& &( منتديات الاصدقاء )& &
مرحبا ًزائرنا الكريم
هذه الرسالة تفيد إنك غير مشترك أو لم تسجل دخولك بعد
لاتنسي تسجيل دخولك حتي تتمكن من المشاركة



مع تحيات ادارة منتدى الاصدقاء
احمد فهمى


& &( منتديات الاصدقاء )& &
 
الرئيسيةالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أفضل 10 أعضاء في هذا المنتدى
ميرا مار
 
احمد فهمى
 
SARA
 
قطرالندي
 
نادين
 
cute girle
 
nuty girl
 
جنا
 
الشاعر الطيب
 
احمد الخليلى
 
المواضيع الأخيرة
المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 71 بتاريخ الجمعة يونيو 01, 2012 3:17 pm

شاطر | 
 

 نداء لكل مسلم (ماهي قيمتنافي الحياه)اختكم في الله قطر الندي

اذهب الى الأسفل 
كاتب الموضوعرسالة
قطرالندي
مشرف
مشرف
avatar

انثى
عدد الرسائل : 2381
العمر : 25
بلدك اية : EL_ARISH
تاريخ التسجيل : 19/05/2010

مُساهمةموضوع: نداء لكل مسلم (ماهي قيمتنافي الحياه)اختكم في الله قطر الندي   الإثنين أغسطس 16, 2010 5:19 am

السلام عليكم ورحمة الله تعالي وبركاته

بسم الله الرحمن الرحيم والصلاة والسلام علي اشرف المرسلين سيدنا محمدخاتم الانبياء شفيع لامته يوم الدين بلغ الرساله وادي الامانه ونصح الامه
وكشف الله به الغمه وعلي اله وصحبه ومن اتبع هداه وصار علي سنته الي يوم الدين.......


عندي سؤال كل يوم بسالوا لنفسي ياريت اجد منكم اجابه مقنعه لامة الاسلام

((ماهي قيمة الانسان؟؟؟؟))


سؤال يطرح نفسه ، ايه قيمة الانسان في الدنيا ايه قيمة الانسان في الاخره ايه قيمة الانسان في الوجود
لما نكون قاعدين قدام نشرة الاخبار وبنشوف اخواتناالمسلمين بيتدبحوا ويحاربوا ويستشهدوا في كل مكان في فلسطين والعراق وغيره..........


ايه قيمتنا واحنا بنشوف اهانة نبينا وشفيعنا حبيبنا المصطفي عليه افضل الصلاة والسلام وكل اللي نعملوا اننا نقول يلا بينا ضد الصفحه اللي بتهين النبي علي الفيس بوك او علي اي موقع او منتدي ويبقي مجرد كلام بنكتبوا علي الكيب وورد واحنا قاعدين وبس وفين وفين لما يكون فينا حد قلبوا ملئ بالايمان ويبكي وهو بيكتب ويكون نفسوا يعمي اي شئ بس مفيش بايدوا شئ وبيسلم امره لله عزوجل.
ايه هي قيمتنا ومعظمنا رايح للجامعات والمدارس للمنظره والمظاهر وبس وناسي العلم والتعليم والاجتهاد والمذاكره لا وايه يسلام لما يجيب امتياز او جيد جدا ايه ده انا مش مصدق نفسي انا غشيت وجبت كذا ويبقي فرحان لو اللجنه كانت غش ولو كانت مقفوله يخرج متنكد ومتدايق ويشتم ويلعن طب لييييييييييييييييه
ايه قيمتنا يحصل قدامنا اي موقف غلط اقل مثل في بلدنا هنا في العرش لما نشوف اللي بيقتلوا في بعض والحكومه سايباهم براحتهم او بمعني اصح ............انتوا عارفين
لما نشوف اهل بلدنا هنا بيستغلوا في بعض وينهبوا في بعض وينهشوا في لحم بعض بالنميمه والحقد والكراهيه والضنينه وخلافه...........
\
لما نشوف قدامنارشاوي بتتاخد علشان تمشي الاشغال والحال ،، لما نلاقي معرفة ناس لناس لمجرد مصلحه وخلاص لما نلاقي كل شئ في بلدنا عايز اصلاح بلدنا
ارض الفيروز اللي خطي عليها انبياء الله عليهم السلام وكلم علي ارضها سيدنا موسي الله عز وجل اللي المفروض تكون قدوه لباقي البلاد.

فعلا انا اقصد الكلام بالعام لمصر كلها بس عايزاكوا اول شئ نرد قيمة بلدنا اللي عايشين علي تراثها اللي ربنا سبحانه وتعالي ذكرها في القران وقال بسم الله الرحمن الرحيم

والتين والزيتون‏ .‏ وطور سينين ‏.‏ وهذا البلد الأمين
صدق الله العظيم

فين البلد الامين اللي المفروض ده يبقي فيه مسلمين يقدروا يمشوا علي الصراط المستقيم ومايخافوش من موت او اي جهاد في سبيل الله عز وجل
ماهي قيمتنا لما كل د بيحصل في حياتنا واحنا ساكتين او بنتكلم بس مجرد مناقشه بدون فعل
يبقي كده ايه هي قيمتنا لما النبي عليه افضل الصلاة والسلام يشفعلنا يوم الدين طب نفكر ولو للحظه
احنا مشينا كويس علي سنته عملنا في حياتنا ولحد مماتنا اللي نستحق انوا يشفعلنا عليه
فكرنا نوحد صفوفنا ونعلي كلمة الحق لااله الاالله علشان نقدر نقابل وجه الكريم العليم
فكرنا نواجه الغلط ونقول للغلط لا ونعلي كلمة الحق حتي لو كانت علي رقبتنا


وفكرنا وفكرنا وفكرنا.....................بس اللي نقدر نعملوا كتبنا واتناقشنا وواجنا بسسس بالكلام مش افعال

انا واعوذ بالله من كلمة انا بعدماصليت الفجر دلوقتي لقيت نفسي مش عارفه يه فكرت كتير في كل شئ حصل وبيحصل وهيحصل والله اعلم بالغيب
مش عارفه انام قولت اكتب واسال السؤال اللي كل يوم بسالوا لنفسي ماهي قيمة الانسان في الحياه اللي احنا عايشينها ؟؟؟؟

اتمني من الله عز وجل انكم تشاركوني بارائكم من المدير للمشرفين للاصدقاء ويارب كمان الزوار يسجلوا ويشاركوا
جاوبوني
ماهي قيمة الانسان ؟؟؟؟

اختكم في الله قطر الندي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيصل
المشرف العام
المشرف العام
avatar

ذكر
عدد الرسائل : 1342
العمر : 27
بلدك اية : مصري 100%
تاريخ التسجيل : 21/11/2008

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الثلاثاء أغسطس 17, 2010 12:31 am

قيمة الانسان فى دينه
قيمة الانسان فى سُنة رسول الله
وقبل كل شئ قيمتنا فى قرآننا


_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.frind.ahlamontada.com
soma hema
صديق فعال
صديق فعال
avatar

انثى
عدد الرسائل : 101
العمر : 27
بلدك اية : EL ARISH
تاريخ التسجيل : 05/08/2010

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الثلاثاء أغسطس 17, 2010 1:17 am

مشــــــــــكوره يا نـدى على الكلام الجميــــــــل ده ...................
و انا فعلا بايد فيصل .......فى ان قيمة الانسان فى دينه .........
قيمة الانسان فى سُنة رسول الله ........... و طبعا فى قرآننا
بس المشكله ان مفيش حاجه بتتغير بالكلام و بس .........
لازم الكلام مع الاراده و التنفيذ و البشر ....... و كمان لازم مجموعه من البشر تؤيد الكلام ده
و تحاول تغير اللى بيحصل زى ما ف المثل اللى بيقول ...( ايد لوحدها ما تصقفش ,,,)
و ده كلام مظبوط عشان لو شخص واحد اتكلم صوته مش هيوصل لكن لو حطينا ادينا فى ايدين
بعض اكيد هنقف وقفه و هنعمل حاجه.............
و هناثر بشكل الايجابى,,,,,,,, مهما كانت المشكله او القضيه اللى بتواجهنا,,,,,,,

ولا ايه؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيصل
المشرف العام
المشرف العام
avatar

ذكر
عدد الرسائل : 1342
العمر : 27
بلدك اية : مصري 100%
تاريخ التسجيل : 21/11/2008

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الأربعاء أغسطس 18, 2010 2:53 pm

فعلاً ياسوما بس هى الارادة لو انتى عندك ارادة اجتهدى ونفذى
وانا هجتهد وانفذ وفلان لما يوشفنا هيجتهد وينفذ
لأنه فى كتير دخلوا الاسلام من سلوكه
فلو كل واحد وأجتهد وعرف سلوك الاسلام
صح ونفذه ان شاء الله ربنا هيكرمنا ونرجع فعلاً مسلمين عرب
بنحب بعض ومفيش ضغينة بينى وبين غيري
هى الاراده والاجتهاد والصلاة والسلام
عى رسول الله

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.frind.ahlamontada.com
قطرالندي
مشرف
مشرف
avatar

انثى
عدد الرسائل : 2381
العمر : 25
بلدك اية : EL_ARISH
تاريخ التسجيل : 19/05/2010

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الأربعاء أغسطس 18, 2010 7:42 pm

اقتباس :
فلو كل واحد وأجتهد وعرف سلوك الاسلام
صح ونفذه ان شاء الله ربنا هيكرمنا ونرجع فعلاً مسلمين عرب


اللهم اهدي جميع المسلمين يارب العالمين واجعل قلوبهم صافيه لايمانك
وقرأنك ياارحم الراحمين

مرسي جدا لمروركم فيصل وسوما
بارك الله فيكم جميعا
جزانا واياكم حسن الخاتمه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SARA
مشرف
مشرف
avatar

انثى
عدد الرسائل : 3051
تاريخ التسجيل : 01/11/2009

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   السبت أغسطس 21, 2010 11:11 pm

قيمتنا ....؟؟
تراب وهيرجع للتراب تانى
ولما نرجع الظالم بقى هيقول ياربى دة انا مقعدتش غير ساعة واحدة بس فالدنيا
واللى المفروض يحصل او يعملة التراب انة لازم يفتكر انة تراب مصدرة الارض
مينفعش يعصى ربنا اساسا مينفعش بكل المقاييس لانة ترااااااب
دى قيمتنا من وجهة نظرى

_________________








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيصل
المشرف العام
المشرف العام
avatar

ذكر
عدد الرسائل : 1342
العمر : 27
بلدك اية : مصري 100%
تاريخ التسجيل : 21/11/2008

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الأحد أغسطس 22, 2010 1:38 am

ربنا يهدي ولا حول ولاقوة الا بالله

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.frind.ahlamontada.com
قطرالندي
مشرف
مشرف
avatar

انثى
عدد الرسائل : 2381
العمر : 25
بلدك اية : EL_ARISH
تاريخ التسجيل : 19/05/2010

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الأحد أغسطس 22, 2010 2:38 am

بحترم وجهة نظرك طبعا ياساره
اللهم امين يارب علي دعاء فيصل
بس بالنسبه لساره فقيمة الانسان بجد
وقيمة نفسنا بجد زي ماقال فيصل في اول اجابه ليه
قيمة الانسان فى دينه
قيمة الانسان فى سُنة رسول الله
وقبل كل شئ قيمتنا فى قرآننا
بس بتمني من ربنا قبل كل ده اننا نراجع نفسنا
مش عيب اننا نغلط لكن العيب اننا نعدي غلطنا ومنراجعش نفسنا عليه ونتعلم منوا
ليه ليه منقفش ولو نفرغ لنفسنا يوم واحد نراجه فيه نفسنا وحياتنا اللي احنا عايشنها حتي لو كنت كل حياتنا فيها كتير غلطات وذنوب لما نصفي نيتنا قدام ربنا سبحانه وتعالي ونراجع نفسنا
كل شئ هيتغير للاحسن
بس خلي عندنا اراده في كل شئ صح ونقف بيه قدام الغلط ومنخافش من الحق والصراه اللي قالنا عليها الرسول صلي الله عليه وسلم
مش نقول تراب احنا فعلا اتخلقنا من طين وهنرجع ليه بس قيمتنا في حياتنا في دنيتنا
اكيييييد بقرأن وايمانا لله عز وجل
اللهم احسن خاتمتنا جميعا يارب العالمين

