اللى بنى مصر

موضوع: اللى بنى مصر الأحد أكتوبر 03, 2010 10:04 pm

اللى بنى مصر هندسها ..

منارة .. ومدنه .. وهرم ..

اللى بنى مصر ابدعها ..

علم و فن .. وقلم ..

واللى خلقها سولها ..

خضرة .. ومايه .. وكرم ..

واحنا بادينا زارعينها ..

ظلم .. وقهر .. والم ..

* * * * * *

اللى بنى مصر مش احنا ..

دولا ناس تانيين ..

نفس الشبه ممكن ..

نفس المكان يمكن ..

لكنه مش ممكن ..

ننتمى ف يوم ليهم ..

مش منهم احنا ..

لا كنا احفادهم ..

ولا احنا اولادهم ..

احنا اكيد جينا ..

ارضهم مستعمرين ..

سارقين حضارتهم ..

ناهبين مداينهم ..

سارقين اساميهم ..

* * * * * *

اللى بنى مصر مش احنا ..

دولا ناس تانيين ..

ماتوا اكيد قهرا ..

لكن وسطنا ساكنين ..

متحنطين .. متكفنين ..

لكن ..

باصين لنا .. شايفين ..

يتحسروا .. يتقطعوا ..

تاريخهم اللى كان مكتوب ..

وخيرهم اللى صار منهوب ..

اللى بنى مصر مش احنا ..

اللى بنى مصر ريحنا ..

ونجحنا .. وعيشنا ..

وفرحنا ..

اللى بنى مصر خططها ..

بدقه .. مهارة ..

اللى بنى مصر زوقها ..

شارع وحارة ..

اللى بنى مصر علاها ..

صنع حضارة ..

واللى يقول بنينها .. يدينا الامارة ..

ويستاهل يبقى العريس..

هوا اكيد مش مننا ..

خاين .. خسيس ..

هوا احنا شاركنا .. ؟ ولا تعبنا ..؟

ولا شقينا ..

لو كنا قاسينا .. كنا اكيد متنا ..

كنا ادارينا .. كنا ف يوم غيرنا ..

اللى بنى مصر .. دولا ناس غيرنا ..

واحنا خيبتنا بتاكد .. اننا سارقين ..

مستعمرين .. متجنسين ..

ومنجسين ارض الحضارة ..

بالخيبة التقيله ..

مصرالجميله .. مصر العظيمة ..

مصر الاصيله ..

صارت على ايدينا قتيله ..

واحنا لا جهزنا .. لا كفِِنا ..

لا صلينا .. ولا حتى بكينا ..

اللى بنى مصر كان فى الاصل انسان عادي عارف ان قيمة مصر
مش بس فى نيلها ولا ارضها ولا اي حاجة وكمنش منتظر منها الا قوت يومه
والمكان اللى يتعبد فيه خالقه اللى خلق مصر واللى كرمها بذكرها
فى القرآن الكريم واللى وصى سيدنا وحبيبنا وشفيعنا محمد
عليه افضل الصلاة والسلام انه خير جنود فى الارض
فلا اله غيره يستطيع ان يعد مصر الى سابق عهدها
ولاكن ما فائدتنا نحن
نحن نخرب والله يعمر
نحن نسرق والله يغفر
نحن نظلم ونسعى فى الارض فساداً
والله غفور رحيم
لا والله إنما الله خلقنا من اجل العمار وليس الخراب
فلا حول ولا قوة الا بالله العلي العظيم
مشكوووووووووووووووووووور فهمى لموضوعك الرائع
وكلمات جميله ومنسقه ومع المزيد من مجهوداتك

اقتباس :: مصر الاصيله ..

صارت على ايدينا قتيله ..

واحنا لا جهزنا .. لا كفِِنا ..

لا صلينا .. ولا حتى بكينا ..

فعلا اصيله وكل العالم عارف ان مصر ام الدنيا وعارفين ايه هي مصر كويس وحضارتها وتاريخها
ومهما حاولوا يقلدوا او يألفوا محدش هيصدقهم لان كل العالم عارفين حضارتنا كويس وتاريخ مصر العريق اللذي لامثيل له في الوجود

مصر بلد عظيمه واقل دليل علي ذلك بعد كلام الله عز وجل ورسوله الحبيب عليه افضل الصلاة والسلام
هو ان سيدنا عمرو بن العاص رضي الله عنه وارضاه رفض ان يتولي حكم بلد الشام باكملها مقابل ان يفتح مصر ويدخلها
لانها بلد الامن والامان((وادخلوها امنين)

كل ده موجود في البلد لكن في اهلها ميتعداش نسبة 10%
تسوي ايه بلد من غير امانة اهلها وخوفهم علي مصلحتها مش علي مصلحهتم
وفي مثل دايما بضحك عليه لما بسمعوا بس متطبق عندنا في اكثر من مكان في البلد ((حاميها حراميها))
ده فعلا مثل شعبي ودايما بنضحك عليه بس فعلا موجود

هنقول ايه مهما قولنا الكلام مش هيغير اي شئ
مابأيدينا الا الدعاء لله عز وجل

ربنا يهدي جميع خلقه ويصلح حال الضالين عن طريق الصواب لله
وسنة رسوله عليه افضل الصلاةوالسلام
ربنايوحد صفوفنا جميعا ويجعلنا نعلوا كلمة الحق دائما امام العالم باكمله

واللي بني مصر هندسها

مرسي ليك جدا يااحمد علي الموضوع الجميل والشيق جدا ده

جزاك الله خير الجزاء من عنده
وبارك الله فيك

ومصر ام الدنيا

» حوش اللى وقع منك ... نـــــداء لكل الأعضاء ( أدخل وحوش اللى وقع منك )
» الكلام اللى مكتوب ع التوكتوك
» اللى هيدخل هنا -----مش هيخرج ندمان
» اللى هيدخل هنا -----مش هيخرج ندمان
» مين اللى قتل الله يرحمه على بك الكبير