& &( منتديات الاصدقاء )& &
مرحبا ًزائرنا الكريم
هذه الرسالة تفيد إنك غير مشترك أو لم تسجل دخولك بعد
لاتنسي تسجيل دخولك حتي تتمكن من المشاركة



مع تحيات ادارة منتدى الاصدقاء
احمد فهمى


& &( منتديات الاصدقاء )& &
 
الرئيسيةالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أفضل 10 أعضاء في هذا المنتدى
ميرا مار
 
احمد فهمى
 
SARA
 
قطرالندي
 
نادين
 
cute girle
 
nuty girl
 
جنا
 
الشاعر الطيب
 
احمد الخليلى
 
المواضيع الأخيرة
المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 71 بتاريخ الجمعة يونيو 01, 2012 3:17 pm

شاطر | 
 

 حبيتك لالتزامك...كلمات راقية جدا هتعجك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
SARA
مشرف
مشرف
avatar

انثى
عدد الرسائل : 3051
تاريخ التسجيل : 01/11/2009

مُساهمةموضوع: حبيتك لالتزامك...كلمات راقية جدا هتعجك   الخميس يوليو 08, 2010 7:12 pm

بيتك لإلتزامك . . . . . . . . . . . . حبيتك لاحترامك
حبيت فيكي التواضع . . . . . . . . . . . . والعزة اللي ف كلامك
مبسوط منك لأنك . . . . . . . . . . . . إسلامك كل همك
أنا أصلي قابلت بابا . . . . . . . . . . . . واداني فكرة عنك
وسألته عن طباعك . . . . . . . . . . . . إن كانت يعني هادية
فحكالي عن سماعك . . . . . . . . . . . . لكلامه وانت راضية
وازاي بتسلي نفسك . . . . . . . . . . . . بذكرك وانت فاضية
وحلاوة صوت تلاوتك . ... ....... . . وازاي بتكوني شادية



* * *


وسألته إن كنتي فاهمة . . . . . . . . . . . . معنى كلمة زوجين
قالي هتكونوا ورقة . . . . . . . . . . . . مطبوعة نسختين
غني كنت أو فقير . . . . . . . . . . . . ليك عند بنتي دين
سرك هيكون في بير . . . . . . . . . . . . معرفش مكانه فين
تفضل دايماً كبير . . . . . . . . . . . . في نظرها حبتين
لو جيت بفلوس كتير . . . . . . . . . . . . تطمن جت منين
* * *



هتكون دايماً معاها . . . . . . . . . . . . سيرتك هتكون هواها
والشوق اللي ف خيالك . . . . . . . . . . . . تلقاه لحظة لقاها
لو جيت زعلان ف مرة . . . . . . . . . . . . إرمي همومك وراها
ومهما شوفت بره . . . . . . . . . . . . مش هتشوف مستواها
واطمن يابني خالص . . . . . . . . . . . . عقلها مافيهوش تفاهة
وزي ما هي بنتي . . .. . . . . . . . . . بنت حماتها وحماها



* * *


وسألته عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . . . . . . . . فسألته يعني إيه؟!
قاللي العادي إللي كان . . . . . . . . . . . . عند الناس من زمان
العادي بتاع سراقة . . . . . . . . . . . . وحذيفة بن اليمان
العادي بتاع أسامة . . . . . . . . . . . . وابن الحكيم لقمان
ده العادي بتاعنا إحنا . . . . . . . . . . . . بنربي عليه عشان
لو جينا ولا رحنا . . . . . . . . . . . . هنقابل الرحمن
عمرك ما تخاف عليهم . . . . . . . . . . . . ولادك في الأمان
أنا بنتي هتربيهم . . . . . . . . . . . . ع السنة والقرآن
هتشوف ابنك بيصحى . . . . . . . . . . . . مادام سمع الأذان
ينزل في الفجر يقرا . . . . . . . . . . . . بالسجدة والانسان
هتشوف في حجاب بناتك . . . . . . . . . . . . العفة والإحسان
هتشوف إزاي مراتك . . . . . . . . . . . . هتعينك إنت كمان



* * *


وسألته عن حياتك . . . . . . . . . . . . من قبل الالتزام
قال أتذكر في ليلة . . . . . . . . . . . . مش فاكر أنهي عام
أذان الفجر أذن . . . . . . . . . . . . وقالتلي سيبني أنام
فدخلت الأوضه جوه . . . . . . . . . . . . أجيب منها الحزام
وعبال ما رجعت تاني . . . . . . . . . . . . كات رجعت ف الكلام
الله يجازي الشيطان . . . . . . . . . . . . خلاها تقول أنام
بس اطمن خلاص . . . . . . . . . . . . دلوقتي بقت تمام!



