القوات الإسرائيلية تهدم المسجد الأقصى على المرابطين

مشرف عدد الرسائل : 3051 تاريخ التسجيل : 01/11/2009

كنت أتابع برنامجاً دينياً صباح اليوم قبل ذهابى للكلية ،،
وفى غمرة اندماجى فوجئت بخبر عاجل استولى على النصف السفلى من شاشة التلفاز

خبر عاجل : القوات الإسرائيلية تهدم المسجد الأقصى على المرابطين

حملقت فى الشاشة غير مصدقة لما أراه
لا بد أنهم أخطأوا فى الكتابة ،،
تهدم ؟؟؟؟
ربما قصدوا " تقتحم "

تعرقت أصابعى قبل أن أمسك بجهاز التحكم لأشاهد قناة إخبارية وأعرف ما الذى يجرى بالتحديد !!!

هالتنى الصورة التى رأيتها والتى لا تحوى سوى الخراب
والأنقاض
ومحاولة إنقاذ من تحتها

هل أصيبت إحدى البلدان بزلزال مدمر ؟!!
فى أى مكانٍ حدث ذلك ؟؟

أفقت من شرودى على صوت المعلق وهو يصرخ
وانتبهت فجأة أنه كان يصرخ منذ زمن ،،

" وكما ترى فقد تمكنت القوات الإسرائيلية من هدم المسجد الأقصى بكل وسيلة ممكنة
من قنابل ومعاول
كما وأنها حاصرت المنطقة بأكملها مانعة المقدسيين من الولوج
مراسلكم من قناة الجزيرة "

لم أصدق ما سمعته أذناى تلك المرحلة
وشقت الدموع طريقها على غير هدًى

فأدرت القناة بسرعة شديدة لأتأكد من الخبر من قناة فلسطينية المنشأ
فلم أجد أمامى سوى بكاءٍ ونحيب ...

الرجال يصرخن ، والنساء ينتحبن ،
والشبان والأطفال يجرون بأياديهم المحملة بالحجارة فى طريقٍ لا يعرفون إلى أين سيقودهم

" هل ارتحتم الآن يا عرب ؟؟
هل ارتحتم عندما تحول هدم الأقصى إلى حقيقة ؟؟
أين شرفاااااااااؤكم ؟؟؟؟
أين شعوووووبكم ؟؟؟
أين أنتم من حماية مقدسااااااااااااااتكم "

كانت تلك الصرخات صادرة من سيدة ملتاعة ،،
فجلست أفعل مثلها بهستيريا حادة
وعلا صوت نحيبى فانتبه جميع من فى البيت
وركضوا باتجاهى

وعندما عرفوا الحقيقة
اندمج الكل فى نحيب متوااااصل
لا تقطعه سوى دعوات متتالية على اليهود والخونة والعملاء

أدار أخى الصغير القناة عن طريق الخطأ
فطالعتنا مذيعة مصرية - شقراء بطريقة مكتسبة - وقد ارتسم الحزن المصطنع على وجهها وهى تقول
" ولقد أعرب الرئيس مبارك عن أسفه لما حدث للمسجد الأقصى ، ودعا إلى عقد مؤتمر قمة عاجل للتباحث فى شأن الأوضاع الأخيرة ،
وقد ندد سيادته بالأعمال الانتهاكية التى قامت بها دولة اسرائيل - الشقيقة - ، وأكد سيادته على وجوب النظر فى مسألة السلام بالشرق الأوسط ، وعقد هدنة بين الطرفين "

كدت أرمى الجهاز من الشرفة لولا أن اخترقت دقات عقارب الساعة أذنى ،،
فأدركت أنه لم يتبق على ميعاد الراوند سوى نصف الساعة

خذلتنى ساقى فلم أجد فى نفسى القوة الكافية للذهاب إلى الكلية
كما وأن نوبة البكاء والحزن لم تنقطع بعد
ألا يستحق الأقصى أن نعلن عليه الحداد ؟؟؟

ولكنى سرعان ما انتفضت ، يجب أن أذهب وأخير زميلاتى بما حدث
الأقصى لا يريد دموعنا
بل يريد منا العمل

فى طريق الكورنيش
لاحظت أن أعمدة الإنارة معلق عليها أعلام الدول العربية
مصر ، الجزائر ، تونس ، المغرب ، الأردن ، قطر ، البحرين ، فلسطين ، الكويت ، الإمارات ، اليمن
( هذا ما وجدته تحديداً )
سررت كثيراً بذلك
حقاً ، آن لنا أن نتحد
وأخيراً أفقنا ،، ولكن بعد ماذا ؟؟
بعد أن هُـدم المسجد الأقصى !!!

نفيق دائماً بعد وقوع الكوارث
فنحن قومٌ لا نحسن اتقائها

تسلل إلى سمعى صوت رجلين
" هو الماتش النهاردة الساعة كام ؟ "
" الساعة 5 وربع ، مش شايفهم حاطين الأعلام "

ذهلت من تلك الحقيقة المرة
ألا يمكن أن تكون لنا فى حياتنا بعض الأولويات ؟؟
ألا يمكن ألا تأخذ الكرة أكبر من حجمها ؟؟
ألا يمكن أن ننساها - برهة - ونفكر فى ما هو أولى ؟؟

وصلت للكلية ، وذهبت إلى الراوند
وفى صدرى غضب يشتعل ،،
جلست بجوار إحدى زميلاتى ..
" شفتى اليهود هدموا المسجد الأقصى "
" ايه ده بتتكلمى جد ؟ "
" آه والله ، لسة شايفة الخبر قبل ما أنزل "
" لا حول ولا قوة إلا بالله ، يعنى هم مش هينفع يبنوه تانى ؟ "
حملقت فيها بدهشة ، وتعجبت من ذلك الانفعال " الفاتر "
وانتبهت مجدداً إلى أنها تسألنى
" هو احنا أخدنا ايه فى الراوند امبارح ؟ متعرفيش محاضرة الـ cornea اللى اتلغت هتتشرح ولا خلاص كده ؟ "

مزقنى الألم من جديد
كان ينتظر الأقصى منا أن نحتشد إذا حاول الحثالة اقتحامه
فكيف بهدمه ؟!!
أين الغيرة على الدين ؟؟

بعد انتهاء الراوند
وجدت مجموعة من الطلاب يقومون بمظاهرة احتجاجية على ما حدث للأقصى
فرحت كثيراً
إن كنت لا أحب المشاركة فى المظاهرات " السلمية " ، فهذا فقط لأسباب شخصية بحتة
لكنى لا أنتقدها مطلقاً
فهى كمثل من يغير المنكر بقلبه
أو على الأقل هى تحقق ما يطلبه أهل فلسطين من الشعوب العربية
فهم يريدون دعماُ معنوياً ، وإن كان فى صورة مظاهرة .... بلا شغب أو تقصير عن الواجبات بالطبع

فى طريق العودة ، كان الكورنيش مزدحماً بشدة
وهذا بالطبع ... من أجل المباراة المقامة فى الاستاد !!

ظلت شاشات التلفاز طوال اليوم لا تتحدث إلا عن هدم المسجد الأقصى
وعلمت أن عشرات المقدسيين قاموا بعمليات استشهادية واشتباكات عنيفة مع قوات الاحتلال
واستنفر الحدث قطاعاً عظيماً من الشعوب العربية
والعلماء والدعاة

وعجبت أن الاستنفار لا يأتى إلا بعد وقوع الكوارث
وما هو إلا شرر متطاير دون وعى

وتظل هناك فئة كبيرة لا تعى أى شىءٍ من حولها
ولا تهتم إلا بـ " مين هيشرحلنا النهاردة ؟ "
و " مش عارفة أذاكر الـ strabismus "
وأيضاً " يا ترى مين هيكسب ؟ الزمالك ولا بتروجيت ؟"

*****

ويظل السؤال قائماً
من سيعيد دماء الأقصى ، ودماء أهل فلسطين ؟؟؟
لماذا لا تفيق تلك الفئة التى تهمها المقدسات إلا عندما يتمزق كل مسلم بتمزيق الأقصى ؟؟
لماذا لا تكثف الجهود فى كل وقت ؟؟
أم أننا ... ننتظر أن يتحول الهدم إلى واقع ملموس حتى نخطب على المنابر ؟؟؟
ومحاولات الاقتحام تلك والحفريات اعتدنا على أمثالها حتى أنها صارت لا تؤثر فينا ؟؟؟

**

ويبقى سؤالٌ معلق ...
ماذا سيفعل المسلمون إذا هُـدم الأقصى بالفعل غير الشجب والاستنكار ، وبعض دموع التماسيح ؟؟؟

فليس فى عقيدتنا ما يثبت أن الأقصى سيظل محفوظاً بحفظ الله
وإن كانت الكعبة ستهدم فى آخر الزمان
فليس هناك ما يثبت أن الأقصى سيُـحفظ

وإن كان الهدم فى زماننا ، فلن نُـسامح على تقصيرنا
ولن يُـغفر لنا
فقدر الله لا يعنى انتشالنا من المسئولية

****

وفى القلب المكلوم ما تجيش به الكلمات
ولكن زفرته قد تكون حارقة
فلنكتفى منه بتنهيدة

باستثناء هدم الأقصى
وتلك المظاهرة السلمية
فالباقى هو ما حدث فى يومى هذا بالفعل

****

اللهم احفظ الأقصى بحفظك
وأعنا على حمايته بعونك

منقول

اولا انا برضو اتصدمت من الموضوع بحسبة بجد
فعلا يا سارة دى هتبقى فعلا الكارثة لو حصل كدة
يارب انصورنا على القوم الظالمين
مشكورة سارة موضوع مثيررررررررررررررر جدا

مشكوره على الموضوع
وبجد انتى قلقتينى عشان افتكرت الموضوع جد
وفعلا محتجين وقفه عشان نفوق من الحياه الى احنا عيشنها
والاستهتار ومحدش بيفكر فى الاسلام والمسلمين والكوارث اللى بتحصل لينا

مشرف عدد الرسائل : 3051 تاريخ التسجيل : 01/11/2009

مشكورين عالمرور

اللى هيقى الموضوع للاخر هيفهم قصد الكاتب اية

الله يسامحك
ان افتكرتة بجد
كنت خلاص
مش عارفة
بس بجد ربنا ينصرنا على الكفار
وينصر المسلمين وديما نكون احنا الأعلى
وربنا يحفظ الأقصى
وكمان اكيد احنا هنا في البلد دي اللى بيعمل حاجة ممكن يروح فيها
بس المفرود بجد يبقى في وقفة علشان نحمي القدس
هو انا عايزة اعرف القدس ده بتاع الفلسطينين بس
هما مسلمين واحنا لا
انتو فين ياعرب
ليكي حق تقولي اننا مش مترابطين
المفرود كل الدول العربية تقوم وتنهض نهضة قوية
علشان الأقصى بتاعنا كلنا بتاع المسلمين
ربنا يحميه
علشان احنا في غيبوبة مش هنصحى منها دلوقتي انا عارفة

وتفتكرى يا سارة لو ده حصل هنزعل كتيير
لا معتقدش لان خلاص احنا قلوبنا ماتت خلاص
مفيش اى حد يبكى او حتى يصرخ
اه لما بيحصل حاجة او اى مذبحة بنخرج نعمل مظاهرة
طب وبعدين بيسكتوا وبيرجعوا تانى
خلاص القضية دى اتعودنا عليها
متزعلوش منى علشان بقول كده
بس بجد ده الموجود ودى الحقيقة
احنا لازم ندعولهم كتير
طب وليه منصليش حتى ولو ركعتين كل يوم علشان ربنا يفك حصارهم
؟؟؟؟؟؟؟؟؟؟
؟؟؟؟؟؟
؟؟؟
بجد الواحد بقا يسمع الكلام ده عادى اه بيتعصب شوية ويتنرفز بس لا حياة لمن تنادى

يارب انا بشكو لك ضعفى وقلة حيلتى
يارب انت القوى ونحن الضعفاء اليك
يارب انصرنا على اليهود الملاعيين
وصبر اهل غزة على ما هم فيه وقوى ايمانهم يا ارحم الراحمين
يارب نشكوا لك ضعفنا وخيبة املنا فثبت اقدامنا واقدام اهل غزة وانصرهم يا ارحم الراحميين
اميين يا رب العالميين

قال رسول الله : من رأى منكرا فليغيره ( بيده - بلسانه -بقلبه وهذا أضعف الإيمان)
فلندعو الله عز وجل ان ينصرا اخواننا فى فلسطين
وان يحرر الاقصى من اليهود الملاعين
وان يحرر كل بقعة من بقاع الاسلام
اللهم امين

ده لو حصل يا نهاااااااااااااااااااااااااااااااااار مش عارفه لونه هيكون ايه
بس برضه العيب فينا ولا يغير الله ما بقوم حتي يغيروا ما في انفسهم
يعني العرب سايبين القدس الصراع الفلسطيني الصهيوني وبينتقدوا في
السنه والشيعه ونجحوا في اشعال نار الفتنه
ولا مره سمعنا عن حرب طائفيه بين المسيحين
كفايه كده الواحد زهق من الكلام ومفيش اي فعل
اللهم حرر الاقصي من اليهود الملعونيين
امييييييييييييييييييييييييييييييييييييييييييييييييين

ياربي
انا كنت فاكره الموضوع بجد
بس الحمد لله
مشكوره ياساره علي هذا الطرح الرائع
وانا شايفه انه زي ماانا اتفاجات بالموضوع ده وكنت خايفه ليكون حصل بجد
فده حصل مع كل الاعضاء
بس للاسف المره الجايه هيكون الموضوع بجد
ومش هيكون بايدينا اي حاجه نعملها
يارب الناس تفوق وتقدر تعمل حاجه
بس لازم مانبطلش ندعي بان ربنا يقضي عاليهود والاسرائيلين ويبيدهم وييتم اطفالهم ويرمل نسائهم
وحسبي الله ونعم الوكيل عليهم

مشرف عدد الرسائل : 3051 تاريخ التسجيل : 01/11/2009

يا جومانا هو فعلا فالوضع اللى دلوقتى بتاع الفلسطينين
يعنى اقرب مثال لما حصلت حرب غزة قومنا ومش عارف اية وهتفات من اللى قلبك يحبها...
رجعنا وسكتنا تانى دة لغاية دلوقتى بينظرو فقضية حرب غزة فمجلس الامم
ولسة بيشوفو مين اللى غلطان؟؟!!
بجد سبحان الله دة صدام حسين ضحو علية يوم عيدنا اى كان مين هو وكان بيعمل اية
بس هو فالاخر رئيس دلولة عربية ومسلم يتحاكم باطريقة دى.....
واسرائيل بكل حاجة بتعملها بيتهيألى لسة بيحاكمو شاروون تقريبا لانهم مش عايزين يحاكمو

وقعلا والله ياخليلى معاك حق مش هنعمل حاجة
اومش هنقدر نعمل حاجة احسن نعمل ذعر للمواطنين فالشوارع..!!
بجد فعلا اقل حاجة ممكن نقدمها نصلى ركعتين وندعى زى ماقال فهمى دة اضعف الايمان
احنا مش بنقول نمسك سلاح ونروح نحارب او نمشى بدبابات فالشوارع
لاننا معانا اسلحة اقوى من اسلحتهم بكتييييييير بس احنا اللى مش عارفين نستغلها
لانة ببساطة ان الله لايغير ما بقوم حتى يغيرو ما بانفسهم...

هههههه والله فعلا معاكى حق يا طائر مسمعناش عن فتنة بين المسيحين
دة احنا حتى اصحاب المذهب الواحد فى فتنة بينهم فتح وحماس اقرب مثال
وامييين يحررو وبجد الواحد زهق او جالة تبلد من كتر اللى بنشوفو وبنسمعة
لما بنسمع صرخات الاطفال وهما بيتيتمو والزوجات لما بيترملو والامهات لما بتصرخ على بان فقدتة
كأننا بنسمع السلام عليكم ورحمة الله وبركاتة وبنرد عليهم السلام......

اميييييييين يا جنا فعلا مفيش بايدنا غير الدعاء وربنا يحررهم من اللى هما فية
وانا والله زيك اول ما شوفتو اتصدمت حتى مقترتش الموضوع للاخر
مكنتش قادرة استوعب الصورة ....
بجد مش متخيلة لو حصل بجد هيحصل اية؟؟؟؟

» تاريخ المسجد النبوي
» المسجد الاقصى ومسجد قبة الصخرة
» حقيقة برودة بلاط ساحة المسجد الحرام؟؟؟؟
» سبحان الذي اسري بعبده ليلا من المسجد الحرام للمسجد الاقصي...
» |» الجيش المصرى ينهى اعتصامات البدو أمام القوات الدولية بسيناء|16|3|2012