جنا مشرف
عدد الرسائل : 1956 العمر : 35 بلدك اية : العريش تاريخ التسجيل : 31/01/2009
| موضوع: شباب روش طحن اخر حاجه ..!! الأحد فبراير 22, 2009 10:56 pm | |
| ماشيه فى الشارع لا بيا ولا عليا اذ فجاه الاقى واحده صديقتى من ايام التفوله
قابلتنى طبعا خدتها بالحضن وعامله ايه يا حبيبتى ... وبوس واحضان بقى
بدا الحوار
ازيك يا بت يا ندى ؟؟
بخير والله تمام .. وانتى اخبارك ايه وحشانى والله ؟؟
انتى اكتر والله.. .بقولك ايه انارايحه اعمل استمورنج اصلى صحيت من النوم متاخره
ونزلت بسرعه و .. و
استنى استنى رايحه تعملى ايه .. استمورنيج ..؟؟!! وده من ايه يعنى ؟؟
استمورنينج يا بت ايه مش عارفه يعنى ايه استومرنيج ده كلمه روشه طحن اخر حاجه
روشه طحن ا..خـر .. ايه ده يابنتى انتى بتجيبى الكلام ده منين؟؟
ماعلينا ... قوليلى بقى انتى اخبارك ايه ؟؟
اسكتى يابت يا ندى ده الابلتين لدع فى دهاليز الحياه معايا خالص
يانهار ابيض.. كل ده فى قلبك وساكته يا حبيبتى .. بس انتى بتعانى من ايه يعنى ايه مشكلتك؟؟
لالا يابنتى متتخضيش قصدى اقولك ان الحياه ملطشه معايا و اشفرت ع الاخر
اشفرتى.. اه معلش بكره يروح ان شاء الله
هو ايه ده الى يروح يابنتى .. بقولك ايه لخصى بقى عشان ورايا معاد كمان ساعه
طيب .. ما علينا انتى رايحه فين ؟؟
انا مروحه انتى فى طريقى مش كده
اه .. طيب يلا ؟؟
ها قوليلى ايه نظامك انهرده ؟؟
نظامى الحمد لله كويس
والله يابت شكلك بتقضيها انتخه طول اليوم ..
لالا والله عمرى معملتها خالص
عملتى ايه يابت انتى شكلك بتشتغلينى والله وهتطلعى افتكاسه زى الى قبلك
هو فيه ايه انا مش فاهمه حاجه ..
لالا ده موضوع حبقى احكيهولك بعدين..
طيب ماعلينا انتى مش قولتى وراكى ميعاد .. روحى بقى ميعادك وسيبينى الله لا يسيئك
لالا خلاص نفضى بقى بلا معاد بلا نيله ..
انفض ايه .. فيه حاجه على هدومى .؟؟
انتى يا بت شكلك فى الطراوه خالص
اووف انا ارفت منك ... متكلمينى يابنتى زى مبكلمك كده ؟؟
بقولك ايه اخلعى دلوقتى لاحسن البت شاكى الرخمه جايه علينا اهى
انا اصلا ماشيه من غير لاشاكى ولا باكى انا ارفت منك وكان يوم اسود يوم معرفتك
الحقيقه دى كلها قصه من تاليفى محصلتش معايا بالفعل
لكن حصل زيها مواقف كتيييييير اوى..
وغيرها كتير من المصطلحات الغريبه الى غزت اللغه العربيه
اللغه الشريفه .. العظيمه...اللغه الى نزل بيها القران الكريم
يعنى نقدر نقول ان (قاموس المصطلحات دى ) جه من الفراغ الى عايش فيه الشباب
ولا دى اختراع لمجرد الخروج عن المالوف
ولا ايه بالظبط ؟؟
علشان كده لما الطلبه بياخدو نصوص ومحفوظات العصر الجاهلى
مبيقدروش حتى يقراوها.. ؟؟!
بيجدوا صعوبه شديده فى قراءه مقاله او درس مكتوب بالغه العربيه الفصحى
لان اللغه العربيه بالفعل بدات تندثر
رحمها الله ورحم كل انسان تمسك بها ..
وده مجرد لفت نظر
ودمتك بخير وصحه | |
|
محمد ذكرى المشرف العام
عدد الرسائل : 1283 العمر : 33 بلدك اية : anana.com تاريخ التسجيل : 22/11/2008
| موضوع: رد: شباب روش طحن اخر حاجه ..!! الأحد فبراير 22, 2009 11:08 pm | |
| | |
|
nuty girl صديق ذهبى
عدد الرسائل : 2010 العمر : 33 بلدك اية : الطيبه والرومانسيه.. تاريخ التسجيل : 07/02/2009
| |
super star صديق جديد
عدد الرسائل : 31 العمر : 34 تاريخ التسجيل : 19/02/2009
| موضوع: رد: شباب روش طحن اخر حاجه ..!! الإثنين فبراير 23, 2009 12:04 am | |
| هههههههههههههههههههههه اما شباب روش طحن صحيح
بس يا عينى الشباب مش لاقين حاجة يعملوها ف"بيفتكسوا " (سورى فى اللفظ) اى حاجة كدة على الماشى | |
|
الملاك البرئ صديق جديد
عدد الرسائل : 55 العمر : 35 بلدك اية : جمهورية مصر العربيه تاريخ التسجيل : 17/02/2009
| |
lost girle مشرف
عدد الرسائل : 787 العمر : 35 بلدك اية : ahla montada.com تاريخ التسجيل : 31/01/2009
| موضوع: رد: شباب روش طحن اخر حاجه ..!! الثلاثاء مارس 10, 2009 9:42 am | |
| ههههههههههههههههههههههههههههههههههههههههههههههههههههههههههههههه تسلمي ................معلش بقي اصل الشباب مش فاضين بقي | |
|