بحبك حب مالهوش حد...

بحبك حب مالهوش حد
بحبك مالعيون للخد
بحب الضحكة والبسمة
بحب الشعر والقصة
وحتى الطرحة والخطوة
بحبك م الصباح لليل
بشوفك كل يوم فى الحلم
و أجرى وراكى بالمشوار
بحبك فى صلاة الصبح
و بدعيلك فى عمراتى
يا أجمل رنة فى ودانى
و أجمل بصة فى عيونى
وباندهلك تملى أقول
ما يمكن تسمعى صوتي
وصوتى يجيلى فى ودانى
يقولى مفيش
وأنا ماشى على الكورنيش
باشوفك نجمة فى العالى
تنور فى السما الضلمة
وتفتح ألف سكة وسد
يا أغنية بغنيها على لحن الشقا والحب
بقولك أيوه من تانى
بحبك حب
محدش حبه من قبلي
ولا من بعدى راح يتحب
يا ست الكل يا حورية
يا نور أيامى لياليا
سمايا انتى وحتى الأرض
يا أجمل حد.......


الشاعـــــــــــــــــــر الطــــــــــــــــــيب,,,