تحب تدخل الجنه.....؟

انت متخيل هتأخد جايزه علي حاجه متسهلهاش ؟؟؟!!

اكيد لا ..... هو في حد بيتكافئ ويأخد جايزه علي حاجه متعبش علشان يوصلها !!!

طب تحب تدخل الجنه ولا النار ؟؟؟

إيه يا عم انت السؤال ده ... الجنه طبعاً هي دي محتاجه تفكير ؟؟!

طب تمام جداً ..... ربنا يرزقنا كلنا الجنه مع سيدنا محمد والناس اللي بنحبها كلها ان شاء الله

بس أنت قولتلي من شوية إن مفيش حد بيأخد جايزه علي حاجه متعبش فيها

اه تمام ..... أنا قولت كده

يعني أفهم من كده إنك عامل اللي عليك علشان تدخل الجنه ..... ما الجنه هي أكبر جايزة في الدنيا دي

ممممممم فهمت قصدك ، بس أنا بحاول أعمل اللي أقدر عليه ونفسي أدخلها

طب إنت شايف هتدخل الجنه ولا النار ؟؟؟

معرفش والله .... العلم عند الله

ونعم بالله ... طب بتصلي ؟؟ بتقرأ قرآن ؟؟ بتسمع كلام والديك ؟؟ بتسمع أغاني ؟؟ وإيه أخبار الكدب معاك ؟؟؟ و .......

اه قولتلي بقي .... إيه يا عم ده انت ليه بتقفلها في وشي كده ... أنا خلاص هدخل النار وش

لا لا لا متقولش كده ده ربنا غفور رحيم وبيقول في كتابه الكريم : بسم الله الرحمن الرحيم (( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لاتَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ))

إيه ده اسرفوا كمان .... يعني لو انا توبت واستغفرت ربنا هدخل الجنه ؟؟؟؟؟

أيوه ولو تعرف فرحة ربنا بيك بينا اد ايه لما نتوب ونرجعله ده ربنا سبحانه وتعالي بيقول في حديث قدسي : (( أنا عند حسن ظن عبدي بي وأنا معه حين يذكرني والله الله أفرح بتوية عبده من أحدكم يجد ضالته بالفلاة ومن تقرب إلي شبراً تقربت إليه ذراعاً ومن تقرب إلي ذراعاً تقربت إليه باعاً وإن أقبل إلي يمشي أقبلت إليه أهرول )).
تخيل ربنا أفرح بتوبتنا من واحد ضاعت منه دابته وعليه أكله وشربه وكان خلاص هيموت في الصحراء وبعد كده فجاءه وجدها امامه
لا مش كده وبس ده لو رجعنا دلوقتي ممكن ربنا يخلي كل الذنوب اللي عملناها حسنات ((إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا))

موضوع رائع جدا
وربنا يهدينا
ونفوز بالجنة ونعمها
ان شاء الله

مشكوووووووووور يا محمد على الموضوع الرائع دة
وطبعا كلنا نفسنا ربنا يكرمنا ان
شاء الله وندخل الجنة
بس لازم الواحد يدفع الثمن لدخوله الجنة
وزى ما ربنا سبحانه وتعالى قال
(إن الذين امنوا وعملوا الصالحات كانت لهم جنات الفردوس نزلا)
ونسأل الله ان يجعلنا من اهلها نحن والمسلمين اجمعين
امين يارب العالمين

تحب تدخل الجنه.....؟ 32

مشرف عدد الرسائل : 3051 تاريخ التسجيل : 01/11/2009

جزاك الله كل خير

اللهم ارزقنا الاخلاص فالقول والعمل

والتوبة طبعا ليها شروط

جعلة الله فميزان حسناتك

السلام عليكم ورحمه الله وبركاته
جزاك الله كل خير وجعله الله في ميزان حسناتك

تحب تدخل الجنه.....؟ Post-22883-1200435395

انه حقا كلام من ذهب ودائما يجب ان نتذكر قول الله تعالي (وقل اعملو فسيري الله عملكم ورسوله والمؤمنون )صدق الله العظيم لذلك يجب ان نبذل قصاري جهدنا لكي نفوز بالجنة ان شاء الله ومشكوروووور علي الموضوع الرائع ده

بسم الله والصلاه والسلام على رسول الله
اللهم اجمعنا مع النبيين والصديقين والشهداء
وحسن اولئك رفيقا
ما شاء الله لا قوة إلا بالله
وأسال الله أن يكون عملي هذا خالصاً لوجهه الكريم

بجد بحييك على مجهودك الرائع ربنا يجعله فى ميزان حسناتك
اللهم امين
وطبعا كلنا تشتاق انفسنا الى الجنه
ونأمل مجاورة الرسول الكريم صلى الله عليه وسلم
اللهم ارزقفنا الجنه

اللهم صلى على سيدنا محمد
جزاك الله كل خير وجعله فى ميزان حسناتك
بجد مواضيعك فى غايه الجمال والروعه

» دعاء قد تدخل بسببه الجنه
» اللى تحبني تدخل ..........واللى ما تحبني ما تدخل.....
» شاب قبل موته يقول : يـا دكـتـور..متتعبش نفسك انا شايف مقعدى فى الجنه !!
» صور ابليس اللعين واللي مش مصدقة تدخل
» شاطر فى الحساب لازم تدخل وتقول