* * *


قلتله طيب ياعمي . . . . . . . . . . . . يسعدني أقولك إني
بطلب بنتك ونفسي . . . . . . . . . . . . تناسبني وترضى عني
راح شادد فجأه لبسي . . . . . . . . . . . . وقلب وشه وسألني



* * *


حافظ كم جزء يابني . . . . . . . . . . . . وقاري كم كتاب
احكيلي كده عن مؤتة . . . . . . . . . . . . أوغزوة الأحزاب
وسمع كم حديث . . . . . . . . . . . . في الأخذ بالأسباب
وكمان سمعلي آيه . . . . . . . . . . . . ذكرت فيها الدواب
ولو شايفها صعبة . . . . . . . . . . . . قللي بتاعة الذباب
واحكيلي حلم يوسف . . . . . . . . . . . . وبراءة الذئاب
واخواته لما جولوه . . . . . . . . . . . . دخلوا من أنهي باب
واديني فكرة برضه . . . . . . . . . . . . بتقبض كم ثواب
وناوي ازاي تحسن. . . . . . . . . . . أنا شايفك لسه شاب



* * *


وسأل نفسه وسألني . . . . . . . . . . . . هيعوز إيه يعني مني؟
لو عندي كل حاجه . . . . . . . . . . . . وديني مش شاغلني
أحسن لك تنسى بنتي . . . . . . . . . . . . ومهرك مش لازمني
قلتله صبرك ياعمي . . . . . . . . . . . . وبراحتك امتحني
يبقى اما أسأل تجاوب . . . . . . . . . . . . خليك دايماً فاهمني
سألتك وانت ساكت . . . . . . . . . . . . خليتني أظن ظني
وفضل يسأل واجاوب . . . . . . . . . . . . وعشان خاطرك عصرني
وظهرت النتيجة .. . . . . . . . . . . . وبفضل الله قبلني



* * *


قاللي مقبول في نظري . . . . . . . . . . . . مبروك عليك ياسيدي
لكن في نظرها هي . . . . . . . . . . . . نجاحك مش بإيدي
وهي زمانها راجعة . . . . . . . . . . . . من تمرين السويدي
خليك قاعد شوية . . . . . . . . . . . . استنا لما تيجي
هعملك من إيديا . . . . . . . . . . . . كباية شاي صعيدي



* * *


سابني وقعدت أفكر . . . . . . . . . . . . هل ممكن ترفضيني
طاب قولي حتى أفكر . . . . . . . . . . . . مش يمكن تفهميني
وفضل مخي يلاعبني . . . . . . . . . . . . يجيبني ويوديني
وخايف م المقابلة . . . . . . . . . . . . مرعوب بينك وبيني
ودق الباب في ثانية . . . . . . . . . . . . وشوفتك مرة تانية
مش قادر أنسى يومها . . . . . . . . . . . . وفاكر كل ثانية



* * *


ونده والدك عليكي . . . . . . . . . . . . عشان أول لقاء
دخلتي وشوفت وشك . . . . . . . . . . . . عليه نور الحياء
نور والله فعلاً . . . . . . . . . . . . مش نور بودرة وزواء
كان أول مرة أخاف . . . . . . . . . . . . من فتنة النساء
أخلاقك مش عادية . . . . . . . . . . . . وجمالك كان شفاء



* * *


قعدتي جنب والدك . . . . . . . . . . . . وسألتيني وجاوبتك
وفكل مرة أجاوب . . . . . . . . . . . . كنت باشوف ابتسامتك
ف أقول من جوه نفسي . . . . . . . . . . . . يارب أكون عجبتك
وبعد شوية قمتي . . . . . . . . . . . . ندهت عليكي مامتك
ورحتي دخلتي جوه . . . . . . . . . . . . وراح وراكي والدك
وانا قلت مش مروح . . . . . . . . . . . . غير لما أكون خطبتك



* * *


وابوكي جاني تاني . . . . . . . . . . . . وقرب من وداني
لابس كرفته سوده . . . . . . . . . . . . وبدله لون فراني
المنظر يعني كله . . . . . . . . . . . . ميدلش ع التهاني
قلتله مالك ياعمي . . . . . . . . . . . . من فضلك قول عشاني
عرقي غرقلي كمي . . . . . . . . . . . . سايبني ليه أعاني
قاللي مستني إيه . . . . . . . . . . . . فين إيدك إديهاني
البنت مش موافقة . . . . . . . . . . . . تتجوز حد تاني