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SARA
مشرف
مشرف
avatar

انثى
عدد الرسائل : 3051
تاريخ التسجيل : 01/11/2009

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الأحد أغسطس 22, 2010 3:07 am

اولا السلام عليكم
طبعا يا قطر كلامك مش غلط ولا كلام فيصل ومعلقتش على حاجة
بالعكس كلامكو صح جدااا وطبعا دى حاجة مفيهاش نقاش ان قيمتنا فقرانا
وسنتنا بدليل تركت فيكم ما ان تمسكتم بة لن تضلو بعدى ابدا كتاب الله وسنتى....
دى حاجة مفيهاش نقاش ولا ابداء راى اساسا
كلامى بقى اولا قبل ما تكون وجهة نظرى هى وجهة دكتورنا وعالمنا الشيخ حازم شومان
ومن قبل الدكتور حازم شومان كلام ربنا
انا فكلامى لو اخدتى بالك من كلمة مينفعش نعصى انا مردتش اتكلم كتير ع اساس انة هيبقى المعنى مفهوم..
يعنى مستوعبة كلمة المعصية كلمة رهييييييييبة ومعناها كبييير جدا
لو احنا فعلا عرفنا قيمة نفسنا واننا ولا شىء واننا تراب وركزنا اوى فمراحل خلقنا
وفنفس الوقت عرفنا قيمة ربنااااا اللى خلقنا
صدقينى والله مكناش عملنا الذنوب اللى فحياتنا دى كلها
((وما قدرو الله حق قدرة))
وبالتالى هيترتب علية ان مفيش ولا حاجة من اللى قولتى عليها فوق كانت هتحصل
من رشاوى للاهانة النبى ل.ل.ل.ل.ل.ل وماخفى كان اعظم
ومن اعمالكم سلط عليكم سواء بقى من ربنا او من البشر اللى بيهنونا وبيهينو نبينا
يعنى مكونش عارفة انا ميييين؟؟؟ واللى بعصية واتجرأت على معصيتة مين ؟؟
وربنا هيبعد عننا كل دة ؟؟؟ حتى مفيش لا عقل ولا منطق بيبقبل كدة
يبقى قيمتنا نعرف نفسنا كوويس احنا مين وربنا مين ؟؟؟
عشان يبقى عندنا وقتها نخوووووووة ونقدر ندافع عن نبينا وسنتة ونطبقهاا
وكل المشاكل اللى قلتى عليها دى تختفى
ووقتها يبقى عندنا شررف اننا نقول انا بتبع سنة حبيبى وكتاب ربى مش بالكلام بقى
بصى اسمعى الدرس دة وهتفهمى قصدى كوووووووويس جدا يمكن كلامى مش هيوصل
بس اتمنى بجد بجد انك تسمعية

http://www.way2allah.com/modules.php?name=Khotab&op=Detailes&khid=27677

_________________








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميرا مار
مشرف
مشرف
avatar

انثى
عدد الرسائل : 3406
العمر : 27
بلدك اية : فى قلب جـــدو .. رحمــــــــه اللــــــه ...
تاريخ التسجيل : 02/11/2009

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الأحد أغسطس 22, 2010 3:46 am

موضوعك كويس يا ندى
مشكوره عليه
انا متابعه الحوار اللى فيه
واللى عايزه اقوله ان كل واحد هيفكر بينه وبين نفسه ياترى ايه قيمتى
هيكون رده مختلف عن رد التانى والتانى مختلف عن التالت وهكذا
لكن فالنهايه كلنا رد واحد
كلنا بنوصل لنفس الهدف
يعنى لو انا هرد مثلا واقول ايه قيمتنا فالحياه
هقول ان قيمه الانسان فعقله وتفكيره
قيمه الانسان فكيفيه تعامله مع الامور بطريقه مظبوطه
الكلام كله دايره متكامله
يعنى فالبدايه ان قيمتنا فدينا وفسنه نبينا صلى الله عليه وسلم
وفقرانا زى ما قال فيصل
ومع البدايه ديه لازم نكون فاكرين
ان احنا من تراب وهتكون نهايتنا فالتراب ومش هيملي عنينا الا التراب زى ما ساره قالت
وكبنى ادمين لازم يبقا عندنا عقل ونمط تفكير معين وبالتالى ده برضه جزء فالدايره
ومش هتخلص الدايره عند كده
لا بالعكس
هتفضل اجزاءها كبيره ومتكامله
وفالنهايه كلنا هنوصل بالدايره ديه لنفس الهدف او الفكره
وبالنسبه لكلامك اللى قولتيه فالتوبيك
انه احنا بنعمل ايه لدينا غير اننا بنطالب مثلا بغلق صفحه
طيب كان فى حديث لكن بصدق انا مش متذكراه
يعنى فيما معناه ان اللى ميقدرش يغير منكر
بيكفي انه يحاول بقلبه
يعنى انا مثلا اه بطالب بغلق صفحه
غيري بيكسل انه يعمل بلاغ
غيري بيكسل انه ينشر دعاء او حديث مش هياخد منه ثوانى
تفتكري انتى ياندى
انا وانا بنت وعندى 19 سنه
ده انا لسه مكملتهمش
تفتكرى اقدر اعمل ايه غير كده
؟؟؟؟؟؟؟؟؟؟؟؟؟
بالنسبه للحكومه والناس اللى بتقتل بعض
يعنى اكيد انى مش فرحانه بشئ زى كده
اكيد انى بحس بغصه بتعصر قلبي
وانا شايفه همجيه وفتونه ع خلق الله

الكلام عندى كتير
لكن مش عايزه اطووول عشان محدش يزهق
بس كان القصد انى اقوووووول
ان كلنا دايره واحده بنكمل بعض
وكمان عايزه اشكر ساره ع حلقه الدكتور حازم
وجعلها الله في ميزان حسناتك
ومعلش للاطاله

_________________


ما اصعب ان تقف عكس الهواء.. لتخفي دمعتك وتتهم الهواء قائلا..دخل غبار في عيني !!






[b]SAD PRINCESS

[/b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قطرالندي
مشرف
مشرف
avatar

انثى
عدد الرسائل : 2381
العمر : 25
بلدك اية : EL_ARISH
تاريخ التسجيل : 19/05/2010

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الأحد أغسطس 22, 2010 4:49 am

مرسي ياساره علي توضيح الرؤيه لوجهة نظرك اللي كتبتيها في الاول
ومرسي ياميرامار علي مشاركتك معانا
ياجماعه عايزه اقولكم لو هنفضل نكتب ونعلق ونناقش هندايق نفسنا علي كلام بنكتبوا وبس
لكن احنا عايزين ده يتحول لفعل حتي لو هنبكي طول حياتنا واحنا بنراجع نفسنامش كفايا اكيد
سيدنا عمر رضي الله عنه لما كان بيصلي ديما قدام الكعبه كان دموعه سيول خشوعا للمولي عز وجل
وسيدنا عمر رضي الله عنه خليفة المؤمنين
فمبالكوا بانسان عادي ملوش اي هدف في الحياه ولا قادرين نواجهه الحق كلوا
اي نعم في دلوقتي عندنا داعيه اسلاميه كتير الحمدالله
وول اللي بيقولونا وينبهونا كل ساعه وكل دقيقه بس احنا بقي واغلبنامش هقول كلنا
لما نلاقي حلقه في التلفزيون علي قناة الناس او الرحمه او الفجر او او او بنحضرها ونسمعها للاخر بس ياريت تاثر فينا ولو لنسبه قليله وطبعا مبجمعش كلنابقول معظمنا
علشان كده بقول لازم كلنا كل المسلمين كل العرب كل العالم يراجع نفسوا ممكا من خارج المسلمين حد ربنا يهديه ويسلم بس لما يلاقي في الاسلام زي زمان ايام الرسول صلي الله عليه وسلم
لما نوحد بصفوفنا لما نمشي علي سنة كتاب الله وزرسوله عليه افضل الصلاة والسلام
لما نقول لللغلط لااااااا لما نكون واثقين من نفسنا ومن ايمانا لربنا
لما ولما ولما......
ولما برده يلاقوا فيناكل ده ويعرفوا اننا قويين بايمانا لله عز وجل وثقتنا فيه ورفع كلمة الحق الذي لا يعلوا عليها اي شئ في العالم وهي
لااله الاالله وحده لا شريك له
ومحمد صلي الله عليه وسلم نبينا ورسوله بلغنا الرساله وادي امانته ونصحنا جميعا

فكروا ولو دقيقه تخيلوا بس ان شفيع امة الاسلام باكملها عليه افضل الصلاة والسلام موجود دلوقتي وعايش معانا
ياتري ياتري ياتري كان كل ده حصل
طيب بقي هنقول لا مكانش كل ده حصل صح
طيب واللي شايفنا دلوقتي وشايف اللي جوانا واللي في ظاهرناوعالم بكل شئ بنعملوا وكل حرف بنقولوا ونيتنا ايه وخلقنا وخلق نبينا اللي احنا المفروض اننا نكون بنمشي علي سنته عليه الصلاة والسلام
واللي خلقه وخلقنا وخلق كل العالم في سبع ايام
وكمان الحمدالله احنامش في ايام الجاهليه لا وايه
ايام الجاهليه دي اللي بنقول عليها زمان كانت
وكانوا افتح مننا في الدين
لا احنا عندنا دلوقتي الجاهل اللي ميعرفش يفتح الكمبيوتر الجاهل اللي ميعرفش يكتب علي النت
الجاهل اللي ميعرفش يعمل اكاونت علي الفيس الجاهل اللي ميعرفش يتكلم انجلي\زي الجاهل اللي ميعرفش الموضه والمظاهر الجاهل اللي ...واللي ....واللي.....

اقولكم بقي ان الجاهل بصحيح اللي ميعرفش امور دينوا وميمعلش بسنة نبينا عليه افضل الصلاة والتسليم
الجاهل بصحيح اللي ميعرفش الضهر ولا العصر ولا المغرب ولا التراويح فيها كام ركعه الجاهل اللي ميعرفش يقرا القران بتجوبدالجاهل اللي مبيتعلمش من دروس الحياه اللي بناخدها منها
الجاهل اللي ميكونش رايح الكليه وطالب العلم لا يكون طالب التسالي والصحوبيه والمظاهر
يعني ايمنا دي ايام جاهليه عن ديننا وسنة نبينا عليه افضل الصلاة والسلام

احنا فعلا لما قالت ساره اتخلقنا من تراب وهنرجعلوا تاني بس
عملنا اللي يخلي التراب ده نور علينا في مماتنا وفي لقانا لوجه الله عز وجل
كلنا بنتمني نشوفوا وبنفكر كتير بس فكرنا قبل كل ده عملنا ايه علشان لما نشوفوا نستبشر بالجنه ونبتسم في وجهه سبحانه وتعالي علشان يبقي وشنا ابيض صافي بنقاء ايمانا لله عز وجل

واكتب ايه واقول ايه وهو اصلا مفيش فايده

يارب يارب يارب تقروا كلامي وتعملوا بيه مش لازم تعلقوا عليه اوتقولولي شكرا عليه لا االاهم انكم تفعلوا بيه

وربنا يهدينا جميعا يارب ويصلح حالنا جميعا ويصفي نفوسنا لبعض بايمان الله عز وجل وسنة حبيبه المصطفي الذي لاينطق علي الهوي ولكن موجود في قلوبنا

اللهم امين يارب العاليمن
اللهم تقبل منا واعفوا عنا وارزقنا الحكمه في الدين والمغفره والعتق من النار والفوز بجناتك وصفي قلوبنا ونيتنا لخالص وجهك الكريم ياارحم الراحمين
اللهم امين

سوري علي الاطاله بس يارب كلامي يجيب نتيجه
وجزاكم الله كل خير

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SARA
مشرف
مشرف
avatar

انثى
عدد الرسائل : 3051
تاريخ التسجيل : 01/11/2009

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الإثنين أغسطس 23, 2010 1:00 am

لا ميرسى ع واجب يا فندم الرؤية واضحة اساسا من غير توضيح
ونناقش وندايق لية يعنى ؟؟؟؟مبضايقيش انا
وبلاش يخونا التعبير من غير ما نقصد لما نيجى نتكلم عن دينا
وكلنا زى ما بتقول ميرا دايرة واحدة
ورمضان مبارك وربنا يتقبل منا ومنكم

