لماذا تبكي علي من تركك وباعك ؟

في ناس كتير منا بتزعل علي صديق سابههم وباعهم لأسباب مجهوله وغير معلومة بالنسبه ليه مع العلم ان الصاحب او الصديق دا .
كان من المقربين له طب ايه جري علشان تبيع عشرة ايام وشهور وسنين ايه خلاك تنهي صدقتك بينك وبين صديقك .
محدش عارف ليه اي سبب تافه بيحصل بيفركش كل حاجة بين اي اتنين سواء كان حبيب او صديق .
هل دا من عدم الثقه في الطرف التاني ولا ايه بالظبط ..؟؟
وكمان انت حبيت حد بجد وكان بالنسبه ليك الدنيا وما فيها وفي الاخر باعك او خانك او بعد عنك .
ليه تقهر قلبك وتضلم الدنيا وتقفلها في وشك ليه متكملش حياتك وتمحيه من ذاكرتك
ليه متحاولش تعيش من جديد ودي مش نهايه العالم .
بجد في حجات متستاهلش تبكي عليها واحنا بنكي عليها ليه كدا .
بجد انا شوفت ناس كتير باقيه علي ناس خانوهم وناس باعوهم ليه دا كله بنعمله في نفسنا .
انا مش هقول الي باعك بيعه بس دا شخص مقدرش هو كان بالنسبه ليك ايه
ليه تبكي عليه .
مستني تعليقاتكم ومناقشاتكم

السلام عليكم ورحمه الله وبركاته

اخي العزيز باسل مع احترامي كل كلامك بس انا مش عارفه احدد هل دي مشكله لسه انت بتعاني منها علي ماسبق ذكراة في افتح قلبك

ام انها باب للمناقشه للتخالص من كثرة التفكير علي صديق خانك واو تركك وباعك

اتمني الرد السريع

اهلا اختي الكريمه

انا قصدي من موضوعي نفتح باب للنقاش لاننا اصبنا الملل من الركود في الفتره الاخيره ونوم المواضيع

وهذا الموضوع ليس له اي علاقه بموضوعي السابق

شكرا اخي باسل علي الموضوع الجميل الللي انت طرحوا
وانك بتسعي لنشاط المنتدي اللي في اعضاء كتير بطلوا يشاركوا فيه
وعلي فكره انا حصل معايا الموقف ده ان كنت انا ووحده صحاب من تالته اعدادي ودخلنا كليه مع بعض وهي اتعرفت علي اصحاب تانيين وانا مزعلتش لان الكليه لازم تقابل صحاب وشخصيات وتتعرف عليهمولكن للاسف اتكلمت في ضهري مع انها اكتر وحده تعرفني لان احنا عشره سنين مش ايام
يلا اللي حصل ولكن ربنا عوضني ب3 اصدقاء احسن من كده مفيش
وانا زعلت اوي اوي اوي من البنت علشان العشره والمواقف الجميله اللي عشناها مع بعض
الله يسامحها
ودي الحاجه الوحيده اللي ممكن تخليني اغفر لها بس برضه هيكمن في نقطه سودا ليها
مشكورررررررررررررر باسل

الله على المواضيع دى

فينك يراجل من زمان

(بالنسبة للموضوع عندك حق فى (بجد في حجات متستاهلش تبكي عليها واحنا بنكي عليها ليه كدا .

بص يباسل احنا لوبنبكى بنبكى على الوقت والايام اللى قضيناه مع انسان لا يستحق ان يقال له انسان
وانت بتعرف قصدى لانك اكتر واحد هنا عارفنى
وعارف انا اتجرحت قد ايه من واحد ابقى بحقر الانسان لو وصفتة بانسان
وانا ندمت وبكيت بس مش عليه
على اللى احنا فيها
وسألت نفسى ليه اللى بنثق فيهم بصدق هما اول ناس يجرحونا
اذا كان صاحبك يمكن كنت بعتبره اخويا يجرحك
وفى الاخر الحمد لله
قمت من تانى بس مانكرش انى اتعملت من التجربة دى حاجات كتير كتير
ومش كل الناس زى بعضها

اخي باسل اولا معلش علي التاخر في الرد ولكن هقول كلام قليل امني الكل يفهمه

اولا انتوا بتقولوا:
وسألت نفسى ليه اللى بنثق فيهم بصدق هما اول ناس يجرحونا

اخي مصطفي هذا بيحدث بالفعل فينا جميعا وذلك لاننا عاوزين يكون اللي اخترناه انسان مثالي في كل حاجه
وهما مش اول ناس بيجرحونا ولا اخر ناس هي الحياه كده لازم التجارب والزعل مابنا وبين بعض
علشان نحس بطعم الصداقه بجد
واعلم ان الصداقه بدون مشاكل لا تعتبر صداقه بس مشاكل يعني تتحل في ساعتها

وانا بصراحه جربت كتير وتعايشت مع الكثير ونجرحت شويه لكن صدقوني والله حسيت كل اللي انا كنت فيه هبل وكبرت دماغي لو حد زعلني ما بقتش ازعل خالص ممكن ادايق شويه لكن بفك بعدها

لانها مش مستهله اني ازعل وزعل اي حد مني اذا كان الشيء مستاهل او لا لو مستاهل بنتناقش

وبقفل الحوار لو هيقلب بزعيق باي شء تاني يعني بحاول اغير الموضوع

وهتقولولي اني كده ماحلتش الموضوع لكن بالعكس بنحس اننا حالناه لما بنكبر دماعنا

معلش علي الاطاة في الكلام وربنا يكرمكم اجميعن

السعادة لا تحقق في غياب المشاكل في حياتنا،

ولكنها تتحقق في التغلب على هذه المشاكل.

لابد ان كل انسان يتغلب علي مشاكله من اي نوع وخصوصا الصداقه

في اامان الله

مشكور

شكرا بس لازم ازعل طبعا لانو غالي عندي مش سهل انساه

احنا بنبكى على باعنا
لاننا مش بنقدر بسهوله ننسى الايام الحلوه اللى قضيناها مع بعض بنبكى على الوقت اللى عشناه مع بعض
لكن بدام هو باع يبقى حياتنا مش هتقف عنده وده مش نهايه الحياه لان الناس مش زى بعضها واكيد هنلاقى اللى يقدرنا ومايجرحناش
ومشكووووور موضوع جميل

انا حصل معايا الموقف ان بعد عشرة سنتين جاية تقولى ان المدة قليلة على ان احنا نكون اصدقاء رغم العشرة الى بينا حبى ليها وهيا لغايت دلوقت انا باحبها لان انا مش هاين عليا عشرتها والمواقف الى بينا بس انا فعلا بكيت عليها وما زلت بابكى عليها على الرغم من ان احنالسا مع بعض بس مش ناسية كلامها ليا ان عشرتنا دى سهلة عندها بس انا فعلا بقيت اكبر دماغلى من المواقف الى بتعملها فيا دلوقت ومش اى حد يزعلنى انا الى مزعلنى الايام الى بينا وكلمة من حد باحبه جدا وقدوة ليا لو بينك وبينها عشرة حتى لو يوم اتمسكى بيها وده الى مخلينى معاها لان انا زى ما قلت انا مش هاين عليا العشرة وقالى حد تانى غالى عليا كمان الدنيا دى زى القطر كل شوية بتقفى فى محطة بتتعاملى فيها مع ناس وبعد كدة بتنتقلى لمحطة تانية وتسيبى الى كانو فى المحطة الى فاتت انتى مبتنسيهمش بس خلاص عدت المحطة دى وهكذا معلش ان انا طولت عليكم وبجد موضوع جميل على الرغم من انك فكرتنى بالجرح تانى

انا مش معاك قوى بس فى الاول على الاقل لازم هاتزعل

وخصوصا لو كنت بتحب الشخص ده

وساعات الطرفين بيكونو غلطانين

وبتكتشف ده بعد ما بيبقى خلاص ماعدش ينفع ترجع تانى زى الاول

والبكاء والزعل ساعات بيبقى مش علشان الشخص نفسه لو كان وحش اوى كده

لكن بيبقى على الايام اللى انت عشتها وهانت عليه بسهوله

وانك بتهون عليه على الرغم من انك مابتستاهلش كده

بسسسسسسسسسسسسسسسسسسسسسسس
مشكوووووووووووووور على الموضوع الجميل ده

» قصة حب تبكي.................
» قصة تبكي لها الصخور ................
» متى تبكي على نفسك؟
» النفس تبكي على الدنيا
» متى تبكي العيون دماً...