* * *


كان أول مرة أعرف . . . . . . . . . . . . إزاي الناس بتفرح
سعادتي كات غريبة . . . . . . . . . . . . مش ممكن هقدر أشرح
من كتر حبي ليكي . . . . . . . . . . . . نويت أضحي وادبح
رحت اشتريت خروف . . . . . . . . . . . . وكان خروف بينطح
ده أخيراً هبقى جوزك . . . . . . . . . . . . وشجرة صبري تطرح



* * *


خطوبتنا كات بسيطة . . . . . . . . . . . . مكانش فيها زيطة
وفرحنا كان في جامع . . . . . . . . . . . . يعني مش خلطبيطة
ومامتك جت في يومها . . . . . . . . . . . . ورقعت كام سويطة
هاتولي بنتي منه . . . . . . . . . . . . دي مش فاهمة العبيطة
إنه هيخطفها مني . . . . . . . . . . . . وهتوحشني الغتيتة



* * *


صعبت عليا مامتك . . . . . . . . . . . . الموقف كان شديد
لكن فعلاً خطفتك . . . . . . . . . . . . ورحنا مكان بعيد
فاكرة ولا انتي ناسية . . . . . . . . . . . . أكيد فاكرة أكيد
من يوم ما بقيتي زوجتي . . . . . . . . . . وانا متهني وسعيد
معايا ف كل يوم . . .. . . . . . . . . . ويوم لؤاكي عيد
عمرك ما دقتي نوم . . . . . . . . . . . . وانا تعبان أو مريض
فلوسي كات بتكتر . . . . . . . . . . . . والخير عندك يزيد
وعامله ليه دفتر . . . . . . . . . . . . ومرتبه المواعيد
وبفضل الله قدرتي . . . . . . . . . . . . وجبتيلي الوليد
وبعديها بشوية .. . . . . . . . . . . . جبتيلنا عليه يزيد
وبعديه جت سمية . . . . . . . . . . . . وآخرهم كان حميد



* * *


بدعيلك كل يوم . . . . . . . . . . . . وأفضل أعيد وازيد
ربيتي عيالي دول . . . . . . . . . . . . ع القرآن المجيد
طول عمرك وانتي صافية . . . . . . . . . . . . قلبك لون الجليد
أخلاقهم مش عادية . . . . . . . . . . . . طلعنلك مش بعيد
وليد دلوقتي ضابط . . . . . . . . . . . . ومعاه رتبة عقيد
ودعوة قلبي صابت . . . . . . . . . . . . ويزيد أهو مات شهيد
وبنتك صيدلية . . . .. . . . . . . . . وحميد أصبح معيد
الله برحم أبوكي . . . . . . . . . . . . راجل من نوع فريد
كل اللي قاله فيكي . . . . . . . . . . . . أنا عشته بالتحديد






* * *








عشت معاكي ف حكاية . . . . . . . . . . . . أحلى وأجمل رواية


حكايتي كات معاك . . . . . . . . . . . . وحكايتك كات معايا


اديتك كل عمري . . . . . . . . . . . . وهمك كان رضايا


وعمرك خدته منك . . . . . . . . . . . . وقربك كان دوايا


وخلاص العمر راح . . . . . . . . . . . . راحت أيام صبايا


ومسافر رحله صعبة . . . . . . . . . . . . وزادي مش كفايه


مش عاوز أشوف دموعك . . . . . . . . . . بالذات ف يوم عزايا


أنا عارف إنتي عارفة . . . . . . . . . . . . إن الموت مش نهاية


دي لسة الرحلة طالعة . . . . . . . . . . . . والموت خط البداية


إدعيلي يمكن أوصل . . . . . . . . . . . . وأشوف هناك حمايا


أنا عارف إنه فيها . . . . . . . . . . . . محجوزله هناك سرير





وسلامي في النهاية . . . . . . . . . . . . أنا خلصت الحكاية


لو يوم فكرتي فيه . . . . . . . . . . . . إقري شعري وغنايا


وأمانه ف كل مرة . . . . . . . . . . . . تدعي لي بالهداية


عسى ربي بدعائك . . . . . . . . . . . . يغفر ليا الخطاي














اللهم ارزق شباب المسلمين زوجات صالحات وارزق بناتهم أزواجا صالحين


كلمات راقية


مما اعجبنى اتمنى انة يعجبكو






_________________








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشاعر الطيب
مشرف
مشرف
avatar

ذكر
عدد الرسائل : 1683
العمر : 25
بلدك اية : مصر
تاريخ التسجيل : 16/05/2010

مُساهمةموضوع: رد: حبيتك لالتزامك...كلمات راقية جدا هتعجك   الخميس يوليو 08, 2010 11:19 pm

توبيك جميل بل كلمات جميله ورقيقه جدااااااااااااااااااااااااااااااااا


مشكورة ساره عالتـــــــــــــــــــــــــــــــــــــــــوبيك



تقبلي مروري

_________________
أخر مره بقولك وأسمع أوعى تكون بتفكر ترجع ..
إبعد عني وسيبني أرتاح إنت بتكدب إنت بتخدع
كنت بحبك حب جنون لما تقولي بحبك موت ..
كنت بغني عشان تسمعني وإنت بتكره فيا الصوت
إسمع أخر كلمه في حقك أيوه ورحمة قلبي كرهتك ..
بعد ما شوفت بعيني حقيقتك قلبي خلاص
مابقاش من حقك


..................................................................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lala
صديق ذهبى
صديق ذهبى
avatar

انثى
عدد الرسائل : 1217
العمر : 20
بلدك اية : العريش
تاريخ التسجيل : 05/12/2009

مُساهمةموضوع: رد: حبيتك لالتزامك...كلمات راقية جدا هتعجك   الجمعة يوليو 09, 2010 12:12 am

توبيك روووووووووووووووعه

تسلم ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SARA
مشرف
مشرف
avatar

انثى
عدد الرسائل : 3051
تاريخ التسجيل : 01/11/2009

مُساهمةموضوع: رد: حبيتك لالتزامك...كلمات راقية جدا هتعجك   السبت يوليو 10, 2010 11:42 pm

جزاكم الله كل خير عالمرور
ويارب تكون الكلمات عجبتكو
نورتو الصفحة

_________________








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد الخليلى
المشرف العام
المشرف العام
avatar

ذكر
عدد الرسائل : 1519
العمر : 26
بلدك اية : ارض الفيروز
تاريخ التسجيل : 20/04/2009

مُساهمةموضوع: رد: حبيتك لالتزامك...كلمات راقية جدا هتعجك   الأحد يوليو 11, 2010 1:01 am

بجد معانى فى غاية الروعة
بس للاسف مش ده اللى الناس ماشية عليه
كله بيبص ع الماديات
وهى الماديات تسوى ايه من غير دين
ولا اخلاق ولا حتى معاملة
كله بيبص لوظيفة حكومية وشقة وعربية
والناس كلها بتعانى من الاخلاق اللى هى
ولا حتى بعد جواز كان هو وهى راضية
وازاى بعد دا كله تبقى الماديات قوية
وبعد كده الفساد بلاجيال اللى جاية
وازاى تلاقى اصلاح والامة لسه نايمة
والامة لسه ناسية دينها ونقول عجيبة
ماهى اصل تبقى عيبة
واحد من غير فلوس يتجوز بنتى ريما
دا اسيبها تتبهدل احسن او حتى تبقى شيبة
ومليش دعوة بدينه ودى حاجة مش غريبة
بس ده كله راجع للغلط فى التنشئة للاجيال
يارب ارزقنا الزوجة الصالحة واصلح شأن جميع زوجات المسلمين
واجعلهم بداية لهداية الاجيال اللى جاية


_________________

.......................................................................................................................................................................

ليًسِتِ مٍشُگلتِيً............. إنٍ لمٍ يًفٍهُمٍ آلبُعُضَ مٍآ أعُنٍيًهُ.......
وٍليًسِ بُآلضَرٍوٍرٍهُ مٍآ أرٍسِلهُ.............يًعُگسِ حِيًآتِيً آلشُخٍصِيًهُ

......................................................................................................................................................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.frind.ahlamontada.com
SARA
مشرف
مشرف
avatar

انثى
عدد الرسائل : 3051
تاريخ التسجيل : 01/11/2009

مُساهمةموضوع: رد: حبيتك لالتزامك...كلمات راقية جدا هتعجك   الأحد يوليو 11, 2010 8:49 pm

امييييييييييييييييين

كلام جميل جدااااا
جزاك الله كل خير كل خير عالتعليق الجميل دة
بجد نورت الصفحة

_________________








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قلبى ملك ربى
صديق ذهبى
صديق ذهبى


