حتى ابليس عايز يطفش من مصر

حتى ابليس عايز يطفش من مصر

الرسالة دى وصلت لينا من اكتر من صديق فى الجروب

كلمات للشاعر على سلامة

على باب سفارة كندا

على باب سفارة كندا.. لمحت إبليس و ف إيده استماره..

باقول له على فين.. قاللي بص .. يا هجرة ..يا إعارة.....

يا عم زهقت.. كفرت .. ألاقيش معاك سيجارة..

أنا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. ماليش عيش ف دي البلاد

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومافيش مشاكل..

يا عم ده انا بقيت أوسوس بالمقلوب..

و أقول للحرامي .. كفاية بقى .. توووووب..

إنت إيه.. لوحدك هاتعمل كل الذنوب..؟؟

و أنا إبليس أشتغل واعظ .. ولا كمساري ف اتوبيس..

يا عم ده أنا زمان

كنت أستنى حد ينسى يسمي وهو بياكل لقمته..

دلوقتي كل أكلكم ملوث .. و بصراحه الواحد خايف على
صحته..

ده مافيش ضمير أساساً عشان أموته..

و كل واحد بمزاجه .. خربانة ذمته..

يا عم ده كل حاجة إتسرقت..

وكده الأجيال الجديدة م الحرامية إتظلمت..

يا راجل ده من كتر ما لطشت معايا..

خرجت ف مظاهرة مع الناس اللي بتقول كفاية..

و برضه ......... مافيش فايدة

جاااااااامده يافهمى بجد عنده حق بس نعمل ايه الاعلى مننا كده احنا عايزينا نبقى اي

مشرف عدد الرسائل : 3051 تاريخ التسجيل : 01/11/2009

ههههههههههههه
مصر بقى !!!!!!!!
ربنا يهدينا يااااااااااااااااااارب
حتى الشيطان زهق !!!!
سبحان الله تسلم ايدك توبيك جااااااااامد

بجد جامده ...

والله الشيطان عندو حق البنى ادمين هما الى بقو شياطين..

مشكور...

مشكورررررر أحمد كتير
موضوع جامد
بارب اهدي امتنا الاسلاميه

» ابليس في المعتقل ................
» ابليس مسافر
» صور ابليس اللعين واللي مش مصدقة تدخل
» لو عايز/ة ترضي والديك اتفضل/ي
» عايز تعرف مواصفات برج الثور .....