وكل سنة وانتو طيبين معلش بقى جت متاخر بس انتوعارفين رمضان وكدة

_________________








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميرا مار
مشرف
مشرف
avatar

انثى
عدد الرسائل : 3406
العمر : 27
بلدك اية : فى قلب جـــدو .. رحمــــــــه اللــــــه ...
تاريخ التسجيل : 02/11/2009

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   الإثنين أغسطس 23, 2010 1:16 am

السلااااام عليكم

بصراحه انا مكنتش ناويه ارد ع التوبيك تانى
لكن كلامك محتاج للتعليق
كذا جمله فيه لفتت انتباهى
وعايزه اعلق عليها معلش استحملينى
ياجماعه عايزه اقولكم لو هنفضل نكتب ونعلق ونناقش هندايق نفسنا علي كلام بنكتبوا وبس
لكن احنا عايزين ده يتحول لفعل حتي لو هنبكي طول حياتنا واحنا بنراجع نفسنامش كفايا اكيد

احنا لما بنرد او نعلق او نناقش مبيبقاش مجرد كلام بيتكتب وخلاص
ولا ديه حاجه بتضايقنا
والمنتدى اساسا معمول للنقاش وتوضيح الاراء ووجهات النظر
وكل شاب سواء بنت او ولد بيحلم انه اللى بيقوله يتحول لفعل وميبقاش كلام من غير تنفيذ
لكن فى امور نقدر اننا نغيرها بايدينا وحاجات منقدرش
كل شاب يقدر انه يغير فنفسه وفشخصيته وفتصرفاته وطباعه
يعنى تغيير فالنفس
لكن فى حاجات منقدرش منقدرش منقدرش نغيرها
او مفيش فى ايدينا حاجه
وانا سالتك فردى اللى فات وقولتلك انا وانا بنت وعندى 19 سنه اقدر اعمل ايه لدينى
؟؟؟؟؟؟؟؟؟؟؟؟؟؟؟؟
لكنك مجاوبتيش عليا
هجاوبك انا
انا مينفعش انى اروح احارب مثلا ولا اجاهد ولا ولا ولا
لكن اقدر انى ابدا بنفسي
وبعد كده مثلا انبه اللى حواليا صحابي وزمايلي واهلى
اقدر انى ابعت دعوات لالغاء صفحات تسئ لنبي الرحمه صلى الله عليه وسلم
اقدر انى اما اشوف صاحبتى بتعمل حاجه غلط اقولها بلاش كده وباسلوب لين
يعنى اقدر اعمل اللى فالمستطاع
سيدنا عمر رضي الله عنه لما كان بيصلي ديما قدام الكعبه كان دموعه سيول خشوعا للمولي عز وجل
وسيدنا عمر رضي الله عنه خليفة المؤمنين
فمبالكوا بانسان عادي ملوش اي هدف في الحياه ولا قادرين نواجهه الحق كلوا

سمعت قبل كده فبرنامج للداعيه الشاب عمرو

بيقول فيه
ان الرسول صلي الله عليه وسلم قال للصحابه
ان اخر امه هتيجي للاسلام والمقصود بيها احنا
ان اى عمل صاااالح صغير هيعملوه هيكون مساوى لخمسين عمل عمله احد الصحابه
فتعجب الصحابه من قول الرسول
وسال احد الصحابه
لما يارسول الله
فقال لانهم لم يجدووونى معهم
يعنى احنا مش زيهم
لانهم كان معاهم افضل الخلق عليه الصلاه والسلام
لكن شوفى احناااا
اي نعم في دلوقتي عندنا داعيه اسلاميه كتير الحمدالله
وول اللي بيقولونا وينبهونا كل ساعه وكل دقيقه بس احنا بقي واغلبنامش هقول كلنا
لما نلاقي حلقه في التلفزيون علي قناة الناس او الرحمه او الفجر او او او بنحضرها ونسمعها للاخر بس ياريت تاثر فينا ولو لنسبه قليله وطبعا مبجمعش كلنابقول معظمنا

