حوار بين البيبسى و الفانتا

حوار بين البيبسي وفانتا

**************

الموقع : تلاجة في سوبر ماركت



البيبسي : ممكن أقولك كلمتين على إنفراد

فانتا: اه عادي و إيه المانع

البيبسي : طيب تحبي نتكلم في إيه.. يعني إيه المواضيع اللي بتحبيها

فانتا: معنديش حاجة معينة و بعدين انت هتطول في الكلام .. انت عايز بابا ينيمني بره الصندوق....

البيبسي (( فرحان )) : أنا على طول كلامي طويل و رغاي بس متخافيش مش هفور عليكي

فانتا: إنت مرح وأسلوبك حلو بس بابا قالي متمشيش مع السود

البيبسي : ليه يعني هو إحنا وقعنا من على قعر الأفة و بعدين أنا شفتك بتتكلمي مع كوكاكولا إمبارح

فانتا: متزعلش تصدق أنا معجبة بسوادك... زي الليل اللي مفهوش قمر ... سواد كأنه سواد الفحم اللي موجود تحت في السرداب


البيبسي : تؤ تؤ تؤ أحرجتيني.. ماما كان عندها حق

فانتا: و ماما قالتلك إيه ؟

البيبسي : ماما بتقول إن فانتا أحلى من الميريندا اللي على طول بتتدلع

فانتا: قال ميريندا قال

البيبسي : متزعليش بس الميريندا لونها جميل شوية عنك

فانتا: و ماله لوني بقى إن شاء الله

البيبسي: مش عارف بس بيفكرني بلون صاحب السوبر ماركت و هو تعبان على الأخر و غرقان في الشغل

فانتا: و الله لو مش عاجبك أنا هرجع صندوقنا دلوقتي

البيبسي : تؤ تؤ تؤ متزعليش مني بقى أنا مقصدش


(( و في هذه اللحظة فتح صاحب المحل التلاجة و حط جنب الفانتاو البيبسي زجاجة ميريندا))


البيبسي : يا دي النور يادي النور أهلا و سهلا بالعزيزة الغالية


فانتا: و الله عال.. بتعاكسها قدامي و انا اللي صابرة معاك من الصبح يا حتة فحمة مولعة


ميريندا: و دي مالها دي إيه اللي متنرفزة كده ههههههه


بيبسي : لا و لا يهمك قوليلي بس إيه اللون التحفة ده المفروض يعملوا منك طعم تفاح لونك تحفة


فانتا: ده لون ده و لا حاجة تانية هههههههه


ميريندا: هئ هئ (( تشهق )) اه يا غيارة ياللي محدش بيبص نحيتك و لا يشتريكي بقالك أسبوع مرزوعة و لا حد بيبصلك


فانتا: و الله ضحكتيني و أنا مش قادرة


البيبسي : يا جماعة بلاش خناقة كل واحدة فيكم ليها مميزاتها خلونا بس في المفيد


(( و في هذه اللحظة قاربت الساعة على 12 و جه زبون لم التلاتة في كيس واحد و اتكل على الله))

ههههههههههههههههههههههههههههه
حوار لذيذ يا رايق هههههههههههههههههههههه
مشكوووووووووووووور على الحاجة السقعة دى

شكراا على مروركم
وعلى فكرة انا اللى اشتريت التلاتة