انثى
عدد الرسائل : 598
العمر : 25
بلدك اية : egypt
تاريخ التسجيل : 01/01/2010

مُساهمةموضوع: رد: حبيتك لالتزامك...كلمات راقية جدا هتعجك   الإثنين سبتمبر 20, 2010 3:53 pm

تحفففففففففففففففففففففففففففففففففففففففففففففففففففففففه
بجد الله ينور عليكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
HOR
صديق ذهبى
صديق ذهبى
avatar

انثى
عدد الرسائل : 966
العمر : 26
بلدك اية : بلدي في قلوب احبابي
تاريخ التسجيل : 01/11/2009

مُساهمةموضوع: رد: حبيتك لالتزامك...كلمات راقية جدا هتعجك   الإثنين سبتمبر 20, 2010 8:55 pm

رائع يا ساره
يسلم ايدك
بجد توبيك تحفه جداااااااااااااااااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SARA
مشرف
مشرف
avatar

انثى
عدد الرسائل : 3051
تاريخ التسجيل : 01/11/2009

مُساهمةموضوع: رد: حبيتك لالتزامك...كلمات راقية جدا هتعجك   الإثنين سبتمبر 20, 2010 9:23 pm

مروركو الارووووووع بجد نورتو صفحتى
قلبى ملك ربى
حوووووووور
ميرسى ع المرور الجامد دة

_________________








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قطرالندي
مشرف
مشرف
avatar

انثى
عدد الرسائل : 2381
العمر : 24
بلدك اية : EL_ARISH
تاريخ التسجيل : 19/05/2010

مُساهمةموضوع: رد: حبيتك لالتزامك...كلمات راقية جدا هتعجك   الثلاثاء سبتمبر 21, 2010 1:19 am

بسم الله ماشاء الله
توبيك وحكايه في غاية الروعه وتسلم ايدك لانها فعلا تستاهل انها تبقي من المواضيع المميزه في المنتدي

فعلا الاسره ورب الاسره بيرجع للمرأه لانها المسئول الاول والاخير عن تربية الاولاد وعن سعادت وراحت زوجها
كل واحد بيتمني ان زوجتوا تبقي ملتزمه وتعرف تحافظ عليه وتقدر يعني ايه بيت ومسئوليه واطفال وتربايه
ويعني ايه تصون اسم زوجها وازاي تخلي بيتها جنه من جنان الرحمن بطاعتهم لله عز وجل والتزامهم بامور دينهم
وقبل ماتكون ملتزمه في بيت زوجها تكون متربيه علي الشئ ده في بيت اهلها واللي بينشئ في بيت ملئ بالايمان والدين ويترب يعلي كده والاددب والاخلاق هو اللي هيقدر معني الكلام ده ويعرف ليه الشاب ده كان طاير بزوجتوا من فرحتوا بيها
وفي شئ عجبني فيها كلها عجبتني بس اللي ابهرني بجد في الحكايه دي انوا لما سال والدها عنها مقالش ليه جميلة الشكل ولا لا خلي الشكل اخر حاجه يفكر فيها او بمعني اصح مفكرش لانوا لما راح وكان مستنيها كان بيتمني وبيسال نفسوا وهو محتار بيقولياتري هتوافق عليا ولا لا ده دليل ونموذج للشاب اللي يقدر معني الحياه ويعرف ان الدنيا دي دار اختبار وليس اختيارفيتذكر انها فانيه ويعمل ليقدم لله عز وجل معامله فيالاخره

واسفه علي الاطاله جدا بس الموضوع مما نال اعجابي جدا وبتمني انوا يبقي من ضمن المواضيع المميزه في المنتدي وانوا يتعمل قسم خاص للمواضيع المميزه ويتوضع في هذا التوبيك الرائع

واسفه مره تانيه علي الاطاله

بارك الله فيكي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SARA
مشرف
مشرف
avatar

انثى
عدد الرسائل : 3051
تاريخ التسجيل : 01/11/2009

مُساهمةموضوع: رد: حبيتك لالتزامك...كلمات راقية جدا هتعجك   الثلاثاء أكتوبر 12, 2010 9:43 pm

وبارك فيكى يارب
جزاكى الله خير عالمرور
نورتــــــى الصفحة

_________________








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حبيتك لالتزامك...كلمات راقية جدا هتعجك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
& &( منتديات الاصدقاء )& & :: الادب والشعر والخواطر :: قسم الخواطر-
انتقل الى: