

بجد الله ينور عليكى يا ميرا

ومستنين باقى القصص

وعليكي ساره
مشكووووره عالمرور والمتابعه
جزاكى الله خيرا

(3)

شارع الجيزة وكأنه يوم الحشر التاكسى لا يتحرك التلوث يتمدد مع الملل ويجعل الزمن فى حالة ثبات خانق كلية الزراعة على يسارى وحديقة الحيوان على يمينى وطابور سيارات بلا نهاية من أمامى ومن خلفى وقدرت أننى سوف أصل إلى مدينة السينما فى شارع الهرم بعد قرنين من الزمان

لم أتبادل مع السائق أى حوار فالصمت كان ضرورة حتمية لاستكمال دورة التلوث والملل ولكنى قررت فى النهاية كسر حاجز الصمت

انا: فيه واحد صاحبى .. قال لى إن حادثة خان الخليلى مش عاملها الإسلاميين ولا حاجه .. وان دى حركة عاملاها الحكومة عشان الناس تتعاطف معاها ضدهم قبل الانتخابات الجاية ولمعلوماتك فيه أكتر من واحد قال لى الحكاية دى انت ايه رأيك يا أستاذ فى الكلام ده ؟

السائق: هاهاها الحكومة ضعيفة .. ما تعرفش تعمل الحاجات دى .. لو كانوا بيخططوا ويتكتكوا كده ما كانش بقى دا حالنا .. انت علشان تعمل عمليات سياسية من النوع ده لازم يبقى عندك جرأة وشجاعة ويبقى فيه تخطيط سليم .. بس إحنا غلابة ما نعرفش نعملها عارف لو الحكومة الإسرائيلية كان ممكن تفكر لكن إحنا لآ .. مستحيل

أنا: يعنى تنفيذ عمليات قذرة ضد المواطنين فى رأيك قوة .. إيه اللى إنت بتقوله ده ؟

السائق: السياسة كده طول عمرها "----" ما إحنا كلنا عارفين إن الأمريكان هما اللى ضربوا البرج بتاعهم ولبسوها فينا السياسة شعارها اللى تكسب به العب به ... واحنا داخلين على انتخابات يعنى كله مسموح فى اللعبه .. والحكومه لازم تخلى صورة الاسلاميين زفت علشان تعلق خراب الاقتصاد على شماعتهم

أنا: انت بتقول ايه ؟ هو مفيش أخلاق.. مفيش دستور .. احنا مش فى غابة..

السائق: (مقاطعا) .. ليه وانت فاكرنا عايشين فين ... ؟ فى بلد ... دى غابه .. دا الغابة رحمه عن اللى احنا فيه .. أنت عارف عايش فين؟

أنا: فين ؟

السائق: فى جهنم

والتقط طرف الخيط من السائق هذه المرة وأقول وأجرى على الله .. هناك أمور كتير مش ماشية صح .. حاجات كتير عايزة تغيير وحاجات أكتر عايزة إصلاح وأولهم .... أنت .. وانا .... وانتى ... وهى ... وهو كمان
وياارب يعدى القصص ديه على خير
وافضل فى بيتنا أجرة القاهرة ... أجمل ما قرأت فى وصف المجتمع المصرى - صفحة 2 Icon_biggrin

مشرف عدد الرسائل : 3051 تاريخ التسجيل : 01/11/2009

متخافيش هبقى اجيب عيش وحلاوة

ههههههههههههههههه

بس بجد قصة جميلة جدا واستمرى

تسلم ايدك

انت فاكرنا عايشين فين ... ؟ فى بلد ... دى غابه .. دا الغابة رحمه عن اللى احنا فيه .. أنت عارف عايش فين؟

أنا: فين ؟

السائق: فى جهنم

راااائع
والسائق معاة حق
احنا عيشين فى جهنم

SARA كتب:: متخافيش هبقى اجيب عيش وحلاوة

ههههههههههههههههه

بس بجد قصة جميلة جدا واستمرى

تسلم ايدك

ههههههههههههههههههههه
موشي ياساره
مشكووووره عالعيش والحلاوه
تؤ
اقصد مشكوووووره عالمرور
نورتى الصفحه ..

احمد فهمى كتب:: انت فاكرنا عايشين فين ... ؟ فى بلد ... دى غابه .. دا الغابة رحمه عن اللى احنا فيه .. أنت عارف عايش فين؟

أنا: فين ؟

السائق: فى جهنم

راااائع
والسائق معاة حق
احنا عيشين فى جهنم

صح والله يا فهمى
بس ادينا بنحاول نجملها ونشوف الجانب الكويس عشان نقدر نكمل فيها
مشكوووور عالمرور
نورت التوبيك بمتابعتك ..

