لماذا يصعب علينا الاعتراف بالحب؟؟؟؟؟؟؟؟؟؟؟؟؟؟؟؟؟؟

لماذا يصعب علينا الاعتراف بالحب؟؟؟؟؟؟؟؟؟

ما أصعب أن تــراقب من احببت يبتعد عنــك دون أن تملك القدرة على استبقائه..

ما أصعب صراخ القلب و أنين الحب وهو يلتقط أنفاسه الأخيرة ..

ما أصعــب أن يرحل عنك أعز الناس دون أن يعلم بحبك له ..

فأين الشفاء ساعتها وقد برح الداء وعز الدواء ..

أين المفر ساعتها وقد جرح القلب ونزفت العين ..

هذا ما يجنيه الصمت .. هذا ما تجنيه أنفسنا

لماذا يصعب علينا الاعتراف بالحب ..؟

أخوفا من الصد أم خوفا من أنفسنا أن تضعف فتختنق الحروف على الشفاه قبل أن تولد ..؟

لماذا نراقب من نحب يبتعد عنا ويرحل الى مكان بعيدا دون أن نصرخ ((أحبك فلا تتركني))

لماذا نصر على انتظاره ليقوم بحركة ما وعندما يرحل نندب أيامنا ونندم حين لا ينفع الندم ..؟

ما هي طريقتك في التعبير عن الحب ..؟

هل لديك الجرأة للاعتراف بالحب ومصارحة من تحب ..

أم تصمت وتراقب من بعيد وتنتظر أن تحصل معجزة ما تقرب قلبيكما دون أن تقوم بأدنى محاوله

هل تندم على كلمة حب انطلقت من أعماق قلبك وكان مصيرها الصد ..؟ أم تتخطى الأمر وتسعد بشرف المحاولة ..؟

هل لديك الجرأة للاعتراف بالحب ومصارحة من تحب ..

أم تصمت وتراقب من بعيد وتنتظر أن تحصل معجزة ما تقرب قلبيكما دون أن تقوم بأدنى محاوله

هل تندم على كلمة حب انطلقت من أعماق قلبك وكان مصيرها الصد ..؟ أم تتخطى الأمر وتسعد بشرف المحاولة ..؟

مشكورة كتيير ياقطر الندي انا بحييكي على الموضوع

بجد موضوع يريح القلب

انا بجد بشكرك
بس ساعات بيكون صعب الاعتراف

مش كده برده؟

اكيدطبعا ساعات بيبقي الصمت احسن والله اعلم انا مجربتش قبل كده
بس اكيد لو في حد شاغل البال وهو مش في دماغوا بيبقي صعب الاعتراف للنجاه من الانحراج
بس بيبقي حلم جميل مش اكتر
وفي الاخر ده نصيب

مرسي جدا علي مرورك الغالي
نورتي التوبيك
جزاكي الله كل خير

توبيك حلو والله يا ندى وفى حد ذاته جرأه
لماذا يصعب علينا الاعتراف بالحب ؟؟؟؟
عشان ثقافتنا ونشأتنا
هو ده اللى اتربينا وكبرنا عليه
وانا بتكلم من منطلق انى بنت
صعب اوى انك تروحى تقولى لحد انك بتحبيه
حتى لو كنتى حاسه انه بيحبك او حتى معجب بيكي
بس فكرى فيها شويه ؟؟؟
هتلاقي ان اللى اتربينا عليه هو الصح
البنت كبرياء وشموخ واحساس عالى

انتى بتقولى اخوفا من الصد ام خوفا من انفسنا ان تضعف فتختنق الحروف ع الشفاه قبل ان تولد ؟؟؟
مش ده السبب
بس برضه حاجه مش سهله ان حد يصدك او يتجاهل مشاعرك
يمكن كلمه الصد قليله فحروفها لكن معناها قاسي اوى

ولماذا نراقب من نحب يبتعد عنا ويرحل دون ان نصرخ احبك فلا تتركنى ؟؟؟
طب ماهو لو بيحبنى فعلا هيجيلي وهيعبرلى عن مشاعره بالاصول والاخلاق
ولو مجاش وبعد يبقا انا مش هبكي واصرخ عليه
لانه معنى كده انه محبنيش او حبنى بس مقدرش ياخد الخطوه
يبقا شخصيته ضعيفه وغير قادر ع تحمل مسئوليه وتنفيذ قراراته
يبقا هتبقى الحياه فاشله واستمرارها صعب جداااااا
ومع اول قرار مصيرى حياتنا هتنهار

لماذا نصر ع انتظاره ليقوم بحركه ما وعندما يرحل نندب ايامنا ؟؟؟
انا مفهمتش اوى السؤال بصراحه
يعنى تقصدى ايه بالحركه
لو بتقصدى موقف يحصل منه يعبر عن حبه
فهقول ان لو هو بيحبنى فمش هيكتفى انه يعمل حركه او موقف
لا
هيكون عنده اصرار انه يفوز بيا
وانى اكون ملكه حياته

ماهى طريقتك للتعبير عن الحب ؟؟؟
يعنى انا شايفه ان مش من الضرورى ان البنى ادم يعبر بالافعال او حتى الكلام
لان اكيد احساسك اللى حواليكي بيحسوه
وكمان يا ندى فى جمله قديمه كده كنت بسمعها كتير
وهى ان اللى بيحب ديما عينيه بتفضحه
يمكن لما بنسمعها بنضحك
بس هى جمله حقيقيه فعلا
وانتى ممكن تحسي بحب اللى قدامك من عينيه
وبرضه اللى قدامك هيحس بيكي من عينيكي
ومش العيون وبس
اللى بيحب بتبقا كل حاجه فيه بتنطق بحبه وبتعبر عنه
وبتكون من غير قصد

هل لديك الجرأه للاعتراف بالحب ومصارحه من تحب ام تصمت وتراقب من بعيد وتنتظر ان تحصل معجزه لتقرب قلبيكما دون ان تقوم بادنى محاوله ؟؟؟؟
شوفى يا ندى هى الجرأه موجوووووده لكن الخجل مطلووووووب
وسمه مهمه اوى
يعنى حتى لو انا عندى الجرأه فانى اصارح شخص بحبي ليه
فمش هاحد الخطوه ديه ابدااااااااااااااا
وكل واحد بيشوف نصيبه اللى مكتوبله
هل تندم ع كلمه حب انطلقت منك وكان مصيرها الصد ؟؟؟
مش عارفه بصراحه
بس الحياه دروس وبنتعلم منها

ثااااااااانكس ع التوبيك
وده كان رأيي

ورايك جميل جدا وهو ده الصح فعلا
مرسي جدا لمرورك ميرامار
جزاكي الله كل خير

مشرف عدد الرسائل : 3051 تاريخ التسجيل : 01/11/2009

للاسف معنديش اجابات عالاسئلة
لانى مش معترفة بوجودة من الاساس

بس الجملة دى جامدة

ما أصعب أن تــراقب من احببت يبتعد عنــك دون أن تملك القدرة على استبقائه

لانة فعلا محدش يقدر على الموت او انة يقف قدام القدر
موضوع جميل قطر الندى
تسلم الايادى

على فكرة حبه اني ادخل ارد تاني
الموضع لذيذ

تسلم ايدك يا ندي

شوفت كلام ميرا عجبني علشانه لذيذ وواقعي
انا واقعية شوية مش بحب اعيش في الخيال

بس ممكن الناس تقول على اللى مش بيحلم بيكون مش انسان او ممكن يقولوا انه من غير قلب

خايفة احلم وحلمي مش يتحقق

بس حاسة انه مش ضروري

حاولوا تعيشوا الواقع

اريح صدقوني

كلامك مريح جدا ميرا وكلام سارة

لو في ردود تانية هدخل واشوفها وهكلمك يا قطر الندي
بس ضروري تكلميني انتى كمان وتناقشيني

جزانى الله واياكى يا ندى كل خير

جومانا يا جميله
مرسي ع كلامك الذوق
وربنا يريح قلبك ديما
بس هناقشك فكلامك شويه بعد اذنك
انتى قولتى انك عجبك كلامى لانه لذيذ وواقعى
بس انا مش واقعيه ابدااااااااا والله
وجايز تكون ديه مشكله او اكيد انها مشكله
لانى مببقاش شايفه الوضع الصحيح للامور
بس فنفس الوقت مينفعش اننا منحلمش
مش عشان الناس هتقول ان اللى مبيحلمش مش انسان ومعندوش قلب
لا الناس تقول زى ما هى عايزه
وكلنا عندنا قلوب وبنحس اوى كمان
بس لان مفيش حد مبيحلمش
عشان احنا لازم نحـــــــــــــلم
والا الحياه هتبقا اصعب واصعب
وكلنا خايفين اوى من المستقبل وع المستقبل
بس لو محلمناش مش هنعرف نتخيل المستقبل ونرسمه لمجرد اننا خايفين
ولحظات الاحلام ديه بتبقا اجمل لحظات والله
انا عارفه انى بميل ساعات كتير للخيال
وانى بعيش نفسي فعلا فحلم حباه ونفسي يتحقق
ومره واحده افتح عيني الاقينى لسه فمكانى ومتحركتش
اكيد ساعتها بتضايق من الواقع اللى انا فيه بس احساسي بالحلم اللى عايزاه بيبقا اجمل واجمل
متخافيش انك تحلمى يا جومانا
لان طول مانتى خايفه مش هتحققي اللى انتى عايزاه
وكلنا حلمنا كتير قبل كده والحلم متحققش
بس الحياه موقفتش ع كده
وجو اون
واحنا كمان جو اون معاها
وربك هيكرمنا

شكرا ميرا كتير على كلامك
ريحتي قلبي
هحاول احلم يمكن حلمي يتحقق
وميرسي مرة تانية ليكي ياقطر الندي
وليكي ميرا مار فتحنا حوار لذيذ أوي

مرسي لمروركم نورتوا التوبيك

» لماذا يطلق علينا اعضاء في المنتدي؟؟
» فلسفتى بالحب..............
» كرسي الاعتراف
» كرسى الاعتراف 2 ( sara )
» الجراااح دين علينا