الشبااااب والتشات ادخل ومتترددش

((((((للامانة موضوع منقول للاستفادة))))))

بليز كمل قراءة الموضوع ومتفقلش الصفحة قبل متخلصه

بسم الله الرحمن الرحيم


الشباب والتشات

ابدأ ازاى أقول انها حاجة تضحك ولا تزعل؟ المهم انها حاجة تسلى وخلاص

كلمة السر هى "بنت أو Female " احفظوها عشان هيجى سيرتها كتير.

الولد أقصد male يقضى ساعات طويلة على النت تكلف أهله الشيء الفلانى عشان إيه؟ طبعا مش بيذاكر ولا بيدوره على معلومة تنفعه في الأيام السودة اللى إحنا فيها، دا بيدور على كلمة السر أقصد بنات عشان يكلمهم ويتعرف عليهم وليه؟ هنعرف بعد شوية.

وكذلك كلمة السر أكيد عرفتوها بس الفرق انها بتقضى كل الساعات دى على النت عشان الولاد بيحاولوا يتقربوا منها يعنى مش بتلاقى صعوبة في وجود الولاد، والدليل جرب انك تدخل التشات باسم بنت، مثلا هند أو الدلوعة وشوف سيل النوافذ اللى هتتفتح عليك طبعا من ولاد اشى أمير الحب وأجمل واد و هيثم وماجد واحمد وطب اسكندرية .... صدقنى ما تعدش كل الولاد هيحاولوا يوصفوا فى اسمك الجميل اللى مفيش زيه اللى يدل على الرومانسية والجمال الطاغى والصوت العذب.

وكل واحد بقى يحاول انه يستفذ البنت الى بيكلمها عشان ترد عليه ما هى حرب بقى والشاطر اللى يقدر يجذب كلمة السر ناحيت الويندو بتاعته من بين عشرات الويندو المفتوحة قدامها, حتى لو وصلت انه يشتمها بأقذر الألفاظ.

واتفرج بقى مسلسل الكذب لما يظفر الولد باهتمام كلمة السر هو يقولها أنا شادى أو هادى او اى اسم دلوع كدا وفى طب أو هندسة وساكن في المعادى أو الزمالك وعندى موبايل وشقة وعربية, وجسمى مثالى وعنيا خضرا وشعرى حرير, المهم يرسم نفسه قدامها بأى طريقة "مع انه ممكن يكون اسمه حسبو أو عطية، وشغال سباك أو لسة فى الثانوية الفنية، .."

أما هيا بقي ترد عليه أنا رنا أو رشا، من المهندسين أو إسكندرية، تجارة انجلش عنيا زرقا وشعرى أصفر حرير وجسمى بقى ما تقولش بيقولوا عليا شبه مادونا أو شاكيرا، - "يعنى هو شايفها"-.


أما بقى لو كان واد خنفس كدا يبقى لازم الموضوع يتطور اكتر من كدا , موبايلات بقى, انتى عندك موبايل؟ آه عندى. طب نفسى أسمع صوتك ولو نص دقيقة بليز! ولا تتصلى بيا انتى ؟ خدى نمرتى ……


وإذا كان واد مخلص من الآخر يعنى،والظروف تسمح، لازم نتقابل بقى، نفسي أشوفك نروح السينما ولا الكورنيش, لأ ولا أجيلك الكلية؟ ….. والله أعلم ممكن يحصل إيه بعد كدا.

"الحاجة اللى لاحظتها فى البنات أنهم في اغلب الأحيان تلاقيهم اتنين اتنين قاعدين مع بعض,يمكن عشان يساعدوا بعض في الكتابة بحيث دي لو اتزنقت التانية ترد علطول, وهات يا ضحك مع بعض. ! تسالى."

أما لو حاولت تكلم ولد واسمك مايدلش على انك بنت السؤال الإجبارى الأول اللى هتسأله Male or Female? والباقى يتوقف على الإجابة، عشان كدا طلعت موضة ما بين الولاد أنهم يعملوا مقالب فى بعض متنكرين عاملين نفسهم بنات عشان يضحكوا شوية.


طيب ليه؟

سؤال يطرح نفسه ليه الشباب بنات وولاد بيلجأوا للتشات بدل من الحديث المباشر؟

من وجهة نظري إن معظم التشاتر بيكونوا شباب في سن المراهقة وكل جنس عايز يتعرف على الجنس الآخر والرغبة غير المحكومة بتكون على آخرها، واللى بيزود الرغبة دى عنده اللى بيشوفه الشاب سواء بنت أو ولد كل يوم من أول ما يصحى الصبح, ويفتح البلكونة ويلاقى بنت الجيران لابسة ما خف وشف على الصبح "حرانة" لو كان ولد، أو ابن الجيران اللى واقف فى البلكونة بيستعرض عضلاته قدام السنيورة مرورا بالتليفزيون وتمارين الصباح, والشارع والأتوبيس المليان باللحم البشرى اللى بيخبط فى بعضه, والحرم - أقصد الجامعي- اللى كل واحد فيه سايب محاضراته وشابكله واحدة فى ايده –"أصلها بتسنده عشان ما يتكعبلش-" أو قاعدين على جنب بالساعات "بيشرحلها المحاضرات". وغيره كتيييييير ….

طب والحل؟ لازم يعرف بنات أو تعرف ولاد, "عشان ما يتعقدوش" يبقى ما فيش غير التشات على النت اللى يقدر يقول فيها كل اللى هو عايز يقوله من خير خجل ولا خوف من عقاب أو مشاكل، ويمكن يتطور الموضوع لأكتر من كدا مين عارف يمكن يلاقى حد يحبه …..

ويساعد على كدا وقت الفراغ الكبير اللي عند الشباب سواء كان عاطل أو بيدرس فى كلية زورونى في كل امتحان مرة, وطبعا البيه الأب مشغول مش فاضى وماما هانم مش فاضية تشوف ولادها بيعملوا ايه أصلها عضو في جمعية تحرير المرأة الغلبانة, وعندها مؤتمر في مدغشقر أو في الصين.


طيب وإيه المشكلة من التشات؟:

عادى مش هقولكم إنها بتضيع الوقت والفلوس والمجهود في حاجة تافهة، دي ممكن تضيع مستقبلك وحياتك كلها وهضربلكم مثل واقعى:

واحد أعرفه كان متفوق في دراسته جدا، وسيم وطيب وأخلاقه عالية، لكن واحد من صحابه الله لا يسامحه عرفه طريق النت والتشات, المهم اتعرف على واحدة واتطورت العلاقة وخدوا نمر بعض بس الحقيقة هى اللى سحبته مش هو وبقت تتصل بيه كل ليلة وتقوله أحلى كلام لحد ما تعلق بيها ما بقاش يقدر ينام غير لما يسمع صوتها،فى يوم قالتله عايزه أشوفك المهم اتفقوا يتقابلوا بره في يوم الخميس اللي جاى فضل يعد الأيام من يوم السبت لحد اليوم الموعود, وفى يوم الخميس الصبح لبس وتشيك وركب العربية وفى طريقه لمكان اللقاء لقي حادثة قافلة الطريق فنزل يشوف إيه الحكاية, لقى حادثة مروعة عربيتين خبطوا بعض والجثث مرمية فى كل حتة, فاتصل بحبيته عشان يقولها انه هيتأخر; فاذا بتليفون بيرن فى جيب بنطلون إحدى الضحايا فتحرك بتلقائية وطلع الموبايل وبص فى النمرة فلقيها نمرته، أصابه الذهول وماتت حبيبته قدامه وهى بتبصله عنيهم فى عنين بعض.

بعدها كره الدنيا باللى فيها "وكرهنى أنا شخصياً" وساب كليته وهو في السنة الأخيرة ودلوقتى عنده اكتئاب وكان هينتحر لولا ستر ربنا.

شوفتو ازاى مستقبله ضاع وحياته كلها عشان التشات وبلاويه, ربنا يكفينا شر التشات وبلاويه واللى بيجرى فيه.



والحل:

هل ما حدش يعمل تشات ونبعد عنه خالص؟ الاجابة لأ لكن تبقى العملية محكومة بوقت محدد، وبلاش دخول الغرف اللى مش محترمة، وكل واحد يحاول يتكلم فى موضوع مفيد, وبلاش الكدب والرسم اللى ما منوش فايدة, وكل واحد يحاول يشغل وقت فراغه بحاجة بديلة، يلعب رياضة مثلا، وإذا كان لابد من النت يحاول يتعلم حاجة مفيدة أو يشترك في المنتديات وساحات الحوار أفضل.

ساره هانم مكنتش عايزه ترد وسكربيون عشان الخط صغير شويه قال اكتب بخط متفهموش واطلع روحها هههههههههه ماشى المهم ان الموضوع عجبكو وعلى العموم مشكورين كتير لمروركوا

ههههههههههههههه انا مزعلتش انا بهزر وطبعا عندك حق المفروض يبقى الخط اكبر من كده عشان يتقرى اوكى ومرسى ليك على مرورك واضافتك الجميله دى ومرسى ليك مره تانيه انك كملت قراءه الموضوع كله ومملتش عشان الخط صغير هههههه

انتى اللى مشكورررررره على مرورك جزانا واياكى اللهم امين اهدى شباب المسلمين

موضوع رائع وجميلللللللللللللللللللللللللللللل
مشكووووووووووووووووووووووووووووووووووووووورة

الاجمل مرورك ياامل يارب تكونى استفدتى

توبيك جميييييل جدا يا قلبي
وبيعرض فكره مهمه وباسلوووووب بسيط
مشكووووووره كتير عالمجهود
وجزاكى الله كل خير

مشكور كل من ميرا مارا واحباب النبى وتويتى على المرور جزاكم الله كل خير

انا مش ساره يااستاذ محمود هههههههه بجد لسه مش عارف انا مين ياااااااااااااااااه هو طبعا مفيش فرق بينى وبين ساره بس بجد لسه مفهمتش انا مين؟؟؟؟؟؟؟؟

ههههههههههههههه ولا يهمك المهم انك بتهتم بالمواضيع حتى اللى قريتها قبل كده وده شىء كويس فيك لان التذكر حاجه مهمه جدا

السلام عليكم ورحمة الله وبركاته
جميييييييييييييييييييييييييل اوى ياقلبى ملك ربى
تسلم ايدك
توبيك مهم اوى وجميل جدا
جزاك الله كل خير
وجعله الله فى ميزان حسناتك

جزاكى الله كل خير مونى على مرورك العطر نورتى ياعسل