(4)

إكتشفت بمجرد ركوبى السيارة أنها أقرب لزريبة البهائم منها لسيارة تاكسى رائحتها نتنة والوسخ يحيط بى من كل جانب أما التراب فحدث ولا حرج وفوجئت بمجرد تحرك السيارة أن كل جزء منها يعمل بشكل مستقل تماما عن الأجزاء الأخرى وأن كل قطعة تطلق صريرا خاصا بها فى كونشرتو موسيقى بالغ الإزعاج

نظرت الى السائق وجدت حاله ليس أفضل كثيرا من السيارة التى يركبها

أنا: ايه اللى انت راكبه ده ؟
السائق: اعمل ايه .. صاحبها مش عاوز يصلحها عنها ما اتصلحت حيفضل كده يشغلها لحد ما تبرك خالص
كان السائق يتكلم مقلدا طريقى اللمبى فى الكلام
السائق: وبعدين أنا لو جابولى كشك سجاير وتحته طارة حشغله تاكسى أنا سواق ما يهمنيش
أنا: طيب يا سيدى حتاخد كام لغاية المعادى
السائق: اللى تدفعه
أنا: لا نتفق انت لسه ما مشتش خطوتين اللى اوله شرط
السائق: يا سيدى مش حنختلف
أنا: طب وافرض اختلفنا حنتخانق فى الشارع ..لأ قول من دلوقتى حتاخد كام؟
السائق: أنا مش عايز أقطع الرزق .. ده رزق وجاى لى من عند ربنا وانت مجرد واسطة .. اقطع برزقى ليه بس
أنا: يا اسطى انا اللى حادفع لو مش حتقول عايز كام نزلنى
السائق: افرض انى قلت لك حاخد خمس قروش وانت ناوى تدفع لى اكتر ؟ دا رزق ياسيدنا الافندى
أنا: لما بتدخل أجزاخانه وتسأل على سعر دواء الصيدلى بيقول لك ستة جنيه وتمانين قرش ولا ولا بيقولك اللى تدفعه ؟ انت الوحيد اللى لازم تكون عارف المشوار ده حيتكلف كام
السائق: يعنى ايه.... انت مش عارف؟
أنا: لا عارف
السائق: طب يساوى كام؟
أنا: 15 جنيه
السائق: طب ما تجيب عشرين
أنا: صارخا نزلنى
السائق: لأ خلاص 15 حلوين ... رضا ... (قهقه ملء شدقيه)
طب تصدق بايه انا كنت حاقولك عشرة جنيه .. وانت قلت 15 جنية .. يعنى لو سمعت كلامك كنت حاقطع برزقى .. انا بقولك كده علشان تصدق ان الصح صح .. وان الواحد مفروض ما يقولش على سعر .. يسيبها كده على ربنا
أنا: ولو كنت قولت خمسة جنيه
السائق: لآ مش معقول وهو لامؤاخذه مشوار المعادى بخمسه برضه؟

واستمرت السيارة فى الحركة كل جزء منها يسير فى اتجاه واستمرت الآلات تعزف أسوأ سيمفونية فى التاريخ الإنسانى

أنا: وشفت فيلم اللمبى ؟
السائق: لا والله مشفتهوش .. بيقولوا عليه حلو

هنا فقط إكتشفت أنه لم يكن يقلد محمد سعد فى فيلم اللمبى وأن محمد سعد هو الذى يقلده .. !

أما طرف الخيط .. هل لاحظت ما قاله ذلك السائق البسيط "الواحد مفروض ما يقولش على سعر .. يسيبها كده على ربنا" ... توكلوا على الله عباد الله .. حق توكله ... يرزقكم من حيث لا تعلمون ...
وإلى لقاء إنتظرونا ...

السلام عليكم ورحمه الله وبركاته
جزاكي الله كل خير نودي القصة بجد جميلة ياريت تستمري كدة علي طووووول
مشكووووووورة كتيييييييييير

الحديث عن عمر رضي الله عنه عن النبي صلى الله عليه وسلم قال‏:‏" لو أنكم توكلون على الله حق توكله لرزقكم كما يرزق الطير تغدو خماصا وتروح بطانا "رواه الإمام أحمد والترمذي والنسائي وابن ماجه وابن حبان والحاكم‏,‏ وقال الترمذي‏:‏ حسن صحيح‏.‏
***********
واستمرت السيارة فى الحركة كل جزء منها يسير فى اتجاه واستمرت الآلات تعزف أسوأ سيمفونية فى التاريخ الإنسانى

" علي قد ما هي بضحك علي قد ما تبكي "

والله يا صافى مبقتش حاجه تضحك
كان المثل الاول بيقول
هم يبكي وهم يضحك
دلوقتى بقا هم يبكي وهم يبكي برضه !!!!
ويستمر الوضع وتستمر الحياه وما لنا الا الدعاء
وطبعا يا صافي مشكوووره ع مرورك ومتابعتك
واتمنى ان شاء الله انى اكمل باقى القصص معاكم
الله المستعان
نورتى الصفحه ..
وجزاكى الله خيراا

» أجمل قصيدة شعر تقال في أجمل فتاه
» جحا المصرى .....
» أجمل مناسبة
» طاب الرئيس اوباما من جامعة القاهرة فى مصر
» صور للمنتخب المصرى انما اية هههههههه جنان