نحمد ربنااا ع وجودهم واختلافهم رحمه لينا
ياندى الناس ضعيفه تعبانه تايهه
نفسهم فخيط صغير يمسكوا فيه
واحنا الحمدلله بنستفاد وبنتعلم منهم
وجزاهم الله عنا كل خير
بس المفروض انك بدل ما تقولى ان نسبه قليله اللى بتستفاد
تقوووووولى اللى عارف ينصح غيره سواء جاره او صديقه او او او
وطبعا للصحاب تاثير كبير ع بعض
لما نقول لللغلط لااااااا لما نكون واثقين من نفسنا ومن ايمانا لربنا
مش لازم انى عشان اكون بقول للغلط لا

اكون بقولها علانيه او اقول يا جماااعه انا بقول للغلط لاااا
لا طبعا
كل واحد ربه اللى عالم بقلبه وبنيته
ولما برده يلاقوا فيناكل ده ويعرفوا اننا قويين بايمانا لله عز وجل وثقتنا فيه ورفع كلمة الحق الذي لا يعلوا عليها اي شئ في العالم وهي
لااله الاالله وحده لا شريك له
ومحمد صلي الله عليه وسلم نبينا ورسوله بلغنا الرساله وادي امانته ونصحنا جميعا

مهما يحصل هتفضل كلمه الحق عاليه
لا اله الا الله وحده لا شريك له
والحمدلله ع نعمه الاسلام


فكروا ولو دقيقه تخيلوا بس ان شفيع امة الاسلام باكملها عليه افضل الصلاة والسلام موجود دلوقتي وعايش معانا
ياتري ياتري ياتري كان كل ده حصل

مينفعش اصلا افضل اقول يااااه لو كان عليه افضل الصلاه والسلام موجود كان حصل ايه

لان مفيش مقارنه اصلااااااااااااااااا
ايام الجاهليه دي اللي بنقول عليها زمان كانت
وكانوا افتح مننا في الدين

؟؟؟؟؟؟؟؟؟؟؟؟؟؟؟؟؟؟؟؟

ازااااااااااى يا ندى
ازاى الجاهليه كانوا افتح مننا فالدين
هما اصلا كان عندهم دين
كان عندهم وعى دينى
؟؟؟؟؟؟؟؟؟؟؟؟؟؟؟؟
جمله غريبه بصراااحه
الجاهل اللي ميعرفش يعمل اكاونت علي الفيس الجاهل اللي ميعرفش يتكلم انجلي\زي الجاهل اللي ميعرفش الموضه والمظاهر الجاهل اللي ...واللي ....واللي.....
ده كلام نسبي ع فكره
ومش حكم مطلق
ده اللى عايشين فيه الناس الفاضيه التافهه اللى مخها فاضي

واكتب ايه واقول ايه وهو اصلا مفيش فايده
مين اللى قالك انه مفيش فاااايده



يارب يارب يارب تقروا كلامي وتعملوا بيه مش لازم تعلقوا عليه اوتقولولي شكرا عليه لا االاهم انكم تفعلوا بيه
احنا بنعلق عليه عشان نقول ارائنا ووجهه نظرنا
مش بغرض الشكر
فالشكر لله وحده

واللهم امين ع دعائك

_________________


ما اصعب ان تقف عكس الهواء.. لتخفي دمعتك وتتهم الهواء قائلا..دخل غبار في عيني !!






[b]SAD PRINCESS

[/b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قطرالندي
مشرف
مشرف
avatar

انثى
عدد الرسائل : 2381
العمر : 25
بلدك اية : EL_ARISH
تاريخ التسجيل : 19/05/2010

مُساهمةموضوع: رد: نداء لكل مسلم (ماهي قيمتنافي الحياه)اختكم في الله قطر الندي   السبت أكتوبر 23, 2010 8:10 pm

ميرا انتي فهمتي بعض الجمل من منظور تاني
علي العموم بارك الله فيك علي مشاركتكم ومناقشتكم معايا في الموضوع

ونقول اولا واخيرا قيمة الانسان
في دينه وقرانه
وربنا يهدينا جمعا ياااااارب

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نداء لكل مسلم (ماهي قيمتنافي الحياه)اختكم في الله قطر الندي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
& &( منتديات الاصدقاء )& & :: المنتدى الاسلامى :: الحب فى الله-
انتقل الى: