| | ذكريات .... الجزء الاول ... |  |
|
+6نادين وتر الاحساس المشتاقه لرؤيه الرحمن طائر الحب باسل shady el_sherif 10 مشترك |
| كاتب الموضوع | رسالة |
|---|
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
|  موضوع: ذكريات .... الجزء الاول ... الأحد يونيو 14, 2009 5:27 pm | |
| السلام عليكم
بصوا بقى يا جماعة
دى قصة من تأليفى
ويا رب تعجبكو ..
هى مش حقيقية ...بس فيها شوية من الحقيقة
لو عجبتكو هنزل باقى الاجزاء
ولو ماعجبتكوش هاشيلها
خدوا نفس عمييق
وابدأو
اطلقت زفرة صغيرة وانا اتطلع لورقة الاجابة
بعد ان انتهيت من امتحان مادة الميكانيكا لاعدادى هندسة
نظرت حولى نظرة عابرة ... ثم انتقلت بنظراتى الى الساعة وكانت تشير الى ان
هناك ساعة على انتهاء الامتحان
القيت بجسدى المنهك على (( البنش )) الذى امامى واخذت افكر
فى كل ماحدث
فكل ما حدث كان غريبا بكل معنى الكلمة
تذكرت تفاصيل اول لقاء اللتى احفظها عن ظهر قلب
كنت فى السادسة عشر من عمرى
ذروة الشتاء...
وفى ليلة الخميس ...
الجو ممطر...
ضوء المصابيح خافت ....
الشوارع خالية...
عائد من الدرس ..
مشغول بتفكيرى فى الامتحانات
وبتفكيرى فى المستقبل
صمت رهيب يسود المكان
لا يوجد سوى صوت المطر
وصوت خطواتى وانا اعبر الطريق
وفجأة ....
لو سمحت ...
ايوة ...
مش انت اسمك كريم
ايوة انتى تعرفينى
اه احنا جيرانكو الجداد
اممممم
ممكن طلب
طبعا اتفضلى
ممكن بس تمشى ورايا او خليك بس قريب منى عشان الشارع ضلمة وانا خايفة
اوك موافق
شكرا
بس ... ممكن سؤال ...
اتفضل ..
انتى عرفتى اسمى ازاى .؟
لا دى هند جارتنا اصلها صاحبتى وقعدت تحكيلى يعنى مين اللى فى الحى
اه
اوك اتفضلى
غريبة يعنى ما سألتنيش عن اسمى
ما سألتش عشان انا عارف ... مش نور برضو
نور : عرفت ازاى
كريم : لا دى هند جارتنا اصلها صاحبتى وقلتلها تحكيلى عن الجيران الجداد
نظرة ... وابتسامة خفيفة
نور : وياترى هند قالت لك ايه تانى عنى
كريم : عادى قالت معلومات عادية ( نور-16 سنة – علمى رياضة – ث . بنات ) وقالت لك ايه بقى عنى
نور : برضو معلومات عادية ...
بس ...
لا لا خلاص ...
كريم : لا قولى قالت ايه عادى يعنى
نور : لا لامفيش داعى
كريم : (يكلم نفسه ) :: ( كانت عايزانى الح عليها عشان تقول .. بتتقل يعنى بس على ميين )
كريم : اوك براحتك
نور : طيب سلام بقى عشان محدش يشوفنا مع بعض
كريم : اوك
نور : شكرا
كريم : لا العفو .. ده واجب
و....
زنننن زنننن زنننن زنننن
كريم ( فى الامتحان ) : اما انك دبانة رخمة صحيح
تنهدت نهيدة صغيرة وعدت بذاكرتى
لاستكمل ....
كانت هند بالنسبة لى ليست مجرد جارة عادية .. فكانت بمثابة اخت او بمثابة صديقة عزيزة .. فلطالما ارتحت وانا اتحدث معها واحكى لها عن كل شئ
يوم السبت
الموبايل بيرن ..
كريم : الو
هند : ايوة يا كريم ازيك ؟
كريم : تمام الحمد لله .. انتى عاملة ايه ؟
هند : تمام ... ايه يابنى فينك بقالك يومين مابتظهرش ... شكلك بتدح يا مان
كريم : يا حسرة .. بدح ايه بس .. ادينى قاعد فى البيت من كتر الزهق وب ..
هند : ( تقاطعه ) :: صحيييييييييح .. ما حكيتليش يعنى على الموقف اللى حصل مع نور
كريم : هى قالت لك
هند : اها ...
كريم : اممممممممم .. وقالت لك ايه بقى
هند : ( بخبث ) : لا مفيش حكيتلى على اللى حصل .. ومن الاخر كدة شكلها الصنارة غمزت
كريم( من ورا قلبه ) : لا لا بلا غمزت بلا بتاع انا مش ناقص .. خلينا نخلص من الثانوية العامية دى الاول وبعدين نشوف
هند : طيب .. مش عايز حاجة
كريم : شكرا
هند : اوك يللا سلام
كريم : سلام
و بعد 3 ايام ....
نور: هند ماتعرفيش حد علمى رياضة .. كنت عايزة ورق مراجعة فيزياء
هند : ( بخبث) : ااااااه مراجعة فيزيا
نور : مش كريم علمى رياضة برضو
هند : اها . .. خلاص لما اكلمه هبقى اساله
نور : هو انتى بتكلميه كدة عادى
هند : وفيها ايه يعنى .. بصى كريم ده ان بعتبره زى اخويا او ممكن صديق عزيز انما مش اكتر من كدة .. دماغك ماتروحش لبعيد ...
نور : لا والله مش قصدى انا بسأل بس ..
ما تنسيش تقوليله على الورق بقى
هند : اوك
تانى يوم الساعة 12 ظهرا ..
كريم نايم وموبايله بيرن
كريم : ( بغضب) : الوو
هند : ايوة
كريم : ايه يا هند هانم خيير فى ايه
هند : كنت عايزاك فى موضوع كدة بس شكلك نايم خالص .. لما تفوق اتصل بيا
كريم : يا ستى خلاص اهه انا فقت عايزة ايه
هند : اصل نور كانت عايزة ورق مراجعة فيزيا لو عندك
كريم : نووووور .... هى اللى قالت لك
هند : اها
كريم : طيب
اوكى
هبعت لك الورق مع اختى وانتى بقى تديه لنور
هند : اوك .. باى
كريم : باى
كريم : ( يكلم نفسه وهو يتثاءب ) : شكلها فعلا غمزت
تانى يووم
هند : امسكى يا نور الورق اهه
نور : جبتيه من كريم
هند : اها
نور : طيب مش ممكن يكون هو عايز الورق ده عشان يذاكر فيه
هند : لا هو صورلك نسخة
نور : هند انتى بتستهبلى ... ازاى تخليه يصورلى نسخة على حسابه انا لازم اديله ثمنها .. بصى اساليه الورق ده كلفه كام وانا هديهملك وانتى توصليهم له
هند : فلوس ايه دى اللى عايزة تدفعيها ... اولا ده مبلغ بسيط وبعدين كريم هيزعل اوى لو عملنا كدة
نور: لا انا مبحبش كدة .. حقه ولازم ياخده .. بجد اساليه
هند : (بلا مبالاة ) : ان شاء الله حاضر
وبعد اسبوع
يوم الخميس برضو
وتقريبا نفس الموقف بالظبط
كريم : ( يكلم نفسه ) : يااااااه لو اشوفها تانى زى الخميس اللى فات
راح طلع موبايله واتصل ب هند
اتصل مرة ومردتش عليه
اتصل تانى
راحت نور ردت
كريم : الو
نور ( بتردد ) :: اااااييوة يا كريم اننا مش هند .. هند فى الحمام وانا عندها فى البيت
كريم : اوك ماشى انتى عاملة ايه ؟
نور : تمام الحمد لله ... صحييح ... اولا متشكرة على الورق بس بعد اذنك تقول لى كلفك كام عشا...
كريم : نور انتى بتقولى ايه .. اولا ده مبلغ بسيط .. ثانيا احنا جيران .. لو فتحتى الموضوع ده تانى بجد هزعل منك
نور : والله مش قصدى
كريم : خلاص بس يا ريت ماتعمليش فرق بينى وبينك كدة
نور: طيب ... انت كنت عايز هند
كريم : لا لا خلاص انا كنت بتطمن عليها بس
نور : اوك
كريم : اوك سلام
نور : سلام
هند : ايه كنتى بتكلمى مين
نور : لا ددده كرريم ... اصل هو اتصل وبعدين انتى كنتى ف. .
هند : طيب طيب خلاص انا بسأل بس ... مالك فى ايه
طب ايه هو كان عايز حاجة
نور : هه
هند : ده انتى مش معايا خالص
نور : لا ده كان بيطمن بس .... صحيح
هند : ايه
نور: كلمته فى موضوع الورق ... زعل اوى وقالى بلاش تفتحى الموضوعه ده تانى
هند : مش قلت لك هيزعل
نور : انا مقصدتش والله
هند : خلاص خلاص ولا يهمك انا هبقى اكلمه
نور : اوك
هند ( بنظرة خبث) : اوووك
تانى يووم بعد درس الرياضة
تليفون هند بيرن
هند فى المكتبة بتصور ورق
ونور معاها التليفون وواقفة برة
كريم بيتصل
تعمدت نور ان تبتعد عن هند عشان ترد عى كريم
كريم : الو
نور ( برضو بتردد ) : ااايوة يا كرريم .. معلش اصل هند جوه المكتبه بتصور ورق وانا نسيت واخدت تلييفونها معايا
كريم : خلاص اوك حصل خيير... انتى بقى عاملة ايه ؟
نور : اللللحمد لله تممام .. ايه .. انت اخبارك ايه
كريم : تمام
نور : معلش بقى يظهر ان حظك وحش كل لما تتصل انا اللى ارد
كريم : بالعكس ده من حسن حظى ان انتى اللى بتردى عشان اسمع صوتك
نور : ( بتردد) :: اييه ... طب خد هند اهه جت
هند : ايه يا مان ايه الاخبار
كريم : تمام تمام .. بقولك عايزك فى موضوع جامد
هند: اوك هكلمك بالليل
كريم : اوك سلام
To Be Continued........
تحياتى
شادى الشريف | |
|
| | |
باسل
مشرف
عدد الرسائل : 481
العمر : 39
بلدك اية : الشيخ زويد
تاريخ التسجيل : 25/02/2009
| | موضوع: رد: ذكريات .... الجزء الاول ... الأحد يونيو 14, 2009 5:57 pm | |
| برافو عليك
استمر
منتظرين باقي الاجزاء | |
|
| | |
طائر الحب
صديق ذهبى
عدد الرسائل : 458
العمر : 33
تاريخ التسجيل : 13/05/2009
| | موضوع: رد: ذكريات .... الجزء الاول ... الأحد يونيو 14, 2009 6:00 pm | |
| جامد يا شادي
قصه لذيذه وممتعه | |
|
| | |
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
| | موضوع: رد: ذكريات .... الجزء الاول ... الأحد يونيو 14, 2009 6:03 pm | |
| مشكوووووووووور باسل
وان شا الله بنزل باقى الاجزاء | |
|
| | |
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
| | موضوع: رد: ذكريات .... الجزء الاول ... الأحد يونيو 14, 2009 6:04 pm | |
| مشكووووووووووور طائر
ويارب اكون عند حسن ظنكم دايما | |
|
| | |
المشتاقه لرؤيه الرحمن
صديق برونزى
عدد الرسائل : 277
العمر : 33
بلدك اية : السعودية
تاريخ التسجيل : 31/01/2009
| | موضوع: رد: ذكريات .... الجزء الاول ... الأحد يونيو 14, 2009 6:57 pm | |
| كل ده افتكرته في الامتحان بتاعك في اللجنه وانت قاعد علي البش
بس قصه لذيذه واتمني متكونش في نفس الوقت حقيقه
وربنا يكرمك اخي شريف ويصلح من حالك يارب العالمين | |
|
| | |
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
| | موضوع: رد: ذكريات .... الجزء الاول ... الأحد يونيو 14, 2009 7:24 pm | |
| يااااااااا رب
بس على فكرة اسمى شادى مش شريف
ههه
عموما اتطمنى
مش حقيقية
مشكوورة على مرورك | |
|
| | |
وتر الاحساس
صديق مميز
عدد الرسائل : 239
العمر : 33
تاريخ التسجيل : 13/05/2009
| | موضوع: رد: ذكريات .... الجزء الاول ... الأحد يونيو 14, 2009 7:42 pm | |
| قصة جاااامدة يا شادي
هنستني الجزء الجاي
ياريت متطولش علينا | |
|
| | |
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
| | موضوع: رد: ذكريات .... الجزء الاول ... الأحد يونيو 14, 2009 11:08 pm | |
| اووووووووووووووووووووووووووووك
انتظروا الجزء التانى
........,,,,,,,,,,,,,,..............,,,,,,,,,,,,.............,,,,,,,,,,,,
