الحلقة التانية والثالثه من القصه الجااااااامده.........

عشان مصر فااااااااازت هنزل الحلقتين التانيه والثالثة كمااااااااااااااان
يلا اى خدمه
عشااااااااااااااااااان مصر فاااااااازت بجد دمرت الجزائر

يلا اسيبكوا مع الحلقااااااااات

الحلقة الثانية

لم ير احمد الفتاة مرة اخري وطبعا نسي فالدفعة مليئة بالوجوه الجديدة التي كان مشغولا بالتعرف عليها, فهو من أثارات كلية التجارة ,مضى حوالي الاسبوع الي ان لمحها تسير بين فتاتين تتوجهان قرب الكافيتيريا وقرب مكانه العتيد بجانبها.

******************
لم تشغل منى بالها بما حدث هذا اليوم كثيرا ولكنها احتفظت بالجدول ,ورأت احمد عدة مرات بالكلية فهو لا ينفك يدور بالكلية يسلم علي اصدقائة من كل السنوات الدراسية , وكانت تشعر بالفضول كلما رأته خاصة والسلوك الغريب الذي انتاب شيرين حين حاول التعرف عليها .
هاهو يقف بمكانه المعهود , لا ارجوكم دعونا لا نمر من جانبه , ييييه لقد رأني , تري ماذا سيفعل ؟, هل سيشيح بوجهه بعيد , يا ربي انه يبتسم.

******************
ابتسم احمد فيما اقتربت الفتيات منه وهن مستغرقات في الحديث الا مني التي تعلقت عيناها بعينيه , فابتسم لها , اطلت من شفتيها ابتسامة مترددة ,فانتبهت صديقتها ان مني لا تسمعها فالتفتت لتري لمن تبتسم فقالت :

سارة: ايمو ازيك؟

احمد وهو لا يذكر اسم الفتاة التي تسلم عليه ولكن لم يبد عليه شيئاً

احمد: الحمد لله , ازيك انتي ؟

سارة:كويسة .

نظر الي مني مباشرة في عينيها وقال :

احمد: ازيك؟.

تمتمت مني بشيء في خفوت معناه الحمد لله فقالت سارة

سارة: ايه دا انتو تعرفة بعض؟

قالت منى :اه

بينما قال احمد :لا

فتورد وجهها احمراراً فسارع احمد يقول

احمد : قصدي اتعرفنا علي بعض بس منعرفش اسامي بعض

سارة: بسيطة ...احمد امام .....منى ممدوح.

مد احمد يده *ايوه كده تمام

احمد:فرصة سعيدة.

مدت مني يدها بتردد* انا مبحبش الي بيسلمو بالايد

مني : شكراً.

ضغط احمد كفه برفق وفي سرعة على يدها اصابعها التي بالكاد لامست يده وتركها سريعا كأن لم يضغط مما جعل وجهها يحمر قليلاً
احمد* اول مرة بنت تحمر عشان سلمت عليا
منى *ايه الولد دا
*****************

بعد هذا اليوم بأيام رأي احمد منها , لم يرها صدفة , بل كان ينتظرها المدرج , وقد قارب موعد انتهاء محاضرتها , وقد لا حظ انها من هواة حضور المحاضرات, وهذا شيء غريب على غير الصف الاول في الكلية ,لم ينتظر كثيرا كان متوقفا مع "شلة" من اصحابه في السنة الثانية بالكلية اذ لا حظ نزول الصف وبينهم مني, لم يتحرك نحوها , بل توقف في مكان يراه فيه النازلين من المدرج , واثقا من انها ستراه فيه.
رأت منى احمد , اول ما نزلت من المدرج وجدته امامها واقفا يضحك ويهزر بصوت عال مع اصدقائه , تعلقت عيناها به بينما قالت سارة

سارة: الواد دا زي العسل انا يوم ماعرفته مبطلتش ضحك.

قالت فتاة اخري معهما

ميرنا: مين؟ ايمو؟ , دا زي القمر انا كنت هموت عليه في اول اسبوع بس قالولي مالوش في السن الصغير.

سارة: انتي متعرفيش اصله كبير عننا اصلا دا بقالة ميت سنة بيسقط , قولي يمكن دلوقتى عنده 22 ,23 سنة.

ميرنا: تعالي تعالي نسلم عليه.

وتجاوزا منى متوجهتان صوب احمد , وهي كالمصدومة خلفهما , الي اين هما ذاهبتان , لا , سأنصرف انا.
التفتت اليها سارة ملاحظة تجمدها في مكانها

سارة: فيه ايه يا بنتي متنحة ليه ؟ اتحركي.

مني: بصي يا سارة روحو انتو وانا هطلب الاوردر في الكافيتريا وانت تبقو تحصلوني اوكاي.

سارة: طيب مش هنتأخر.

وتوجهتا نحوه وسارة تسمع صوتهما :
ايمو , ازيك .

*انا ماليش دعوة عايزين يقفو معاه هما حرين انا ماليش في الناس الي بتسقط.
وقف احمد مترقبا منى والحديث الذي يدور بين الفتيات من بعيد , يبدو انه عليه , فتعمد اعلاء صوته بالضحك والهزار , جيد ,ها هن الفتيات يقتربن , ما هذا ؟ لماذا تسمرت منى؟ مالذي يحدث؟,لا لا لا الي اين هي ذاهبة؟
يا الله , لقد ذهبت ,غلا الدم في عروقه , لقد دنت منه فتاتين لا يذكر اسمهما حتى , ما هذا الحظ؟.

*ماشي يا مني بتحلقيلي انا هوريكي , مش انا الي يتعمل معاه كدة

(الحلقه التالته)

لم يغمض لاحمد جفن منذ ذلك اليوم, اولا هو لم يحاول اغواء فتاة من قبل , على الاقل منذ بضعة سنوات ,فهو "سمعته تسبقه" في كل مكان, ومنذ فترة لم يعييه الحصول على بنت , آلمه غروره , مع ان في الحقيقة لم يحدث امر يحرجه او يغضبه لان شيئا لم يحدث اصلا على الاطلاق , لكنه هو الوحيد الذي يعلم نيته ومراده , وقد جرح الامر كرامته امام نفسه فاقسم ان يصلح مظهره امام نفسه على الاقل.
رأها , كانت جالسة وحدها , فرصة ذهبية , اقترب بخفة وجلس بجانبها على الكرسي , رفعت عينيها عن تليفونها المحمول الذي كانت تعبث به.
******************
جلست منى تنتظر صديقاتها علي مقعد بالكلية, لم تكن الكلية مزدحمة يومها ولا كان عندها محاضرات اصلاً,
شعرت بشخص يجلس على المقعد غير بعيد منها , فرفعت عينيها عن تليفونها فاذا به احمد , ارتجفت , مالذي اتي به , اقتضبت ابتسامة سريعة علي فمها .
******************
احمد: منى, ازيك؟
منى: الحمد لله.
احمد:قاعدة لوحدك ليه ؟
منى:عادي.
* قاعد انت جمبي ليه؟
* انتي هتردي كل سؤال بالعافية.
احمد : امال اصحابك فين؟
منى : لسه مجوش.
احمد: طب ما تيجي تقعدي معانا لحد ما ييجيو.
مني : لا معلش هستناهم هنا عشان يلاقوني.
* ايه البت الرخمة دي؟
احمد: طب هقعد انا معاكي لغاية ماييجو.
* ييييه ياريتني قلتله ماشي.
منى: مبتشوفش شيري .
احمد وقد انبسطت اساريره لفتحهها موضوع للتحاور
احمد: لا والله من ساعة ما شفتها معاكي وهي مطنشاني , هي قريبتك؟
منى : اه, من بعيد , هي طيبة اوي .
احمد : فعلاً , هي بنت جدعة .
ساد صمت محرج قليلاً
*فكر ياواد يا ايمو متقعدش ساكت كده .
*ايه يا مني ؟انتي خرسا ليه؟ عمرك ماكنتي رخمة كده ,فكي شوية.
مني: انا شفتها النهاردة .
احمد :هي مين دي؟
مني : شيري .
احمد : اه فين؟
مني : لمحتها عند البوابة الصبح.
احمد التمعت عيناه , وقد اضائت فكرة برأسه
احمد: لما تشوفيها تاني قوليلها اني عايزها ضروري , ولا اقولك رني عليا وانا اجي اقفشها.
منى وقد فهمت مقصده وحاولت التهرب منه
مني : اه حاضر, ان شاء الله
* ايه ده , هي تصيع عليا.
فقال مباشرة
احمد: انتي معاكي نمرتي.
شعرت مني انه اسقط في يدها فهزت رأسها نفياً ,فبكل بساطة مقصودة امسك تليفونها من بين يديها وسجل نمرته ورن على هاتفه وقال لها في "استعباط" تام
احمد: اول ماتشوفيها رنيلي , انا همشي دلوقتي ماشي .
وانصرف عنها وهي تكاد تغلى غضباً مما فعل
* قشطة كدة.
* ايه الواد البجح دا.

مشرف عدد الرسائل : 3051 تاريخ التسجيل : 01/11/2009

لا اية دة بجاحة بجاحة يعنى
تسلم ايدك يا كيوتى ومستنين الباقى ان شاء الله
جزاكى الله كل خير

اللهم صلي علي سيدنا محمد

ايه ده

ده غلبني

انا ولد وبكلم بنات بس مقدرش اعمل اللي عمله في الاخر ده

يلا نزلي الاجزاء الباقيه كلها

حتي ولو كانو ميه متين الف
مش فارقه

اوك مشكوره

بجد يا كيوتي رائعة طبعا انتي مش عارفة انا مين بس لما تقري اللقب هتعرفي بس بجد تحفة ومستنيين الباقي

تسلم ايدك قصة حلووووووووووووووة ومسلية وبينى ةبنك الواد دة رخم

السلام عليكم ورحمة الله وبركاته
مشكووووووورة كيوتى
يلا عايزين بقيت الاجزاء
تسلمى
جزاك الله كل خير

ميرسى ليكو كلكو
وان شاء الله هنزل بقيت الاجزاء
بس اشوووووف الردود
عشان انزل الحلقة الرابعه.................

بجد جمييييييله اوى
مشكووووووره كيوت
جزاكى الله خيرا

» الحلقة التانية من يوميات المفتش كرومبو في المنتدي
» حياتنا فى هذه القصه
» اختي اقرأي هذه القصه واعتبري - الآن فقط انت صديقتي
» (*السكشن التانى وراثة عملى*)للفرقة التانية
» الهندسة الوراثية ل د/إيمان السراج للفرقة التانية