تحياتى
شادى الشريف | |
|
| | |
نادين
مشرف
عدد الرسائل : 2235
العمر : 32
بلدك اية : اسكندريه
تاريخ التسجيل : 20/04/2009
| | موضوع: رد: ذكريات .... الجزء الاول ... الإثنين يونيو 15, 2009 12:52 pm | |
| يااااااااااااا جاااامد حلوووووووووووووووه اووووي بس الجزء التاني ياريت ميتاخرش بليييييييييييييييييز | |
|
| | |
yoyo
مشرف
عدد الرسائل : 1153
العمر : 30
بلدك اية : العريش
تاريخ التسجيل : 28/11/2008
| | موضوع: رد: ذكريات .... الجزء الاول ... الإثنين يونيو 15, 2009 1:43 pm | |
| واااااااااااااااااااااااو
بجد قصه لذيذه
منتظرين الجزء الثانى
شكرا شادى على المجهود الرائع | |
|
| | |
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
| | موضوع: رد: ذكريات .... الجزء الاول ... الإثنين يونيو 15, 2009 2:06 pm | |
| مشكووووووووووووووووووووووورة ناديييييييين
وان شاء الله الجزء الثانى النهاردة | |
|
| | |
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
| | موضوع: رد: ذكريات .... الجزء الاول ... الإثنين يونيو 15, 2009 2:07 pm | |
| شكرا يويو على مرورك
ويارب تكون القصة عجبتك ....... | |
|
| | |
nuty girl
صديق ذهبى
عدد الرسائل : 2010
العمر : 33
بلدك اية : الطيبه والرومانسيه..
تاريخ التسجيل : 07/02/2009
| | موضوع: رد: ذكريات .... الجزء الاول ... الإثنين يونيو 15, 2009 11:04 pm | |
| بجد قصه حلوة اوى ومشوقه جدااا مشكووووور | |
|
| | |
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
| | موضوع: رد: ذكريات .... الجزء الاول ... الإثنين يونيو 15, 2009 11:57 pm | |
| مشكووووووورة نوتى على المرور
ويارب تكون القصه عجبتكوو | |
|
| | |
محمد ذكرى
المشرف العام
عدد الرسائل : 1283
العمر : 33
بلدك اية : anana.com
تاريخ التسجيل : 22/11/2008
| | موضوع: رد: ذكريات .... الجزء الاول ... الثلاثاء يونيو 16, 2009 2:56 pm | |
| روعه بجد تحفه ياشادى بقلك ياشادى
انت كملها وتعال احنا لازم نمثلها
بس انضم ل M4A
وهنشتغل احلى شكل
بجد تحفه ويلا عايزين الجزء التانى | |
|
| | |
nony
صديق ذهبى
عدد الرسائل : 630
العمر : 31
تاريخ التسجيل : 16/05/2009
| | موضوع: رد: ذكريات .... الجزء الاول ... الثلاثاء يونيو 16, 2009 6:27 pm | |
| منتظرين الجزء التانى
وبجد قصة هايلة جدااااااااااااااااااااااااااا | |
|
| | |
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
| | موضوع: رد: ذكريات .... الجزء الاول ... الثلاثاء يونيو 16, 2009 6:56 pm | |
| شكووووور محمد على المرور ... بس قولى ايه m4a ده | |
|
| | |
shady el_sherif
صديق فضى
عدد الرسائل : 442
العمر : 33
تاريخ التسجيل : 10/05/2009
| | موضوع: رد: ذكريات .... الجزء الاول ... الثلاثاء يونيو 16, 2009 6:57 pm | |
| مشكوووووورة نونى وعلى فكرة الجزء الثانى نزل | |
|
| | |
محمد ذكرى
المشرف العام
عدد الرسائل : 1283
العمر : 33
بلدك اية : anana.com
تاريخ التسجيل : 22/11/2008
| | موضوع: رد: ذكريات .... الجزء الاول ... الثلاثاء يونيو 16, 2009 10:51 pm | |
| ياااااااااااا معدى المنتدى ومتعرفش ايه M4A pop
دى مجموعه اصدقاء طيبين
احمد حسام
محمد ذكرى
احمد فهمى
احمد الخليلى
احمد فيصل
| |
|
| | |
nony
صديق ذهبى
عدد الرسائل : 630
العمر : 31
تاريخ التسجيل : 16/05/2009
| | موضوع: رد: ذكريات .... الجزء الاول ... الثلاثاء يونيو 16, 2009 10:52 pm | |
| | |
|
| | |
| | ذكريات .... الجزء الاول ... | |
|
